Newcastle Klúbburinn á Íslandi

Fréttir í febrúar 2007

27.feb

Stuttar NUFC fréttir

# Glenn Roeder segir að Nolberto Solano muni taka víti áfram fyrir Newcastle þrátt fyrir að hann hafi brennt af gegn Wigan.

# Kireon Dyer er mættur til æfinga á ný eftir að hafa fengið flensu og ætti að spila leikinn gegn Middlesbrough.

# Lee Kerr (19 ára) sóknarmaður Whitley Bay er á reynslu hjá Newcastle eftir að hann stóð sig vel gegn varaliði Newcastle. Kerr hefur skorað 20 mörk fyrir Whitley Bay.

# Michael Owen bíður spenntur eftir að byrja spila en óvist er ennþá hvort hann spili á þessu tímabili.

# Nicky Butt verður í banni gegn Charlton eftir að hafa fengið sitt fimmta gula spjald gegn Wigan um helgina.

# Leikur Newcastle gegn Chartlon hefur verið færður aftur um einn dag vegna leiks Newcastle gegn AZ í UEFA keppninni.

# Damien Duff heldur uppá 28 ára afmæli sitt þann 2 mars næstkomandi.

(Rikki)

25.feb

Wigan - Newcastle 1-0

(Taylor 40)

Newcastle tapaði fyrir Wigan í dag í frekar slökum leik. Í fyrri hálfleik átti Newcastle nokkur góð færi en náðu ekki að nýta þau. Á 29 mínútu fékk Newcastle vítaspyrnu eftir að brotið hafði verið á Sibierski og Solano steig á vítapuntkinn og spyrna hans var alls ekki slök en John Filan markvörður Wigan varði glæsilega(Sjá mynd). Stuttu seinna átti Martins góðan skalla á mark Wigan en aftur var Filan á réttum stað. Sigurmark leiksins kom úr aukaspyrnu og var það Ryan Taylor sem skoraði mark Wigan en hann braut einmitt á Sibierski í vítaspyrnunni sem Newcastle fékk. Seinni hálfleikur var frekar dapur að okkar hálfu og var marki Wigan ekki mikið ógnað.

Shay Given spilaði sinn fyrsta leik síðan um miðjan janúar og Charles N´Zogbia kom inná af bekknum en hann hefur verið frá síðan fyrir jól . Kireon Dyer var ekki með í dag vegna veikinda. Lið Newcastle var þannig skipað: Given, Taylor, Onyewu, Bramble, Huntington (Carroll 87), Solano (Milner 62), Parker, Butt, Duff (N'Zogbia 62), Martins, Sibierski.
Aðrir varamenn: Harper, Edgar.

Gul spjöld: Parker, Butt.

Áhorfendur: 21,179

(Rikki)

24.feb

Wigan - Newcastle liðsfréttir

Scott Parker snýr til baka eftir að hafa misst af leiknum gegn ZW á fimmtudag vegna meiðsla og spilar leik nr 50 fyrir Newcastle. Shay Given er kominn til æfinga á ný eftir meiðsli og gæti spilað. Sibierski mun líklega koma inní liðið að nýju fyrir Luque sem átti ekki góðan leik á fimmtudag. Þá mun Gooch líklega koma inn líka. Annars er hópurinn sem Roeder hefur úr að velja eftirfarandi: Given, Harper, Srnicek, Solano, Babayaro, Taylor, Bramble, Onyewu, Moore, Huntington, Butt, Parker, Milner, Duff, N'Zogbia, Pattison, Martins, Dyer, Sibierski, Luque, Carroll, LuaLua.

Á síðasta tímabili tapaði Newcastle 1-0 gegn Wigan á JJB Stadium. Fyrri leikur liðanna á St James Park á þessu tímabili endaði með 2-1 sigri okkar manna og voru það Parker og Ameobi sem skoruðu mörk Newcastle.

(Rikki)

22.feb

Newcastle 1 - Zulte Waregem 0

(Martins 68 mín)

Martins fagnar marki sínu í kvöld á sinn hátt

Newcastle tryggði sér sæti í 16 liða úrslitum UEFA keppninnar í kvöld með 1-0 sigri á Belgíska liðinu Zulte Waregem í seinni leik liðanna á St James Park og samanlagt 4-1 úr báðum leikjunum. Það var Obafemi Martins sem skoraði eina mark leiksins á 68 mínútu eftir góða sendingu frá Damien Duff.

Newcastle mætir íslendingaliðinu AZ ALkmaar í 16 liða úrslitum keppninnar en Grétar Rafn Steinsson spilar með AZ Alkmaar og verður gaman að sjá hann mæta á St James Park.

Newcastle hefur ekki tapað í síðustu 12 leikjum í Evrópukeppninni

Lið Newcastle var þannig skipað í kvöld:

Harper, Solano, Taylor, Bramble, Babayaro (Huntington 46), Milner, Butt (Pattison 65), Dyer, Duff, Martins, Luque (Carroll 65)

Aðrir varamenn: Srnicek, O´Brien, Edgar, Lua Lua

Áhorfendur: 30.083

(Rikki)

21.feb

Liðið gegn Zulte Waregem

Óvíst er hvort Scott Parker spili með gegn ZW en hann fer í skoðun á morgunn og kemur þá í ljós hvort hann verður með eða ekki. Gooch er ólöglegur í evrópukeppninni og verður því ekki með. Hópurinn er því eftirfarandi : Harper, Srnicek, Forster, Solano, Babayaro, Edgar, Taylor, Bramble, Huntington, Butt, Parker, Milner, Duff, Pattison, Troisi, Martins, Dyer, Sibierski, Luque, Carroll, LuaLua.

(Rikki)

21.feb

Stuttar NUFC fréttir

Shay Given ætti að vera orðinn tilbúinn í leikinn Gegn Wigan, Given hefur ekki spilað síðan um miðjan janúar er hann meiddist í nára.

Shola Ameobi gæti hugsanlega spilað áður en leiktímabilið klárast en hann fór í aðgerð á mjöðm og var talið að hann myndi ekki spila fyrr en á næsta tímabili.

(Rikki)

21.feb

Solano vill klára ferilinn hjá Newcastle

Perúmaðurinn snjalli Nolberto Solano segist vilja klára sinn knattspyrnuferil hjá Newcastle. Solano á eitt ár eftir á samningi sínum en vonar eftir að fá framlengingu vegna þess að honum líkar vel við lífið í Newcastle. Solano er fyrsti Perúmaðurinn til að spila í úrvalsdeildinni en Kenny Dalgish keypti hann frá Boca Juniors árið 1998 fyrir 2.4 milljónir punda. Spili Solano gegn Z Waregem á fimmtudag verður það leikur númer 300 fyrir Newcastle

(Rikki)

21.feb

N´Zogbia snýr til baka

Glenn Roeder býst við því að Charles N´Zogbia verði leikmannahópi Newcastle gegn Middlesbrough aðra helgi en kappinn meiddist í leik gegn Chelsea í desember rétt fyrir jól. Þá eru þeir Carr, Given, Ramage, Emre og Moore allir að snúa til baka eftir meiðsli og mæta til æfinga innan nokkurra daga.

(Rikki)

17.feb

Kæru félagar.

Af óviðráðanlegum ástæðum þurftum við að fresta afmæliskvöldinu á Players í kvöld. Ástæðan er tvíþætt. Í kvöld er Eurovision kvöld og innri salurinn því fullbókaður. Síðan var veisla í fremri sal og svo hitt, að það hafði gleymst að bóka okkur í sal. Við biðjumst velvirðingar á þessu leiðu mistökum. En vegna þessa hefur Players boðið okkur að bæta þetta upp á veglegan hátt.

Við munum senda ykkur nánari tilkynningu síðar.

GRL

Ungmennalið Newcastle mætir Liverpool í bikarnum

Ungmennalið Liverpool tryggði sér sæti í undanúrslitum bikarkeppninnar með 1-3 sigri gegn Sheffield United síðastliðinn fimmtudag og mætir Newcastle í tveimur leikjum heima og að heiman. Fyrri leikur liðanna fer fram á St James Park en ekki liggur fyrir hvenær leikirnir fara fram. Liverpool eru núverandi bikarmeistarar og eiga því bikar að verja. Í hinum undanúrslitaleiknum mætast Arsenal eða Cardiff City gegn Manchester United eða Birmingham City. Í dag mætir Newcastle liði Huddersfield í deildarkeppninni og getur með sigri komist í efsta sæti deildarinnar ásamt Nottingham Forest.

(Rikki)

16.feb

Butt með fyrirliðabandið

Eins og menn tóku eftir var Nicky Butt með fyrirliðabandið þar sem Matthew lék ekki með vegna meiðsla. " Ég hef nokkru sinni áður verið með fyrirliðabandið með Man Utd m.a þegar Roy Keane og Gary Neville voru fjarri. En þetta var mikill heiður fyrir mig og ég naut þess að fá að vera captain hjá Newcastle þetta sinn " sagði Butt eftir leikinn í gær. Næsti leikur Newcastle gegn ZW verður ekki auð unnin segir Roeder. En dagsskipunin er klár, sigur og bara sigur kemur til greina. Ef Newcastle fer áfram mæta þeir annaðhvort Fenerbache eða AZ Alkmaar. Bæði þessi lið eru mjög sterk. GRL

15.feb

Zulte Waregem 1 - Newcastle 3

D´Haene 69. - Dindeleux 47 (sjm),

Martins 59 víti,Sibierski 76

Martins og Sibierski fagna þriðja marki Newcastle.

Leikmenn Newcastle höfðu nokkra yfirburði í leiknum gegn Zulte Waregem en náðu ekki að skora fyrr en í byrjun seinni hálfleiks og var það sjálfsmark heimamanna eftir að Kireon Dyer átti sendingu fyrir markið og varð Dindeleux fyrir því óláni að setja boltann í eigið mark. 12 mínútum seinna kom svo annað mark Newcastle kom úr vítaspyrnu eftir að brotið hafði verið á Damien Duff og framkvæmdi Obefemi Martins spyrnuna og skoraði af miklu öryggi. Zulte Waregem náði svo að minka muninn á 69 mínútu með skallamarki D´Haene. Það var svo Sibierski sem skoraði laglegt mark á 76 mínútu og tryggði sigur Newcastle þegar hann lék laglega á tvo varnarmenn og markmann Zulte Waregem og setti boltann í autt markið. Nicky Butt var fyrirliði Newcastle í fjarveru Scott Parker og Shay Given. Öllum að óvörum fékk Albert Luque að spila nokkrar mínútur þegar hann kom inná undir loks leiksins fyrir Martins og vonandi fær Luque að spila stærri hlutverk í seinni leik liðanna.

Tölur úr leiknum: Skot á mark ZW 5 NUFC 15, hornspyrnur ZW 3 NUFC 7. ZW 40% með boltann NUFC 60%.

Lið Newcastle var þannig skipað: Harper, Solano, Taylor, Bramble, Babayaro, Milner, Butt, Dyer, Duff, Sibierski, Martins (Luque, 85 mín).
Varamenn: Srnicek, Huntington, Pattison, Carroll, Edgar, Troisi.

Gul spöld: Milner,Butt og Martins.

(Rikki)

14.feb

Zulte Waregem - Newcastle

Leikur liðanna í 32 liða úrslitum UEFA bikarsins fer fram á Jules Otten Stadion í Gent en ekki á heimavelli Zulte Waregem þar sem hann tekur einungis 12.800 áhorfendur. Sigurvegarar úr þessari viðureign mætir sigurliðinu úr viðureign AZ Alkmaar og Fenerbache í 16 liða úrslitum. Þeir N´Zogbia, Moore, Owen, Ameobi, Ramage, Carr, Krul Emre og Given eru enn á sjúkralista félagsins en stutt er í að þeir mæti til æfinga allir nema kannski Ameobi sem spilar ekki meira á þessu leiktímabili. Svo í morgun bættist fyrirliðinn Scott Parker á sjúkralistann og fer ekki með liðinu til Belgíu en hann á við smávægileg meiðsl að stríða. Þá er Gooch (Ogouchi Onyewu) ekki löglegur í UEFA keppninni og spilar því ekki næstu tvo leiki Newcastle. Lið Zulte Waregem er að spila í fyrsta sinn í Evrópukeppni í sögu félagsins en liðið varð bikarmeistari í fyrra. Zulte Waregem er í tíunda sæti belgísku deildarinnar með 25 stig eftir 21 leik. Seinni leikur liðanna fer fram á St James Park á fimmtudag í næstu viku.

(Rikki)

13.feb

U18 ára lið Newcastle í undanúrslit bikarsins

Ungmennalið Newcastle tryggði sér sæti í undanúrslitum bikarsins í gær með 1-2 sigri eftir framlengingu gegn Swindon Town. Það voru Ryan Donaldson og Andy Carroll sem tryggðu sigur Newcastle, sigurmarkið kom á 116 mínútu og var það Andy Carroll sem var hetja Newcastle þegar hann skallaði í mark Swindon. Mótherjar Newcastle verða annað hvort Sheffield Utd eða Liverpool en þau mætast á fimmtudagskvöld og mun sigurliðið úr þeirri viðureign mæta Newcastle í tveimur leikjum um sæti í úrslitum bikarsins. Lið Newcastle var þannig skipað í gær: Cook, Cowan, Bertram, Doninger, Morris, Francis, Godsmark ( Danquah 110), Cavener, Carroll, Donaldson, LuaLua. Varamenn: Critchlow, Marwood, Taylor, Debbage.

(Rikki)

12.feb

Michael Owen mættur á æfingu

Owen mætti á sína fyrstu æfingu hjá Newcastle í vetur í dag og tók nokkrar hlaupaæfingar. Nú er loks farið að sjá fyrir endann á meiðslum hans. Þessi mynd var tekinn í dag þegar Owen tók þátt í æfingunni í dag.

(Rikki)

12.feb

Oguchi góður !

Í leik Newcastle gegn Liverpool var Bellamy síkvartandi yfir því að fá olnbogann í andlitið frá Oguchi.

Oguchi svaraði um hæl; " Ég get ekkert gert af því þótt þú sért svona lítill og að höfuðið á þér nái ekki nema uppí olnbogann á mér ". Bellamy bara brosti og sagði eitthvað á þá leið, `you've got a point there.'

12.feb

Roeder hrósar Babayaro

Glenn Roeder hrósaði Celestine Babayaro fyrir að spila leikinn gegn Liverpool þar sem yngri bróðir hans lést á sjúkrahúsi í London kvöldið áður. Banamein hans var berklar. Babayaro hringdi í Roeder stuttu eftir að bróðir hans lést og sagðist vilja spila leikinn, að það hefði verið það sem bróðir hans hefði viljað.

(Rikki)

11.feb

Oguchi Onyewu ekki með !

Næsti leikur Newcastle verður gegn Zulte Waregem .

Fram kemur í fréttum í kvöld að maðurinn með nafnið ægilega Oguchi Onyewu verði ekki með í þeim leik. Oguchi hefur heillað allan TOON HERINN með frammistöðu sinni í síðustu leikjum. Hans verður sárt saknað.

Lestu allt um Oguchi HÉR. ( á ensku )

11.feb

Kenny Miller Í kvöld lýsti Roeder !

Roeder hefur lýst yfir áhuga sínum að fá framherjann frá Celtic, Kenny Miller.

Roeder segir jafnframt " að það verði sennilega engin von að hann geti fengið hann og það sé bara sóun á símtali ???? "

11.feb

Miðum fækkar !

Frá því að við kynntum sölu á miðum á leik NUFC og Arsenal hafa miðarnir runnið út. Nú er svo komið að farnir eru 8 miðar af 15. En þess ber að geta að uppselt er á þennan leik um páskana og aðeins félagar í klúbbnum eiga kost á þessum miðum.

11.feb

249 fréttir á 9 mánuðum.

Á níu mánuðum hefur Newcastle vefurinn sagt frá 249 fréttum. En það samsvarar að 27 fréttir séu sagðar í hverjum mánuði af Newcastle Utd eða tengdum fréttum klúbbsins. Eftir viðbrögðum félaga eru nánast allir stuðningsmenn klúbbsins mjög ánægðir með fréttaflutning síðunnar.

10.feb

Newcastle 2

Liverpool 1

Glæsilegum sigri Newcastle gegn Liverpool lauk 2-1. Newcastle liðið var í heild að spila vel við mjög erfiðar vallaraðstæður. En rignt hafði gríðalega í Newcastle fyrir leikinn, svo mikið að um tíma stóð til að flauta leikinn af. En sem betur fer var það ekki gert. Nú liðið var að spila vel þótt smá brotalamir hafi átt sér stað í vörninni framan af. Bramble sótti í sig veðrið þar og skilaði sínu hlutverki ágætlega að lokum. Parker var kóngurinn á miðjunni og Dyer og Martin ógnvekjandi í sókninni. Milner virtist ekki ná sér á strig eins og hann hefur gert að undanförnu. Þeir sem skoruðu fyrir Newcastle voru Martin og Solano (úr víti ). Fyrir Liverpool skoraði "gamli" Newcastle maðurinn Bellamy. Leikurinn var frábær skemmtun og sýnist manni að Roeder sé að takast að skapa flott og öflugt lið. GRL

10.feb

Stóðu sig frábærlega !

Þeir stóðu sig vel í lýsingu á leiknum. Það er frábært að hafa Kristján þarna, og ekki síður Snorra´na. Húrra fyrir ykkur. GRL

9. feb

Gjaldkerinn í beinni !

Hafsteinn Þórðarson, gjaldkeri klúbbsins verður gestur í beinni útsendingu fyrir leik Newcastle gegn Liverpool á morgun. Það á vel við að Hafsteinn sé þarna í betristofunni því hann hefur farið í 22 ferðir til Newcastle og örugglega séð jafnmarga leiki í London með Newcastle. GRL

8. feb

Duglegir að greiða félagsgjöldin !

Félagar í klúbbnum hafa verið duglegir að greiða félagsgjöldin síðustu daga. Hver af öðrum hefur skilað sér til klúbbsins. Við viljum þakka fyrir það. En eins og allir vita þá kostar að reka klúbbinn m.a þessa heimasíðu, félagskortið og ýmis kostnaður vegna sendinga ofl.

8. feb

Dyer Ljósmynd GRL 2007 Dyer lék allar 90 mínúturnar !

Steve McClaren hafði gefið Roeder loforð um að nota ekki Dyer að fullu þar sem erfiður leikur gegn Liverpool væri framundan. Samt var Dyer látin leika allar 90 mínúturnar. Þetta var fyrsti landsleikur hans í næstum tvö ár. Í Newcastle krossleggja menn nú fingur og vona að Dyer hafi fulla hleðslu á batteríinu sínu þegar til leiksins kemur gegn púlurum. Annars var það haft eftir Taylor í dag að sá aðili í Liverpool liðinu sem Newcastle þyrfti að óttast hvað mest væri gamli félaginn þeirra Craig Bellamy ." Hann mun mæta dýróður í þennan leik og gera allt hvað hann getur til að gera okkur lífið leitt. Hann fór frá klúbbnum í miklum leiðindum á sínum tíma " sagði Taylor. GRL

7.feb

Obafemi fór til mömmu !

Sagt er að Martin þyki afar vænt um móður sína. Hún hefur átt við mikil veikindi að stríða og því tók Martin það fram yfir að heimsækja hana frekar en að leika vináttuleik með landsliði Nígeríu.

Myndin hér er tekin af Martin eftir leikinn gegn Fullham á sunnudaginn var. GRL

6.feb

Stuttar NEWCASTLEIS fréttir.

Owen mun að öllum líkindum leika sinn fyrsta leik með Newcastle eftir tvær til þrjár vikur. Hann hefur verið við æfingar að undanförnu.
Dyer verður með Enska landsliðinu gegn Spánverjum á miðvikudag. Hann vonast til að eiga "come back" ásamt Woodgate í leiknum.
Given spáir því nú að Newcastle muni takast að hala inn 9 stig í næstu þremur leikjum.
Nýjasti leikmaður Newcastle heitir Oguchi Onyewu og þykir standa sig vel með liðinu. Gælunafn kappans er Gooch.
Uppselt er á næsta leik; Newcastle - Liverpool
Shay Given veitt Írska viðurkenningin Eircom/FAI International Player of the Year.
15 miðar verða til sölu á leik Newcastle gegn Arsenal um páskana. Aðeins félagar sem greitt hafa félagsgjald 06/07 geta keypt miða.
Newcastle klúbburinn á Íslandi 4 ára 18. febrúar. Afmælisveisla verður haldin á Players laugardagskvöldið 17. febrúar. Félagar eru hvattir til að skrá þátttöku. Nánar auglýst síðar. GRL

5.feb

Guðmundur formaður og Solano Glæsileg ferð á tvo leiki.

Glæsilegri ferð til St. James Park og Cottage völlinn hjá Fullham lauk nú um helgina.

Við sem fórum áttum frábæra daga í Newcastle og náðum m.a að gera samkomulag við klúbbinn að Newcastle klúbburinn á Íslandi fengi 15 miða á tvo heimaleiki Newcastle, annan fyrir áramót og hinn eftir áramót. Þetta er einstakt samkomulag...

LESA MEIRA

( Á myndinni hér fyrir ofan er formaður Newcastle á Íslandi ásamt Solano, leikmanni Newcastle ).

4.feb

Fulham - Newcastle 2-1

(Helguson 49,Mcbride 73) - (Martins 90)

Newcastle spilaði einn sinn lélegasta leik í vetur

í gær þegar liðið tapaði 2-1 gegn Fulham. Leikur Newcastle var vægast sagt slakur og sköpuðu þeir sér ekki mörg færi í leiknum og var sigur Fulham fyllilega sanngjarn.Það eina góða sem ég sá við leikinn að hinn nýi leikmaður Newcastle Oguchi Onyewu stóð sig vel í leiknum. Leikmenn Newcastle verða að hysja upp um sig buxurnar ef ekki á illa að fara gegn Liverpool næstu helgi.

(Rikki)

2.feb

Hópurinn gegn Fulham

Harper, Srnicek, Carr, Solano, Edgar, Taylor, Bramble, Onyewu, Huntington, Butt, Parker, Milner, Duff, Pattison, Troisi, Gate, Martins, Dyer, Sibierski, Luque, Carroll, LuaLua. ( Þetta er 22 manna hópur, Roeder velur svo 16 sem verða á skýrslu) Nýji leikmaður Newcastle Oguchi Onyewu sem er kallaður Gooch verður í leikmannahóp Newcastle gegn Fulham. Nolberto Solano kemur aftur inní hópinn eftir að hafa tekið út leikbann. Nicky Butt fór meiddur útaf í leiknum gegn Aston Villa en meiðsli hans voru ekki alvarleg og er líklegt að hann verði með. Í fyrri leik liðanna á St James Park í september síðastliðnum fór Fulham með sigur af hólmi 1-2. Scott Parker kom Newcastle yfir en tvö mörk frá Fulham á síðustu 8 mínútum leiksins tryggðu Fulham stigin þrjú. Nú er bara að kvitta fyrir og taka stigin þrjú sem eru í boði á morgunn. Liðin hafa spilað fimm sinnum á hemavelli Fulham síðan úrvalsdeildin var stofnuð og hefur Fulham unnið 3 leiki en Newcastle 2 leiki. En liðin hafa ekki gert jafntefli ennþá.

(Rikki)

Owen mun að öllum líkindum leika sinn fyrsta leik með Newcastle eftir tvær til þrjár vikur. Hann hefur verið við æfingar að undanförnu.

Dyer verður með Enska landsliðinu gegn Spánverjum á miðvikudag. Hann vonast til að eiga "come back" ásamt Woodgate í leiknum.

Given spáir því nú að Newcastle muni takast að hala inn 9 stig í næstu þremur leikjum.

Nýjasti leikmaður Newcastle heitir Oguchi Onyewu og þykir standa sig vel með liðinu. Gælunafn kappans er Gooch.

Uppselt er á næsta leik; Newcastle - Liverpool

Shay Given veitt Írska viðurkenningin Eircom/FAI International Player of the Year.

15 miðar verða til sölu á leik Newcastle gegn Arsenal um páskana. Aðeins félagar sem greitt hafa félagsgjald 06/07 geta keypt miða.

Newcastle klúbburinn á Íslandi 4 ára 18. febrúar. Afmælisveisla verður haldin á Players laugardagskvöldið 17. febrúar. Félagar eru hvattir til að skrá þátttöku. Nánar auglýst síðar. GRL