Newcastle Klúbburinn á Íslandi

Fréttir í ágúst 2007

31.Ágúst

Tveir inn og tveir út á síðustu stundu

Það er óhætt að segja að mikið hafi gerst á síðustu klukkutímunum áður en leikmannamarkaðurinn lokaði í kvöld. Nolberto Solano var seldur til West Ham (litla Newcastle) og Paul Huntington var seldur til Leeds. Kaupverð er ekki uppgefið á báðum leikmönnum. Newcastle fékk svo til sín tvo leikmenn, Senegalana Habib Beye (29 ára) frá Marseille og Abdoulaye Feye(29 ára) frá Bolton, báðir eru varnarmenn gerðu þeir þriggja ára samning við Newcastle. Kaup verð er ekki staðfest en er í kringum 3 milljónir punda hvor. Það er mikill missir í Solano enda hefur hann verið mjög vinsæll á St James Park en hann vildi líkt og Kireon Dyer flytja nær fjölskyldu sinni. Solano spilaði 315 leiki fyrir Newcastle og skoraði í þeim 48 mörk. Það er alveg hægt að skilja afhverju Huntington vildi komast frá félaginu enda samkeppnin um stöðurnar í vörninni orðin ansi hörð en ég hefði frekar kosið að lána hann út tímabilið frekar en að selja hann. Huntington spilaði 11 leiki með Newcastle og skoraði eitt mark.

(FB)

31.Ágúst

Newcastle - Wigan

St James Park

Laugardaginn 1 sept kl 14:00

Big Sam hefur nokkra leikmenn meidda fyrir leikinn gegn Wigan um helgina. Ramage, Carr, Babayaro, Barton, og Duff eru enn frá og svo hlaut Emre einhver smávægileg meiðsli í leiknum gegn Barnsley og er óvíst hvort hann verði með um gegn Wigan. Given verður væntanlega í byrjunarliðinu eftir að hafa spilað í 90 mínútur gegn Barnsley. Þeir félagar Titus Bramble og Antoine Sibierski mæta með Wigan á fyrrum heimavöll sinn og vonandi sýnir Bramble okkur varnarleik sem hann varð þekktur fyrir þegar hann spilaði með Newcastle. Sibierskii hefur spilað mjög vel með Wigan og hefur hann skorað 3 mörk í þremur leikjum. Í leik liðana á síðasta tímabili sigraði Newcastle 2-1 með mörkum frá Parker og Ameobi.

Dómari leiksins verður Steve Bennett.

Hópurinn er eftirfarandi:

Given, Harper, Enrique, N'Zogbia, Rozehnal, Taylor, Cacapa, Edgar, Milner, Geremi, Butt, Smith, Emre, Pattison, Viduka, Martins, Ameobi, Owen.

(FB)

29.Ágúst

Newcastle - Barnsley 2-0

Owen 57, Martins 86

Owen mættur til leiks

Michael Owen opnaði markareikninginn sinn á þessu tímabili í kvöld í bikarleik gegn Barnsley á St James Park. Newcastle hafði þó nokkra yfirburði gegn Barnsley en náðu þó ekki að skora fyrr en á 57 mínútu þegar Ameobi átti góða sendingu á Owen sem skoraði af stuttu færi. Þar með lauk 20 mánaða bið hjá Owen að skora fyrir Newcastle í alvöru leik. Eins og áður sagði hafði Newcastle mikla yfirburði og fengu Butt N´Zogbia og Ameobi góð færi til að skora en það var ekki fyrr en á 86 mínútu að Martins sem hafði nýkomið inná fyrir Owen skoraði annað mark Newcastle og var það af betri gerðinni. Martins tók boltann á lofti með hægri fæti eftir góða sendingu frá Solano og markmaður Barnsley átti ekki möguleika. Jose Enrique spilaði sinn fyrsta leik í kvöld fyrir Newcastle og stóð sig með prýði. Þar með fékk N´Zogbia að spila vinstra megin á miðjunni. Emre, Cacapa, Given, Solano og Ameobi spiluðu í fyrsta sinn í byrjunarliðinu á tímabilinu. Þess má geta að Mike Ashley var aftur mættur á völlinn í kvöld í Newcastle treyjunni sinni.

Lið Newcastle í kvöld: Given, Solano, Cacapa, Taylor, Enrique, Emre(Butt 51), Geremi, Smith (Edgar 87), N´Zogbia, Owen(Martins 83), Ameobi.

Varamenn: Harper, Huntington.

Gult Spjald: Smith.

Skot á mark: Nufc 13 - Barnsley 2

Áhorfendur: 30.523 (fleiri en voru á Riverside um síðustu helgi.

(FB)

29.Ágúst

Newcastle - Barnsley

St James Park

Miðvikudag kl 18:45

Michael Owen og Shola Ameobi koma til með að byrja inná í kvöld þegar Newcastle mætir Barnsley í annarri umferð deildarbikarsins á St James Park í kvöld. Vinstri bakvörðurinn Jose Enrique spilar sinn fyrsta leik og Emre mun spila einnig eftir að hafa jafnað sig á meiðslum sínum. Hópurinn gegn Barnsley er eftirfarandi: Harper, Given, Solano, Enrique, N'Zogbia, Rozehnal, Taylor, Cacapa, Milner, Geremi, Butt, Smith, Emre, Pattison, Viduka, Martins, Ameobi, Owen.

(FB)

29.Ágúst

Big Sam vonast eftir að fá tvo leikmenn

"Ég er nokkuð viss um að fá einn en vonandi tvo leikmenn áður en markaðurinn lokar á föstudaginn. Við erum að vinna á fullu svo að þetta geti gerst. Við misstum tvo varnarmenn um helgina og við erum á eftir tveimur leikmönnum þessa stundina" sagði Big Sam á heimasíðu Newcastle í dag. Þeir leikmenn sem mest er talað um að séu á leið til Newcastle eru Faye hjá Bolton, Glen Johnson og Lassana Diarra hjá Chelsea og svo er minnst á Habib Beye hjá Marseille. Nú er bara að sjá hvað kemur í hús hjá Newcastle fyrir lokun á föstudag.

(FB)

27.Ágúst

Big Sam "Okkur vantar varnarmenn"

Eftir að hafa misst þá Carr og Ramage báða meidda útaf gegn Boro um helgina er nokkuð ljóst að okkur vantar varnarmenn. Þeir verða báðir frá í nokkrar vikur þó er ekki enn ljóst hversu lengi Ramage verður frá en hann virtist meiðast illa og verður væntanlega lengi frá. Carr hinsvegar meiddist aftan í læri og er talað um sex vikur hjá honum. Það hefur mikið verið skrifað um varnarmann Bolton Abdoulaye Faye og er reiknað með því að hann verði kominn í raðir Newcastle í vikunni. Leikmannamarkaðurinn lokar næstkomandi föstudag og verður nóg að gera hjá stjóranum þessa viku.

(FB)

27.Ágúst

N´Zogbia líkar lífið á St James

Frakkinn ungi Charles N´Zogbia hefur byrjað mjög vel í nýrri stöðu hjá Newcastle á þessu tímabili. Hann hefur skorað tvö glæsileg mörk í þremur leikjum og hann segist vera sáttur að spila vinstri bakvörð undir stjórn Big Sam. "Þetta er ný staða fyrir mig vegna þess að ég er vanur að spila á vinstri kanti eða á miðjunni. En stjórinn bað mig að spila í vörninni og ég er bara sáttur við það. Síðasta tímabil var ekki gott fyrir mig svo lengi sem ég er inná vellinum þá er mér alveg sama" sagði frakkinn knái Charles N´Zogbia.

(FB)

27.Ágúst

Mike Ashley á vellinum

Eigandi Newcastle var á The Riverside í gær og horfði á sína menn gera 2-2 jafntefli við Middlesbro.

Ashely var mættur í Newcastle búning merktum Smith- 17 og studdi sína menn ákaft í leiknum og fagnaði mikið þegar N´Zogbia skoraði fyrra mark Newcastle enda stórglæsilegt mark hjá honum. Big Sam sat hjá þeim félögum Chris Mort og Mike Ashley uppi í stúku og sagði hann að Ashley hefði skemmt sér vel á leiknum.

(FB)

26.Ágúst

Middlesbrough - Newcastle 2-2

Mido 28, Arca 80 - N´Zogbia 22, Viduka 77

Jafntefli á Riverside

Það var nokkuð dýrkeypt stigið sem Newcastle náði í dag gegn Boro en bæði Carr og Ramage þurftu að fara útaf vegna meiðsla.

Newcastle komst tvívegis yfir gegn í dag Boro en heimamenn náðu að jafna í bæði skiptin. N´Zogbia skoraði glæsilegt mark á 22 mínútu með hægrifótar skoti rétt fyrir utan teig (sjá mynd). Boro jafnaði stuttu seinna með marki frá Mido sem var nokkur rangstöðufnykur af. Það var ekki mikið um færi í leiknum þó sérstaklega í fyrri hálfleik. Staðan 1-1 í hálfleik og leikurinn opnaðist aðeins meira í seinni hálfleik. Newcastle komst svo yfir í annað sinn í leiknum á 77 mínútu þegar Viduka skoraði sitt fyrsta mark fyrir Newcastle þegar hann fékk góða sendingu frá Geremi og snéri á Woodgate á markteig og setti boltann í markhornið. Julio Arca jafnaði svo metin á 80 mínútu eftir að varnarmenn Newcastle náðu ekki að hreinsa almennilega frá markinu eftir horspyrnu heimamanna. Michael Owen sem hafði komið inná fyrir Martins þegar um 20 mínútur voru eftir fékk ágætis færi til að koma Newcastle yfir í þriðja sinn en hitti boltann ekki nógu vel. jafntefli varð niðurstaðan og kannski sanngjarnt á heildina litið. Newcastle taplaust eftir þrjá leiki í deildinni og komnir með 5 stig. Það sem mér fannst ótrúlegt að sjá á Riverside að hvað það voru mörg auð sæti á vellinum, en maður hefði haldið að í grannaslag sem þessum væri uppselt á völlinn. Næsti leikur Newcastle er á þriðjudag gegn Barnsley í deildarbikarnum og má reikna með því að Big Sam breyti liðinu töluvert í þeim leik. Lið Newcastle í dag:

Harper, Carr (Ramage 6) (Cacapa 58), Taylor, Rozehnal, N'Zogbia, Butt, Geremi, Smith, Milner, Martins(Owen 72), Viduka.

Varamenn: Given, Ameobi.

Gul spjöld: Butt, Milner, Smith

Áhorfendur: 28,875

Maður leiksins: Charles N´Zogbia
(FB)

25.Ágúst

Middlesbroug - Newcastle

The Riverside

Sunnudaginn 26 Ágúst kl 12:30

Það er hart barist um framherjastöðurnar hjá Newcastle núna enda eru þeir allir heilir Owen, Viduka, Ameobi og Martins. Emre er byrjaður að æfa á fullu og verður væntanlega á bekknum. Shay Given, Celestine Babayaro, Damien Duff og Joey Barton eru enn frá vegna meiðsla. Newcastle tapaði 1-0 á Riverside á síðasta tímabili með marki frá Yakubu. Hópurinn: Harper, Forster, Carr, N'Zogbia, Rozehnal, Taylor, Ramage, Cacapa, Enrique, Solano, Milner, Geremi, Butt, Smith, Emre, Viduka, Martins, Ameobi, Owen.

(FB)

25.Ágúst

Luque til Ajax

Martröð spánverjans Albert Luque hjá Newcastle er á enda eftir að Ajaz og Newcastle hafa komist að samkomulagi um kaupverð á Luque. Þetta kemur fram á heimasíðu Ajax í dag. Luque gerir þriggja ára samning við Ajax og verður hann til 2010 hjá þeim. Kaupverðið er óuppgefið.

(FB)

23.Ágúst

Landsliðs yfirferð

Michael Owen og Alan Smith spiluðu báðir í tæpan klukkutíma með enska landsliðinu á Wembley gegn Þýskalandi í 1-2 tapi en Steven Taylor sat á varamannabekknum og kom ekki inná. Stephen Carr spilaði allan leikin með írska landsliðinu í 0-4 sigri gegn Danmörku á Parken. David Rozehnal spilaði allan leikinn með Tékklandi í Austurríki í 1-1 jafntefli. Emre spilaði 42 mínútur með Tyrklandi í 2-0 tapi í Rúmeníu. David Edgar kom ekki við sögu með Kanada í leiknum gegn Íslandi sem endaði 1-1. Allir leikmennirnir komu ómeiddir til baka eftir að hafa spilað með sínum landsliðum.

(FB)

22.Ágúst

Mike Ashley hefur engan hug á að selja Newcastle

Talsmaður Newcastle segir að þær sögusagnir um að þeir Jón Ásgeir og Pálmi Haraldsson séu að reyna kaupa Newcastle séu á engan hátt sannar. Chris Mort stjórnarformaður Newcastle hefur einnig sagt í viðtölum að það sé enginn áform um að selja félagið og að þetta sé langtíma verkefni hjá Mike Ashley en ekki skjótfenginn gróði.

(FB)

22.Ágúst

Big Sam ósáttur við landsliðsþjálfara Tyrkja

Emre var valinn í landslið Tyrkja sem mætir Rúmenum í vináttuleik í kvöld og Big Sam er ekki sáttur við að Emre skyldi vera valinn í landsliðshóp Tyrkja. Emre hefur ekki spilað leik með Newcastle á þessu tímabili og er nýbyrjaður að æfa eftir erfið meiðsli. "Landsliðsþjálfarinn sagði mér að hann myndi spila 45 mínútur og ég ætla að vona að sú verði raunin"

(FB)

22.Ágúst

Taylor í skýjunum

"Það er frábært að vera í þessum hóp, að horfa yfir þennan hóp og sjá leikmenn sem ég horfði á í sjónvarpinu þegar ég var ungur og að fá að spila með þeim er algjör draumur. Ég þurfti a' hringja í Michael til að vera viss um að þetta var enginn vitleysa. En ég tek eitt skref í einu því þetta er mikið skref uppá við fyrir mig að fara úr 21 árs landsliðinu í aðalliðið" sagði Taylor í viðtali á heimasíðu Newcastle í dag.

(FB)

22.Ágúst

Slúðrið í dag

# Alex Ferguson ætlar að bjóða í Obafemi Martins til að bæta sóknarleik Man Utd sem hefur bara skorað eitt mark í þremur leikjum.

# Papa Boupa Diop miðjumaður Fulham er á leið til Newcastle.

# Bolton og Newcastle hafa ekki komist að samkomulagi með verð á Abdoulaye Faye.

# PSV ætlar að reyna að fá Albert Luque til sín en þeir voru næstum búnir að fá hann til sín undir lok síðasta tímabils.

# Big Sam ætlar að kaupa tvo varnarmenn áður en félagsskiptaglugginn lokar 31 ágúst.

# Watford hefur áhuga á að fá Nolberto Solano.

(FB)

18.Ágúst

Newcastle - Aston Villa 0-0

Tilþrifalítið jafntefli

Það var varnarleikurinn sem var í fyrirrúmi í dag á St James Park þegar Aston Villa kom í heimsókn í fyrsta heimaleik tímabilsins. Það var ekki mikið um opin færi í leiknum en Villa fengu hættulegri færi og Steve Harper varði í tvígang mjög vel frá sóknarmönnum Villa. David Rozehnal fékk besta færi heimamanna í leiknum þegar átti þrumuskot úr miðjum vítateig en Scott Carson sem er í láni frá Liverpool varði glæsilega frá honum. Það var mikið fagnað á St James Park þegar Michael Owen var skipt inná fyrir Martins á 63 mínútu. Ekki er hægt að segja að Owen hafi settt mark sitt á leikinn frekar en aðrir sóknarmenn Newcastle í dag, Villa spilaði stífan varnarleik og áttu heimamenn erfitt með að skapa sér opin færi. James Milner var sá sem skapaði mestu hættuna í sóknarleik Newcastle í dag og verður gaman að fylgjast með honum í vetur. Claudio Cacapa komst í sögubækurnar hjá Newcastle þegar hann kom inná fyrir Geremi undir lok leiksins en Cacapa varð þúsundasti leikmaður Newcastle frá upphafi. Big Sam sagði að það hefði verið vonbrigði að fá ekki fleiri færi í leiknum en það er mikilvægt að halda markinu hreinu og það er sterkur grundvöllur að byggja á.

Lið Newcastle : Harper, Carr, Rozehnal, Taylor, N'Zogbia, Smith, Butt, Geremi (Cacapa 90), Martins (Owen 63), Viduka (Ameobi 77), Milner.
Subs Not Used: Forster, Ramage.

Áhorfendur: 51,049

Maður leiksins: James Milner

(FB)

17.Ágúst

Newcastle - Aston Villa

St James Park

Laugadaginn 18 ágúst kl 16:15

Þá er komið að fyrsta heimaleik Newcastle á tímabilinu og eru það lærisveinar Martin O´Neill

í Aston Villa sem koma i heimsókn á St James Park. Michael Owen verður væntanlega á bekknum eftir að hafa verið frá vegna meiðsla undanfarnar vikur. Þeir Shay Given, Damien Duff, Celestine Babayaro, Joey Barton og Albert Luque eru allir frá vegna meiðsla. Hópurinn er svona:

Harper, Carr, N'Zogbia, Rozehnal, Taylor, Solano, Milner, Geremi, Butt, Smith, Viduka, Martins, Ameobi, Owen, Ramage, Pattison, Cacapa, Enrique, Emre, Forster.

(FB)

17.Ágúst

Steven Taylor í enska landsliðið

Newcastle á þrjá fulltrúa í enska landsliðinu sem mætir Þýskalandi í vináttuleik næsta miðvikudag á Wembley.

Taylor hafði verið valinn í 21árs landslið Englendinga en Steve McClaren landsliðsþjálfari valdi hann í aðalliðið í dag og er þetta í fyrsta sinn sem hann er í þeim hópi. "Taylor var mjög góður með 21 landsliðinu í sumar á evrópmóti 21árs landsliða og hefur verið sterkur með Newcastle. Hann spilaði með b-landsliðinu gegn Albaníu undir lok síðasta tímabils og ég var mjög ánægður með getu og viðhorf hans" sagði McClaren. Taylor hittir tvo liðsfélaga sína í landsliðshópnum þá Michael Owen og Alan Smith. Fyrrum liðsfélagi þeirra Kireon Dyer var einnig valin í landsliðið. Enski hópurinn sem mætir Þýskalandi er eftirfarandi:

Robinson (Tottenham), James (Portsmouth), Carson (Liverpool, on loan at Aston Villa), Richards (Manchester City), Brown (Manchester United), Ferdinand (Manchester United), Terry (Chelsea), Ashley Cole (Chelsea), Campbell (Portsmouth), Taylor (Newcastle), Neville (Everton), Shorey (Reading), Beckham (LA Galaxy), Gerrard (Liverpool), Lampard (Chelsea), Joe Cole (Chelsea), Wright-Phillips (Chelsea), Carrick (Manchester United), Barry (Aston Villa), Downing (Middlesbrough), Dyer (West Ham), Hargreaves (Manchester United), Smith (Newcastle), Owen (Newcastle), Crouch (Liverpool), Bent (Tottenham), Johnson (Everton), Defoe (Tottenham).

(FB)

16.Ágúst

Kireon Dyer seldur til West Ham

West Ham keypti í dag Kireon Dyer frá Newcastle og hittir hann þar fyrrum félaga sína þá Bowyer, Parker og Bellamy. Kaupverðið er talið vera um 7 milljónir punda. Dyer var í átta ár með Newcastle en Sir Bobby Robson keypti hann frá Ipswich í júlí 1999 á 6 milljónir punda.

(FB)

15.Ágúst

ATH Nýtt Innkast

Nýtt Innkast kemur til með að koma einu sinni í viku í vetur og eru það vangaveltur hjá undirritiðum um okkar ástkæra félag Newcastle United. Það væri gaman ef klúbbmeðlimir myndu taka þátt og senda mér sínar pælingar. Þá yrði sá gestahöfundur eina vikuna.

Vinsamlegst sendið póst á rikki@newcastleis.com

Friðrik Bergmanns

15.Ágúst

Slúðrið í dag

# Juliano Belletti (31árs) bakvörður Barcelona er sagður vera á óskalista Big Sam.

Hann er sagður kosta um 3 milljónir. Brassinn Belletti skoraði sigurmark Barcelona gegn Arsenal í úrslitaleik meistaradeildarinnar 2006.

# Annar brassi hjá Barcelona varnarmaðurinn Edmilson (31árs) er að jafna sig eftir meiðsli á hné og er sagður vera á leið til Newcastle í janúar.

# Kireon Dyer (28ára) er loksins á leið til West Ham fyrir 7 milljónir. West Ham borgar 6 milljónir strax og 1 milljón seinna eftir að Dyer er búinn að spila ákveðinn fjölda af leikjum.

# Abdoulaye Faye (29ára) varnarmaður Bolton verður í Newcastle í dag til að fara í læknisskoðun og gera samning við Newcastle. Faye mun kosta um 2 milljónir.

# Fyrirliði Everton Phil Neville (30 ára) er á óskalista Newcastle og er sagður kosta 4 milljónir.

# Stephen Carr (31árs) er hugsanlega á förum frá Newcastle. Carr á eftir eitt ár af samningi sínum við Newcastle og ef hann fær ekki nýjan samning þá fer hann mjög líklega.

# Kólumbíumaðurinn Mario Yepes (31árs) varnarmaður hjá Lyon fyrrum liðsfélagi David Rozehnal er orðaður við Newcastle en PSG er einnig sagt hafa áhuga á honum.

(FB)

14.Ágúst

Andy Carroll lánaður til Preston

Hinn 18 ára heimamaður Andy Carroll hefur gengið til liðs við Preston á láni til janúar. Hann gæti spilað sinn fyrsta leik með Preston annað kvöld þegar þeir mæta Morecambe í deildarbikarnum. Carroll vakti athygli á síðasta tímabili með varaliði og U 18 ára liði Newcastle, hann spilaði sinn fyrsta leik með aðalliði Newcastle gegn Palermo í Nóvember í fyrra og eru margir sem tippa á að hann verði framtíðarstjarna á St James Park.

(FB)

13.Ágúst

Ameobi með tvö mörk í kvöld

Varalið Newcastle spilaði gegn utandeildarliðinu Blue Star í kvöld og sigraði 2-0 með mörkum frá Shola Ameobi. Michael Owen spilaði í 60 mínútur í kvöld og virkaði frískur. Claudio Cacapa spilaði sinn fyrsta leik í Newcastle treyju og Kireon Dyer spilaði einnig með í kvöld. Owen sagði að hann sé tilbúinn í leikinn gegn Aston Villa um næstu helgi. "Mér líður vel, þetta voru bara smávægileg meiðsli. Ég var frá í tvær vikur en ég hef verið að æfa síðustu fimm daga og mér fannst frábært að komast aftur á völlinn" sagði Owen á heimasíðu Newcastle í kvöld.

Varalið Newcastle í kvöld:

Fraser Forster, Paul Huntington, David Edgar, Matty Pattison, Peter Ramage, Claudio Cacapa, James Troisi, Kieron Dyer, Shola Ameobi, Michael Owen, Kazenga LuaLua
Varamenn: Alex Francis, Callum Morris, Darren Lough, Jonny Godsmark, Frank Wiafe Danquah.

(FB)

13.Ágúst

Owen spilar æfingaleik í kvöld

Það verða nokkrir þekktir leikmenn sem verða með varaliði Newcastle í vináttuleik gegn Blue Star í kvöld. Michael Owen, Kireon Dyer, Cacapa og Shola Ameobi koma til með að spila í kvöld og er ætlunin að reyna koma þessum leikmönnum í form.

(FB)

13Ágúst

Solano á förum ?

Í viðtali við Newcastle Chronicle segir Nolberto Solano að hann vonast til að ganga til liðs við West Ham í vikunni. Hann vill flytja nær konu sinni og börnum sem búa í London. "Það er undir félögunum tveimur komið hvort þetta gengur upp eða ekki, það hafa félög frá Spáni haft samband líka en eini möguleikinn að ég fari frá Newcastle er að ég fari til London. Ef þetta gengur ekki upp þá verð ég áfram hjá Newcastle, þetta hefur verið mjög erfið ákvörðun en þetta er partur af lífinu. Ég veit að ég er atvinnumaður í fótbolta en stundum verður maður að hugsa um fjölskylduna fyrst og það er ég að gera núna" sagði Perúmaðurinn snjalli.

(FB)

11.Ágúst

Bolton - Newcastle 1-3

Anelka 50 - N´Zogbia 11, Martins 21, 27

Frábær byrjun hjá Newcastle á Reebok

Það byrjar vel hjá Big Sam og lærisveinum hans í úrvalsdeildinni. Newcastle byrjaði leikinn mun betur en heimamenn og voru komnir í 0-3 eftir 27 mínútur. N´Zogbia skoraði beint úr aukaspyrnu á 11 mín. Svo var það Martins sem gerði tvo mörk á 6 mínútna kafla, fyrra markið einstaklega vel afgreitt með bakfallsspyrnu í markteig frábært mark hjá Martins. Það var nokkur heppnisstimpill yfir seinna marki Martins en hann skaut að marki Bolton og boltinn kom við í varnarmanni Bolton og breytti um stefnu og Jaaskelainen náði ekki að verja og inn fór boltinn. Bolton byrjaði seinni hálfleikinn mjög vel og uppskar mark eftir 5 mínútna leik, Anelka skoraði eftir gott upphlaup hjá Bolton eftir að Newcastle hafði átt hornspyrnu. Varnarleikur Newcastle virkaði vel með þá Taylor og Rozehnal sem bestu menn í vörninni. Geremi átti mjög góðan leik á miðjunni ásamt Milner sem er alltaf ógnandi á kantinum. Viduka og Martins áttu einnig góðan leik í sókn Newcastle. Lið Newcastle í dag:

Harper, Carr, Taylor, Rozehnal, N´Zogbia, Butt, Geremi, Milner (Ramage 86), Smith, Martins (Solano 69), Viduka (Ameobi 72).

Varamenn: Cacapa, Forster

Gult spjald: Geremi

Áhorfendur: 25,414

Maður Leiksins: Geremi

(FB)

11.Ágúst

Byrjunarliðið gegn Bolton

Harper, Carr, Taylor, Rozehnal, N´Zogbia, Butt, Geremi, Milner, Smith, Martins, Viduka.

Varamenn. Ameobi, Solano, Ramage, Cacaða, Forster.

Hinn 19 ára Frasier Fosrter er varamarkmaður í dag. Kireon Dyer er ekki í hópnum.

(FB)

11.Ágúst

Geremi verður fyrirliði

Big Sam hefur staðfest að Geremi verður fyrirliði Newcastle í vetur. "Geremi hefur verið fyrirliði í síðustu tveimur æfingarleikjum og staðið sig með prýði bæði innan og utan vallar, hann talar nokkur tungumál og það nýstist vel á vellinum" sagði Big Sam á heimasíðu Newcastle í dag.

(FB)

10.Ágúst

Bolton - Newcastle

Reebok Stadium

Laugardaginn 11 ágúst kl 14:00

Fyrsti leikur tímabilsins

Þá er loksins komið því sem maður er búinn að vera bíða eftir í allt sumar, enska úrvalsdeildin er að byrja. Big Sam fær erfitt verkefni í fyrsta leik er hann fer með Newcastle á fyrrum heimavöll sinn Reebok Stadium á morgun. Newcastle verður án margra sterka leikmenna á morgun, þeir Owen, Given, Emre, Barton, Duff og Babayaro verða ekki með vegna meiðsla. Svo er ólíklegt að nýju leikmennirnir Cacapa og Enrique verði ekki með þar sem þeir hafa lítið æft með liðinu. En samkvæmt BBC er hópurinn eftirfarandi: Harper, Carr, N'Zogbia, Rozehnal, Taylor, Solano, Milner, Geremi, Butt, Dyer, Smith, Viduka, Martins, Ameobi, Luque, Ramage, Edgar, Huntington, Pattison, Cacapa, Enrique.

Það vekur athygli að enginn varamarkmaður er í þessum hóp og einnig verður fróðlegt að sjá hvort Dyer verði með í leiknum en hann er kominn aftur til baka eftir að salan á honum til West Ham gekk ekki upp.

(FB)

10.Ágúst

Emre, Owen og Babayrao mættir á æfingu

"Þeir eru ekki byrjaðir að æfa með restinni af liðinu en þeir byrja að æfa létt til að koma sér í form. En ekki er reiknað að þeir spilui með liðinu alveg í bráð.

(FB)

10.Ágúst

Slúðrið í dag

# Albert Luque er sagður vera á förum frá Newcastle og er Levante líklegast til að fá kappann til sín en Feyenord er einnig inni í myndinni. Luque færi á láni í eitt tímabil.

# Eiður Smári Guðjohnsen er enn einu sinni orðaður við Newcastle en hann neitaði að fara til West Ham eftir að Barcelona hafði samþykkt 8 milljón punda tilboð í hann.

# West Ham vilja fá Nolberto Solano til sín en þeir hafa ekki gefist upp að fá Kireon Dyer einnig.

# Newcastle er sagt vilja fá Senegalann Papa Bouba Dioup frá Fulham fyrir 4 milljónir.

# Serbinn Ivica Dragutinovic er ekki á leið til Newcastle, hann heimtaði hærri laun en Micahel Owen er með hjá Newcastle og hefði hann þá verið launahæsti leikmaður Newcastle.

# Big Sam útilokar ekki að fá til sín markmann vegna meiðsla Shay Given.

(FB)

8.Ágúst

Ölver er staðurinn

Samkvæmt kosningu á spjallsíðuni okkar er Ölver með mikla yfirburði gegn Players í kosningu um hvor staðurin eigi að vera "opinber" staður þar sem stuðningsmenn Newcastle hittast og horfa á leiki. Reyndar hefði ég viljað að fleiri hefðu kosið en það er svosem nokkuð ljóst hvar hugur manna er. Þannig að Ölver er staðurinn og hvet ég stuðningsmenn til að mæta þangað í Newcastle búning að sjálfsögðu og styðja okkar menn í vetur.

(FB)

7.Ágúst

Luque hjálpar til

Albert Luque hefur hjálpað til við að landa samlanda sínum Jose Enrique.” Hann átti mjög gott tímabil með Villarreal á síðasta tímabili. Ég held að þetta séu mjög góð kaup hjá Newcastle og ég held að hann verði mjög vinsæll hjá stuðningsmönnum Newcastle. Hann er þekktur fyrir hraða sinn, ákveðni og fékk gælunafnið “nautið” í sínu heimalandi. Ég talaði við hann og sagði honum frá Newcastle og úrvalsdeildinni. Ég mun gera allt sem ég get til að hjálpa honum að aðlagast hér í Newcastle.” Sagði Luque í viðtali á heimasíðu Newcastle.

(FB)

6.Ágúst

"Nautið" komið á St James Park

Hinn 21 árs gamli spánverji Jose Enrique Sanchez varð í dag sjöundi leikmaðurinn sem Newcastle hefur keypt í sumar. Enrique sem er kallaður "nautið" kostaði 6,3 milljónir punda og kemur frá Villarreal. Enrique gerði 5 ára samning við Newcastle, hann spilar sem vinstri bakvörður og fær því Babayaro góða samkeppni um stöðu vinstri bakvarðar í vetur. Hann hefur fengið úthlutað búning númer 3 hjá Newcastle. Þá er enn óráðið hvort serbinn Ivica Dragutinovic komi til Newcastle en Big Sam hefur reynt að næla í hann undanfarna daga.

(FB)

6.Ágúst

Big Sam " West Ham verður að hækka tilboðið í Dyer

Við ákváðum að Dyer væri ekki rétt verðlagður, þannig að við hækkuðum verðið í það sem við teljum vera raunhæft en West Ham var ekki sammála því. Þannig að Dyer er kominn til okkar, topp leikmaður með leikmannahópi sem stækkar óðum. Verður þetta erfitt fyrir Dyer ? Svona er lífið, hann er með samning við okkur til 2009. Ef eitthvað annað gerist eins og að West Ham hækkar tilboð sitt þá er það bara gott en ef ekki þá er greinlegt að þeir meta hann ekki eins mikið og við gerum.

(FB)

5.Ágúst

Alan Smith með mark í sínum fyrsta leik

Newcastle sigraði Sampdoria 1-0 í dag á St James Park og var það Alan Smith sem gerði eina mark leiksins á 59 mínútu eftir hornspyrnu frá Geremi. Heimamenn voru töluvert sterkari aðilinn í dag og hefðu átt að fá vítaspyrnu þegar brotið var á Martins en dómarinn sá ekki ástæðu til að dæma. Þeir fyrrum Leeds félagar Viduka og Smith byrjuðu saman í framlínu Newcastle í dag. Shay Given þurfti að fara af velli vegna eymsla í nára og fer hann í skoðun á morgun. Nicky Butt og Steven taylor komu til baka eftir meiðsli í dag. Geremi var með fyrirliðabandi í dag og N´Zogbia byrjaði inná sem vinstri bakvörður. Lið Newcastle í dag:

Given (Harper, 38), Carr, N’Zogbia, Taylor, Rozehnal, Solano (Martins, 46), Geremi, Butt, Milner (Ramage, 69) Viduka (Ameobi, 46), Smith.
Varamenn ekki notaðir: Luque, Edgar, Huntington, Forster, Pattison, Troisi, Carroll,.

Áhorfendur : 23.078

(FB)

3.Ágúst

Owen þarf á leikjum að halda

Big Sam segir að Owen verði ekki orðinn leikfær fyrr en í næstu viku í fyrsta lagi. Hann hefur verið aðeins lengur að jafna sig á meiðslum í læri en við áttum von á og hann hefur einungis spilað 45 mínútur gegn Hartlepool. Hann þarf hugsanlega að spila æfingaleiki með varaliðinu til að komast í leikform.

(FB)

3.Ágúst

Brassinn Cacapa til Newcastle

Varnarmaðurinn Claudio Cacapa gerði í dag tveggja ára samning við Newcastle. Cacapa er 31 árs gamall og kemur á frjálsri sölu frá frönsku meisturunum Lyon. Hann mun fá treyju númer 6 hjá Newcastle. Það má búast við fleiri kaupum hjá Newcastle fljótlega og er nokkuð ljóst að Big Sam er að standa sig vel á leikmannamarkaðnum. Spánverjinn Jose Enrique er sagður vera á leið til Newcastle frá Villerreal. Enrique er 21 árs og á heimasíðu Villerreal er sagt að félögin tvö hafa komist að samkomulagi um kaupverð sem er talið vera um 4 milljónir punda. Enrique er spilar sem vinstri bakvörður og er nokkuð ljóst að Babayaro fær aukna samkeppni um stöðu vinstri bakvarðar í vetur.

(FB)

3.Ágúst

Big Sam "ég hugsaði mig ekki tvisvar um"

"Þegar ég vissi að maður eins og Alan Smith væri á lausu þá þurfti ég ekki að hugsa mig tvisvar um að næla í hann. Hann er mjög fjölhæfur leikmaður og það má búast við að hann verði notaður í nokkrum stöðum með liðinu. Ég hlakka til að vinna með honum og ég er viss um að hann á eftir að vera góð kaup fyrir félagið. Ég talaði við hann og útskýrði áætlanir mínar með liðið og hann var mjög hrifinn af þeim. Sem betur fer valdi hann okkur því að það var mikill áhugi frá öðrum liðum" sagði Sam Allardyce stjóri Newcastle. Alan Smith sagði að um leið og hann vissi af áhuga Newcastle og eftir að hann talaði við Big Sam þá var enginn vafi á því að hann vildi koma til Newcastle. "Hann er stjóri sem nær því besta úr sínum leikmönnum og ég er viss um að ég mun ná að toppa hérna. Sam sagði mér áætlanir sínar með liðið, það eru mjög hæfileikaríkir leikmenn hérna og stjórinn er ákveðinn í að ná árangri". það má búast við að Alan Smith og mark Viduka verði báðir með gegn Sampdoria á sunnudaginn.

(FB)

3.Ágúst

Alan Smith til Newcastle

Newcastle keypti í dag Alan Smith(26ára) frá Man Utd, kaupverðir er óuppgefið en talið vera í kringum 6 milljónir punda. Smith gerði fimm ára samning við Newcastle og hittir hann fyrrverandi liðsfélaga sína frá því þegar hann spilaði með Leeds, þá James Milner og Mark Viduka. Smith mætti á æfingu með Newcastle í morgun og ætti að vera með í æfingaleiknum gegn Sampdoria á sunnudaginn næsta.

(FB)

3.Ágúst

Tim Krul lánaður til Falkirk

Hinn ungi og efnilegi markmaður Newcastle Tim Krul hefur verið lánaður til skoska úrvalsdeildarliðsins Falkirk til 1 janúar næstkomandi. Krul á einn leik að baki með aðalliði Newcastle en það var í Uefa keppninni í fyrra gegn Palermo og átti hann þá stórleik í 0-1 sigri Newcastle og var valinn maður leiksins. Krul silar sinn fyrsta leik með Falkirk gegn Gretna um helgina.

(FB)

1.Ágúst

Fyrsta tap Big Sam með Newcastle

Newcastle tapaði í kvöld 1-0 gegn Hull City á KC Stadium. Lið Newcastle í kvöld var að mestu skipað leikmönnum úr ungmennaliðinu. Sigurmark leiksins kom á 41 mínútu og var það Bryan Hughes sem skoraði markið. Michael Bridges fyrrverandi leikmaður Newcastle spilar með Hull og kom hann inná þegar um 30 mínútur voru eftir af leiknum.

Lið Newcastle í kvöld: Harper, Huntington, Ramage (Francis, 66), Edgar, Lough, Pattison, Geremi (Godsmark, 54), N’Zogbia (Bertram, 70), Carroll (Danquah, 77), Martins (LuaLua, 54), Troisi (Doninger, 66).
Varamenn: Forster, Krul, Ferguson, Patterson, Marwood, Morris.

(FB)

1 Ágúst

Players eða Ölver ?

Það eru skiptar skoðanir um hvort Players eða Ölver eigi að vera opinber staður stuðningsmanna Newcastle þar sem menn hittast og horfa á leiki okkar manna í vetur. Þess vegna hef ég sett upp skoðanakönnun á spjallsíðunni okkar og hvet ég menn endilega að kjósa um hvorn staðinn þeir telji veita betri þjónustu handa okkar stuðningsmönnum. Ég vil benda á að þeir geta einungis kosið sem eru skráðir á spjallsíðuna. Nú er bara að láta skoðun sína í ljós.

(FB)

1.Ágúst

Dyer kominn í viðræður við West Ham

Samkvæmt heimasíðu Newcastle hefur Kireon Dyer fengið leyfi til að hefja samningaviðræður við West Ham eftir að félögin tvö komust að samkomulagi um verð á leikmanninum sem ekki er gefið upp. Það er nokkuð ljóst að Kireon Dyer er á förum frá Newcastle eftir 8 ára dvöl hjá Newcastle.

(FB)

1.Ágúst

Chris Mort skammar stuðningsmenn Newcastle

Nýi stjórnarformaður Newcastle var ekki sáttur við framkomu hluta af stuðningsmönnum Newcastle í leiknum gegn Juventus í garð Kireon Dyer. Það var baulað á hann í hvert skipti sem hann kom við boltann þó svo að hann hafi verið besti maður liðsins í seinni hálfleik og eftir leikinn biðu nokkrir stuðningsmenn eftir Dyer og létu hann heyra það þegar hann keyrði í burt frá vellinum. Chris Mort sagði að þetta er ekki það sem hann vill sjá og heyra. "Ef við viljum fá til okkar sterka leikmenn þá er þetta ekki til að hjálpa okkur" sagði Chris Mort. Dyer vill flytja nær fjölskyldu sinni sem býr í hans heimabæ Ipswich. Tottenham er sagt líklegast til að kaupa Dyer en Big Sam segist ekki láta Dyer fara fyrir smápening.

(FB)

1.Ágúst

Serbinn Drago á leið til Newcastle ?

Samkvæmt netmiðlum í dag þá er serbinn Ivica Dragutinovic (31árs) á leið til St James Park. Big Sam er ákveðinn að styrkja vörn Newcastle sem hefur verið veikasti hlekkur liðsins undanfarin ár. Drago spilar með Sevilla á Spáni og er sagður vilja spila á Englandi, Man City hefur einnig verið á eftir honum en við skulum vona að hann vilji frekar koma til okkar. Hann spilar sem miðvörður en getur einnig spilað vinstra megin í vörninni. Big Sam segir að hann sé mjög nálægt því að kaupa tvo menn og Alan Smith sé ekki annar þeirra, hann segist vera að einblína á að styrkja vörn liðsins.

(FB)