Newcastle Klúbburinn á Íslandi

Fréttir í janúar 2008

31.Jan

Fabio Zamblera til Newcastle ?

Netmiðlar á Englandi greina frá því að 17 ára ítali Fabio Zamblera hafi samþykkt að ganga til liðs við Newcastle. Zamblera hefur gengist undir læknisskoðun og hafi gert fjögurra og hálfs árs samning við Newcastle. Það er nóg um að vera á síðasta degi félagsskiptagluggans og vonandi munu flieri leikmenn bætast í leikmannahóp Newcastle í kvöld. Þess má geta að þessar tvær fréttir (með Rozehnal og Zabmlera) eru ekki enn staðfestar á heimasíðu Newcastle.

(FB)

31.Jan

Rozehnal á förum ?

Samkvæmt frétt á Sky Sports er David Rozehnal á leið til Lazio á láni út þetta tímabil með möguleika á að kaupa hann í sumar.

Rozehnal hefur lýst yfir óánægju sinni með veru sína hjá Newcastle í netmiðlum í dag og hefur hann sagt að hann vilji komast í burtu. Forseti Lazio Claudio Lotito staðfesti að Rozehnal væri á leið til Ítalska liðsins. Rozehnal kom til Newcastle frá franska liðinu PSG síðasta sumar fyrir 2,9 milljónir og hefur ekki þótt standa undir væntingum.

(FB)

29.Jan

Arsenal - Newcastle 3-0

(Adebayor 40, Flamini 72,

Fabregas 80)

Endurtekning frá bikarleiknum á laugardag

Hörmung, yfirspilaðir og teknir í bakaríið aftur af liði sem er mörgum klössum fyrir ofan Newcastle.

Kevein Keegan á erfitt verkefni fyrir höndum ef það á að koma þessu liði í einhverja baráttu um eitthvað.

Nú snýst þetta tímabil bara um að komast hjá fallbaráttu enda er liðið ekki nema sjö stigum frá fallsæti.

Newcastle átti aldrei möguleika gegn firnasterku liði Arsenal sem yfirspilaði Newcastle í 90 mínútur. Lið sem stillir upp Butt og Rozehnal á miðjunni á ekki mikla möguleika á sóknarleik og það sannaðist í kvöld. Newcastle átti einungis tvö færi í leiknum og komu þau bæði á lokamínútum leiksins. Butt átti skot í slánna úr aukaspyrnu og Ameobi var næstum búinn að skora í lokinn en Almunia sá við honum.

Given, Carr, Taylor, Cacapa, N'Zogbia, Milner (Ameobi 73), Butt, Rozehnal (Barton 57), Duff, Smith, Owen.
Varamenn: Harper, Edgar, LuaLua.

Skot á mark: Ars 10(4) - Nufc 7(3)

Hornspyrnur Ars 4 - Nufc 2

Gul spjöld:N'Zogbia, Owen, Cacapa.

Áhorfendur:60,127

Maður leiksins: Steven Taylor

(FB)

28.Jan

Flestir vilja Berbatov

Það hefur verið skoðanakönnun í gangi undanfarið hér á síðunni um hvaða leikmann Newcastle stuðningsmenn vilja fá til liðsins. Auðvitað er þetta bara til gamans gert og er nokkuð ljóst að menn vilja helst fá Dimitar Berbatov leikmann Tottenham til Newcastle. Deco er í öðru sæti og Shaun Wright Phillips í því þriðja. Það er svo nokkuð bil í næstu menn.

Ný könnun hefur verið sett inn. Nú er spurt, í hvaða sæti endar Newcastle á þessu tímabili ?

Dimitar Berbatov

35%

Deco

28%

Shaun Wright Phillips

20%

Wes Brown

7%

Wayne Bridge

5%

Jermaine Defoe

4%

(FB)

28.Jan

Arsenal - Newcastle

Emerates Stadium

Þriðjudaginn 29 Jan kl 19:45

Newcastle mætir Arsenal í annað sinn á þremur sögum annað kvöld. Arsenal sló Newcastle út úr bikarnum á laugardag með 3-0 sigri á Emerates Stadium. Af liðsfréttum er það að frétta að Joey Barton verður á bekknum gegn Arsenal á morgun.

Keegan sagði á heimasíðu Newcastle í dag: "Við erum með mjög fáa menn þessa stundina og gætum þarfnast Joey og ég myndi ekki hika við að setja hann inná. Hann hefur lagt virkilega hart að sér á æfingum undanfarið. Þetta hafa verið erfiðir tímar hjá honum en við höfum trú á því að við getum breytt þessu í jákvæðan hlut".

Ameobi kemur aftur í leikmannahópinn eftir að hafa legið í flensu um helgina.

Mark Viduka verður ekki með vegna meiðsla á kálfa sem er enn að hrjá hann. Emre tekur út leikbann, það síðasta af þremur sem hann fékk eftir rauða spjaldið gegn Stoke í bikarnum. Leikmannahópurinn er því svona: Given, Harper, Carr, N'Zogbia, Enrique, Rozehnal, Cacapa, Taylor, Edgar, Butt, Smith, Milner, Duff, Barton LuaLua, Owen, Ameobi, Carroll.

Gengi Newcastle á heimavelli Arsenal í úrvalsdeildinni:

2006-07: 1-1 Dyer
2005-06: 0-2
2004-05: 0-1
2003/04: 2-3 Robert, Bernard
2002/03: 0-1
2001/02: 3-1 O'Brien, Shearer, Robert
2000/01: 0-5
1999/00: 0-0
1998/99: 0-3
1997/98: 1-3 Barton
1996/97: 1-0 Elliott
1995/96: 0-2
1994/95: 3-2 Keown (sjm), Beardsley, Fox
1993/94: 1-2 Beardsley

(FB)

28.Jan

Dennis Wise til Newcastle

Enska knattspyrnufélagið Leeds United tilkynnti nú síðdegis að Dennis Wise hefði verið leystur undan starfi sínu sem knattspyrnustjóri, til að geta fært sig yfir til Newcastle þar sem hann verður Kevin Keegan til aðstoðar. Wise mun ljúka undirbúningi liðsins fyrir leik gegn Southend sem er annað kvöld. Enn er ekki vitað hvaða stöðu Wise mun gegna hjá Newcastle, en það mun skýrast á næstu dögum.

Þeir Keegan og Wise þekkjast vel en Wise lék undir stjórn Keegans með enska landsliðinu á sínum tíma.

Wise, sem er 41 árs, lék með Wimbledon í fimm ár og síðan með Chelsea í ellefu ár þar sem hann var fyrirliði um skeið. Hann lék með Leicester í eitt ár, með Millwall í þrjú ár og þar af tvö sem spilandi knattspyrnustjóri, og var síðan leikmaður Southampton og Coventry síðasta tímabilið sitt en hann lagði skóna á hilluna 39 ára gamall vorið 2006. Hann spilaði samtals um 600 leiki í ensku deildakeppninni.

Þá tók hann við sem knattspyrnustjóri Swindon en hafði þar skamma viðdvöl því í október færði hann sig yfir til Leeds. Wise náði ekki að forða því að félagið félli niður í 2. deild í fyrsta skipti en hann var með það á réttri leið því Leeds er í hópi efstu liða 2. deildar, þrátt fyrir að hefja keppni með 15 stig í mínus vegna greiðslustöðvunar.

Wise lék 21 landsleik fyrir Englands hönd, síðast árið 2000, og skoraði eitt mark.

(Heimild mbl.is)

26.Jan

Keegan: "Okkur skortir sjálfstraust"

Kevin keegan stýrði sínum mönnum í annað sinn í dag og var stjórinn nokkuð sáttur við leik sinna manna í fyrri hálfleik. "Við spiluðum vel í fyrri hálfleik og hefðum átt að skora. Það eru mikil gæði hér hjá þessum klúbbi. Það sem vantar hér hjá okkur er sjálfstraust. Það er það sem gerir leikmenn enn betri" sagði Keegan. Um málefni Jonathan Woodgate sagði Keegan " á þessari stundu þá hled ég að hann komi ekki til Newcastle. Í raun er er ég alveg viss að um það, ég held að hann fari eitthvað annað. Það lítur út fyrir að við höfum misst af honum. Ég er geysilega vonsvikinn. Ég hefði virkilega viljað fá hann hingað".

Keegan sagði einnig að Alan Shearer myndi taka ákvörðun um hans framtíðarhlutverk hjá Newcastle á mánudaginn.

"Það er hlutverk hérna handa Alan. Hann kemur tilbaka á mánudag. Ég vill ekki setja neina pressu á hann. En ef ég þekki hann rétt þá mun hann velja stöðu sem er spennandi kostur" sagði Keegan að lokum.

(FB)

26.jan

Arsenal - Newcastle 3-0

(Adebayor 51,83, Butt sjm 89)

Shay Given

Adebayor skorar fyrsta markið í dag

Bikardraumur Newcastle úti

Newcastle datt út úr bikarkeppninni í dag þegar liðið tapaði nokkuð sanngjarnt 3-0 á Emerates Stadium í dag. Hópur Newcastle er ekki stór þessa dagana og hafði Keegan þrjá leikmenn úr unglingaliðinu á bekknum (Kazenga LuaLua, Andy Carroll og David Edgar). En Newcastle spilaði nokkuð vel í fyrri hálfleik og átti nokkur góð færi, Arsenal bjargaði t.d á marklínu þegar Smith átti gott skot að marki Arsenal.

En í seinni hálfleik tók Arsenal öll völd á vellinum og skoruðu mark fljótlega eftir leikhlé. Eduardo átti þá skot í stöng og boltinn hrökk beint til Adebayor sem lék á varnarmenn Newcastle og skoraði flott mark. Eftir það reyndist nokkuð erfitt fyrir sóknarmenn Newcastle að brjóta á bak vörn Arsenal. Adebayor gerði annað mark heimamanna sjö mínútum fyrir leikslok og Nicky Butt kórónaði slakan seinni hálfleik Newcastle með því að gera sjálfsmark á 89 mínútu og 3-0 tap staðreynd.

Keegan sagði eftir leik í viðtali á BBC: "Við áttum mjög góðan fyrri hálfleik og létum þá virkilega hafa fyrir hlutunum. En í seinni hálfleik náðum við ekki að halda uppi sama dampi og þeir áttu sigurinn skilið".

Lið Newcastle í dag: Given, Carr, Taylor, Cacapa, Jose Enrique (Rozehnal 77), Milner, Butt, N'Zogbia, Duff (LuaLua 82), Smith, Owen.
Varamenn: Harper, Edgar, Carroll.

Skot á mark: Ars 17(11) - Nufc 4(3) (á markið)

Hornspyrnur: Ars 8 - Nufc 5

Gult sjald: Cacapa

Áhorfendur: 60,046

Maður leiksins: Cacapa (átti finan leik í vörnini í dag)

(FB)

26.Jan

Woodgate á leið til Newcastle ?

Samkvæmt frétt á BBC er Jonathan Woodgate fyrir um 7 milljónir punda.

Woodgate var seldur frá Newcastle til Real Madrid árið 2004 fyrir 14 milljónir punda. Tottenham hefur einnig verið á höttunum eftir Woodgate en svo virðist sem Newcastle sé að klófesta kappann. Woodgate er ekki í leikmannahóp Middlesbrough í dag gegn Mansfield og gefur að góðar líkur á því að hann sé á förum frá Boro. Myndin hér að ofan er frá því þegar Woodgate kom til Newcastle árið 2003 og við skulum vona að hann komi aftur til Newcastle því hann er feyki sterkur varnarmaður.

(FB)

25.Jan

Arsenal - Newcastle (FA Bikar)

Emerates Stadium

Laugardaginn 26 jan kl 15:00

Newcastle mætir Arsenal á heimavelli þeirra síðarnefndu á morgun í fjórðu umferð ensku bikarkeppninnar. Nicky Butt og Alan Smith koma til baka eftir að hafa tekið út tveggja leikja bann. Mark Viduka er tæpur vegna meiðslanna sem hann hlaut á æfingu fyrir viku síðan. Joey Barton verður ekki með. Keegan hefur gefið í skyn að hann muni nota Smith í framlinunni með Owen og má reikna með að Ameobi verði að víkja fyrir Smith. Butt mun koma inn á miðjuna fyrir Rozehnal sem spilaði á miðjunni í síðasta leik. Þá lét Andy Carroll heldur betur vita af sér í varliðsleik gegn Boro fyrir stuttu þar sem hann skoraði þrennu. Arsenal tapaði illa gegn erkifjendunum í Tottenham í vikunni og mæta grimmir til leiks en það vottaði fyrir smá upplausn í liði Arsenal þegar Adebayor og Bendtner rifust inná vellinum.

Lið Newcastle: Given, Harper, Carr, N'Zogbia, Enrique, Rozehnal, Cacapa, Taylor, Edgar, Butt, Smith, Milner, Duff, LuaLua, Owen, Ameobi, Carroll.

(FB)

25.Jan

Keegan: "Shearer verður ekki númer 2 hjá mér"

Kevin Keegan knattspyrnustjóri Newcastle United hefur staðfest að Alan Shearer verði ekki aðstoðarmaður hans með liðið en segir þó að hann gæti fengið starf hjá félaginu. Shearer lýst yfir áhuga á að vinna fyrir félagið eftir að Keegan tók óvænt við liðinu að nýju.
Þeir funduðu svo í fjóra tíma í gær en ákváðu að Shearer yrði ekki aðstoðarmaður Keegan eins og hefur verið draumur margra stuðningsmanna liðsins.
Þeir ætla hinsvegar að hittast aftur á mánudaginn. ,,Við sjáum hvað gerist en það verður ekki sem aðstoðarmaður," sagði Keegan í dag.
Shearer gæti þrátt fyrir það fengið starf því Keegan sagði: ,,Ef hann ákveður að koma inn, þá fær hann starf sem er skiptir máli. Við áttum mjog góðan fund og töluðum í smáatriðum um klúbbinn. Ég veit um hans skoðanir og hann um mínar. Það var frábært að hitta hann aftur því ég hef ekki verið í sambandi við hann í heilt ár, og ég held að við höfum báðir saknað þess. Ef Alan kemur til starfa hjá okkur þá verður það að vera bitastætt starf annars segir hann nei. Þannig stendur málið eins og er" sagði Keegan í viðtali á BBC.

(FB)

25.Jan

Owen: "Ég vill endilega halda fyrirliðabandinu"

Kevin Keegan gerði Owen að fyrirliða í leiknum gegn Bolton og eftir þann leik tilkynnti Keegan að hann myndi bjóða Owen að vera fyrirliði áfram. Owen sagðist glaður gera það.

"Þetta kom satt að segja nokkuð á óvart en auðvitað sagði ég já. Þetta er mikill heiður og ég er tilbúinn í þetta hlutverk og ætla að halda því áfram" sagði Owen á heimasíðu Newcastle.

(FB)

23.Jan

Slúðrið

Eftir að Keegan tók við Newcastle hefur mkill fjöldi leikmanna verið orðaður við Newcastle. Það eru aðeins 11 dagar eftir af janúarglugganum og Keegan þarf að hafa hraðar hendur á ef hann ætlar að næla í einhverja leikmenn. Keegan talaði um að fá 2-3 leikmenn í janúar og svo má reikna með að það verði fleiri leikmenn keyptir í sumar. Sagt er að Keegan, Terry mcDermott og Arthur Cox séu á fullu að skoða myndbönd af leikmönnum og svo verður tekin ákvörðun um hvaða leikmann á að reyna næla í.

En nú í janúar hafa eftirfarandi leikmenn verið orðaðir við Newcastle og eiga eflaust fleiri eftir að bætast við þennan lista.

Micah Richards - Manchester City

Michael Carrick – Manchester United
Wes Brown – Manchester United

Wayne Bridge – Chelsea

Shaun Wright-Phillips - Chelsea
Deco - Barcelona
Jermain Defoe – Tottenham Hotspur
Johan Elmander - Toulouse FC
Barry Robson - Dundee United
Carlos Cuellar - Rangers
Sol Campbell - Portsmouth
Marek Cech - FC Porto
Nicky Shorey – Reading
John Arne Riise - Liverpool

Sami Hyypia - Liverpool

Peter Crouch - Liverpool
Daniel Van Buyten – Bayern Munich
Dean Ashton - West Ham
David Beckham – LA Galaxy
David Bentley. - Blackburn

Jonathan Woodgate - Middlesbrough

Goran Pandev - Lazio

(FB)

23.Jan

Þrenna hjá Andy Carroll

Varalið Newcastle spilaði við granna sína í Middlesbrough í gærkvöldi á heimavelli þeirra síðarnefndu og er skemmst frá því að segja að Newcastle tók Boro í kennslustund 0-5. Andy Carroll lét mikið af sér kveða og skoraði þrennu.David Neary og

Johnny Godsmark skoruðu hin tvö mörkin. Carroll brenndi einnig af vítaspyrnu í seinni hálfleik. Tamas Kadar spilaði sinn fyrsta leik með Newcastle og þótti hann standa sig mjög vel í vörninni. Það voru nokkrir aðrir ungir leikmenn sem þóttu einnig standa sig vel eins og Lua Lua, Fraser Forster, Wesley Ngo Baheng og James Triosi svo einhverjir séu nefndir. Þess má geta að Carroll skoraði einnig þrennu í leik liðanna á síðustu leiktíð en sá leikur endaði 1-5.

Varalið Newcastle í leiknum í gærkvöldi:

Fraser Forster, Callum Morris, Alex Patterson, Tamas Kadar, David Edgar, Jonny Godsmark, Mark Doninger, James Troisi, Kazenga LuaLua (Frank Wiafe Danquah, 65m), Andy Carroll, Wesley Ngo Baheng (Dan Neary, 84m)
Varamenn: Patrick McLaughlin, Mark Cook, Matthew Grieve.

(FB)

20.Jan

Newcastle - Bolton 0-0

Tilþrifalítið jafntefli gegn Bolton

Fyrsti leikur Newcastle undir stjórn Kevin Keegan endaði með tilþrifalitlu jafntefli. Keegan til varnar þá hafði hann ekki úr mörgum mönnum að velja. Hann notaði t.d Rozehnal á miðjunni og Ameobi spilaði sinn fyrsta leik í fjóra mánuði eftir erfið meiðsli. Viduka meiddist á æfingu á föstudag og var ekki með. Það voru því eingöngu leikmenn úr ungmennaliðinu sem sátu á varamannabekknum fyrir utan Harper. Það voru ekki mörg færi sem litu dagsins ljós og hættulegasta færi leiksins fengu gestirnir á lokamínútunni en Given varði glæsilega af stuttu færi. Kevin Keegan sagði eftir leikinn "Ég sagði leikmönnunum að ekki vera svekktir. Okkur vantar helling af leikmönnum, það verður að taka tillit til þess. Hlutirnir munu batna, kannski fáum við einhverja leikmenn til okkar nú í janúar. Við erum með góðan hóp en ekki stóran".

Lið Newcastle: Given, Carr, Taylor, Cacapa, Jose Enrique, Milner, Rozehnal, N'Zogbia, Duff (LuaLua 80), Owen, Ameobi.
Varamenn: Harper, Edgar, Troisi, Carroll.

Skot á mark: Nufc 13 (5) - Bol 7 (5)

Hornspyrnur: Nufc 9 - Bol 6

Gult spjald: Duff

Áhorfendur: 52,250

Maður leiksins: Shay Given (Fyrir að bjarga á glæsilega á lokamínútunni)

(FB)

19.Jan

Owen fyrirliði

Kevin Keegan hefur ákveðið að gera Michael Owen að fyrirliða liðsins. Alan Smith hefur verið með fyrirliðabandið í síðustu leikjum í fjarveru Geremi en Owen tekur við því og leiðir Newcastle inn á St James´ Park gegn Bolton í dag. Owen segir í ævisögu sinni að honum og Keegan hafi ekki komið vel saman þegar Keegan var landsliðsþjálfari en knattspyrnustjórinn segir að ummæli Owens í bókinni snerti sig ekki neitt. "Hann mun ekki bara spila heldur hef ég ákveðið að gera hann að fyrirliða. Ég tel hann rétta manninn í hlutverkið og þetta segir álit mitt á honum. Ég veit að fólk mun gera reyna að gera eitthvað úr því sem fram kemur í bókinni en það pirrar mig ekkert,“ segir Keegan.

(FB)

18.Jan

Keegan segist ætla ræða við Shearer

Á blaðamannfundi í dag sagði Keegan að hann mundi ræða við Shearer um möguleikann á því að fá hann til liðs við sig. „Ég vil að Newcastle fái allt það besta. Ef Alan vill ganga inní eitthvert hlutverk sem hentar honum, væri frábært að fá hann til starfa. Ég mun örugglega ræða við hann. Ég vill fá aðeins það besta til Newcastle. Um Michael Owen sagði Keegan: „Ég hef heyrt um bókina hans og hann hefur rétt á sinni skoðun og mig hlakkar til að vinna með honum. „Ég þekki þennan klúbb frá a til ö, ég er ekki að segja að að aðrir stjórar hefi ekki gert það, en ég þekki hann sem leikmaður, sem stjóri og ég veit hvað stuðningsmenn vilja. „Þetta er mjög sérstakur klúbbur og það er eitthvað sem aðrir skilja ekki. Fók hérna vill mæta á völlin eftir erfiða vinnuviku og horfa á skemmtilegan fótbolta líkt og fólk á suðurströndinni vill skreppa í bíó í lok vikunnar.

„Ég tel mig vera hæfasta manninn í starfið. Þetta starf hræðir mig ekki. „Það er fullt að hæfilekaríkum leikmönnum hérna eins og Michael Owen, Mark Viduka og Damien Duff svo einhverir séu nefndir. Svo erum við með leikmenn eins og Smith og Butt sem hafa unnið titla með Man Utd. Við erum klúbbur sem getur fengið til sín góða leikmenn ef þeir eru réttir fyrir liðið. „Það eru tvær vikur eftir af janúarglugganum og við munum reyna fá til okkar tvo til þrjá leikmenn, en aðeins ef þeir eru betri en þeir sem við höfum fyrir" sagði King Kev á blaðamannfundinum sem lauk nú fyrir stundu.

Keegan gaf ekki upp hver yrði aðstoðarmaður sinn en hann sagðist mjög ánægður að hafa Terry McDermott hjá sér í þjálfarateyminu.

Það kom einnig fram að Keegan gerði þriggja og hálfs árs samning við Newcastle.

(FB)

18.Jan

Tamas Kadar til Newcastle

Hinn 17 ára Tamas Kadar hefur verið keyptur til Newcastle frá ungverska liðinu

Zalaegerszegi.

Kadar skrifaði undir fjögurra ára samning við Newcastle, hann getur spilað bæði sem vinstri bakvörður og einnig sem miðvörður.

Hann er talinn einn efnilegasti varnarmaður í Ungverjalandi og hefur spilað einn leik með U 21 árs landsliði Ungverja.

Kaupverð er ekki uppgefið.

(FB)

18.Jan

Slúðrið

Sagt er að Keegan fái 30 milljónir til leikmannakaupa nú í janúarglugganum og svo enn meira í sumar. Margir leikmenn eru orðaðir við Newcastle í netmiðlum á Englandi. Shaun Wright Phillips, Wayne Bridge, Jermaine Defoe, Wes Brown, Deco, slóvakinn Marek Cech hjá Porto, Johan Elmander sóknarmaður hjá Toulouse svo einhverjir séu nefndir eru allir orðaðir við Newcastle í morgun. Það er ljóst að Keegan þarf að hafa hraðar hendur á því það eru aðeins 14 dagar eftir af janúarglugganum.

(FB)

18.Jan

Newcastle - Bolton

St James´ Park

Laugardaginn 19 jan kl 17:15

Fyrsti leikur Newcastle unidr stjórn Kevin Keegan verður á morgun gegn Bolton og verður geysileg stemming á St James´ Park á morgun. Ekki hefur King Kev úr stórum hóp að velja. Emre, Smith og Butt í banni. Geremi, Faye, Martins og Beye í Afríkukepninni. Það má reikna með því að Ameobi verði í hópnum en hann hefur verið að stíga upp úr meiðslum. Bolton keypti Grétar Rafn Steinsson í vikunni og verður gaman ef hann verður í liðinu gegn Newcastle.

Given, Harper, Carr, N'Zogbia, Enrique, Rozehnal, Cacapa, Taylor, Edgar, Milner, Duff, LuaLua, Viduka, Owen, Carroll, Ameobi, Tozer.

Leikir gegn Bolton í úrvalsdeildinni:

2006/07: 1-2 Ameobi
2005/06: 3-1 Solano, Shearer, Ameobi
2004/05: 2-1 Bowyer, Dyer
2003/04: 0-0
2002/03: 1-0 Jenas
2001/02: 3-2 Shearer 2, Bellamy
1997/98: 2-1 Barnes, Ketsbaia
1995/96: 2-1 Kitson, Beardsley

(FB)

18.Jan

Taylor: "Get ekki beðið eftir leiknum gegn Bolton."

Steven Taylor segir að stemmingin á St James´ Park gegn Bolton muni verða rosaleg þegar Keegan mun verða kynntur fyrir stuðningsmönnum Newcastle. Taylor (21 árs) horfði á Newcastle úr Sir John Hall stúkunni á þeim árum sem Keegan var við stjórnvölin síðast og sá þá sóknarbolta af bestu gerð. "Við heyrðum fréttirnar fyrir leikinn gegn Stoke og menn urðu mjög spenntir. Við vorum í búningsklefanum að hlusta á Nigel Pearson og maður heyrði í stuðningsmönnum syngja fyrir utan "There´s only one Kevin Keegan". Það var geysileg stemming á vellinum og við áttum góðan leik fyrir framan nýja stjórann. Ég held að ég geti sagt fyrir hönd allra leikmann að allir eru mjög ánægðir. Þetta hefur gefið klúbbnum lyftstiöng og áhorfendur sýndu það, þeir voru frábærir. Ég horfði á úr stúkunni þegar leikmenn eins og Les Ferdinand, David Ginola, Tino Asprilla og Philippe Albert voru að spila. Þetta voru mjög skemmtilegir tímar og þetta er það sem áhorfendur vilja sjá. Þakið á St James mun rifna á laugardag og ég get ekki beðið eftir að spila leikinn" sagði Steven Taylor að lokum.

(FB)

18.Jan

Blaðamannafunur

í dag kl 2

Newcastle hefur

boðað til

blaðamannafundar í

dag og mun kynna

Kevin Keegan sem

nýjan stjóra hjá

Newcastle United.

Það kemur fáum á

óvart að það er orðið uppselt á heimaleikinn gegn Bolton á morgun laugardag og er mikil eftirspurn um miða á leiki hjá Newcastle.

(FB)

17.Jan

Emre í þriggja leikja bann

Tyrkinn Emre verður ekki með í næstu þremur leikjum eftir að hann fékk beint rautt spjald í leiknum í gegn Stoke. Hann missir því af leikjunum gegn Bolton og tveimur leikjum gegn Arsenal. Leikbann hans kemur á versta tíma því Smith og Butt eru einnig í banni um helgina og svo eru fjórir leikmenn í Afríkukeppninni.

(FB)

16.Jan

Newcastle - Stoke 4-1

(Owen 8, Cacapa 31 - (Lawrence 89)

Milner 68, Duff 76)

Fjör á St James´ Park

Kevin Keegan var á St James´ Park í kvöld og horfði á sína menn vinna Stoke sannfærandi 4-1. Michael Owen kom Newcastle yfir strax á 8 mínútu (sjá mynd) eftir góðan undirbúning frá Milner. Á 29 mínútu var Emre rekinn útaf fyrir grófa tæklingu á leikmann Stoke en það virtist ekki há leikmönnum Newcastle að vera einum færri það sem eftir lifði leiks. Cacapa skoraði annað mark Newcastle tveimur mínútum eftir að Emre fauk útaf. Milner og Duff bættu svo við mörkum í seinni hálfleik og breyttu stöðunni í 4-0. Stoke minnkaði muninn á lokamínútunum og þar við sat.

Stoke átti aldrei möguleika í Newcastle í kvöld þótt þeir væri einum fleirri frá miðjum fyrri hálfleik.

Lið Newcastle í kvöld: Given, Carr, Taylor, Cacapa (Rozehnal 71), Jose Enrique, Milner, Emre, N'Zogbia (LuaLua 79), Duff, Viduka (Carroll 72), Owen.
Ónotaðir varamenn: Harper, Edgar.

Skot á mark: Nufc 13 (11) - Stoke 11 (5) (á markið)

Hornspyrnur: Nufc 5 - Stoke 2

Rautt spjald: Emre

Áhorfendur: 35,108

Maður leiksins: Damien Duff (Samkvæmt Sky Sports, þar sem ég sá ekki leikinn)

(FB

Asheley, Keegan og Mort á leiknum í kvöld

Stuðningsmenn Newcastle ánægðir með sinn mann

16.Jan

Viðtal við Alan Shearer

Gary Liniker tekur viðtal við Alan Shearer í þættinum Match of the day og ræðir um ráðningu Kevin Keegan til Newcastle og sína framtíð. Smellið hér til að horfa á viðtalið.

(FB)

16.Jan

Kevin Keegan tekur við Newcastle

Það hefur verið staðfest á heimasíðu Newcastle að Kevin Keegan muni taka við Newcastle.

Gerard Houllier og Didier Deschamps höfðu verið sterklega orðaðir við Newcastle síðasta sólarhring en Kevin Keegan var óvænt ráðinn seinni partinn í dag. Blaðamannafundur verður haldinn fljótlega og verður greint nánara frá ráðningu hans.

(FB)

15.Jan

Newcastle - Stoke

St James´ Park

Miðvikudaginn 16 jan kl 19:45

Newcastle tekur á móti Stoke á SJP í seinni leik liðanna í FA bikarnum á annað kvöld en liðin gerðu 0-0 jafntefli á Brittania Stadium þar síðasta sunnudag. Var það síðasti leikur Sam Allardyce sem stjóri Newcastle.

Hann er heldur betur þunnskipaður hópurinn sem Nigel Pearson hefur úr að velja gegn Stoke í seinni leik liðanna.

Þeir leikmenn sem eru frá eru: Smith, Butt (leikbann), Beye, Faye, Geremi, Martins (Afríkukeppni) Ramage (meiddur). Joey Barton er mættur til æfinga á ný en verður ekki með. Ameobi er enn einu sinni að stíga úr meiðslum og verður mjög líklega ekki með. Pearson verður því að hafa einhverja kjúklinga úr unglingaliðinu á bekknum

Hópurinn er svona: Given, Harper, Carr, N'Zogbia, Enrique, Rozehnal, Cacapa, Taylor, Edgar, Milner, Emre, Duff, LuaLua, Viduka, Owen, Carroll, Triosi, Tozer.

(FB)

15.Jan

Jose Mourinho

40%

Alan Shearer

17%

Gus Hiddink

12%

Jurgen Klinsmann

10%

Marcello Lippi

10%

Martin Jol

4%

Einhver annar

4%

Harry Redknapp

2%

Steve McClaren

2%

Staðan í Skoðanakönnuninni

Það virðist sem stuðningsmenn Newcastle hér á landi vilji helst fá "the special one" í stjórastöðuna hjá Newcastle en hann hefur nokkra yfirburði á Shearer sem er í öðru sæti. Þeir sem hafa verið nefndir til sögunar undanfarið eru reyndar ekki á þessum lista (Keegan, Houllier og nú í kvöld Didier Deschamps).

Dechamps skaust strax í toppsæti William Hill veðbankans og er listinn svona:

Didier Deschamps 15-8

Gerard Houllier 2-1

Mark Hughes 5-1

Kevin Keegan 11-2

Alan Shearer 7-1

14.Jan

Keegan aftur til Newcastle ?

Kevin Keegan hefur ekki útilokað að hann snúi aftur til Newcastle. Keegan hefur ekki starfað síðan hann hætti með Man City í mars 2005 en í viðtali við Sky Sports sagði hann: "Ég útiloka alls ekki þann möguleika að koma aftur til starfa. Ég elska þetta félag, það vita allir, en meira vil ég ekki segja, "Keegan tók við Newcastle árið 1992 við botn gömlu fyrstu deildarinnar og árið eftir vann Newcastle þá deild og fóru upp í úrvalsdeildina. Lið Newcastle varð frægt fyrir að spila skemmtilegan sóknarbolta og á fyrsta árinu í úrvalsdeildinni endaði liðið í þriðja sæti. Tímabilið 1995/96 endaði liðið svo í öðru sæti eftir að hafa leitt deildina megnið af tímabilnu. Þann 1 águst 1996 keypti hann kónginn Alan Shearer frá Blackburn á 15 milljónir punda og varð hann þar með dýrasti leikmaður heims á þeim tíma. En í janúar 2007 sagði hann af sér og tók sér frí frá fótbolta. Hann fór svo til Fulham árið 1997. Hann tók síðan við enska landsliðinu og var svo knattspyrnustjóri Manchester City í fjögur ár en hætti þar fyrir tæpum þremur árum og hefur verið í fríi frá fótboltanum síðan.

Það hefur verið orðrómur um að Keegan og Shearer muni taka við Newcastle og sennilega yrðu stuðningsmenn Newcastle himinlifandi með þá ákvörðun.

Topp fimm listinn hjá veðbankanum Ladbrokes í Englandi yfir næsta stjóra Newcastle er svona:

1. Mark Hughes

2. Kevin Keegan

3. Alan Shearer.

4. Martin Jol

5. Gerard Houliier

(FB)

14.Jan

Smith í tveggja leikja bann

Alan Smith hefur verið úrskurðaður í tveggja leikja bann eftir rauða spjaldið sem hann fékk í leiknum gegn Man Utd. Smith mótmælti harðlega sjötta og síðasta marki United og fékk í kjölfarið beint rautt spjald frá dómara leiksins. Nicky Butt tekur einnig út tveggja leikja bann eftir að hafa fengið 10 gul spjöld í vetur, þannig að þeir félagar missa af heimaleikjunum gegn Soke og Bolton nú í vikunni.

(FB)

13.Jan

Sir Bobby "Kominn tími á Shearer"

Sir Bobby Robson segir að það ætti að ráða Alan Shearer í stjórastöðuna hjá Newcastle. Robson sagði í viðtali við The Mail í dag. "Mike Ashley þarf að taka mikilvæga ákvörðun. Mun hann snúa sér að goðsögn heimamanna Alan Shearer, þó svo að hann sé óreyndur sem stjóri, eða mun hann snúa sér að reyndari manni eins og Mark Hughes, Gerard Houllier eða Martin Jol. Af 99 skiptum af 100 myndi ég velja reynsluna, Newcastle er of stórt fyrir óreyndan mann. En Shearer er öðruvísi. Ég veit að Shearer hefur ekki stjórnað áður en hann hefur algjöra sérstöðu í borginni og geysilega hátt metinn í Newcastle.

Það er ekki honum að kenna, en hver svo sem tekur við liðinu mun alltaf hafa skuggann af honum yfir sér vegna þess hversu hann er vinsæll í Newcastle. Þangað til hann verður stjóri mun þetta alltaf vofa yfir liðinu. Afhverju þá ekki að þagga í öllum núna og ráða hann. Hann er á lausu, býr í borginni og er átrúnaðargoð allra. Hann hefur ekki reynslu sem stjóri en hann hefur spilað marga stóra leiki í gegnum árin. Ef hann kemur fram og vill starfið þá á að gefa honum það. Newcastle hefur ekki efni á því að láta annan mann neita sér. Ég veit að margir aðdáendur vilja fá Kevin Keeegan aftur og Alan Sheare gæti lært af honum. En ég get ekki séð Shearer sem aðstoðarmann hjá einhverjum, það yrði frekar hinsegin að hann væri með aðstoðarmann með sér.

Ráðið Shearer annars er enginn ástæða að vera með hann" sagði Sir Bobby Robson að lokum.

(FB)

13.Jan

Ashley "Ég gerði mistök"

Mike Ashley eigandi Newcastle viðurkennir að hann hafi gert mistök þegar hann keypti klúbbinn. "Ég viðurkenni að þegar ég keypti klúbbinn að þá hugsaði ég fyrst um að koma að mínum eigin mönnum að strax þar á meðal nýjum stjóra. Þegar ég horfi til baka þá var það rangt hjá mér að koma ekki mínum manni að. Ég keypti liðið til að koma þeim í hóp þeirra bestu. Ég vill lið sem menn eru hrifnir að fyrir flottan sóknarbolta" sagði Ashley sem er hættur að mæta á völlinn í Newcastle treyjunni sinni og ætlar hann að einbeita sér að stjórnun liðsins.

(FB)

12.Jan

Man Utd - Newcastle 6-0

Liðið:Given, Carr, Taylor, Cacapa, Jose Enrique, Milner (Viduka 64), Smith, Butt, N'Zogbia, Duff, Owen (Rozehnal 82).
Ónotaðir varamenn: Harper, Emre, LuaLua.

Skot á mark: MU 30 (21) - Nufc 7 (5)

Hornspyrnur: MU 16 - Nufc 1

Gult spjald: Duff

Rautt Spjald: Smith

(FB)

12.Jan

Harry Redknapp úr myndinni.

Alan Shearer líklegastur

Sky Sports segir frá því að Harry Redknapp hafi neitað að taka við stjórastöðunni hjá Newcastle og ætlar hann að halda áfram starfi sínu hjá Portsmouth. Chris Mort og Redknapp ræddu saman í gær og eftir þær viðræður ákvað Redknapp að neita tilboði Newcastle.

Nýjustu fregnir herma að Alan Shearer sé líklegur að taka við Newcastle ef honum verði boðið að taka starfið. Hann yrði mjög vinsæll kostur því hann er sá vinsælasti í Newcastle. Stuðningsmenn myndu standa vel við bakið á Shearer og hann þekkir klúbbinn manna best. Hann fengi pottþétt tíma með liðið því maður sér það ekki alveg gerast að Alan Shearer yrði rekinn frá Newcastle þó svo að illa gengi í fyrstu. Það væri bara guðlast að reka sjálfan kónginn.

(FB)

11.Jan

Man Utd - Newcastle

Old Trafford

Laugardaginn 12 feb kl 17:15

Þetta er búið að vera viðburðarík vika hjá Newcastle. Big Sam rekinn og Nigel Pearson fær það erfiða verkefni stjórna liðinu gegn Englandsmeisturum Man Utd.Eins og menn vita væntanlega að þá eru nokkrir leikmenn Newcastle farnir til æfinga með landsliðuðum sínum fyrir Afríkukeppnina. Habib Beye, Martins Geremi og Abdoulaye Faye eru allir mættir til æfinga hjá landsliðum sínum. En samkvæmt BBC er möguleiki að Martins verði með í leiknum gegn Man Utd. Stephen Carr spilaði í 90 mínútur með varaliðinu í vikunni og verður í hópnum. Joey Barton verður ekki með þar sem hann á við fötlun í höfðinu að stríða og er í meðferð þessa dagana vegna þess. Þeir Emre (ökklameiðsli) og Milner (veikur) snúa til baka í leikmannahópinn og hafa þeir verið á æfingum í vikunni.

Hópurinn er svona: Given, Harper, Carr, N'Zogbia, Enrique, Rozehnal, Cacapa, Taylor, Edgar, Butt, Milner, Emre, Duff, LuaLua, Smith, Viduka, Owen, Martins, Carroll.

Gengi Newcastle á Old Trafford hefur ekki verið glæsilegt og þarf að leita til tímabilsins 1971/72 til að finna síðasta sigur Newcastle á Old Trafford en þá vann Newcastle 0-2 með mörkum frá John Tudor og Stewart Barrowclough. Síðan þá hefur gengi Newcastle verið svona:

72/73 1-2 Nattrass
73/74 0-1
75/76 0-1
76/77 2-7 Burns, Nattrass (LC)
76/77 1-3 Nulty
77/78 2-3 Martin, Burns
84/85 0-5
85/86 0-3
86/87 1-4 D.Jackson
87/88 2-2 Mirandinha
88/89 0-2 (Mercantile)
88/89 0-2
93/94 1-1 Cole
94/95 0-2
95/96 0-2
96/97 0-0
97/98 1-1 Andersson
98/99 0-0
99/00 1-5 sjm (Berg)
00/01 0-2
01/02 1-3 Shearer
02/03 3-5 Bernard, Shearer, Bellamy
03/04 0-0
04/05 1-2 Ambrose
05/06 0-2
06/07 0-2

(FB)

11.Jan

Harry Redknapp næsti stjóri ?

Samkvæmt frétt hjá Newcastle Chronicle þá er hefur Portsmouth staðfest að Newcastle vilji fá að ræða við Harry Redknapp um stjórastöðuna hjá Newcastle. Fréttir herma að Portsmouth sé nánast búnir að viðurkenna að Redknapp sé á förum til Newcastle. Mike Ashley eigandi Newcastle er í Hong Kong í viðskiptaferð en er væntanlegur heim fljótlega til að ganga frá stjóraskiptunum. Hinn 60 ára gamli Redknapp hefur stjórnað Portsmouth í tvígang, fyrst árin 2002 - 2004 og svo kom hann aftur árið 2005 og undir hans stjórn hefur liðið blandað sér í baráttuna um evrópusæti í vetur og er sem stendur í 8 sæti úrvalsdeildarinnar. Hann mætti með lið sitt á St James´ Park í nóvember og sigruðu Portsmouth auðveldlega 1-4.

(FB)

9.Jan

Shearer útilokar að taka við Newcastle

Samkvæmt frétt á BBC hefur Alan Shearer sagt að það sé mjög ólíklegt að hann taki við stjórastarfinu hjá Newcastle. Shearer segist vera mjög ánægður með núverandi starf sitt í þættinum Match og the day. Veðbankar á Englandi segja Harry Redknapp stjóra Portsmouth líklegastan til að taka við Newcastle. Og yrði hann þá sjöundi stjórinn á síðustu 11 árum hjá Newcastle. Aðrir sem hafa verið nefndir eru Martin Jol, Jose Mourinho, Jurgen Klinsmann, Marcello Lippi og Steve McClaren.

(FB)

9.Jan

Sam Allardyce rekinn

Stjórn Newcastle sagði Sam Allardyce upp í dag.

Stjórnarformaður Newcastle Chris Mort sagði á heimasíðu félagsins: "Mike Ashley og ég viljum koma á framfæri þakklæti til Sam Allardyce fyrir hans framlag til liðsins og óskum honum alls hins besta í framtíðinni. Nýr stjóri hefur ekki verið ráðinn en við munum koma með yfirlýsingu um stjórastöðuna þegar það er viðeigandi". Sam Allardyce sagði: Ég er vonsvikinn að fara frá liðinu en ég óska liðinu góðs gengis það sem eftir er af tímabilinu og í framtíðinni". Nigel Pearson aðalþjálfari Newcastle mun stýra liðinu gegn Man Utd næstkomandi laugardag.

Kóngurinn á St James´ Park Alan Shearer hefur strax verið orðaður við stjórastöðuna hjá Newcastle en sjálfsagt munu fleiri nöfn vera nefnd á næstu dögum.

Ég var passlega búinn að setja inn skoðanakönnun hér á síðuna um hvort ætti að reka Sam eða ekki. Ný skoðanakönnun hefur verið sett inn og er hún um hvern menn vilja sem næsta stjóra.

(FB)

9.Jan

Slúðrið í dag

Það vantar ekki leikmenn sem eru orðaðir við Newcastle nú í janúarglugganum en það er óvíst hversu mikill sannleikur er í þessum fréttum.

# Lassana Diarra 22 ára miðjumaður hjá Arsenal er óánægður með dvölina hjá toppliðinu og vill komast í burtu. Sagt er að ef Diarra komi til Newcastle þá mun Emre fara frá Newcastle og eru Monaco, Bayern Munchen og Galatasary nefnd til sögunar.

# Big Sam hefur boðið 2,5 milljónir í Brasilíumanninn Pedro Geromel 22 ára varnarmaður hjá portúgalska liðinu Guimaraes.

# Dean Ashton 24 ára sóknarmaður hjá West Ham er mikill vinur Steven Taylor og hefur hann verið orðaður við Newcastle undanfarið.

# Big Sam vill fá Kevin Nolan til sín frá Bolton. Nolan stóð sig mjög vel undir stjórn Allardyce þegar hann var hjá Bolton.

# Luke Freeman 15 ára sóknarmaður hjá Gillingham er eftirsóttur hjá nokkrum liðum í úrvalsdeildinni þar á meðal Newcastle.

# Shola Ameobi gæti verið á förum frá Newcastle en hann hefur ekki spilað mikið í vetur vegna meiðsla. Norwich er þá helst nefnt til sögunnar en þar er stjórinn enginn annar en Glen Roeder.

# Big Sam hefur sagt að það komi ekki til greina að selja þá Martins og Taylor. Martins hefur verið orðaður við Man City og Aston Villa. Taylor hefur verið orðaður við Tottenham, West Ham og Chelsea.

# Laurent Robert fyrrum leikmaður Newcastle er búinn að semja við Derby

(FB)

8.Jan

Wesley Ngo Baheng til Newcastle

Wesley Ngo Baheng 18 ára gamall frakki hefur verið keyptur til Newcastle frá franska liðinu Le Havre. Hann mun spila með varaliðinu í kvöld gegn varaliði Sunderland. Hann fetar í fótspor Charles N´Zogbia sem kom einnig frá Le Havre í september 2004.

Baheng er talinn vera mjög efnilegur og verður gaman að fylgjast með honum á næstu árum. Eins og áður sagði spilar varlið Newcastle í kvöld gegn varaliði Sunderland og verða fleiri leikmenn í eldlínunni í kvöld. Adam Sadler þjálfari varliðsins hefur tilkynnt byrjunarliðið og er það svona:

Fraser Forster, Stephen Carr, Darren Lough, David Edgar, Callum Morris, Alex Francis, Wesley Ngo Baheng, Mark Doninger, Andy Carroll, Kazenga LuaLua, Jonny Godsmark.
Varamenn: Frank Wiafe Danquah, James Marwood, Alex Patterson, Patrick McLaughlin, Ryan Donaldson.

(FB)

7.Jan

Ben Tozer keyptur til Newcastle

Newcastle hefur keypt hinn 17 ára varnarmann Ben Tozer frá Swindon Town. Newcastle gerði fjögurra og hálfs árs samning við Tozer. Kaupverð er ekki uppgefið.

Tozer kom til Swindon frá Plymouth síðasta sumar og spilaði hann 7 leiki með aðalliði Swindon á þessu tímabili.

Það er fastlega reiknað með því að Newcastle láni hann út þetta tímabil til að öðlast meiri reynslu.

"Ég var kallaður inná skrifstofu fyrir þrem til fjórum vikum síðan og stjórinn minn sagði að Swindon hefði samþykkt tilboð frá Newcastle í mig. Ég trúði ekki mínum eigin eyrum og ég sagði strax að ég gæti ekki hafnað þessu tilboði. Newcastle er frábært félag og með frábæra áhorfendur. Ég er búinn að tala við Sam Allardyce, hann er góður stjóri og mig hlakkar mikið til að vinna með honum" sagði hinn ungi og efnilegi Ben Tozer á heimasíðu Newcastle í dag.

(FB)

7.Jan

Bikardrátturinn

Dregið var í dag í fjórðu umferð ensku bikarkeppninnar og takist Newcastle að sigra Stoke á St James´ Park þann 16 janúar mæta þeir toppliði Arsenal á Emirates Stadium. Leikurinn mun fara fram 26 eða 27 janúar. Annars er drátturinn svona:

Arsenal - Stoke City/Newcastle
Coventry - Walsall/Millwall
Oldham - Huddersfield Town
Swindon/ Barnet - Fulham/ Bristol Rovers
Wigan - Chelsea
Luton/Liverpool - Swansea/Havant & Waterlooville
Southend - Barnsley
Southampton - Norwich/Bury
Man Utd - Tottenham/Reading
Portsmouth - Plymouth
Derby/Sheff Wed - Preston
Watford - Wolves
Peterborough - Charlton/West Brom
Sheff Utd - West Ham/Man City
Mansfield - Middlesbrough
Tranmere/Hereford - Cardiff

(FB)

6.Jan

Stoke City - Newcastle 0-0

Steven Taylor kemur í veg fyrir að Parkin skori

Newcastle heppnir að sleppa með jafntefli

Newcastle mætti Stoke City í kvöld í þriðju umferð FA bikarsins á Brittania Stadium í mikilli rigningu. Fyrri hálfleikur var frekar tíðindalítill og lítið um færi hjá báðum liðum. Michael Owen átti hættulegasta færi fyrri hálfleiks þegar hann fékk sendingu frá Viduka en markmaður Stoke náði að bjarga á síðustu stundu. Í seinni hálfleik voru heimamenn sterkari aðilinn og fengu mun hættulegri færi. Það hættulegasta fengu þeir á 66 mínútu þegar varamaðurinn Parkin fékk sannkallað dauðafæri en á ótrúlegan hátt náði Steven Taylor að bjarga á marklínunni. Í kjölfarið fengu heimamenn hornspyrnu og fengu annað gott færi en þá náði Shay Given að bjarga vel. Andy Carroll kom inná fyrir Viduka undir lokin og var hann næstum búinn að skora á lokamínútunni en skot hans fór í hliðarnetið. Jafntefli niðurstaðan og liðin þurfa að mætast að nýju á St James´ Park. Lið Newcastle átti ekki góðan leik og eins og oft áður var ekki mikið um færi hjá liðinu. Með þá Butt og Smith inná miðjunni er kannski ekki von á miklu spili og maður eins og Owen þarf á betri þjónustu að

halda frá miðjumönnunum. N´Zogbia var nokkuð líflegur í fyrri hálfleik og það sást ekki mikið til hans í seinni hálfleik. Damien Duff byrjaði inná en hann komst aldrei í takt við leikinn. Kazenga Lua Lua kom inná í hans stað þegar um 20 mínútur voru eftir og virkaði hann nokkuð sprækur og verður gaman að fylgjast með honum í framtíðinni. Bestu menn liðsins í kvöld voru að mínu mati þeir Taylor, Faye og Given. Næsti leikur Newcastle er gegn meisturum Man Utd á Old Trafford og er Sam Allardyce ekki öfundsverður að þurfa mæta þeim núna þegar pressan á honum er sem mest.

Lið Newcastle í kvöld: Given, Rozehnal, Taylor, Faye, Jose Enrique, Duff (LuaLua 74), Smith, Butt, N'Zogbia, Viduka (Carroll 87), Owen.
Ónotaðir varamenn: Harper, Cacapa, Edgar.

Skot á mark: Stoke 10 (6) - Nufc 12 (5)

Hornspyrnur: Stoke 10 - Nufc 3

Gult spjald: Butt

Áhorfendur: 22,861

Maður leiksins: Steven Taylor (Leggur sig alltaf 100% fram í leikjum og bjargaði því að Newcastle datt út úr bikarnum)

(FB)

5.Jan

Stoke City - Newcastle

Brittania Stadium

Sunnudaginn 6 jan kl 18:00

Geremi og Martins missa af leiknum gegn Stoke ó bikarnum þar sem þeir eru mættir til æfinga með landsliði sínu fyrir Afríkumótið. Big Sam vonast þó til að fá Martins í leikinn gegn Man Utd næstu helgi. Joey Barton verður ekki með enda er framtíð hans hjá liðinu í óvissu eftir framkomu hans undanfarið. Damien Duff á við smávægileg meiðsli að stríða og er óvíst að hann taki þátt í leiknum. Margir eru á því að Big Sam verði rekinn ef Newcastle tapi gegn Stoke á morgun en Chris Mort stjórnarformaður Newcastle hefur sagt að starf Allardyce sé ekki í hættu.

Hópurinn gegn Stoke: Given, Harper, Carr, Beye, N'Zogbia, Enrique, Rozehnal, Cacapa, Taylor, Faye, Edgar, Geremi, Butt, Milner, Emre, Duff, Smith, Martins, Viduka, Owen.

(FB)

4.Jan

Slúðrið í dag

# Dean Ashton sóknarmaður West Ham er orðaður við Newcastle í dag en hann sagður vera óánægður eftir að hafa setið á varamannabekknum í undanförnum leikjum.

# Big Sam ætlar að reyna fá varnarmanninn Tal Ben Haim lánaðan frá Chelsea í janúarglugganum.

# Man Utd hefur neitað tilboði frá Newcastle í Wes Brown. Hann rennur út á samning næsta sumar og hefur neitað nýjum samningi frá Man Utd.

# Claudio Pitbull 26 sóknarmaður hjá Porto er orðaður við Newcastle. Cláudio Mejolaro eins og hann heitir réttu nafni er fæddur í Brasilíu og er í láni hjá Portúgalska liðinu Vitoria Setubal.

# Framtíð Joey Barton hjá Newcastle er í mikilli óvissu eftir framkomu hans rétt fyrir áramót. Hann mun funda með Chris Mort og Sam Allardyce um stöðu sína hjá félaginu í dag.

(FB)

3.Jan

Ný skoðanakönnun á spjallinu

Ég setti inn nýja skoðanakönnun á spjallinu um hvort það eigi að reka Sam Allardyce eða ekki. Og vil ég hvetja alla til að taka þátt í könnuninni. Munið að það þarf að vera skráður notandi á spjallinu til að taka þátt. Það þarf að fá einhvern fjölda til að könnunin verði marktæk.

(FB)

3.Jan

Krul verður áfram í láni en Carroll kemur til baka

Newcastle hefur staðfest að hollendingurinn Tim Krul verður í láni hjá Falkirk

út þetta tímabil en Andy Carroll kemur til baka eftir að hafa verið í láni hjá Preston.

Krul hefur spilað 23 leiki með skoska liðinu og eru þeir í sjötta sæti. Carroll spilaði 13 leiki með Preston þar af 7 sinnum í byrjunarliðinu og skoraði hann eitt mark.

(FB)

2.Jan

Newcastle - Man City 0-2

(Elano 38, Gelson 76)

Enn ein vonbrigðin

Ekki byrjaði árið 2008 vel hjá Big Sam og lærisveinum hans. Tap gegn Man City á heimavelli 0-2. City sem hafði ekki unnið útileik síðan í ágúst vann sinn annan útileik í vetur. Newcastle byrjaði leikinn mjög vel og áttu nokkur góð færi. Martins, Beye og N´Zogbia áttu allir ágætis færi en náðu ekki að nýta þau. Það var svo nokkur vendipunktur í leiknum þegar Damien Duff slapp einn í gegnum vörn City á 37 mínútu en varnarmaður City braut á honum og hefði fengið rautt spjald ef línuvörðurinn hefði ekki flaggað rangstöðu á Duff. Í endursýningu mátti sjá að Duff var greinilega réttstæður og því um rangan dóm að ræða. Strax í næstu sókn skoraði Elano flott mark eftir gott samspil City leikmanna.

Elano mátti svo teljast heppinn að fá ekki rautt spjald undir lok fyrri hálfleiks þegar hann braut gróflega á Faye. Hann fékk aðeins gult spjald frá dómara leiksins Martin Atkinson.

Big Sam gerði strax breytingu á liðinu í hálfleik, tók Martins útaf og setti Owen inná. Það mátti litlu muna að Owen skoraði eftir aðeins nokkrar sekúndur þegar hann fékk frábæra sendingu frá N´Zogbia inn fyrir vörn City en markvörður City varði skot hans vel. Þetta færi var hættulegasta færi Newcastle í öllum seinni hálfleik og var eins og það vantaði hugmyndir í sóknarleik heimamanna. Man City bætti svo við öðru marki sínu á 76 mínútu og var það einkar vel að því staðið. Því má svo bæta við að Newcastle átti klárlega að fá vítaspyrnu á undir lok leiksins þegar brotið var á Steven Taylor í upplögðu færi, en þegar gengi liðsins er eins og það hefur verið í undanförnum leikjum þá eru þessir hlutir ekki að falla með okkur.

Það var mikið baulað á leikmenn Newcastle þegar flautað var til leiksloka og er pressan á Big Sam farin að aukast töluvert. Skiptingarnar hjá honum þóttu furðulegar í leiknum. Jú jú það var svo sem allt í lagi að setja Owen inná, en hann hefði frekar mátt taka Viduka útaf frekar en Martins. Viduka hafði ekki gert mikið í fyrri hálfleik og þótti frekar þungur og svifaseinn. Duff var svo tekinn útaf fyrir Enrique sem var kannski til að hvíla Duff sem var að spila sinn þriðja leik á stuttum tíma en hann er nýkominn tilbaka eftir erfið meiðsl. Hann hefði kannski átt að setja Emre inná fyrir Duff. Emre virðist ekki vera hátt skrifaður hjá Sam og hefur hann mátt sitja á bekknum í síðustu leikjum (fyrir utan leikinn gegn Wigan). Faye var svo skipt útaf fyrir Emre á 73 mínútu en Faye hafði átt nokkuð góðan leik á miðjunni. En maður ræður svo sem engu. Big Sam ræður þessu öllu í bili allavega.

Liðið í kvöld: Given, Beye, Cacapa, Taylor, N´Zogbia, Faye (Emre 73), Butt, Milner, Duff (Enrique 64), Viduka, Martins (Owen 45).

Ónotaðir varamenn: Harper, Rozehnal.

Skot á mark: Nufc 16 (10) - MC 12 (7)

Hornspyrnur: Nufc 8 - MC 7

Gul spjöld: Enginn

Áh50orfendur: 50,956

Maður leiksins: Charles N´Zogbia (Var hættulegasti maður liðsins í kvöld)

(FB)

1.Jan

Alan Smith ekki með gegn City ?

Big Sam segir að það sé mjög ólíklegt að Smith verði með gegn City annað kvöld.

"Ekki gleyma að hann lá meðvitundarlaus á Stamford Bridge og fékk heilahristing. Það lítur því út fyrir að hann muni ekki ná sér fyrir leikinn gegn City" sagði Big Sam. En það eru betri fréttir af Faye sem fékk högg á handlegginn í leiknum gegn Chelsea og var með höndina í fatla eftir leikinn. En eftir að skoðun leiddi í ljós að ekkert alvarlegt væri að þá ætti hann að vera klár í leikinn gegn City. Faye átti góðan leik gegn Chelsea á mðjunni gegn mönnum eins og Ballack og Mikel.

(FB)

1.Jan

75882 heimsóknir á árinu 2007

Nú þegar árið er liðið er gaman að taka saman tölur um heimsóknir á heimsasíðuna okkar. Alls voru 75882 heimsóknir á síðuna og að meðaltali voru 207 heimsóknir á dag sem er þó nokkur fjölgun frá árinu 2006 en þá var meðaltalið 133 heimsóknir á dag. Hæðsta meðaltalið náðist í ágúst (274) en lægst í nóvember (174).

(FB)