Newcastle Klúbburinn á Íslandi

Fréttir í febrúar 2008

29.Feb

Newcastle - Blackburn

St James´ Park

Laugardaginn 1 Mars Kl 15:00

Obafemi Martins er orðinn leikfær og er í leikmannahóp Newcastle sem fær Blackburn í heimsókn á St James´ Park á morgun. Jose Enrique er einnig kominn til baka í leikmannahópinn eftir að hafa misst af síðustu leikjum. Emre og Mark Viduka verða ekki með vegna meiðsla. Báðir eiga þeir við kálfameiðsli að stríða. Stephen Carr er enn frá vegna meiðsla aftan í læri. Shay Given verður ekki með eins og kom fram í vikunni en Keegan vonast til að hann verði kominn til æfinga innan tveggja vikna. "Hann mun hitta sérfræðing og þarf hugsanlega á smávægilegri skurðaðgerð að halda fyrir lok leiktíðarinnar. Þetta hefur verið að angra hann í vetur en þetta er ekkert alvarlegt" sagði Keegan.

Þess má geta að Sýn 2 (og hliðarrásir) mun ekki sýna leik Newcastle og Blackburn í beinni á morgun og ekki var nú álit mitt á Sýn 2 mikið en það minnkaði enn meira þegar ég komst að því leikurinn yrði ekki sýndur. Ekki einu sinni Ölver og Players munu sýna leik okkar manna og er því helst að menn sjái leikinn á netinu á Sopcast.

Leikmannahópur Newcastle á morgun:

Harper, Forster, Beye, N'Zogbia, Enrique, Cacapa, Taylor, Faye, Edgar, Butt, Smith, Milner, Duff, Barton, LuaLua, Owen, Martins, Ameobi, Carroll.

Leikir Newcastle gegn Blackburn á SJP í úrvalsdeildinni:

2006/07 0-2
2005/06 0-1
2004/05 3-0 og(Flitcroft), Shearer, O'Brien
2003/04 0-1
2002/03 5-1 Solano, Robert, (Grenko) sjm,
Jenas, Bellamy
2001/02 2-1 Bernard, Speed
1998/99 1-1 Hamann
1997/98 1-1 Gillespie
1996/97 2-1 Shearer, Ferdinand
1995/96 1-0 Lee
1994/95 1-1 (Flowers) sjm
1993/94 1-1 Cole

(FB)

29.Feb

Þriðji Senegalinn til Newcastle ?

Sky Sports segir frá því að Senegalinn Lamaine Diatta sé hugsanlega á leið til Newcastle á frjálsri sölu. Diatta er 32 ára varnarmaður, hann losaði sig undan samning hjá Besiktas nú fyrir stuttu en hann hefur einnig spilað með nokkrum frönskum liðum (Toulouse, Marseille, Rennes, Lyon og St Etienne). Keegan vill styrkja vörn Newcastle sem hefur fengið á sig mikið af mörkum í undanförnum leikjum og sagt er að hann hafi boðið Diatta eins árs samning. Hann mun þá hitta tvo landa sína en þeir Habib Beye og Abdoulaye Faye eru einnig frá Senegal. Birmingham og Wigan eru einnig sögð hafa áhuga á Diatta en Newcastle er sagt líklegra að krækja í kappann.

(FB)

27.Feb

Given frá út tímabilið ?

Samkvæmt fréttum mun Shay Given ekki spila meira með Newcastle á þessu tímabili. Hann hefur átt við þrálát nárameiðsli að stríða í vetur og þarf á skurðaðger að halda. Nú síðast þurfti hann að fara útaf í hálfleik gegn Man Utd. Það kemur þá í hlut Steve Harper sem spilaði sinn 100 leik með Newcastle gegn Man Utd að standa á milli stanganna í þeim leikjum sem eftir eru. Hinn ungi Fraser Forster (19 ára) kemur til með að sitja á bekknum.

Þess má geta að þessi frétt er ekki staðfest á heimasíðu Newcastle.

(FB)

23.Feb

Newcastle - Man Utd 1-5

(Faye 79) - (Rooney 25, Ronaldo 45, 56,

Rooney 80, Saha 90)

Í frjálsu falli

Lið Newcastle er í frjálsu falli í ensku deildinni. Leikmenn Newcastle gerðu í buxurnar (aftur) gegn Man Utd á heimavelli í dag og hefur liðið ekki unnið leik síðan Joey Barton skoraði sigurmark Newcastle á 90 mínútu gegn Fulham þann 15 desember í fyrra. Liðið spilaði hörmulega í dag og ætla ég ekki að lýsa því hér frekar. Kevin Keegan sagði í viðtali eftir leik að sjálfstraust leikmanna væri mjög lítið. "Við þurfum á sigri að halda til að komast á rétta braut. Við eigum erfiða baráttu framundan en ég hef trú á þeim.

Við þurfum á 40 stigum að halda til að forðast fall og við erum með 28" sagði Keegan eftir leiknn í dag.

Mín skoðun er að Keegan þarf að fara gefa öðrum leikmönnum tækifæri. Smith og Butt mega alveg fá

frí í næstu leikjum. Að láta mann spila í sókninni sem hefur ekki skorað mark í yfir 40 leikjum er ekki alveg nógu gott. Að fá á sig 9 mörk í tveimur leikjum er alveg skelfilegt. Að vera búinn að fá á sig 52 mörk í 27 leikum sem er 5 mörkum meira en allt tímabilið í fyrra er hræðilegt.

Ég væri alveg til í að sjá meira af Andy Carroll en hann kom einmitt inná í dag og lífgaði aðeins upp á sóknarleik liðsins. Einnig myndi ég vilja sjá fleiri leikmenn sem eru hungraðir en ekki einhverja leikmenn sem eru orðnir saddir.

Þetta er allavega ekki að ganga með þessa leikmenn sem hafa verið að spila undanfarið. Næsti leikur er gegn Blackburn og er sá leikur geysilega mikilvægur fyrir okkar menn því liðin fyrir neðan okkur eru að vinna inn stig og nálgast okkur smátt og smátt.

Lið Newcastle í dag:

Given (Harper 46), Beye, Taylor, Faye, N'Zogbia, Milner (Geremi 84), Butt, Barton (Carroll 61), Duff, Smith, Owen.
Varamenn: Cacapa, Ameobi.

Skot á mark: Nufc 10 (5) MU 16(10)

Hornspyrnur: Nufc 7 - MU 4

Gul spjöld: N´Zogbia. Faye, Owen, Butt.

Áhorfendur: 52,291

Maður leiksins: Áhorfendur á St James´ Park fyrir að hafa geysilega þolinmæði og alltaf að fylla völlinn sama hvernig gengur.

(FB)

22.Feb

Ný könnun

Það er nokkuð ljóst að stuðningsmenn vilja helst losna við Stephen Carr af þeim sem voru í boði í síðustu könnun. En Joey Barton var í öðru sæti yfir þá sem menn vilja losna við frá Newcastle. Nú er spurt um hvað leikmaður þykir hafa staðið sig best í vetur.

Úrslit í síðustu könnun er svona:

Stephen Carr

28%

Joey Barton

20%

Shola Ameobi

18%

Alan Smith

16%

Nicky Butt

15%

Mark Viduka

4%

(FB)

22.Feb

Emre og Carr ekki með

Tyrkinn Emre og Írinn Stephen Carr eru báðir meiddir og verða því ekki með gegn Man Utd. Emre á við kálfameiðsli að stríða og Carr er meiddur aftan í læri.

Þá er það ljóst að Martins verður ekki með en hann hefur ekki jafnað sig að fullu á ökklameiðslum.

Hópurinn gegn Man Utd er svona: Given, Harper, Forster, Beye, N'Zogbia, Enrique, Cacapa, Taylor, Faye, Edgar, Butt, Smith, Milner, Duff, Barton, LuaLua, Owen, Viduka, Ameobi, Carroll.

(FB)

22.Feb

Newcastle - Man Utd

St James´ Park

Laugardaginn 23 feb kl 17:15

Það kemur í ljós í dag hvort Shay Given muni spila gegn Englandsmeisturum Man Utd en hann meiddist í nára í leiknum gegn Aston Villa. Fari svo að hann verði ekki leikfær mun Steve Harper spila sinn 100 leik fyrir Newcastle. Obafemi Martins er enn tæpur á ökklameiðslum sem hann hlaut í Afríkukeppninni og er óvíst hvort hann verði með.

Charles N´Zogbia kemur aftur inn eftir að hafa tekið út leikbann og Geremi er einnig í hópnum. Keegan gaf til kynna nú í vikunni að hann myndi gefa Andy Carroll tækifæri gegn Man Utd þegar hann lét hann ekki spila með varaliðinu.

Leikir gegn Man Utd í úrvalsdeildinni á SJP

2006/07 2-2 Milner, Edgar
2005/06 0-2
2004/05 1-3 Shearer
2003/04 1-2 Shearer
2002/03 2-6 Jenas, Ameobi
2001/02 4-3 Robert, Lee, Dabizas, Brown sjm.
2000/01 1-1 Glass
1999/00 3-0 Ferguson, Shearer 2
1998/99 1-2 Solano
1997/98 0-1
1996/97 5-0 Peacock, Ginola,
Ferdinand, Shearer, Albert
1995/96 0-1

1994/95 1-1 Kitson
1993/94 1-1 Cole

(FB)

17.Feb

Þrír enskir í sigtinu ?

Sagt er að Kevin Keegan muni fá um 50 milljónir til leikmannakaupa í sumar og á óskalistanum eru þrír enskir leikmenn. Dean Asthon sóknarmaður hjá West Ham, Wayne Bridge vinstri bakvörður hjá Chelsea og Wes Brown varnarmaður hjá Man Utd. Ashton er metinn á um 7-8 milljónir og hefur hann ekki verið fastamaður í liði West Ham þrátt fyrir að hafa jafnað sig á meiðslum sem hrjáðu hann fyrri part tímabilsins. Wayne Bridge er metinn á um 8 milljónir en hann hefur átt erfitt uppdráttar hjá Chelsea eftir að Ashley Cole kom til liðsins. Wes Brown gæti komið í sumar á frjálsri sölu en samningur hans við Man Utd rennur út í sumar. Keegan hefur einnig sagt að það sé forgangsatriði í sumar að fá leikstjórnanda til Newcastle.

11.Feb

Carroll skorar með varaliðinu

Varalið Newcastle og Man City áttust við í kvöld á St James´ Park. Leikurinn endaði með jafntefli 1-1 og skoraði Andy Carroll mark Newcastle. Shola Ameobi spilaði einnig í kvöld ásamt ungu leikmönnunum Tamas Kadar, Ben Tozer, Kazenga Lua Lua og Wesley Ngo Baheng.

Varalið Newcastle var þannig skipað í kvöld:

Fraser Forster, Callum Morris, Tamas Kadar, Mark Doninger (Patrick McLaughlin, 90m) David Edgar, Ben Tozer, Kazenga LuaLua, James Troisi, Andy Carroll, Wesley Ngo Baheng, Shola Ameobi (Ryan Donaldson, 84m)
Varamenn: Darren Lough, Ole Soderberg, James Marwood.

Áhorfendur: 740

(FB)

10.Feb

Ný könnun

Sett hefur verið inn ný könnun og er nú spurt hvaða leikmann stuðningsmenn vilja helst selja frá Newcastle. Í síðustu könnun var spurt í hvaða sæti menn héldu að Newcastle endaði í á þessu tímabili. Menn voru á því að Newcastle myndi enda í 12 - 14 sæti eða um 55% þeirra sem kusu.

(FB)

10.Feb

Hvað er að gerast með Newcastle ?

Það er orðið ansi pirrandi að horfa á liðið sitt leik eftir leik, helgi eftir helgi og standa alltaf upp frá sófanum í fúlu skapi eftir að hafa horft á liðið sitt spila slaka leiki hvað eftir annað. Fótbolti á að vera skemmtun og okkar menn eru svo sannarlega ekki að skemmta manni þessa dagana. Við höfum verið gera jafntefli á heimavelli gegn liðum eins og Bolton, Middlesbrough, Derby, Wigan. Þetta eru leikir sem eiga að vinnast.

Maður fer því að spyrja sig, hvað er eiginlega að gerast hjá Newcastle ? Málið er einfaldlega það að leikmenn liðsins eru ekki nógu góðir til að spila með klúbbi eins og Newcastle. Leikmenn eins og Stephen Carr, Shola Ameobi, Nicky Butt, Alan Smith, Mark Viduka, Claudio Cacapa,Abdoulaye Faye, Joey Barton og Damien Duff eru einfaldlega ekki í þeim klassa sem þessi klúbbur á að sætta sig við. Ég er alveg til í að gefa mönnum eins og Milner, N´Zogbia, Taylor, Martins, Owen, Beye og Enrique áfram tækifæri til að sanna sig með betri menn með sér. Þegar menn eins og Owen og Martins eru ekki að skora fleiri mörk en staðreyndirnar sýna þá er eitthvað mikið að. Og vörnin hjá Newcastle hefur oft verið slæm á undanförnum árum, en hún toppar allt nú i vetur. Markatalan hjá okkur er 29-47 eftir 26 leiki !!!! 18 mörk í mínus eftir 25 leiki !!! Þetta er alveg hörmulegt að sjá.

Það eru aðeins Reading og Derby sem hafa fengið fleiri mörk á sig en Newcastle. Það er því alveg ljóst að það þarf að taka mikið til í herbúðum Newcastle í sumar ef liðið ætlar sér stóra hluti á komandi árum. Newcastle er í 13 sæti eins og er og er ekki nema 6 stig í fallsæti og ef liðið fer ekki að hala inn stigum í næstu leikjum þá verðum við í bullandi fallbaráttu það sem eftir lifir þessa tímabils. Keegan bað um tíma með liðið og ég er viss um að hann fær þann tíma sem hann þarf. En þetta er sama ruslið og Big Sam var með, það má kannski ekki búast við of miklu. Mike Ashley lofaði Keegan peningum til að koma liðinu í toppbaráttu á næstu árum og við skulum vona að hann standi við það í sumar. En það gæti reynst erfitt að fá sterka leikmenn til liðsins þar sem liðið verður ekki í Evrópukeppni á næsta ári. En við verðum að vera þolinmóðir eins og svo oft áður. Það voru ráðnir einhverjir kallar til liðsins (Dennis Wise, Tony Jimenez og Jeff Vetere) og eiga þeir að sjá til þess að réttir leikmenn séu keyptir til liðsins. Nú verður maður að vona að við náum að hanga í deildinni og gera svo stórárás á leikmannamarkaðinn í sumar.

Toon kveðjur

Friðrik Bergmanns

10.Feb

Keegan staðfestir að Nigel Pearson sé hættur

Hinn 44 ára Nigel Pearson hefur ákvðið að hætta störfum hjá Newcastle. Kevin Keegan staðfesti þetta eftir leikinn gegn Aston Villa. "Nigel kom til mín á fimmtudag og sagðist vilja hætta. Ég spurði hann um ástæðu en fékk ekki neina. Ég spurði hann hvort það væri útaf mér, en hann sagði svo ekki vera. Ég spurði hann hvort það væri útaf einhverjum öðrum hjá klúbbnum en hann sagði nei. En hann var mjög heiðarlegur og sagðist vilja fara. Ég bað hann um að hugsa sinn gang en hann kom í gær og sgðist vera ákveðinn, hann hafði talað við vini sína og vildi fara.

Mér líkar mjög vel við Nigel, hann er góður þjálfari. Ég virði hans ákvörðun og óska honum alls hins besta í framtíðinni" sagði Keegan á heimasíðu Newcastle í gær.

Pearson kom til Newcastle í október 2006 sem aðstoðarmaður hjá Glenn Roeder.

(FB)

9.Feb

Aston Villa - Newcastle 4-1

(Bouma 48, Carew 51,72,90 vsp) - (Owen 4)

Jarðaðir í seinni hálfleik

Newcastle byrjaði leikinn nokkuð vel í dag og komst yfir strax á fjórðu mínútu með góðu marki frá Owen. Milner átti þá flotta sendingu inn á vítateig þar sem Owen skallaði boltann í markið. Lið Newcastle spilaði bara nokkuð vel í fyrri hálfleik og hélt boltanum vel innan liðsins. Villa hefði getað fengið vítaspyrnu í fyrri hálfleik þegar Barry skaut að markinu og lenti boltinn greinilega í höndinni á Barton en dómarinn var ekki í aðstöðu til að sjá atvikið. Shay Given varði svo mjög vel frá Carew þegar hann skallaði að markinu. Seinni hálfleikur var algjör martröð fyrir Newcastle. Bouma skoraði strax á þriðju mínútu með frekar slöku skoti fyrir utan teig, boltinn breytti um stefnu af Beye og Given rann til í markinu og staðan 1-1. Þrem mínútum seinna var Villa komið yfir og var norðmaðurinn Carew þar að verki. Leikmenn Newcastle virtust brotna niður við þetta mótlæti og áttu ekki mikla möguleika í heimamenn. Given þurfti að fara af velli stuttu seinna vegna nárameiðsla og Harper kom í hans stað. Hann varði mjög vel í tvígang áður en hann þurfti að hirða boltann úr netinu þegar Carew skoraði þriðja mark Villa. Eymd Newcastle var svo fullkomnuð á lokamínútum leiksins þegar Carr handlék boltann klaufalega í vítateignum og Carew fullkomnaði þrennuna sína. 4-1 tap staðreynd og enn þurfa Newcastle aðdáendur að bíða eftir fyrsta sigrinum undir stjórn Kevin Keegan.

Given (Harper 54), Carr, Taylor, Cacapa, Beye, Milner, Barton (Emre 74), Butt, Duff, Smith, Owen.
Subs Not Used: Jose Enrique, Faye, Viduka.

Skot á mark: AV 13(8) - Nufc 5(3)

Hornspyrnur: AV 7 - Nufc 5

Gult spjald: Butt

Áhorfendur: 42,640

Maður leiksins: James Milner

(FB)

8.Feb

Aston Villa - Newcastle

Villa Park

Laugardaginn 9 feb kl 12:45

Jose Enrique snýr til baka í lið Newcastle eftir að hafa misst af tveimur síðustu leikjum og tekur hann stöðu Charles N´Zogbia sem tekur út leikbann vegna fimm gulra spjalda í vetur. Habib Beye og Abdoulaye Faye koma aftur í hópinn eftir Afríkukeppnina en Obafemi Martins á við smávægileg ökklameiðsli að stríða og verður ekki með gegn Villa.

Hópurinn er svona: Given, Harper, Forster, Carr, Beye, Enrique, Cacapa, Taylor, Faye, Edgar, Butt, Smith, Milner, Duff, Emre, Barton, LuaLua, Owen, Viduka, Ameobi, Carroll.

Leikir gegn Villa í úrvalsdeildinni á Villa Park:

2006/07

0-2

2005/06

2-1

Ameobi, N'Zogbia

2004/05

2-4

Kluivert, O'Brien

2003/04

0-0

2002/03

1-0

Shearer

2001/02

1-1

Shearer

2000/01

1-1

Solano

1999/00

1-0

Ferguson

1998/99

0-1

1997/98

1-0

Batty

1996/97

2-2

Shearer, Clark

1995/96

1-1

Ferdinand

1994/95

2-0

Lee, Cole

1993/94

2-0

Allen (vsp), Cole

(FB)

7.Feb

Andy Carroll vekur áhuga

Glenn Roeder fyrrum stjóri Newcastle og núverandi stjóri Norwich hefur áhuga á að fá hinn 19 ára sóknarmann Newcastle Andy Carroll á láni til sín. Sagt er að Ipswich hafi einnig áhuga á að fá Carroll til sín. Peter Harrison umboðsmaður Carroll sagði í viðtali við Norwich Evening News "Andy hefur áhuga á að fara til Norwich. Ég ætla fara yfir stöðu mála og ræða þetta við Andy, en þetta veltur mikið á hvort Keegan samþykkir að leyfa Andy að fara á láni".

(FB)

7.Feb

Keegan: "Þetta hefur verið erfitt"

Keegan hefur sagt við leikmenn sína að vera ekki of vondaufir þrátt fyrir erfiða byrjun eftir að hann tók við liðinu. Keegan hefur stjórnað liðinu í fjórum leikjum, gegn Bolton og Middlesbrough heima og svo tveir útileikir gegn toppliði Arsenal. Næst er svo útiliekiur gegn Aston Villa og svo heimaleikur gegn Man Utd. "Boro leikurinn var erfiður og Villa leikurinn verður það líka, svo eigum við Man Utd heima, Þetta er erfið deild en við höfum verið í svona stöðu áður".

Newcastle hefur ekki unnið deildarleik í átta leikjum og það er staðreynd sem Keegan viðurkennir og að það komi sér ekkert á óvart að leikmennirnir skorti sjálfstraust.

(FB)

6.Feb

Milner á skotskónum

James Milner og Steven Taylor spiluðu báðir með u-21 landsliði Englendinga gegn Írum í gærkvöldi í undankeppni Evrópumótsins og sigruðu ensku strákarnir 3-0. James Milner skoraði annað mark Englendinga og Theo Walcott það þriðja, fyrsta mnarkið var sjálfsmark Íranna. James Milner átti mjög góðan leik í gær og var maðurinn á bak við góðan sigur Englendinga. Þeir eru komnir með 19 stig úr sjö leikjum og eiga einn leik eftir, gegn Portúgal, sem er með 10 stig og á þrjá leiki eftir. Englendingar þurfa því stig til að gulltryggja sér sigur í riðlinum og sæti í úrslitakeppninni en markatala þeirra er ennfremur ansi góð, eða 15 mörk gegn aðeins einu.

Þess má svo geta Geremi átti einnig góðan leik með Kamerúnum í á mánudagskvöld og skoraði hann glæsilegt mark beint úr aukaspyrnu í 3-2 sigri Kamerúna gegn Túnis. Kamerúnar tryggðu sér þar með sæti í undanúrslitum keppninnar gegn heimamönnum í Ghana á fimmtudag.

(FB)

4.Feb

Martins á heimleið

Obafemi Martins og félagar hans í Níegríu töpuðu í gær fyrir heimamönnum í Ghana 2-1 og duttu þar með úr Afríkukeppninni. Martins var á bekknum og kom ekki við sögu í leiknum. Martins slæst þá í hóp með Abdoulaye Faye og Habib Baye koma þeir því allir til baka og verða væntanlega í leikmannahópnum gegn Aston Villa næstu helgi. Geremi spilar með Kamerúnum í kvöld gegn Túnis í átta liða úrslitum keppninnar. Komist þeir áfram eru undanúrslit á fimmtudag. Úrslit ráðast svo um næstu helgi þegar úrslitaleikurinn fer fram á sunnudag.

(FB)

3.Feb

Newcastle - Middlesbrough 1-1

(Owen 60) - (Huth 87)

Owen kemur Newcastle yfir í dag

Jafnt í grannaslagnum

Enn um sinn þurfa áhangendur Newcastle að bíða eftir fyrsta sigrinum undir stjórn Kevin Keegan eftir að grannarnir frá Middlesbrough náðu að jafna leikinn í lokinn á St James´ Park í dag.

Newcastle byrjaði leikinn nokkuð vel og náðu að koma boltanum í netið strax á fjórðu mínútu þegar Owen skoraði af stuttu færi eftir mistök markvarðar Boro, en á einhvern óskiljanlegan hátt dæmdi Mike Dean slakur dómari leiksins markið af.Hvorugt liðið skapaði sér hættuleg færi í fyrri hálfleik en Newcastle var þó töluvert meira með boltann. Boro byrjaði seinni hálfleikinn betur og sköpuðu sér ágætis færi en vörn ásamt Given í markinu Newcastle hélt. Á 60 mínútu náði Owen að koma Newcastle yfir með góðu skallamarki. Emre tók aukaspyrnu við hliðarlínuna og Owen náði að setja hausinn í boltann og Mark Schwarzer átti ekki möguleika að verja. Undir lok leiksins byrjuðu leikmenn Boro að pressa á mark Newcastle og það bar árangur á 87 mínútu. Robert Huth skoraði þegar rúmar þrjár mínútur voru eftir af venjulegum leiktíma. Hann fékk sendingu inn í teiginn frá Julio Arca á hægri kanti og skallaði boltann strax í boga upp í samskeytin 1-1. Í uppbótartíma skoruðu Middlesbrough svo mark sem þeir töldu sigurmark er Jermaine Aliadiere fylgdi eftir aukaspyrnu sem fór í stöngina en markið var réttilega dæmt af vegna rangstöðu og lokastaðan því 1-1.

Given, Carr, Taylor, Cacapa, N'Zogbia, Duff, Barton, Butt, Emre (Milner 65), Owen, Smith (Viduka 66).
Varamenn: Forster, Ameobi, Edgar.

Skot á mark: Nufc 10 (8) – Mid 19 (11)

Hornspyrnur Nufc 11 – Mid 6

Gul spjöld: Smith

Áhorfendur:50,105

Maður leiksins: Michael Owen

(FB)

2.Feb

Aldrei fleiri heimsóknir en í janúar

Heimasíða Newcastle klúbbsins á Íslandi nýtur vaxandi vinsælda og nú í janúar

var sett nýtt met í heimsóknum á síðuna. Alls voru 9198 heimsóknir á síðuna í janúar og gerir það 296 að meðaltali á dag. Þann 16 janúar voru 410 heimsóknir en það er einmitt dagurinn sem Kevin Keegan var ráðinn til Newcastle og er greinlegt að Newcastle aðdáendur á Íslandi vilja fylgjast vel með. Gamla metið var í ágúst á síðasta ári og voru þá 274 að meðaltali á dag sem kíktu inn á síðuna okkar. Nú er stefnan sett á 10,000 heimsóknir á mánuði og vonandi náum við þeim árangri í vetur.

(FB)

1.Feb

Newcastle - Middlesbrough

St James´ Park

3 Feb kl 13:30

Liðsfréttir

Æfing hjá Newcastle í dag

Owen tekur sprettinn. Emre, Kadar og Smith horfa á

Newcastle tekur á móti grönnum sínum í Middlesbrough á sunnudaginn og Kevin Keegan vonast eftir fyrsta sigri sínum með Newcastle eftir hann tók við liðinu.

Emre kemur aftur í leikmannahópinn eftir að hafa tekið út þriggja leikja bann. Mark Viduka verður sennilega með gegn fyrrum félögum sínum í Boro. Jose Enrique er eitthvað tæpur en gæti verið með. Habib Beye og Abdoulaye Faye snúa til baka í næstu viku en landslið þeirra datt úr keppni í Afríkukeppninni í gær. Kevin Keegan gaf til kynna að Joey Barton myndi byrja inná gegn Boro og það er bara vonandi að Emre fái að byrja inná með honum svo að það verði eitthvað miðjuspil í gangi hjá okkar mönnum.

Hópurinn:

Given, Harper, Carr, N'Zogbia, Enrique, Cacapa, Taylor, Edgar, Butt, Smith, Milner, Duff, Emre, Barton, LuaLua, Owen, Viduka, Ameobi, Carroll.

Leikir gegn Boro í úrvalsdeildinni.

2006/07: 0-0
2005/06: 2-2 Solano, Clark
2004/05: 0-0
2003/04: 2-1 Bellamy, Shearer
2002/03: 2-0 Ameobi, S.Caldwell
2001/02: 3-0 Speed, Shearer, Bernard
2000/01: 1-2 Cort
1999/00: 2-1 Shearer 2
1998/99: 1-1 Shearer
1996/97: 3-1 Beardsley 2, Lee
1995/96: 1-0 Ferdinand

1.Feb

Fabio Zamblera og Ole Soderberg

Tveir ungir til Newcastle

Newcastle fékk til sín tvo unga og efnilega leikmenn í gær á lokadegi félagsskiptagluggans. Ítalski sóknarmaðurinn Fabio Zamblera og Sænski markmaðurinn Ole Soderberg sem eru báðir 17 ára gamlir gerðu fjögurra og hálfs árs samning við Newcastle. Þeir eru báðir í ungmennalandsliðum í sínu heimalandi og eru mjög efnilegir.

Newcastle hefur fengið til sín nokkra unga leikmenn til sín á undanförnum vikum (Ben Tozer, Tamas Kadar, Wesley Ngo Baheng) og verður gaman að fylgjast með hvort það rætist eitthvað úr þessum ungu leikmönnum.

Þá fór David Rozehnal til Lazio á láni út þetta tímabil með möguleika á að Ítalska liðið kaupi hann í sumar.

(FB)