Newcastle Klúbburinn á Íslandi

Slúðrið

26.Mars

Michael Silvestre og Wes Brown eru á innkaupalista Newcastle samkvæmt Sunday Mirror. Tveir leikmenn Benfica eru einnig á innkaupalistanum hjá Newcastle. Það eru þeir Luisao og Nelson báðir varnarmenn og er nokkuð ljóst að Roeder ætlar sér að styrkja vörnina fyrir næsta tímabil.

25.Mars

Glenn Roeder og njósnarar Newcastle voru nú um helgina að skoða nokkra leikmenn sem Roeder hefur augastað á. Roeder fór til Portúgal og sá heimamenn vinna Belgíu 4-0. Talið er að Roeder hafi sýnt Joao Moutinho og Nani leikmönnum Sporting sérstaka athygli einnig var Jorge Andrade leikmaður Deportivo skoðaður. Njósnarar Newastle sáu svo leik Hollands og Rúmeníu og voru Hollendingarnir Klaas Jan Huntelaar og Ryan Babel annarsvegar og Rúmeninn Razvan Rat hinsvegar sem voru undir smásjánni. Þá fór yfirnjósnari Newcastle David Mills á leik Brasilíu og Chile og var að fylgjast með Juan varnarmanni Brasilíu.

23.Mars

Oguchi Onyewu fær ekki samning hjá Newcastle að tímabilinu loknu samkvæmt enskum netmiðlum í dag. Onyewu hefur verið á láni frá Belgíska liðinu Standard Liege frá því í janúar. Wigan er tilbúið að gera Antoine Sibierski samningstilboð ef Newcastle gerir það ekki fljótlega.

20.Mars

Enn einu sinni er Anton Ferdindand orðaður við Newcastle í netmiðlum á Englandi. Hertha Berlin er sagt hafa áhuga á að fá Emre til sín í sumar. Nolberto Solano er enn að bíða eftir nýjum samningi hjá Newcastle en hann verður samningsleus í sumar, Solano hefur líst yfir áhuga á að vera eitt ár í viðbót hjá félaginu.

17.Mars

Freddy Shephard hefur lofað Glenn Roeder að standa við bakið á honum við endurnýjun á vörn Newcastle í sumar en vörn Newcastle hefur verið akkilesarhæll liðsins undanfarin ár og þykir mönnum nú nóg komið. Leikmenn eins og Titus Bramble, Stephen Carr, Celestine Babayaro og Craig Moore eru líklegir til að fara frá Newcastle í sumar. Besti markmaður deildarinnar Shay Given á betur skilið en að vera með þessa vörn fyrir framan sig. " Þeir standa sig vel og ég er ánægður með þá, maður heldur að þeir hafi lært og svo kemur skellur. Þeir gera sömu mistökin aftur og þau eru ansi dýrkeypt" segir Glenn Roeder.

11.Mars

The Sun segir frá því að Chelsea hafi spurst fyrir um Stephen Taylor í janúarglugganum og vildu skipta á Taylor og Shaun Wright Phillips. Newcastle hafði ekki mikinn áhuga á þeim pakka samkvæmt The Sun. Jonathan Woodgate mun líklega semja við Middlesbrough en Glenn Roeder hafði áhuga á að næla í hann frá Real Madrid. Woodgate virðist því hafa meiri áhuga á að spila með einu leiðinlegasta liði ensku úrvalsdeildarinnar.

8.Mars

Lítið hefur um að vera í slúrðinu undanfarna daga. Það hefur helst verið að fjalla um brotthvarf margra leikmanna frá West ham í sumar fari svo að þeir falli sem er ansi líklegt. Menn eins og Ferdinand, Ashton og Reo Coker hafa allir verið orðaðir við Newcastle. Þá var Freddy Ljungberg orðaður við Newcastle í morgun en sú frétt var kveðin í kút fljótlega.

1.Mars

Anton Ferdinand varnarmaður West Ham er sagður vera á förum frá Upton Park í sumar eftir að Alan Curbishley og Ferdinand lenti saman eftir leik West Ham gegn Charlton þar sem West Ham tapaði illa 4-0 . Ferdinand var orðaður við Newcastle í janúarglugganum og hefur Glenn Roeder miklar mætur á Ferdinand en hann var einmitt stjóri hjá West Ham þegar Ferdinand var að stíga sín fyrstu spor með aðalliði West Ham.

21.feb

Newcastle og Arsenal eru sögð hafa áhuga á Ghana landsliðsmanninum Ahmed Barusso sem leikur með Rimini í serie B á Ítalíu. Barusso er frá út leiktímabilið vegna meiðsla en er líklegur að yfirgefa Rimini í sumar.

Þá hefur Roeder einnig áhuga á varnarmanni Fiorentina Dario Dainelli en samningur hans við Fiorentina rennur út í sumar. Þá hefur Roeder ekki gefið upp vonina að fá til sín hinn efnilega Garreth Bale varnarmann Southampton í sumar.

13.feb

Nigel Reo Coker leikmaður West Ham er orðaður við Newcastle í netmiðlum á Englandi í dag. Sagt er að Newcastle þurfi að borga 5 milljónir punda fyrir kappann. Reo Coker er sagður óánægður á Upton Park og gæti hugsanlega farið frá West Ham í sumar.

8.feb

Sögum þess efnis að Newcastle hafi boðist til að leikur AC Milan gegn Celtic í 16 liða úrslitum meistaradeildarinnar fari fram á St James Park hafa verið bornar til baka af forráðamönnum Newcastle í dag en eins og menn vita er allt á öðrum endanum á Ítalíu vegna ólátanna sem átti sér stað um daginn og í kjölfarið voru fjölmargir leikvangar á Ítalíu dæmdir ótryggir fyrir áhorfendur þar á meðal San Siro heimavöllur Milan og Inter.

1.feb

Albert Luque var búinn nánast kominn til PSV á síðasta degi félagsskiptagluggans og var búið að ganga frá samningsatriðum á milli PSV og Newcastle en þar sem Glenn Roeder tókst ekki að fá Frederic Piquionne að láni frá St Eteinne þá vildi Roeder ekki missa Luque og verður hann þá enn um sinn á St James Park. Telja má þó öruggt að Luque fari frá Newcastle í sumar.

29.jan

Glenn Roeder hefru staðfest áhuga sinn á franska sóknarmanninum Frederic Piquionne(29ára) sem leikur með franska liðinu St Eteinne og hafa lið eins og Lyon, Paris Saint Germain, West Ham, Tottenham og Real Betis einnig haft áhuga á Piquionne

28.jan

David Rozehnal varnarmaður hjá Paris SG er orðaður við bæði Newcastle og Bolton í dag. David Rozehnal er tékkneskur landlismaður.

22.jan

Glenn Roeder er sagður hafa haft mikinn áhuga á að fá Curtis Davies varnarmann WBA til sín núna í janúar og hefur verið talað um að Titus Bramble fari til WBA í skiptum fyrir Davies.

20.jan

Glenn Roeder segir að það hann muni fá lánaða tvo leikmenn núna í janúar. Titus Bramble,Celestine Babayaro og Damien Duff verða líklega orðnir leikfærir fyrir næsta leik sem verður gegn Aston Villa

19.jan

Ryan Babel leikmaður Ajax hefur undanfarið verið orðaður við Newcastle, þessi tvítugi hollendingur er hinsvegar líklegur til að semja við Ajax um áframhaldandi samning. Þá var sagt frá því að Newcastle hafi boðið 6 milljónir punda í Matthew Upson varnarmann Birmingham en West Ham er einnig að reyna krækja í kappann.

11.jan

Hér er smá listi af leikmönnum sem eru orðaðir við Newcastle þessa dagana. Matthew Upson(Birminham), Callum Davenport(Tottenham), Marco Andreolli(Inter Milan), Aaron Hughes(Aston Villa), Jermie Aliadiere(Arsenal), Steven Warnock(Liverpool), Chris Riggot(Middlesbro), Anton Ferdinand(West Ham) Shaun Wright Phillips(Chelsea) Wes Brown(Man Utd), Lassana Diarra(Chelsea) Gerals Cid(Bordaux) svo er bara að bíða og sjá hvort einhver af þessum leikmönnum láti sjá sog á St James Park.

8.jan

Kirean Richardson leikmaður Man Utd hefur verið orðaður við Newcastle undanfarið og það er líklegt að hann komi á láni frá Man Utd. Þá er Lassana Diarra lekmaður Chelsea og Gerald Cid bakvörður Bordaux einnig orðaðir við Newcastle á láni til enda tímabilsins.

6.jan

Enn á ný kom sá orðrómur á kreik að Newcastle ætli að bjóða í Darren Bent sóknarmann Charlton. Alan Pardew hinn nýráðni stjóri Charlton viðurkenndi um helgina að það væri möguleiki á að hann þyrfti að selja Bent og er Newcastle talið líklegast að krækja í kappann og er verðmiðinn á honum á bilinu 8-12 milljónir punda. Það verður fróðlegt að fylgjast með því hvort Freddy Shephard muni opna budduna nú í janúar og splæsa í einhverja leikmenn. Ég vona allavega að það verði keyptur einn eða tveir varnarmenn til okkar þá helst bakverði bæði hægri og vinstra megin. Þó svo að Solano hafi spilað hægri bakvörð undanfarið þá er hann fyrst og fremst miðjumaður. Þeir félagar Steve Carr og Celestine Babayaro eru einfaldlega ekki nógu góðir að mínu mati. Ég vona að Roeder reyni að næla í Wayne Bridge hjá Chelsea en hann er ekki að fá að spila marga leiki með rússaveldinu. Ég er sérstaklega ánægður með ungu strákana þá Huntington og Edgar sem eru efnilegir strákar og eiga framtíðina fyrir sér, þá hefur Steve Taylor verið að spila sérstaklega vel í miðverðinum í vetur og verður ekki langt þangað til að hann kemst í landsliðshóp Englendinga.

4.jan

Shaun Wright Phillips er ofarlega á óskalista Glenn Roeder núna í janúarglugganum en Eggert og félagar í West Ham hafa einnig áhuga á kappanum.Wes Brown (Man Utd), Lassana Diarra (Chelsea) eru orðair við Newcastle í dag. Talið er að Newcastle þurfi að borga 3 milljónir punda fyrir Brown en Chelsea ætlar að lána Diarra út tímabilið.31.

31.desdes

Það er nóg um að vera í slúðrinu þessa dagana enda er janúar glugginn á næsta leiti. Þeir sem eru orðaðir við Newcastle á netmiðlum í dag eru Lucas Neill varnarmaður Blackburn,Matthew Upson varnarmaður Birmingham og James Beattie sóknarmaður Everton. Þá hefur Joey Barton verið orðaður við Newcastle undanfarna daga en Roeder hefur borið þær sögusagnir til baka.

29.des

Á vefsíðu BBC er sagt að Peter Crouch gæti verið á leiðinni til Newcastle en Liverpool vill fá 12 milljónir punda fyrir hann(sem er hlægilega hátt verð).

Þá er einnig sagt að Newcastle og Tottenham séu að slást um að fá Giles Barnes leikmann Derby sem á að kosta um 3 milljónir punda. Að lokum er Aston Villa og Newcastle að berjast um Curtis Davies leikmann WBA en hann á að kosta um 6 milljónir punda.

26.des.

Ensku miðlarnir greindu frá því í dag að West Ham hefur hug á því að fá Scott Parker til sín í janúar í skiptum fyrir Nigel Reo Coker. Glenn Roeder sagði að þessi frétt væri brandari. "Ég gerði Parker ekki að fyrirliða og ætla svo að selja hann til einhvers annars, ég sé fram á að Parker verði fyrirliði Newcastle í mörg ár." Sagði Roeder. Þá var greint frá því að John Carew sókanarmaður Lyon væri á óskalista Roeder

17.des

Newcastle er ásamt Wigan og Liverpool orðað við 18 ára sóknaleikmann QPR Ray Jones. Kappinn er 193cm á hæð og hefur skorað 5 mörk með á sínu fyrsta tímabili með aðaliði QPR. Þá er hann í u19 ára landliði Englands. Jones rennur út á samning næsta sumar og er talið líklegt að QPR vilji fá pening fyrir Jones í Janúar

15.des

Það er mikið fjallað um að Bandarískir auðkýfingar(Polygon) ásamt Svissneskum banka hafi boðið bjóða 227 milljónir punda í Newcastle og að tilboðið hafi verið samþykkt. Talsmenn Newcastle hafa neitað þessum fréttum í dag og segja að ekkert tilboð hafi verið samþykkt.

10.des

Íslúðrinu í dag er fjallað um að Newcastle muni bjóða 2 mlljónir punda í Mark Viduka sóknarmann Middlesbro sem á 6 mánuði eftir af samningi sínum. Þá er einnig sagt frá því að Newcastle muni reyna að kaupa Jonathan Woodgate næsta sumar en hann er í láni hjá Middlesbro frá Real Madrid. Þá er Newcastle sagt vera undirbúa tilboð í Peter Crouch leikmann Liverpool.

7.des

Newcastle er mikið orðað við Alexander Kerzhakov
sóknarleikmann Zenith St Petersburg þessa dagana og vilja Rússarnir fá um 3,5 milljónir punda fyrir kappann.

5.des

Portsmouth hefur hug á Titus !

Portsmouth hefur mikinn áhuga á að fá Titus Bramble í sínar raðir eftir áramótin þegar sala hefst á leikmönnum. Bramble er laus allra mála hjá Newcastle um áramótin og getur því farið án nokkura kvaða, nema honum verði boðin samningur.

Sem stendur hefur Newcastle ekki boðið honum nýjan samning. En hlutirnir geta gerst hratt eins og við höfum oft orðið vitni að. Fram kemur að Roeder hefur áhuga á að gera nýjan samning við Titus.

5.des

Andriy Shevchenko orðaður við Newcastle !!!Það getur of verið skemmtilegt að fylgjast með vangaveltum og tilbúningi slúðursdálkanna. Það nýjasta er að Andriy Shevchenko sé orðaður við Newcastle að láni eftir áramótin. Blöðin gera að því skóna að hann hafi ekki getað fundið sig á Stamford Bridge.

En haft er eftir Roeder: "Shevchenko er frábær leikmaður sem allir klúbbar væru sáttir við að hafa í sínum röðum. En ég hef ekkert rætt við Chelsea og mun ekki hafa samband við þá vegna þessa " " Ég er hræddur um að ýmsar vangaveltur helgarinnar séu nánast fantasíur" Segir Roeder.

4.des

Milner fer örugglega frá Newcastle.

James Milner fer örugglega frá Newcastle eftir áramótin til Aston Villa. En haft er eftir honum að hann hafi ekki verið sáttur við að leika á St. James Park. Milner var orðaður við Villa Park í ágúst en þau mál gengu öll til baka þegar Mark Viduka ákvað að halda kyrru fyrir hjá Middlesbrough.

3.des

The daily mail segir frá því að Newcastle hafi áhuga á því að fá Darren Bent sóknarmann Charlton í skiptum fyrir Milner og Carr. Og þá er einnig sagt frá því að Roder hafi áhuga á Kevin Davies sóknarmanni Bolton sem hefur ekki enn skrifað undir nýjann samning hjá Bolton. Freddy Shephard er ekki líklegur til að spreða stórum fjárhæðum í leikmannakaup í janúar eftir að hafa eytt um 40 milljónum punda á síðustu 18 mánuðum í leikmenn (Owen,Luque,Duff og Martins)

1.des

Newcastle og West Ham eru sögð hafa áhuga fyrir Aldo Duscher miðjumanni hjá Deportivo La Coruna sem hefur ekki fengið að spreyta sig mikið með Deportivo undanfarið.

30.nóv

The Sun skýrir frá því í dag að Arsenal hafi mikinn áhuga að fá Charles N´Zogbia til sín í janúar en Roeder hefur sagt að N´Zogbia fari hvergi enda er hann einn sá efnilegasti hjá Newcastle.

29.nóv Newcastle er í dag orðað við Wes Brown varnarmann Man Utd fyrir 4 milljónir punda. Brown ku vera orðinn þreyttur á því að verma varamannabekkinn hjá Man U. Þá er Newcastle einnig orðað við Lassana Diarra leikmann Chelsea en hann er varnarsinnaður miðjumaður, Marseille og Lille eru einnig sögð hafa áhuga fyrir kappanum.

28.nóv.Glenn Roeder neitaði þeim sögum að Shaun Maloney leikmaður Celtic sem hefur verið orðaður við Newcastle undanfarið og Lomano Lua Lua væru á leiðinni til St.James Park í Janúar.

28.nóv. Það er ýmislegt í gangi í slúðurfréttum í dag. Marlon Harewood framherji West Ham er orðaður við Newcastle í félagsskiptaglugganum í janúar og er talað um að James Milner fari til West Ham í skiptum en West Ham hefur sýnt honum áhuga undanfarið. Einnig er Mario Melchiot fyrrum leikmaður Chelsea orðaður við Newcastle en hann leikur með Rennes í Frakklandi núna. þá er talað um að Villarreal vilji fá Albert Luque til sín í janúar fyrir 3-4 milljónir punda.

Yiannakis Okkas

26.nóv. Enn einn sóknarmaðurinn var orðaður við Newcastle í fréttum í dag og í þetta sinn er það Yiannakis Okkas leikmaður Olympiakos í Grikklandi

Diego Forlan

24.nóv. Diego Forlan er orðaður við Newcastle í netmiðlum í dag. Talað er um að Newcastle þurfi að borga 10 millur fyrir kappann sem hefur staðið sig með miklum ágætum með Villarreal á spáni.

23.nóv. Newcastle komst áfram í UEFA keppninni í kvöld(fimmtudag) með 2-1 sigri á Celta. Canobbio kom gestunum yfir með marki á 9 mínútu. Newcastle jafnaði með góðu skallamarki frá Sibierski á 37 mínútu sem fékk góða sendingu frá Milner. Það var svo Steven Taylor sem skoraði sigurmarkið á 86 mínútu eftir hornspyrnu frá Luque. Newcastle er efst í sínum riðli með 9 stig eftir 3 leiki og á einn leik eftir gegn Frankfurt en er engu að síður búið að tryggja sig áfram í keppninni.

Liðið var þannig skipað gegn Celta

Given, Solano, Bramble, Taylor, Ramage, Milner, Butt (Parker 65), Emre (Martins 70), N'Zogbia, Luque, Sibierski.
Varamenn sem ekki komu inná: Harper, Huntington, Edgar, Carroll, Troisi.

Sibierski fagnar hér marki sínu gegn Celta.

Steven Taylor fagnar hérna sigurmarkinu gegn Celta

Fernando Ricksen

22.nóv . Nýjasti leikmaðurinn sem Newcastle er sagt hafa áhuga á er Hollendingurinn Fernando Ricksen hjá Rangers. Ricksen er 30 ára varnarmaður og er í láni hjá Zenith St Petersburgh þar sem hann er ekki inní myndinni hjá Paul Lu Guen stjóra Rangers.

Zenith telur sig hafa gert samning við kappann en Lu Guen segir að það sé undir honum sjálfum komið hvað hann vilji gera. Ricksen var kosin leikmaður ársins í Skotlandi tímabilið 2004/5 ásamt John Harston.