Newcastle Klúbburinn á Íslandi

Fréttir í apríl 2008

30.Apr

Fjöldi leikmanna orðað við Newcastle

Undanfarna daga hafa margir leikmenn verið orðaðir við Newcastle og fer hópurinn stækkandi. Sagt er að Keegan og teymið hans séu með nöfn 20 leikmanna sem þeir hafa áhuga á að skoða nánar í sumar þegar leikmannamarkaðurinn opnar.

Þeir leikmenn sem hafa verið orðaðir við Newcastle eru eftirfarandi:

Joaquin (kantmaður, Valencia) (Mynd)

Deco (miðjumaður, Barcelona)

Bafetimbi Gomis (sóknarmaður, St Etienne)

Steve Sidwell (miðjumaður, Chelsea)

Mamadou Sahko (varnarmaður, Paris SG)

Aiden McGeady (kantmaður, Celtic)

Dean Ashton (sóknarmaður, West Ham)

Rchard Dunne (varnarmaður, Man City)

Carlos Cuellar (varnarmaður, Rangers)

Leighton Baines (vinstri bakvörður, Everton)

Andy Johnson (sóknarmaður, Everton)

Dirk Kuyt (sóknarmaður, Liverpool)

Peter Crouch (sóknarmaður, Liverpool)

John Arne Riise (vinstri bakvörður, Liverpool)

Wayne Bridge (vinstri bakvörður, Chelsea)

Kevin Nolan (miðjumaður, Bolton)

Tal Ben Haim (miðvörður, Chelsea)

Diego (miðjumaður, Werder Bremen)

Moubarak Boussoufa (miðjumaður, Anderlecht)

Giles Barnes (varnarmaður, Derby)

Jose Antonio Reyes (sóknarmaður, Athletico Madrid)

Svo hafa nokkrir leikmenn Newcastle verið orðaðir frá liðinu. Má þar nefna menn eins og Emre, Shola Ameobi, Steven Carr, Abdoulaye Faye, Alan Smith og Steve Harper. Kevin Keegan var fljótur að blása á sögusagnir um að Harper væri á förum frá félaginu og vill hann halda í Harper sem hefur verið mjög góður í vetur.

(FB)

30.Apr

Eitt gult spjald í viðbót og Butt fær þriggja leikja bann

Kevin Keegan ætlar ekki að hvíla Nicky Butt gegn Chelsea næsta mánudag þó svo að hann eigi hættu á því að fá þriggja leikja bann. Hann er búinn að fá 14 gul spjöld í vetur og ef hann fær eitt spjald í viðbót þá er hann sjálfkrafa kominn í þriggja leikja bann. Butt hefur tvisvar tekið út eins leiks bann í vetur vegna gulra spjalda, fyrst þegar hann var kominn með 5 gul og svo aftur þegar hann var kominn með 10 gul spjöld. Keegan um Butt: "Ég mun tala við Nicky um þetta, en hann er mikilvægur leikmaður fyrir okkur. Hann er alltaf líklegur til að fá spjald vegna þess hvað hann er mikill keppnismaður og fer mikið í tæklingar".

(FB)

27.Apr

Keegan: "Edgar í góðu lagi"

Keegan hefur sagt við David Edgar að nú er hann orðinn alvöru varnarmaður eftir að sauma þurfti sjö spor í höfuðið eftir að hann og Charlton Cole leikmaður West Ham skullu saman í leik liðanna í gær. "Nú þarf hann bara að nefbrotna þá væri þetta komið" grínaðist Keegan með atvikið. Edgar kom inn í byrjunarliðið fyrir Faye sem meiddist fyrir leik og spilaði hann sinn annan leik í byrjunarliðinu í vetur. "Við vorum með tvo unga miðverði í leiknum í gær og þeir náðu betur saman þegar leið á leikinn. Fyrstu 30 mínúturnar voru slakar hjá okkur en eftir það batnaði varnarlekurinn til muna" sagði Keegan að lokum.

(FB)

27.Apr

West Ham - Newcastle 2-2

(Noble 10, Ashton 23) - (Martins 42, Geremi 45)

Beye, Martins og Owen fagna jöfnunarmarki Geremi

Sjö leikir í röð án taps

Newcastle hefur nú leikið sjö leiki í röð án þess að tapa og

í gær sóttu þeir stig á Upton Park. Leikmenn voru ekki vel stemmdir og má segja að miðað við gang leiksins þá er eitt stig vel sloppið. West Ham var mun betri aðilinn nánast allan leikinn og komust í 2-0 eftir 23 mínútur. Leikmenn Newcastle náðu þó að jafna fyrir leikhlé á þriggja mínútna kafla með mörkum frá Martins og Geremi. Joey Barton átti flotta sendingu á Martins sem slapp inn fyrir vörn West Ham og afgreiddi boltann glæsilega framhjá Robert Green í markinu hjá West Ham. Stuttu seinna átti Martins skot fyrir utan teig sem Geremi náði að setja kollinn í og stýra boltanum í markið og staðan því 2-2 í hálfleik. Seinni hálfleikur var ekki eins viðburðaríkur og sá fyrri en West Ham var þó heldur sterkari aðilinn en á lokamínútunum fékk Martins gott færi til að stela öllum þrem stigunum en Green varði vel. 2-2 jafntefli sem verður að teljast góð úrslit miðað við hvernig leikurinn þróaðist.

Keegan eftir leik: "Ég var svekktur hvernig við byrjuðum leikinn og eftir 30 mínútna leik hugsaði ég "hvað get ég gert ?" Allir voru að spila undir getu en ég ákvað að treysta á leikmennina. Þetta var frábært mark hjá Martins og svo náði Geremi að jafna á síðustu mínútu fyrir leikhlé.

Ég sagði við þá í leikhléinu "Við höfum ekki einu sinni byrjað að spila en samt er jafnt. Getið þið farið inná og unnið leikinn ?" Við fengum tvö ágæt færi en það gerði West Ham líka þannig ég held að þetta hafi verið sanngjörn úrslit"

Lið Newcastle:

Harper, Beye, Edgar (Diatta 90), Taylor, Jose Enrique, Geremi, Butt, Barton, Owen, Viduka (Smith 82), Martins.
Varamenn: Forster, Duff, Carroll.

Skot á mark: WH 18 (11) - Nufc 4 (3)

Hornspyrnur: WH 6 - Nufc 1

Gul spjöld: Butt, Beye, Martins

Áhorfendur: 34,980

Maður leiksins: Obafemi Martins

(FB)

25.Apr

West Ham - Newcastle

Laugardaginn 26 apríl kl 14:00

Það eru enginn ný meiðsli sem hafa komið upp í leikmannahóp Newcastle fyrir leikinn gegn West Ham á laugardag. Þannig að það má búast við að Keegan stilli upp sama byrjunarliði og hann hefur gert í undanförnum leikjum. James Milner hefur jafnað sig á sínum meiðslum og er í leikmannahópnum. Þeir sem eru enn á meiðslalistanum eru Emre, Carr, Cacapa, Ramage og Given.

Michael Owen á góðar minningar frá Upton Park þegar hann gerði sína fyrstu og einu þrennu fyrir Newcastle í desember 2005 í 2-4 sigri Newcastle og var það Alan Shearer sem gerði fjórða markið í þeim leik. Owen á heimssíðu Newcastle: “Ég hélt að ég myndi ná þrennu gegn Sunderland vegna þess að ég var kominn með tvö í fyrri hálfleik, en tækifærið á þrennunni kom aldrei. Þetta er fyrsta heimsókn mín til Upton Park síðan ég gerði þrennu þar 2005 og ég hefði ekkert á mót því að endurtaka þann leik. Gengi okkar er gott þessa dagana og við hræðumst engann. Sjálfstraust okkar er mikið og vonandi náum við að minnsta kosti stig gegn West Ham ef ekki bara öll þrjú stig sem eru í boði” sagði Owen.

Lið Newcastle:

Harper, Forster, Beye, Enrique, Taylor, Faye, Edgar, Butt, N'Zogbia, Duff, Barton, Milner, Geremi, Owen, Smith, Martins, Viduka, Carroll.

24.Apr

Chris Mort vill gera langtímasamning við Taylor

Stjórnarformaður Newcastle hefur

sagt að hann vilji gera langtímasamning við heimamanninn Steven Taylor. "Steven er ungur og mjög efnilegur varnarmaður og við viljum endilega halda honum hér. Við munum setjast niður með honum og föður hans og vonandi finnum við lausn á samningsmálum hans" sagði Mort. Keegan, Mort og Dennis Wise eru byrjaðir að skoða möguleikana á að styrkja leikmannahópinn fyrir næsta tímabil eftir að vera búnir að tryggja stöðu sína í deildinni.

Eftir leikinn gegn Sunderland síðasta sunnudag sá maður hvað Taylor er í miklu uppáhaldi hjá Toon hernum, hann ásamt Habib Beye voru lang síðastir inn í búningsklefa vegna þess að þeir voru að fagna með stuðningsmönnum.

Báðir gáfu þeir treyjuna sína til áhorfenda og gengu svo hægt til búningsklefans. Toon herinn fagnaði Taylor alveg ógurlega þegar hann hoppaði og steytti hnefanum til að fagna sigrinum (sjá mynd) og það er greinilega honum mikils virði að vinna Sunderland.

(FB)

23.Apr

Ferðasagan komin

Loksins er búið að leggja lokahönd á ferðasöguna hjá okkur félögunum. og má skoða hana með því að smella á myndina hér til vinstri.

(FB)

22.Apr

Ný könnun

Það er komin inn ný könnun og er nú spurt hvað menn hafa farið á marga leiki með Newcastle. Í síðustu könnun var spurt hvað mönnum fannst um heimasíðuna og voru 51% þeirra sem kusu mjög ánægðir með síðuna en 46% fannst hún sæmileg, 2% fannst hún ömurleg og 2% vissu ekki af henni.

(FB)

22.Apr

Newcastle - Sunderland 2-0

(Owen 4, 45)

Uppselt á St James´ Park eins og vanalega

(Mynd Rikki)

Ólýsanleg stemming á St James´ Park

Það var ólýsanleg tilfinning að vera staddur á þessum frábæra velli og upplifa stemminguna á sunnudaginn þegar Newcastle tók á móti erkifjendunum í Sunderland. Nokkrir félagar úr klúbbnum fengu miða á þennan leik á mjög góðum stað í stúkunni og var þetta í fyrsta sinn sem undirritaður heimsækir St James´ Park og er maður strax farin pæla í ferð næsta tímabil. Það má sjá myndir frá ferðinni og leiknum á myndasíðunni. Fljótlega mun svo koma lítil ferðasaga eftir tvo af þeim sem fóru í pílagrímsferð til Newcastle.

Kevin Keegan stillti upp sínu vanalega byrjunarliði og hann hefur gert undanfarið. Leikurinn byrjaði með látum og strax á fjórðu mínutu voru heimamenn komnir yfir með glæsilegu marki frá Michael Owen. Geremi átti stórkostlega sendingu inn í teig Sunderland og Owen stakk sér fram fyrir varnarmann Sunderland og skallaði glæsilega í markið og átti Craig Gordon ekki möguleika að verja frá honum. Allt varð vitlaust á vellinum maður hreinlega var hrærður að upplifa slíka stemmingu. Newcastle var mun sterkari í fyrri hálfleik og uppskar annað mark rétt fyrir leikhlé. Viduka og Owen áttu gott samspil í teig Sunderland en boltinn fór í höndina á varnarmanni Sunderlan og Vítaspyrna dæmd. Owen tók spyrnuna og var Gordon mjög nálægt því að verja skot hans, en inn fór boltinn og staðan því 2-0. Gestirnir byrjuðu seinni hálfleikinn nokkuð vel án þess þó að skapa sér hættuleg færi. Obafemi Martins fékk mjög gott færi til að bæta við þriðja markinu um miðjan seinni hálfleik en Gordon sá við honum. Kenwyne Jones átti svo besta færi Sunderland strax í kjölfarið en Harper varði glæsilega. Það var svo gaman að sjá og heyra Newcastle aðdáendur baula þegar Michael Chopra fyrrum leikmaður Newcastle kom inná hjá þegar um 10 mínútur voru eftir og fékk hann að heyra það í hvert skipti sem hann kom við boltann í leiknum. Það var svo mikið fagnað þegar flautað var til leiksloka enda er þessi leikur stærri en allir aðrið í Newcastle, að leggja nágrannana og erkifjendurna er Newcastle aðdáendum alveg ómetanlegt.

Keegan eftir leikinn: “Þetta var ekkert glæsilegt frammistaða hjá okkur en þó svo að við höfðum ekki spilað nett sérstaklega vel þá höfum við mann eins og Owen sem getur búið til ýmislegt. Þetta var erfiður leikur þó svo að við skorðum snemma í leiknum og annað rétt fyrir leikhlé”.

Lið Newcastle:

Harper, Beye, Faye, Taylor, Jose Enrique (Edgar 87), Geremi, Butt, Barton, Owen, Viduka (Carroll 76), Martins (Duff 70).
Varamenn: Forster, Smith.

Skot á mark: Nufc 8 (4) - Sun 12 (8)

Hornspyrnur: Nufc 4 – Sun 4

Áhorfendur: 52,305

Maður leiksins: Michael Owen

(FB)

21. Apr

Nýjir Ambssadorar í Newcastle fyrir klúbbinn.

Hafsteinn gjaldkeri klúbbsins, Margrét og Byron

Margrét Jóhannsdóttir og Bryon Rowilinson sem búsett eru í Newcastle borg hafa tekið við embættinu "Ambassadorar Newcastle klúbbsins á Íslandi í Newcastle ".

Um leið og við óskum nýjum Ambassadorum til hamingju með heiðurinn vill klúbburinn þakka fyrrum Ambassador, Davíð Ásgeirssyni fyrir vel unnin störf fyrir klúbbinn og félagsmenn.

GRL

20. Apr

Löngu uppselt á West Ham - NUFC

Ljóst er að mikill baráttuleikur tveggja liða um baráttuna um miðja deild fer fram um næstu helgi. En þá mætast West Ham og Newcastle. En eins og flestir vita eru fimm fyrrum Newcasle leikmenn í hópi West Ham manna, Kieron Dyer, Lee Bowyer, Scott Parker, Nolberto Solano og Craig Bellamy. Uppselt er nú þegar á þennan leik og ætlar Toon herinn að fjölmenna á leikinn.

20. Apr

Newcastle rúllaði yfir Sunderland

2 - 0

Newcastle gulltryggði stöðu sína í úrvalsdeildinni í dag, þegar þeir rúlluðu yfir Sunderland. Owen gerði tvennu. En nánar verður sagt frá leiknum og ævintýraferð Rikka og félaga til Newcastleborgar um helgina, hér á þriðjudaginn.

GRL

16.Apr

Pílagrímsferð til Newcastle

Nú er komið að stóru stundinni hjá undirrituðum, að skella sér á leik með Newcastle. Nokkrir félagar í klúbbnum ákváðu fyrir nokkru að fara á grannaslaginn næstkomandi sunnudag gegn Sunderland. Farið verður út á fimmtudegi og er ætlunin að afhenda Ambassador klúbbsins viðurkenningu á föstudeginum fyrir gott starf í þágu klúbbsins. Einnig verður St James ´ Park skoðaður rækilega og svo verður kíkt í Newcastle búðina og þar eiga menn eftir að missa sig aðeins. Á laugardeginum ætla menn svo að kíkja til Middlesborough og sjá þá spila gegn Bolton. Íslendingarnir Grétar Rafn Steinsson og Heiðar Helguson spila með Bolton og vonandi verða þeir báðir í liði Bolton. Svo á sunnudaginn er komið að stóru stundinni, grannaslagur gegn Sunderland. Menn segja að þetta sé stærsti leikur vetrarins hjá liðunum og verður gaman að upplifa stemminguna í kringum leikinn. Það verður svo flogið heim á mánudag og mun ég setja inn grein um ferðina í næstu viku ásamt myndum. Á næsta tímabil ætlar klúbburinn að reyna vera með hópferð á leik enda er mikil tilhlökkun til næsta tímabils.

(FB)

15.Apr

Habib Beye: "Sjálfstraustið er mikð fyrir leikin gegn Sunderland"

Senegalinn Habib Beye sem hefur átt frábæra leiki undanfarið segir í viðtali á heimasíðu Newcastle að leikmenn séu að spila með miklu sjálfstrausti og ekki hafi það minnkað eftir góða frammistöðu gegn Portsmouth um síðustu helgi. Newcastle voru óheppnir að taka ekki öll stigin en urðu að sætta sig við jafntefli og eru taplausir í síðustu fimm leikjum. "Sjálfstraustið eykst með hverjum leiknum" sagði Beye eftir leikinn gegn Portsmouth. "Það eru enn fjórir leikir eftir og okkur hlakkar mikið til þeirra leikja. Næsti leikur er gegn grönnum okkar í Sunderland, það er virkilega stór leikur, og sennilega stærsti leikur tímabilsins. Það var mjög mikilvægt að ná góðum úrslitum gegn Portsmouth svo að við mætum sterkir til leiks gegn Sunderland. Mér fannst við alveg geta unnið Portsmouth og við fengum tækifæri til þess en þeir fengu einnig tækifæri sem ekki nýttust. En þetta var góður leikur af okkar hálfu. Menn verða að muna að það er erfitt að sækja þrjú stig í Portsmouth" sagði Beye að lokum.

(FB)

15.Apr

Keegan: "Forgangsatriði að semja við Owen"

Kevin Keegan segir að það sé algjört forgangsatriði að framlengja samninginn við Michael Owen í sumar, en núverandi saminingur hans rennur út í júní á næsta ári. Owen hefur verið í topp formi undanfarið og hefur hann átt stóran þátt í að bjarga liðinu frá falli. Keegan og Owen hafa talað saman og hefur hann sagt að hann vilji vera áfram hjá Newcastle. "Ég talaði við hann í síðustu viku og ég á ekki von á neinum vandræðum" sagði Keegan í viðtali við The Times. "Við viljum halda honum og hann vill vera hér áfram, að ég held. Honum líður vel hér í Newcastle. Hann hefur ekki fengið almennilegt tækifæri til að sanna sig vegna þeirra meiðsla sem hann hefur orðið fyrir síðan hann kom hingað og fólk hefur gagnrýnt hann. Er hann með fullan hug við Newcastle ? Ég er besti maðurinn til að svara því Og svarið við því er já með stóru J. Hann hefur tekið yfir búningsklefanum ásamt nokkrum öðrum leikmönnum og sagt "Komum liðinu á þann stað sem það á að vera". Svo að semja við hann er forgangsatriði í mínum huga, burtséð frá því hverjir koma hér í sumar og hvað þeir kosta" sagði Keegan að lokum.

(FB)

12.Apr

Keegan: "Ég mun bara fá

góða leikmenn til liðsins"

Við munum reyna fá fjóra til fimm leikmenn. Ég hef trú á því að það er það sem við þurfum. En þessir fjórir til fimm leikmenn verða að vera mjög góðir leikmenn. Svo kannski fáum við til okkar unga og efnilega stráka sem gætu hugsanlega orðið góðir. Það er enginn ástæða að styrkja liðið og láta svo þína bestu leikmenn fara. Enginn af þeim leikmönnum hafa komið til mín og sagt að þeir vilji fara frá liðinu, svo að þangað til það gerist þá reikna ég með því að þeir vilji spila með Newcastle og standa við sína samninga því þeir virðast allir hafa gaman af því sem þeir eru að gera þessa stundina.

(FB)

12.Apr

Portsmouth - Newcastle 0-0

Jafntefli á Fratton Park

Newcastle náði ekki að hefna fyrir tapið frá fyrri leik liðanna í vetur í gær.

Jaftefli kannski sanngjörn úrslit en Newcastle fékk hættulegri færi í leiknum. David James átti góðan leik í marki Portsmouth.

Besta færi leiksins fékk Michael Owen á 71 mínútu þegar hann fékk óvænt boltann inni í markteig en skaut beint í höfuðið á David James markmanni Portsmouth. Stuttu seinna átti Geremi gott skot fyrir utan teig en James varði aftur. Martins var mjög ógnandi í framlínu Newcastle og áttu varnarmenn Portsmouth oft í vandræðum með hann.

Keegan eftir leik: "Jafntefli var sennilega sanngjörn niðurstaða en það er ótrúlegt að leikurinn hafi endað markalaus. Bæði lið fengu fullt af færum en markmennirnir áttu góðan dag. Ég get ekki sagt að við hefðum átt skilið að vinna leikinn en við áttum jafnteflið alveg skilið. Mér fannst leikmenn leggja sig fram í leiknum. Portsmouth er með sterkt lið og þeir fá ekki mörg mörk á sig, ég er sáttur við frammistöðu leikmanna minna"

Lið Newcastle:

Harper, Beye, Faye, Taylor, Jose Enrique, Geremi, Butt, Barton, Owen, Viduka (Smith 82), Martins.

Varamenn: Forster, Duff, Edgar, Carroll.

Skot á mark: Por 17 (8) New 14 (5)

Hornspyrnur: Por 2 - New 11

Gult spjald: Barton

Áhorfendur: 20,507

Maður leiksins: Martins

(FB)

11.Apr

Portsmouth - Newcastle

Fratton Park

Laugardag kl 16:15

(ATH breyttur leiktími)

Steven Taylor og Charles N´Zogbia snúa til baka í leikmannahóp Newcastle á morgun gegn Portsmouth.

Emre er enn frá vegna meiðsla og hefur hann sett stefnuna á leikinn gegn West Ham. James Milner gæti verið tilbúinn í grannaslaginn gegn Sunderland. Það er eitthvað lengra í að Shay Given, Cacapa og Stephen Carr verði leikfærir. Kevin Keegan mun væntanlega stilla upp sama byrjunarliði og í síðustu leikjum en reikna má með að Taylor komi inn fyrir Edgar í vörnina.

Keegan í viðtali á BBC: "Það er er enn nóg eftir til að keppa um á þessu tímabili. Við erum bara tveim stigum frá Tottenham og það væri frábært að ná þeim. Það er eitt markmið, annað er að vinna fjóra í röð, að gera það er frábært í hvaða deild sem er, hvað þá í úrvalsdeildinni. Við höfum átt þrjá góða leiki og stefnum í rétta átt.

Fyrri leikur liðanna í vetur var hrein hörmung fyrir okkar menn. Portsmouth var komið í 0-3 eftir 11 mínútur með mörkum frá Pamarot, Mwaruwari, og Utaka. Vörn Newcastle leit vægast sagt illa út á þeim mínútum. Leikurinn endaði 1-4, Campell (sjm) minnkaði muninn fyrir Newcastle og Kranjcar skoraði síðasta mark Portsmouth. Leikur liðanna á síðasta tímabili endaði með sigri Portsmouth 2-1, Mwaruwari og Utaka skoruðu mörk heimamanna en Emre gerði mark Newcastle úr vítaspyrnu.

Leikmannahópur Newcastle gegn Portsmouth:

Harper, Forster, Beye, Enrique, Taylor, Faye, Edgar, Butt, N'Zogbia, Duff, Barton, Geremi, Owen, Smith, Martins, Viduka, Carroll.

(FB)

7.Apr

Smá slúður

# Newcastle ætlar að bjóða 15 milljónir punda í Deco í sumar sem á ekki lengur fast sæti í byrjunarliði Barcelona.

# Kevin Nolan fyrirliði Bolton er sagður vera á leið til Newcastle fyrir 4 milljónir.

# Arsene Wenger ætlar að reyna fá til sín þá Martins og N´Zogbia í sumar. Wenger hefur mikið álit á Martins, en N´Zogbia vill flytja til London og hefur Tottenham einnig verið orðað við hann.

# Nágrannarnir í Sunderland eru að berjast við Newcastle og Aston Villa um 22 ára vængmann Celtic Aiden McGeady.

# Tottenham og Newcastle eru sögð vilja skipta á þeim N´Zogbia og Aaron Lennon.

# Sol Campell varnarmaður Portsmouth hefur ekki útilokað að hann fari frá liðinu og eru Newcastle og Villareal sögð hafa áhuga á honum.

# Sam Allardyce er á leið aftur til Bolton og ætlar hann ásamt Freddy Shephard að kaupa meirihluta í liðinu.

(FB)

7.Apr

Martins: "Við viljum allir vera hérna áfram"

Obafemi Martins segir í viðtali á heimsíðu Newcastle að allir leikmennirnir vilja vera áfram í herbúðum Newcastle næsta tímabil. "Það er ekki bara ég heldur allir sem vilja vera hérna áfram. Stjórinn hefur verið svo jákvæður síðan hann kom hingað og það er honum að þakka að við höfum snúið við blaðinu. Fyrir mína parta, þá er ég mjög ánægður hér í Newcastle. Þetta er frábær staður og fólkið hérna hefur tekið mér mjög vel. Áhorfendurnir eru ótrúlegir, ímyndaðu þér ef við værum í einu af topp fimm sætunum. Jafnvel á slæmu tímunum þá hafa þeir staðið með okkur. Nú viljum við reyna vinna þá leiki sem eftir eru fyrir þá. Ég er viss um að næsta tímabil verður spennandi með nýja stjóranum og við getum ekki beðið" sagði Martins að lokum.

(FB)

5.Apr

Newcastle - Reading 3-0

(Martins 18, Owen 43,Viduka 58)

Martins, Owen, Beye og Viduka fagna marki Owens

Þrír sigrar í röð hjá Newcastle

Þrír sigrar í röð hjá Kevin Keegan og markatalan í þeim leikjum er 9-1.

Það var aldrei spurning í dag hvort liðið færi með sigur að hólmi, yfirburðir Newcastle voru miklir og var sigur þeirra síst of stór.

Það var Obafemi Martins sem skoraði fyrsta mark leiksins og var það mjög vel gert þar sem hann fékk góða sendingu frá Nicky Butt lék svo á tvo varnarmenn Reading og lagði boltann snyrtilega í markið framhjá Hahnemann. Reading átti ágætis færi stuttu seinna en það skapaðist aldrei veruleg hætta við mark Newcastle í dag. Owen fékk ágætis færi um miðjan hálfleikinn en skaut framhjá, en hann skoraði annað mark Newcastle á markamínútunni frægu og átti Habib Beye frábæra sendingu á Owen inn fyrir vörn Reading og afgreiðslan hjá Owen var frábær. Staðan 2-0 í hálfleik og það var alveg ljóst að það yrði ekki aftur snúið fyrir Reading. Í seinni hálfleik var aðeins eitt lið á vellinum og var hart sótt að marki Reading en aðeins eitt mark kom í seinni hálfleik. Mark Viduka skoraði þriðja markið eftir góðan samleik við Habib Beye og sigur Newcastle í höfn. Liðið er nú 12 stigum frá fallsæti og sætið í úrvalsdeildinni virðist vera nokkuð öruggt.

,,Leikmennirnir verðskulduðu allt sem þeir fengu," sagði Keegan við Sky Sports eftir leikinn.
,,Án þess að hafa nokkurn tíma náð sömu hápunktum eins og í Tottenham leiknum spiluðum við góðan fótbolta, við vörðumst vel þegar við þurftum þess, og takmörkuðum gott Reading lið niður í eitt skot á markið."
,,Framherjarnir þrír skoruðu allir mark og miðjan fannst mér frábær. Joey Barton var valinn maður leiksins en ég held að það hefði verið hægt að gefa fjórum eða fimm þann heiður."
,,Mér fannst Habib Beye vera framúrskarandi. Ef það er betri hægri bakvörður í úrvalsdeildinni en hann, ég er viss um að það séu einn eða tveir, en þá eru þeir ekki að spila eins vel og hann gerir."
,,Við erum með sjálfstraust og trú á því að ná nokkrum góðum úrslitum. Það er engin leið að menn geti horft á leikmannahópinn, með reynslu og gæði okkar, og sagt að þeir geti ekki spilað góðan fótbolta."
,,Þeir misstu bara smá úr leið, sum úrslit særðu, eins og að fá á sig sex mörk í síðari hálfleik gegn Manchester United. Þeir hafa lent í miklu, jafnvel eftir að ég kom hingað, en þeir hafa aldrei vorkennt sjálfum sér og þeir hafa komið til baka."

Steven Taylor spilaði ekki með í dag vegna veikinda og kom það í hlut David Edgar að spila í vörn Newcastle í dag og gerði hann það með stakri prýði. Diatta kom svo inná undir lok leiksins fyrir Faye og spilaði þar með sinn fyrsta leik með Newcastle.

Lið Newcastle í dag:

Harper, Beye, Faye (Diatta 82), Enrique, Geremi, Butt (Smith 79), Barton, Martins, Owen, Viduka (Duff 74)

Varamenn: Forster, Carroll.

Skot á mark: Nufc 14(9) Rea 8(3)

Hornspyrnur: Nufc 9 - Rea 7

Áhorfendur: 52,179

Maður leiksins: Habib Beye (átti mjög góðan leik í vörninni í dag og lagði einnig upp tvö mörk)

(FB)

4.Apr

Emre og N´Zogbia ekki með gegn Reading

Miðjumennirnir tveir verða ekki í leikmannahópnum gegn Reading á morgun vegna meiðsla. Keegan sagði á heimasíðu Newcastle í dag að hann yrði frá næstu tvær vikurnar. Hann meiddist í varaliðsleiknum gegn Man Utd síðastliðin mánudag en hann skoraði einmitt gott mark í þeim leik. Charles N´Zogbia á við smávægileg hnémeiðsli að stríða sem hann hlaut í landsleik með U21 landsliði Frakka. "Charles verður ekki tilbúinn í leikinn gegn Reading, en þetta er aðeins smávægileg meiðsli og hann ætti að vera orðin klár í leikinn gegn Portsmouth aðra helgi" sagði Keegan.

(FB)

4.Apr

Newcastle - Reading

St James´ Park

Laugardaginn 5 apr kl 14:00

Newcastle mætir á morgun liði Reading sem hafur verið á ágætis siglingu undanfarið en þeir hafa unnið þrjá af síðustu fimm leikjum og náð að klifra aðeins upp töfluna. Ívar Ingimarsson og félagar hans í Reading hafa aðeins unnið einn útileik í vetur og kom sá sigur fyrir rétt um mánuði síðan gegn Middlesborough.

Það eru enginn ný meiðsli sem hafa komið upp hjá Newcastle. Þeir Diatta, Edgar, Emre, Carroll og Forster spiluðu allir með varaliðinu síðasta mánudag og komust þeir allir heilir frá leiknum. Given, Carr og Cacapa eru enn á sjúkralistanum en það styttist í að Milner verði orðinn leikfær. Óvíst er hvort fjarvera N´Nogbia í leiknum gegn Tottenham hafi verið vegna þess að hann var einfaldlega ekki valinn í hópinn eða hvort Keegan hafi ákveðið að hvíla hann hafði meiðst lítillega í landsleik með U21 liði Frakka.

Leikur liðana fyrr í vetur endaði með sigri Reading

2-1, Kitson og Long með mörkin fyrir Reading en Duberry (sjm) gerði mark Newcastle. Leikur liðana á SJP á síðasta tímabili endaði með sigri Newcastle 3-2 og voru það Sibierski, Martins og Emre sem gerðu mörkin fyrir Newcaslte en Harper gerði bæði mörk Reading. Líklegt má telja að Keegan stilli upp óbreyttu byrjunarliði og hann hefur gert í síðustu leikjum enda hefur liðinu gengið vel.

Hópurinn er svona: Harper, Forster, Beye, Enrique, Taylor, Faye, Edgar, Diatta, Butt, Duff, Barton, Geremi, Owen, Smith, Martins, Viduka, Carroll.

(FB)

2.Apr

Keegan hrósar Joey Barton

Stjórinn er á því að frammistaðan hjá Barton gegn Tottenham síðustu helgi er sú besta sem hann hefur séð hjá Barton en hann spilaði einnig undir hans stjórn hjá Man City. "Þegar leið á leikinn fannst mér hann verða enn sterkari. Ég sagði við hann eftir leikinn að þetta væri hans besta frammistaða sem ég hef orðið vitni að. Hann átti marga góða leiki hjá mér þegar ég var hjá Man City en ég þessi leikur hjá honum toppar það. Hann var að vinna tæklingar, var mjög góður fram á við og sendingar hans voru mjög góðar og það var einmitt vinnusemi hans sem skapaði markið sem Martins skoraði. Hann hefur átt við ýmisleg vandamál utan vallar en hann hefur æft stíft og sú vinna er að skila sér á vellinum" sagði Keegan á heimasíðu Newcastle.

Þess má einnig geta að Keegan hefur einnig hrósað nánst öllum leikmönnum sínum eftir leikinn gegn Tottenham og ber þar helst að nefna Geremi, Butt, Owen og Martins. Eftir frammistöðu sína voru þeir félagar Butt og Geremi valdir í lið vikunnar hjá Actim Index. Hér fyrir neðan má sjá lið vikunnar.

(FB)

Nafn

Lið

Staða

David James

Portsmouth

Markmaður

William Gallas

Arsenal

Vörn

Ricardo Carvalho

Chelsea

Vörn

Glen Johnson

Portsmouth

Vörn

John Terry

Chelsea

Vörn

Cristiano Ronaldo

Man Utd

Miðja

Nicky Butt

Newcastle

Miðja

Matthew Taylor

Bolton

Miðja

Geremi

Newcastle

Miðja

Mauro Zarate

Birmingham

Sókn

Fernando Torres

Liverpool

Sókn

2.Apr

1 Aprílgabb

Auðvitað var fréttin hér fyrir neðan um komu Eiðs Smára til Newcastle aprílgabb, en það er samt aldrei að vita hvort Eiður eigi eftir að spila með Newcastle einhvern daginn. Það voru einmitt fréttir þess efnis á einhverjum netmiðlum í gær að Eiður væri einn af þeim leikönnum sem Keegan vill fá til sín næsta sumar. En það voru fleiri aprílgöbb sem tengdust Newcastle í gær. T.d má geta þess að sagt var að Maldini væri á leið til Newcastle og einnig að búið væri að draga 20 stig af Newcastle og þar með væru þeir fallnir, en auðvitað er þetta allt í gamni gert og vonandi að sem flestir hafi fallið fyrir þessu.

(FB)

1.Apr

Eiður Smári til Newcastle

Samkvæmt áreiðanlegum heimildum á BBC hafa Barcelona og Newcastle komist að samkomulagi um kaupverð á Eiði Smára og mun hann ganga til liðs við Newcastle í júní þegar félagsskiptaglugginn opnar. Eiður hefur ekki fengið mörg tækifæri með Barcelona og hefur hann einnig oft verið orðaður við Newcastle. "Þetta er búið að vera í bígerð í nokkurn tíma og ég er feginn að þetta er loksins komið í höfn. Ég get ekki beðið eftir að fá að spila með mönnum eins og Owen og Martins". Arnór Guðjohnsen umboðsmaður og faðir Eiðs Smára hefur staðfest þetta í viðtölum við erlenda netmiðla

Búast má við tilkynningu um þetta á heimasíðum félagana fljótlega.

(FB)

1.Apr

Ný könnun

Í síðustu könnun var spurt "Fellur Newcastle ?" 79% svörðu því neitandi en 21% halda því fram að liðið falli. Nú er komin ný könnu og er nú spurt hvernig ykkur finnst heimasíðan.

(FB)