Newcastle Klúbburinn á Íslandi

Fréttir í janúar 2007

31.jan

Newcastle - Aston Villa 3-1

(Milner 5, Dyer 7, Sibierski 90) (Young 25)

Flottur sigur í kvöld hjá Newcastle gegn góðu liði Aston Villa. Þessi leikur var mikil skemmtun frá fyrstu til síðustu mínútu. Newcastle byrjaði með miklum látum og var komið í 2-0 eftir 7 mínútur. James Milner skoraði glæsilegt mark með föstu vinstrifótar skoti eftir aðeins 5 mín. Tveimur mínútum seinna átti Milner flotta sendingu á Dyer sem skallaði í mark Villa utan úr teignum.

Newcastle hefði getað bætt við þriðja markinu stuttu seinna ef þrumuskot Scott Parker sem hafnaði í slánni hefði verið nokkrum sentímetrum neðar. En eftir 20 mínútna leik fór Villa að pressa nokkuð stíft á mark Newcastle og nýji leikmaður Villa Ashley Young skoraði á 25 mín eftir að vörn Newcastle náði ekki að hreinsa frá eftir hornspyrnu, það hefði ekki verið ósanngjarnt ef Villa hefði jafnað fyrir leikhlé en John Carew annar nýr leikmaður Villa átti skalla í stöng Newcastle. Í seinni hálfleik var Villa sterkari aðilinn og þurfti vörn Newcastle að hafa fyrir sóknarmönnum Villa þá sér í lagi Carew sem var mjög ógnandi. Harper þurfti einnig að hafa sig allann við í markinu. Það var svo á síðustu mínútu leiksins að Duff brunaði upp völlinn og gaf á Sibierski sem skoraði þriðja mark Newcastle og tryggði stigin þrjú. Það hefur verið gaman hjá þeim klúbbmeðlimum sem voru á leiknum í kvöld enda var stemmingin góð á St James Park í kvöld

Liðið var þannig skipað í kvld:

Given,Carr,Taylor,Bramble,Huntington,Milner,Butt(Sibierski 33min),

Parker,Duff,Dyer og Martins.

Varamenn: Srnicek,Edgar,O´Brien og Carroll.

Gult spjald: Huntington

Skot á mark Nufc 4 Villla 9

Skot framhjá Nufc 4 Villa 5

Áhorfendur 49201

(Rikki)

29.jan

Oguchi Onyewu (Gooch) til Newcastle

Þessi 24 ára gamli Bandaríski varnarmaður er á leið til Newcastle á láni út tímabilið frá Bekgíska liðinu Standard Liege standist hann læknisskoðun í dag mánudag. Oguchi Onyewu spilaði alla þrjá leikina með Bandaríska landsliðinu á HM síðasta sumar og heftur verið eftirsóttur af mörgum liðum í Evrópu þar á meðal Chelsea, Real Madrid, Man Utd ofl. Hann var kosinn knattspyrnumaður ársins í Bandaríkjunum árið 2006 og er hann fyrsti varnarmaðurinn til að hreppa þann titil þar í landi. (Rikki)

29.jan

Á leið til Newcastle !

Nokkrir félagar fara í vikunni til Newcastle og munu sjá leik Newcastle og Aston Villa. Einnig munu þeir hitta m.a Rob Atkin aðal þjálfara kvennaliðsins og skoða aðstöðu þeirra. Síðan mun hópurinn fara til London og sjá leik Fullham gegn okkar mönnum. Á þessari mynd sem við fengum senda er Newcastle félagi nr 30 Guðmundur Magnússon ( tv ) ásamt félaga sínum, sem heimsóttu St. James Park í mai á síðasta ári. Við hvetjum félaga til að senda okkur myndir og þá einnig smá fréttir af ferðum sínum.

27.jan

Áframhaldandi samningur við Sibierski !

Sibierski segist vona að gerður verði áframhaldandi samningur við sig.

Hann sagði m.a: " Ég veit að Glenn hefur áhuga að gera samning , og ég er meira en lítið til í það því ég er rosalega ánægður hjá klúbbnum og undir hans stjórn. Ég hef notið tímans hjá Newcastle út í ystu æsar og þetta hefur verið frábær tími hjá mér. En þetta er ekki aðalatriðið í dag. Næsti leikur gegn Aston Villa er það sem skiptir máli og þar verðum við að vinna ."

27.jan

Titus og Duff tilbúnir !

Bæði Bramble og Duff tilbúnir fyrir leikinn gegn Aston Villa á miðvikudag. En eins og flestir vita hefur t.d Bramble ekki leikið með liðinu síðan 30. nóvember á síðasta ári eftir að hann meiddist á kálfa. Duff hefur átt við hnémeiðsli. Sibierski vonast til að leika með Martins frammi í þessum leik. En fram kemur í fréttum að hann sé ákaflega ánægður að leika með Martins.

27.jan

Frábær skrif í MBL

Í Morgunblaðinu í dag er frábær grein um framherjann Obafemi Martins. Við skorum á alla Newcastlemenn að kíkja á greinina.

24.jan

Roeder að fá varnarmann ?

Glenn Roeder segir í viðtali á heimasíðu Newcastle að hann sé mjög vongóður um að fá varnarmann á lánssamningi á næstu 48 klukkutímum. Roeder vill ekki gefa upp hvaða leikmaður þetta er en segir að þetta sé landliðsmaður.

(Rikki)

24.jan

Oliver Bernard kominn á kreik

Varalið Newcastle gerði 1-1 jafntefli við varalið Wigan í kvökd og var það varamaðurinn Johnny Godsmark sem skoraði mark Newcastle. En það sem bar helst til tíðinda í leiknum að Oliver Bernard spilaði sinn fyrsta leik síðan í október en það var talið að hann myndi ekkert spila á þessu tímabili eftir að hann meiddist á mjöðm fyrr í vetur. Bernard spilaði í 76 mínútur og komst óskaddaður frá leiknum.

(Rikki)

23.jan

Nýr félagi nr 265 Við bjóðum nýjan félaga velkominn í Newcastle klúbbinn á Íslandi. Hann heitir Steinar Ingi Gunnarsson og er frá Hólmavík. Steinar stefnir á að fara á leik með Newcastle á næstunni og er að pæla í leiknum NUFC gegn Arsenal eða NUFC gegn Chelsea.

22.jan

Shay Given frá í mánuð

Það hefur verið staðfest að Shay Given verður frá keppni næstu fjórar vikur vegna nárameiðsla sem hann varð fyrir í leiknum gegn West ham um helgina. Það má með sanni segja að West Ham sé ekki besta liðið fyrir Given að keppa á móti því eins og menn muna þá meiddist hann einnig í fyrri leik liðanna á Upton Park og var frá í dágóðan tíma.

(Rikki)

21.jan

James Milner skrifar undir.

James Milner hefur samþykkt nýjan samning við Newcastle. Samningurinn er til 2011.

Einnig kemur fram að Bramble mun ekki verða seldur. Fyrir liggur nýr samningur við hann sem undirritaður verður á næstu dögum.

Roeder er nú með tvo leikmenn í sigtinu sem hann hefur áhuga á að fá annar er Curtis Davies og hinn er ungur leikmaður frá Arsenal sem Roeder vill fá að láni. GRL

20.jan

2-2 jafntefli gegn West Ham

Newcastle og West Ham skiptu stigunum jafnt á milli sín á St James Park í dag. West Ham byrjaði leikinn mun betur og komst í 0-2 eftir 22 mínútur og var vörn Newcastle vægast sagt mjög slæm með Peter Ramage þar fremstann í flokki. Það var ekki fyrr en Ramage meiddist og Edgar kom inná í hans stað að vörnin fór að skána og átti strákurinn góðann leik í dag. Newcastle náði að minnka muninn rétt áður en flautað var til hálfleiks og var það James Milner sem skoraði. Leikmenn West Ham mótmæltu markinu mikið og fengu tveir leikmenn West Ham gult spjald fyrir mótmæli. Þeir vildu meina að Scott Parker hafi verið rangstæður þegar Milner skaut á markið og segja má að þeir hafi haft nokkuð til síns máls en markið stóð sem betur fer fyrir okkur. Leikmenn Newcastle mættu ákveðnir til leiks í seinni hálfleik og jöfnuðu með marki úr vítaspyrnu á 53 mínútu þegar Boa Morte gerði sig sekann um klaufaleg mistök er hann handlék boltann þegar Milner sendi boltann fyrir mark West Ham. Newcastle var líklegra til að bæta við þriðja markinu það sem eftir lifði leiks. Shay Given meiddist á 67 mínútu og kom Steve Harper inná í hans stað og stóð sig vel. Given fer í skoðun eftir helgi og við skulum vona að þetta séu smávægileg meðsli hjá besta markmanni úrvalsdeildarinnar.

Lið Newcastle var þannig skipað:Given (Harper 67), Solano, Ramage (Edgar 30),Huntington, Carr, Milner, Butt, Parker, O'Brien, Dyer, Martins. Aðrir varamenn: Luque, Pattison, Carroll.

Gul spöld: Martins,Milner,Dyer.

Áhorfendur: 52,095

(Rikki)

20.jan

U 18 Newcastle - Sheff Wed 2-0

Unglingalið Newcastle vann lið Sheffield Wednesday í dag með tveimur mörkum gegn engu í dag og voru það Jonny Godsmark (58 min) og Rob Cavener (86 min) sem skoruðu mörk Newcastle í dag. Með sigrinum náði lið Newcastle þriðja sæti í D riðli en staðan hjá efstu liðum er eftirfarandi.

Nottingham Forest    18 9 4 5 3 21 7 31
Sunderland             17 8 6 3 3 21 9 30
Newcastle United 17 9 3 5 31 22 30
Sheffield Wed          18 8 4 6 22 21 28

Lið Newcastle var þannig skipað í dag:Forster, Bertram, Lough, Cowan, Francis, Cavener, Marwood (Critchlow 78), Doninger, Donaldson, Godsmark, Danquah.

Varamenn Reay, Patterson, Debbage.

(Rikki)

19.jan

Hópurinn gegn West Ham

Steven Taylor byrjar að afplána þriggja leikja bann sitt gegn West Ham eftir brottreksturinn í leiknum gegn Birmingham í vikunni. Fyrirliðinn Scott Parker ætti að vera orðinn klár fyrir leikinn og þá er Steven Carr einnig mættur í slaginn eftir sín meiðsli. Annars er hópurinn eftirfarandi:

Given, Harper, Carr, Solano, Edgar, Ramage, Huntington, Butt, Parker, Milner, Pattison, Troisi, Gate, Martins, Dyer, Sibierski, Luque, Carroll, LuaLua.

Fyrri leikur liðanna á þessu tímabili lauk með 0-2 sigri okkar manna og voru það Damien Duff og Obafemi Martins sem skoruðu mörkin.

Frá því að úrvalsdeildin var stofnuð hefur Newcastle unnið 6 leiki, West Ham unnið 2 og 2 jafntefli hafa orðið hjá liðunum. (Ath að þetta eru bara leikir liðanna á St James Park). West ham hefur ekki skorað mark á útivelli í úrvalsdeildinni í 888 mínútur eða 14 klukkutíma og 48 mínútur og var það gegn Liverpool þann 26 ágúst þegar Bobby Zamora skoraði en hann er fjarri góðu gamni þar sem hann er í banni gegn Newcastle.

(Rikki)

18.jan

93 ár síðan síðast !

" Það er leitt að komast í sögubækurnar á þessum forsendum ", sagði Roeder eftir leikinn gegn Birmingham í gær. En nú eru liðin nákvæmlega 93 ár síðan Newcastle tapaði viðlíka á St James Park. Það var gegn Sheffield United 10. janúar 1914, en þá tapaði Newcastle 5-0. Við skulum bara vona að þetta gerist bara á 100 ára fresti þannig að næst verði það ekki fyrr en árið 2100.

17.jan

Newcastle 1 - Birmingham 5

Hörmulegum leik Newcastle lauk með yfirburða sigri Birmingham. Þetta verður bara að segjast eins og það var. Newcastle liðið var með hugann við eitthvað allt annað en fótbolta um leið og Birmingham spiluðu fanta vel og héldu boltanum innan liðsins.

Þetta er fyrsta tap Newcastle í 10 ár á heimavelli í bikarkeppninni. Newcastle spilaði megnið af seinnihálfleik einum færri, en Taylor var vísað af velli eftir brot rétt við vítateik, og uppúr því kom þriðja mark Birmingham. Solano skoraði sjálfsmark, og Milner skoraði mark Newcastle. Öll HAM liðin komust áfram í kvöld. Tottenham, Birmingham og Fullham. Þau voru sem sé öll í miklum ham þennan dag.

Aðeins voru 26.099 áhorfendur á þessum leik ????

( GRL )

14.jan

Tottenham 2-3 Newcastle (Lokastaða)

Defoe14, Berbatov54. Huntington 16,Martins 72, Butt 73.

Frábær sigur hjá okkar mönnum gegn sterku liði Tottenham. Newcastle átti á brattann að sækja í fyrri hálfleik en með besta markmann í deildinni á milli stanganna þá náðu Newcastle að halda sér inni í leiknum. Þegar flautað var til hálfleiks þá lenti þeim Nicky Butt og Pascal Chimbonda saman og fengu þeir báðir gult spjald fyrir atvikið reyndar alveg ótrúlegt að Chimbonda skyldi ekki fá rautt því hann sló Butt í andlitið. Það var svo stórglæsilegt mark hjá Obafemi Martins sem snéri leiknum við í okkar hag á 72 mín(þess má geta að skotið hjá Martins var mælt á 135km hraða hjá bbc í gær) og svo átti hann sendinguna á Butt mínútu seinna sem skoraði þriðja mark Newcastle. Það má heldur ekki gleyma Huntington sem skoraði sitt fyrsta mark sitt fyrir Newcastle og gerðii strákurinn það mjög vel.

Lið Newcastle var þannig skipað:

Given, Ramage, Taylor, Huntington, Pattison, Solano, Butt, Milner, Dyer, Martins, Sibierski.
Varamenn: Harper, Edgar, O'Brien, Carroll, Troisi.

Gul spjöld: Ramage, Solano, Butt, Huntington.

Myndband af markinu hjá Martins má sjá hér þarna má einnig sjá fleiri atvik úr leiknum.

(Rikki)

13.jan

Ambassador Newcastle klúbbsins á Íslandi.

Klúbburinn á Íslandi hefur fengið Davíð Ásgeirsson flugmann til að verða fyrsta AMBASSADOR klúbbsins í Newcastle.

Davíð er búsettur í Newcastle. Við munum segja meira frá þessu síðar. En þeir sem vilja vita meira um Davíð ,smellið hér.

13.jan

Fer ekki til PSV !!

PSV hafa tilkynnt að þeir muni ekki taka við Albert Luque að láni eins og til stóð. Þessi tilkynning kom í dag frá PSV. Það er því ljóst að Luque þarf að byrja aftur á byrjunarreit og bíða enn eftir að komast frá Newcastle.

GRL

13.jan

James Milner skrifar undir !

Í næstu viku skrifar Milner undir nýjan samning við Newcastle. Eins og þeir sem fylgdust með á sínum tíma var Newcastle búið að samþykkja boð í Milner frá Aston Villa upp á £5m pund.

En fyrirvari var á samþykkt boðsins sem fólst í því að ef NUFC fengi Mark Viduka frá Middlesbrough, þá gætu kaupin farið fram. Af því varð ekki ( sem betur fer ) og því verður gerður nýr samningur við James Milner, sem lýst hefur yfir að hann vilji helst hvergi annarstaðar vera en hjá Newcastle.

GRL

12. jan

Stuttu fréttirnar úr vikunni.

Roeder lét hafa það eftir sér í dag að hann hafi lagt til að samningurinn við Antoine Sibierski verði framlengdur eftir leiktíðina. Talað er um 12 mánaða samning.
Einnig er verið að skoða samninga við Titus Bramble, Nobby Solano og Craig Moore.
Albert Luque beið eftir svari í dag vegna félagaskiptanna . En eins og fram hefur komið er hann á leið til Hollenska liðsins PSV.
Góðar fréttir af Harper. Hann verður tilbúinn á sunnudag og kemur þá aftur inn í liðið.
Obafemi Martins setti sér það markmið að skora allavega 20 mörk fyrir Newcastle á leiktíðinni. Hvort honum takist það verður ósagt látið, en við skulum bara vona það að Martins fari að raða inn mörkum. Þetta kom fram í viðtali við Martins í dag.
Parker verður klár fyrir leikinn gegn Spurs.
FA hefur formlega kært Emre fyrir rasista tilburði í leiknum gegn Everton. Emre hefur svar eða varnarrétt til 29. janúar. En eins og flestir vita ásökuðu þeir Tim Howard markvörður, Joleon Lescott og Joseph Yobo hann fyrir að hafa sagt eitthvað niðrandi í leiknum.

GRL

11.jan

U 18 ára lið Newcastle í 16 liða úrslit í bikarnum

Unglingalið Newcastle bókaði sæti sitt í 16 liða úrslitum FA Youth Cup í gær þegar þeir unnu ungmennalið Norwich 3-1 á St James Park. Norwich komst yfir með marki á 24 min

en Andy Carroll jafnaði á 34 min. Þá var komið að Kazenga Lua Lua (frændi Lomano Lua Lua) að skora þremur mínútum fyrir lok fyrri hálfleiks en eins og menn sjá hér á myndinni þá fagnar hann líkt og frændi sinn. Andy Carroll skoraði svo sitt annað mark á lokamínútu fyrri hálfleiks. Norwich pressaði nokkuð í seinni hálfleikik en vörn Newcastle hélt og þar við sat.

Liðið var þannig skipað: Mark Cook, Mark Bertram, Darren Lough, Callum Morris, Alex Francis, Rob Cavenar, Jonny Godsmark(Dean Critchlow 86 min), Ross Cowan, Andy Carroll, Ryan Donaldson(Mark Doninger 90 min), Kazenga Lua Lua.

Aðrir varamenn: James Debbage, Alex Patterson, James Marwood.

Áhorfendur: 1092 (þar á meðal voru Glenn Roeder, Freddy Shephard, Steven Taylor, Paul Huntington og Matty Pattison.

(Rikki)

11.jan

James Triosi skrifar undir 18 mánaða samning.

Ástralinn James Triosi skrifaði undir framlengingu á samning sínum við Newcastle en þessi 18 ára strákur var á bekknum í nokkrum evrópuleikjum í vetur en fékk ekki að koma inná en bíður spenntur eftir tækifærinu sínu.

(Rikki)

9.jan

Félagi nr 264

Nýjasti félaginn í Newcastle klúbbnum á Íslandi er Egill Angantýsson frá Akureyri. Við bjópum hann velkominn ti liðs við okkur.

8.jan

Newcastle að framlengja samning sinn við Solano ?

Talið er líklegt að Newcastle framlengi samning sinn við Perúmanninn Nolberto Solano en samningur hans rennur út í sumar. Glenn Roeder sagði í viðtali við The Sun að hann gæti ekki hugsað sér að Solano yrði ekki á St James Park næsta tímabil.

(Rikki)

6.jan

Lokastaða

Birmingham 2 Newcastle 2

Campell 15 min Taylor 40 min

Larsson 86 min Dyer 54 min

Rautt spjald Jaidi 45 min

Tölur úr leiknum

Skot á mark Brum 8 Nufc 7

Skot framhjá Brum 2 Nufc 3

Hornspyrnur Brum 4 Nufc 6

Gul spjöld Brum 0 Nufc 1 (Butt)

Liðin mætast aftur á St James Park þann 17 janúar kl. 19.45

(Rikki)

6.jan

Byrjunarliðið gegn Birmingham

Given,Taylor,Huntington,Edgar,Solano,Milner,Dyer,Butt,Pattison,

Sibierski,Martins,

Varamenn: Srnicek,Luque,Alan O´Brien,Andrew Carrol,Kazenga Lua Lua. Eins og menn sjá þá hefur Roeder þurft að kalla á stráka úr unglingaliðinu enda mikið um meiðsli hjá Newcastle. Þess má geta að Kazenga Lua Lua er einungis 16 ára og 27 daga gamall og ef hann spilar gegn Birmingham slær hann met sem Steve Watson á en hann var 16 ára og 223 daga gamall þegar hann spilaði sinn fyrsta leik fyrir Newcastle.

(Rikki)

6.jan

U 18 ára lið Newcastle með sigur gegn erkifjendunum

Ryan Donaldson var hetja u18 liðs Newcastle í leik gegn Sunderland í dag þegar hann skoraði bæði mörk liðsins í 1-2 sigri á heimavelli Sunderland Academy of light. Donaldson kom Newcastle yfir á 25 mínútu eftir mistök í vörn Sunderland. Þegar sex mínútur voru liðnar af seinni hálfleik jafnaði Sunderland, en á síðustu mínútu leiksins skoraði Donaldson sigurmark Newcastle.

Lið Newcastle var þannig skipað í þessum leik. Fraser Forster,Alex Patterson,Darren Lough,Callum Morris,Alex Francis,Rob Cavener,James Marwood,(Mark Bertram 90min),Glenn Reay,(Dean Critchlow 57min),Ryan Donaldson,Mark Doninger,Frank Danquah(Jhonny Godsmark 57min) varamaður ekki notaður Mark Cook.

Það verur gaman að sjá hvort þessir guttar komi til með að spila með aðalliði Newcastle í náinni framtíð.

(Rikki)

5.jan

Hópurinn gegn Birmingham

Given, Srnicek, Solano, Edgar, Taylor,Huntington, Butt, Emre, Milner, Pattison, Troisi, Gate, Martins, Dyer, Sibierski, Luque, Carroll. Þeir félagar Emre og Nicky Butt eru tæpir vegna meiðsla og fara í "fitness test" á morgunn. Scott Parker tekur út leikbann eftir að hafa fengið sitt fimmta gula spjald í vetur í leiknum gegn Man Utd.

(Rikki)

5.jan

Sjúkralisti Newcastle

Nafn Meiðsli Væntanlegur til baka

Nicky Butt ökklameiðsli 6.jan

P.Ramage aftan í læri 10.feb

C.Babayaro aftan í læri 14.feb

C N´Zogbia hné 3.feb

T.Bramble kálfameiðsli 14.jan

S.Harper kviðslit 14.jan

D.Duff hné 14.jan

C.Moore aftan í læri óvíst

S.Carr Támeiðsli óvíst

O.Bernard mjöðm jún 07

S.Ameobi mjöðm jún 07

M.Owen hné maí 07

(Rikki) alltaf sprækur

03. janúar 2007

Edgar báðum megin Atlantshafsins.

Að vonum hefur hin 19 ára Canada drengur vakið mikla athygli eftir jöfnunarmarkið sem hann skoraði gegn Man. Utd. Kanadísk blöð eru óspör á að birta myndir og greinar. Í viðtali við pabba hans kemur fram að hann eigi bréf þar sem Edgar var boðið þegar hann var aðeins 9 ára að koma til Man. Utd. En það var aðeins eitt Utd lið sem alltaf hafi komið til greina og það hafi verið Newcastle Utd. Og pabbinn segist ætla að halda vel í bréfið. Það hafi því verið enn meiri ánægja að hann skyldi skora sitt fyrsta mark fyrir Newcastle gegn þeim. Hann mun aldrei gleyma því. Móðir Edgar er frá Hebburn og horfði á leikinn í beinni í Canada. Hún var víst sú fyrsta sem fékk að tala við strákinn sinn eftir að hann kom inn í búningsklefann.

Eddie ( pabbi hans segir ): "David verður að horfa til framtíðar og sjá t.d hvað kom fyrir mig. Ég lék aðeins einn leik fyrir Newcastle United og fékk aldrei annan séns."

Við hér á Newcastle síðunni skrifuðum frétt um D. Edgar 22.mai 2006 og þeir sem vilja rifja hana upp geta lesið hana hér. ( GRL )

03. janúar 2007

Emre sakaður um rasisma !

Ensku blöðin eru full af fréttum um miðjumann Newcastle þessa dagana. Í Times í dag er heilsíðu grein þar sem fullyrt er eftir T. Howard markmanni Everton að Emre hafi látið einhver orð falla í hans garð. Málið þykir það alvarlegt núna að FA er búið að taka það inn á sitt borð. Haft hefur verið samband við umboðsmann Emre og hann spurður út í málið og hann segir; " eins og þú heyrir er ég lélegur í ensku, en Emre er helmingi verri og kann ekki einu sinni að segja ljót orð á ensku ". Roeder segir að Emre hafi verið nokkuð uppstökkur að undanförnu að að hann hafi það eftir honum ( Emre ) að hann hafi aðeins sagt á ítölsku orðið " Puttana " sem á ensku úttlegst sem "whore ". Það kemur mönnum spánskt fyrir sjónir að Emre skuli ásakaður fyrir rasisma því besti vinur hans nú í liði Newcastle er einmitt Obafemi Martins. Einnig á Emre marga vini í öllum litum og gerðum á Ítalíu og þykir það sýna að Howard sé með einhvern tilbúning í garð Emre.

( GRL )

Sá heppni er !!!

Einar Rúnar Kristjánsson ( 195 )

og fær hann í vinning flugmiða til London og miða á leik með Newcastle gegn ?

Klúbburinn þakkar öllum sem tóku þátt í leiknum.

1.jan

Newcastle 2 Man Utd 2

Myndir úr leiknum:

David Edgar er hetja dagsins

Hinn 19 ára David Edgar ( lesa frétt um Edgar 22.05.06 ) var hetja dagsins á St James Park í dag þegar hann skoraði jöfnunarmarki Newcastle í 2-2 jafntefli gegn toppliði Man Utd. Þess má geta að Edgar var að spila sinn annan leik í byrjunaliði Newcastle en sinn fyrsta leik á St James Park. Leikurinn í dag var mjög skemmtilegur á að horfa, mikið um færi hjá báðum liðum þó sérstaklega í fyrri hálfleik og hraðinn mikill í leiknum. Newcastle komst yfir 1-0 með frábæru marki frá James Milner. Man Utd svaraði svo með tveimur mörkum en á 74 mín var komið að David Edgar en hann skaut vel fyrir utan teig og hafði boltinn smá viðkomu í Paul Scholes en markið var Edagrs algjörlega. Það var gaman að fylgjast með unglingunum í vörn Newcastle í dag og stóðu þeir sig frábærlega. Þeir Huntington, Edgar og Taylor sáu um þá félaga Ronaldo og Rooney. Svo má ekki gleyma snillingnum Solano en hann hefur verið að spila í hægri bakvörð í undanförnum leikjum og staðið sig vel. Liðiið var þannig skipað í dag :

Given, Solano, Taylor, Huntington, Edgar, Dyer, Parker, Emre (Pattison 87), Milner, Martins, Sibierski.
Aðrir varamenn: Srnicek, Luque, O'Brien, Carroll.

Áhorfendur 52,302 (fullur völlur)

Tölur úr leiknum

Skot á markið Nufc 8 Man Utd 8,

Skot framhjá Nufc 0 Man Utd 12

Hornspyrnur Nufc 1 Man Utd 10

Rikki

1.jan

Nicky Butt ekki með gegn Man Utd

Nicky Butt meiddist á vinstri ökkla í leiknum gegn Everton og gat því ekki spilað gegn fyrrverandi félögum sínum í Man Utd, en Butt ætti að vera orðin klár í næsta leik.

Rikki

31.des