30.Ágúst

Arsenal - Newcastle 3-0

(Van Persie 18(vsp), 41, Denilson 59)

Einstefna á Emirates

Lið Newcastle átti ekki möguleika gegn frábæri liði Arsenal í dag á Emirates Stadium og var 3-0 sigur heimamanna síst of stór. Það sást berlega í þessum leik hvað leikmannahópur Newcastle er hrikalega þunnur. Van Persie kom Arsenal yfir úr vítaspyrnu á 18 mínútu eftir að N.Zogbia fékk boltann í höndina, algjört óviljaverk hjá N´Zogbia en Rob Styles dómari benti strax á vítapuntkinn. Given átti ekki möguleika í öruggt víti Van Persie. Hann bætti svo við öðru marki rétt fyrir lok fyrri hálfleiks en þá rak hann endahnútinn á frábæra sókn Arsenal og Given átti ekki möguleika að verja góða spyrnu hans. Newcastle fékk aðeins eitt tækifæri í fyrri hálfleik var það Owen sem fékk gullið tækifæri til að minnka muninn rétt fyrir lok fyrri hálfleiks en flækjufóturinn Ameobi brá sér í hlutverk varnarmanns hjá Arsenal og bjargaði marki fyrir heimamenn. Newcastle átti góðan sprett í seinni hálfleik og átti Butt t.d skalla í slánna og Guthrie átti fínt skot sem Almunia varði vel. En Arsenal bætti við þriðja markinu stuttu eftir þennan sprett hjá Newcastle og var vörn Newcastle illa leikinn eins go svo oft í leiknum. Shay Given átti enn einn stórleikinn fyrir Newcastle og bjargaði hann Newcastle frá miklu stærra tapi með góðum markvörslum bæði í fyrri og seinni hálfleik. 

Liðin í dag:

Arsenal:

Almunia, Sagna, Toure, Gallas, Clichy, Eboue (Walcott 72), Fabregas, Denilson (Vela 69), Nasri, Adebayor, Van Persie (Song)

Varamenn: Fabianski, Ramsey, Djourou, Bentner.

Gul spjöld: Fabregas, Nasri.

Newcastle: Given, Beye (Edgar 89), Colo, Taylor, Enrique (Bassong 44), Butt, Zog, Guthrie, Jonas (Barton 89), Ameobi, Owen,

Varamenn: Harper, Tozer, Donaldson, Ranger,

Gul spjöld: Colo, Given.

Skot á mark: Ars 20 (14) - Nufc 3 (1)

Hornspyrnur: Ars 12 - Nufc 1

Áhorfendur: 60.067

Maður leiksins: Shay Given (Bjargaði liðinu frá enn stærra tapi).

(FB)

30.Ágúst

Newcastle mætir Tottenham

Dregið var í þriðju umferð Carling bikarsins í dag og fékk Newcastle heimaleik gegn bikarhöfunum Tottenham. Leikurinn mun fara fram 23 eða 24 september. Hér er svo allur drátturinn:

Arsenal - Sheffield United
Brighton eða Manchester City - Derby County
Burnley - Fulham
Portsmouth - Chelsea
Blackburn - Everton
Rotherham - Southampton
Swansea City - Cardiff City
Ipswich Town - Wigan
Stoke City - Reading
Leeds - Hartlepool
Watford - West Ham
Manchester United - Middlesbrough
Liverpool - Crewe
Aston Villa - QPR
Sunderland - Northampton
Newcastle - Tottenham

(FB)

29.Ágúst

Arsenal - Newcastle

Newcastle mætir Arsenal í síðdegisleik á laugardag kl 16:30. Af meiðslum er það að frétta að Martins, Viduka, Duff, Cacapa, og Carroll eru allir frá vegna meiðsla. En samkvæmt BBC þá er hugsanlegt að Joey Barton verði í leikmannhópnum. Þá má telja líklegt að Owen verði í byrunarliðinu í fyrsta sinn á þessu tímabili. Leikmannhópurinn er svona: Given, Harper, Beye, N'Zogbia, Taylor, Coloccini, Enrique, Bassong, Tozer, Edgar, Butt, Geremi, Guthrie, Barton, Jonas, Smith, Owen, Donaldson, Ranger.

Dómari leiksins verður Rob Styles

Leikur liðanna á Emirates Stadium í síðasta tímabili endaði með 3-0 sigri Arsenal. Síðasti sigur Newcastle á heimavelli Arsenal var í desember 2001 en þá unnu okkar menn 1-3 með mörkum frá Andy O´Brien, Alan Shearer og Laurent Robert.

(FB)

29.Ágúst

Milner seldur til Aston Villa

Newcastle hefur selt James Milner til Aston Villa og er kaupverð ekki uppgefið. En það er talið vera á bilinu 10 - 12 milljónir punda. Milner kom til Newcastle sumarið 2004 frá Leeds og spilaði hann 136 leiki og skoraði 11 mörk með Newcastle. Hann fór á láni til Villa tímabilið 2005/06 og hefur sífellt verið orðaður við Villa síðan.  Kevin Keegan segir að salan á Milner hafi verið það rétta í stöðunni fyrir alla aðila. "Villa kom með mjög gott tilboð í Milner sem við töldum vera ásættanlegt. Á endanum var það mín ákvörðun að selja hann, Ég óska honum alls hins besta og það hefur verið frábært að vinna með honum".

Keegan segir í viðtali á heimsíðu Newcastle að hann reikni með að fá þrjá til fjóra leikmenn áður en markaðurinn lokar á sunnudagskvöld. "Ég tel okkur eiga góða möguleika á að fá 3 - 4 leikmenn. Peningurinn sem við fengum fyrir Milner verður notaður í leikmannkaup og þó svo að Milner hefði ekki verið seldur þá hefði ég haft þennan pening til umráða".

Mike Ashley og Kevin Keegan funduðu á síðasta  miðvikudag og var Keegan mjög ánægður með fundinn.

"Mr Ashley lætur okkur fá peningana en það er undir okkur komið að ná í réttu leikmennina. Ef maður selur leikmenn þá verður maður að kaupa topp leikmenn í staðinn. Það getur enginn sagt að þeir leikmenn sem við höfum keypt hingað til séu ekki klassa leikmenn" sagði Keegan. Hann staðfesti svo að Kamil Zayette væri að æfa með Newcastle þessa dagana. Þessi 23 ára strákur frá Guiena er samningsbundinn svissneska liðinu Young Boys. "Hann getur spilað nokkrar stöður á vellinum og er leikmaður sem myndi styrkja okkur" sagði Keegan að lokum.

(FB)

28.Ágúst

Félagsgjald

Eins og félagsmenn hafa séð hér til hliðar þá er verið að hvetja menn til að borga félagsgjaldið fyrir þetta tímabil. Á síðasta tímabili gekk ekki nógu vel að fá menn til að borga félagsgjaldið og nú verða menn að gera betur. Það kostar kannski ekki mikið að halda út þessari síðu en ég legg alveg geysilega mikla vinnu og tíma í að gera hana sem besta. Eflaust eru einhverjir sem eru ekki ánægðir með hana en það er bara þannig að ekki hafa allir sömu skoðanir á hlutunum. Ég held að ég geti fullyrt að þessi síða sé en best uppfærða síðan hér á landi og ef menn vilja halda því þannig áfram þá verða Newcastle menn allir sem einn að standa saman. Það voru ekki nema um rúmlega 60 sem borguðu félagsgjaldið á síðasta tímabili sem er alveg skelfilega lélegt af um 300 manna hópi. Það er geysileg fjölgun á heimsóknum á síðuna í þessum mánuði og undanfarna viku hafa verið um 250 heimsóknir á síðuna á hverjum degi sem er mjög ánægjulegt. Ef einhverjir geta reddað auglýsingu frá einhverju fyrirtæki hér á síðuna gegn vægu gjaldi (eins og sjá má hér að ofan) þá mega menn endilega gera það. Sendið bara mail á newcastle@newcastle.is

Menn ættu ekki að spyrja "hvað ætlar klúbburinn að gera fyrir mig ? heldur hvað get ég gert fyrir klúbbinn ?" Klúbburinn ætlar að reyna stefna á hópferð í vetur og verður það tilkynnt þegar miðamál og annað skýrist. 

Gerum þetta að alvöru TOON her á Íslandi stöndum saman.

TOON ARMY kveðjur

Friðrik Bergmanns (Rikki) 

27.Ágúst

Milner vill fara

Newcastle hefur staðfest að James Milner vilji fara frá félaginu. "Hann hefur sett inn skriflega beiðni um að vera settur á sölulista. Enn hefur ekkert tilboð sem Newcastle telur vera sanngjarnt borist í Milner en ef það gerist fyrir vikulok, þá verðum við að skoða það, þar sem það er hans ósk að fara annað". Segir í yfirlýsingu á heimasíðu Newcastle "Félagið er mjög ósátt með að James sjái framtíð sína ekki á St James´ Park. Hann er mikilvægur leikmaður og það er bara eitt ár síðan hann skrifaði undir langtímasamning.".

Þetta eru slæmar fréttir fyrir Newcastle því Milner hefur verið lykilmaður í byrjunarliðinu og er að taka miklum framförum. Keegan hefur sagt að hann eigi klárlega heima í A landsliði Englendinga og er mun betri en sumir sem eru að fá tækifæri þar.

(FB)

27.Ágúst

89% vilja fá Saviola

Niðurstaða könnunarinnar er afgerandi, menn vilja fá Javier Saviola til Newcastle enda er algjört sóknarmannahallæri hjá Newcastle þessa dagana. Hann myndi vafalaust styrkja leikmannahóp Newcastle og við verðum að bíða fram til mánaðamóta til að sjá hvort af þessu verður. Nú er spurt hvort það eigi að semja við Owen.

(FB)

27.Ágúst

Keegan: "Vill ekki missa Owen og Milner"

Kevin Keegan hefur áhyggjur af því að missa Owen og Milner. Enn hefur ekki verið samið við Owen en hann er á síðasta ári samnings síns við Newcastle. Milner er sífellt orðaður við Aston Villa en Milner er í miklu uppáhaldi hjá Keegan. "Michael Owen er ekki bara hvaða leikamður sem er, hann er mjög sérstakur leikmaður.  Hann er mjög mikilvægur fyrir Newcastle og ef aðrir sjá það ekki, þá er það þeirra vandamál. Ég veit hverskonar mannskap þú þarft hjá svona klúbbi. Maður getur beðið í langan tíma eftir slíkum mannskap sem tekur klúbbinn áfram og hann er einn af þeim. Mitt starf er að stjórna klúbbun og það er það sem ég er að gera. Ég er bara að segja hlutina eins og þeir eru". sagði Keegan um samnigsmál Owen. Um Milner að þá voru útsendarar frá Aston Villa á leiknum í gær og sáu Milner eiga mjög góðan leik og má reikna með að þeir reyni enn einu sinni að bjóða í hann. Keegan hefur mikla trú á Milner og vill alls ekki missa hann. "James á þrjú ár eftir af samningi sínum og ég vill ekki ræða um það að missa hann. Hann er alveg topp náungi, hjá klúbbnum, á æfingasvæðinu. Hann verður betri með hverjum leik". sagði Keegan að lokum. Samkvæmt netmiðlum mun Keegan funda með Mike Ashley eiganda Newcastle í dag um ýmis málefni, leikmannamál, samningsmál ofl.

(FB)

26.Ágúst

Coventry - Newcastle 2-3 

                                      (Morrison 45, Dann 90) - (Dann 21 (sjm),

                                                                              Milner 38, Owen 97)

(Owen fagnar ásamt Colo og Enrique)

Michael Owen til bjargar aftur

Enn kemur Michael Owen til bjargar Newcastle. Hann skoraði sigurmarkið í framlengingu gegn Coventry á Rioch Arena í annari umferð Carling bikarkepninnar eftir frábæra sendingu frá Jose Enrique á 97 mínútu. Newcastle hafði þó nokkra yfirburði í leiknum en náði ekki að nýta færin sem skyldi. Í fyrri hálfleik var nánast um einstefu að ræða á mark Coventry og var James Milner sem lék í framlínu Newcastle í kvöld í essinu sínu. Hann lagði upp fyrsta markið og skoraði svo annað. Clinton Morrison minnkaði munin á lokamínútu fyrri hálfleiks með flottu marki. Það sama var upp á teningnum í seinni hálfleik en sem fyrr náði Newcastle ekki að nýta færin sín. Það var svo algjörlega gegn gangi leiksins að Coventry jafnaði með síðustu spyrnu venjulegs leiktíma, þá átti Aron Einar Gunnarsson svakalegt innkast beint inná markteig Newcastle (sem hann gerði nokkrum sinnum í leiknum) og þar var mættur Scott Dann. Hann stökk manna hæst og skallaði í markið. Leikurinn fór því í framlengingu og náði Newcastle að tryggja sér sigur á 97 mínútu. Owen sem hafði komið inná fyrir Geremi á 75 mínútu skoraði sigurmarkið eftir frábæra sendingu frá Enrique. Coventry reyndi allt sem þeir gátu að jafna leikinn en vörn Newcastle hélt og er því Newcastle komið í þriðju umferð Carling bikarsins.

Lið Newcastle:

Given, Beye, Colo, Bassong, Enrique, Butt, Geremi (Owen 75), Zog, Guthrie, Jonas, Milner.

Varamenn: Harper, Taylor, Edgar, Tozer, Donaldson, Ranger.

Áhorfendur: 19,249

Dómari leiksins: Tony Bates.

Skot á mark: Cov 13 (7) - Nufc 21 (15)

Hornspyrnur: Cov 8 - Nufc 19

Maður leiksins: James Milner.

(FB)

26.Ágúst

Akureyringur í Coventry

Í liði Coventry er íslendingurinn Aron Einar Gunnarsson, en hann kom til enska liðsins í júní frá hollenska liðinu AZ Alkmaar. Aron sem er 18 ára leikur á miðjunni og hefur byrjað inná í öllum leikjum Coventry á þessu tímabili (3 í deild og 1 í deildarbikar). Samkvæmt einkunargjöf Sky Sports er Aron með betri mönnum þar og er með meðaleinkunina 7,1. Aron er fæddur á Akureyri  og spilaði með Þór upp yngri flokkana áður en hann var seldur AZ Alkmaar árið 2006. Aron hefur á fjóra landsleiki með A landsliði Íslands og sex leiki með U21 liðinu. Hans uppáhaldsleikmenn eru Wayne Rooney og Alan Smith.