Newcastle Klúbburinn á Íslandi

Fréttir í júlí 2009

31.Júlí

Obafemi Martins seldur til Wolfsburg

Nígeríumaðurinn Obafemi Martins var í dag seldur til þýsku meistarana í Wolfsburg fyrir um 9 milljónir punda. Martins gerði 4 ára samning við Wolfsburg og er hann fyrsti leikmaðurinn sem er seldur frá Newcastle eftir að liðið féll úr úrvalsdeildinni. Oba Martins: "Ég er mjög ánægður að þetta gekk upp. Bundesligan er ein af sterkustu deildum í heimi og ég er mjög ánægður að fá að spila með meisturunum. Þetta á eftir að vera mikil áskorun fyrir mig"

Það var Glen Roeder sem keypti Martins til Newcastle fyrir um 10 milljónir punda í ágúst 2006 frá Inter Milan.

Martins spilaði 104 leiki fyrir Newcastle og skoraði 35 mörk á þeim þrem tímabilum sem hann var hjá Newcastle. Að mínu mati náði hann sér aldrei virkilega á strik með Newcastle og var oft meiddur, eins og svo margir leikmenn Newcastle. Hann var líka einn af þessum leikmönnum sem var á háum launum og það kemur ekki á óvart að hann skuli hafa verið seldur.

En hann var alltaf vinsæll hjá stuðningsmönnum Newcastle og auðvitað óskum við honum alls hins besta hjá nýju félagi.

(FB)

31.Júlí

Sir Bobby Robson látinn

Goðsögnin Sir Bobby Robson (76 ára) lést í morgun eftir langvarandi baráttu við krabbamein. Robson stýrði Newcastle frá 1999 til 2004 og gerði hann frábæra hluti með liðið. Derek Llambias stjórnarformaður Newcastle: "Sir Bobby var einn af goðsögnum fótboltans, alveg einstakur og ástríðufullur maður sem gaf svo mikið af sér til fótboltans. Hans verður sárlega saknað úr fótboltaheiminum og við viljum votta konu hans og fjölskyldu okkar dýpstu samúðaðkveðjur".

Það má segja að hann hafi náð að kveðja Toon herinn því það var haldinn ágóðaleikur þann 26 júlí síðastliðinn og var hann kallinn alsæll á St James Park fyrir framan 33 þúsund áhorfendur. Þar mætti England Þýskalandi og vorum menn eins og Alan Shearer, Les Ferdinand, Gazza og Rob Lee með Englandi og Lothar Matthaus með Þýskalandi. England vann leikinn 3-2 og skoraði Alan Shearer sigurmarkið úr vítaspyrnu Sir Bobby til mikillar ánægju.

(FB)

31.Júlí

Stuttar fréttir

# Newcastle gerði 0-0 jafntefli við Leeds á St James Park nú í vikunni. Sebastien Bassong spilaði sinn fyrsta æfingaleik á undirbúningstímabilinu en hann hefur verið orðaður mikið við Tottenham undanfarið.

# Fraser Forster hefur verið lánaður í einn mánuð til Bristol Rovers sem leikur í fyrstu deild. Hann vill ólmur fá að spila reglulega til að auka möguleikana á að komast í U21 landslið Englands.

# Nile Ranger og félagar hans í U19 landsliði Englands eru komnir í úrslit á Evrópumóti U19 ára landsliða sem haldið er í Úkraínu. England sigraði Frakkland 3-1 í undanúrslitum og mæta þeir heimamönnum í úrslitaleik þann 2 ágúst. Ranger hefur fengið að spila nokkuð og hefur skorað eitt mark í úrslitakeppninni.

# Það er mikið ritað um að Obafemi Martins sé á leið til Þýska liðsins Wolfsburg. Sagt er að liðin hafi komist að samkomulagi um kaupverð á Martins og hann eigi bara eftir að gangast undir læknisskoðun. Wolfsburg var Þýskalandsmeistari síðasta tímabil og spila í meistaradeildinni í vetur.

# Mark Viduka er að semja við Portsmouth en hann var einmitt laus undan samningi hjá Newcastle.

(FB)

25.Júlí

Leyton Orient gjörsigraði Newcastle 6-1

Enimitt þegar maður hélt að botninum væri náð, þá kom þessi rassskelling í dag gegn fyrstu deildar liði Leyton Orient í dag á Brisbane Road. Newcastel stillti upp mjög sterku og reyndu liði en það skipti ekki málið því þeir áttu aldrei möguleika gegn Orient.

Orient komst í 2-0 eftir 23 mínútur, en Joey Barton minnkaði munin fyrir hlé. Í seinni hálfleik skoraði Orient svo fjögur mörk svo að niðurlæging Newcastle var algjör.

Lið Newcastle í dag:

Tim Krul, Habib Beye, Jose Enrique, Steven Taylor, Fabricio Coloccini, Joey Barton, Damien Duff, Kevin Nolan, Jonas Gutierrez, Alan Smith (c), Oba Martins
Varamenn: Danny Guthrie, Xisco, Geremi, Andy Carroll, Kazenga LuaLua, Tamas Kadar, Fraser Forster, Ben Tozer, Ryan Donaldson, Darren Lough, Wesley Ngo Baheng

(FB)

22.Júlí

Þriðji sigurinn í röð

Newcastle sigraði Huddersfield 0-1 í gær með marki frá Kevin Nolan í seinni hálfleik og hefur þar með unnið þrjá leiki í röð. Leikurinn í gær þótti ekki mikið fyrir augað og var það helst Svíinn ungi Samuel Adjei sem sýndi góða takta í seinni hálfleik. Nicky Butt var ekki með í gær en hann meiddist í leiknum gegn Darlington um helgina og verður hann frá keppni í einn mánuð og missir þar með af byrjun tímabilsins. Þeir Oba Martins og Geremi verða sennilega með um helgina gegn Leyton Orient á Brisbane Road. Sebastien Bassong gæti einnig spilað en hann hefur ekki enn spilað í æfingaleikjunum. Allir varamenn nema Fraser Forster komu inná í seinni hálfleik.

Enn virðist ekkert vera að gerast í sölunni á liðinu og stefnir allt í að Chris Hughton muni stýra liðinu í fyrstu leikjum liðsins á komandi tímabili. Það er alveg ótrúlegt að horfa upp á þetta og gerist ekkert í leikmannamálum á meðan ástandið er svona, stjóralaust lið með enga peninga til umráða. Ég er allavega orðinn verulega þreyttur á þessu ástandi hjá mínu liði.

NUFC: Steve Harper (c), Habib Beye, Steven Taylor, Fabricio Coloccini, Jose Enrique, Jonas Gutierrez, Joey Barton, Danny Guthrie, Kazenga LuaLua, Andy Carroll, Xisco
Subs: Fraser Forster, Tamas Kadar, James Tavernier, Kevin Nolan, Damien Duff, Ryan Taylor, Alan Smith, Ryan Donaldson, Samuel Adjei, Shola Ameobi

(FB)

18.Júlí

Sjö mörk gegn Darlington

Newcastle spilaði sinn annan æfingaleik í dag og sigruðu þeir Darlington sem leikur í 2 deild (neðstu deildinni) nokkuð örugglega 2-7. Það voru þeir Damien Duff, Kevin Nolan, Jonas Gutierrez, Steven Taylor, Andy Carroll og Shola Ameobi (tvö mörk) sem skoruðu mörk Newcastle í dag. Jonas og Nolan skoruðu þar með sín fyrstu mörk fyrir Newcastle. Lið Newcastle var þannig skipað:

NUFC: Tim Krul, Ryan Taylor, Habib Beye, Steven Taylor, Tamas Kadar, Alan Smith (c), Kevin Nolan, Joey Barton, Damien Duff, Kazenga LuaLua, Shola Ameobi
Varamenn: Fabricio Coloccini, Jose Enrique, Danny Guthrie, Jonas Gutierrez, Xisco, Nicky Butt, Fraser Forster, Andy Carroll, Ryan Donaldson.

Allir varmenn komu svo inná í síðari hálfleik. Næsti leikur er svo gegn Huddersfield á þriðjudaginn.

(FB)

15.Júlí

Stuttar fréttir

# Newcastle hefur neitað þeim orðrómi að Joe Kinnear sé að snúa til baka í stjórastólinn. Klúbburinn staðfestir einnig að hann sé til sölu og samningaviðræður séu í gangi við hugsanlega kaupendur.

# Leikur Newcastle við FC Utrecht sem átti að fara fram þann 26 júlí hefur verið afturkallaður af enska knattspyrnusambandinu vegna þess að Sunderland er að spila á sama tíma í Amsterdam mótinu. Það þótti ekki vera boðlegt að hafa þessa erkifjendur á sama tíma í Hollandi og er það vel skiljanlegt.

Í staðinn mun Newcastle leika við Leyton Orient á Matchroom Stadium þann 25 júlí.

# Richard Money hvetur ungu strákana til að nýta tækifærið í vetur til að sanna sig. Það er mikið af efnilegum strákum hjá Newcastle og er mjög líklegt að þeir muni fá tækifæri með aðalliðinu í vetur.

# Varaliðið spilar fyrsta æfingaleikinn í kvöld og er það Sheffield Wed sem kemur og heimsækir strákana í Newcastle.

# Nicky Butt hefur miklar áhyggjur af ástandinu hjá Newcastle þessa dagana eins og allir stuðningsmenn Newcastle einnig. "Því fyrr sem þetta leysist því betra, en við höfum verið að segja þetta frá miðjum janúar og staðan er óbreytt. Mér finnst að Alan Shearer sé líklegastur að taka við liðinu og ég hef trú á að hann muni gera góða hluti hérna. En á meðan þetta er allt óráðið, þá erum við að tapa dýrmætum tíma í að móta liðið fyrir veturinnn". Ég hef aldrei upplifað svona, við þurfum bara að krossleggja fingur og vona að eitthvað gerist. Við erum orðnir fullsaddir á þessu. Síðustu fimm til sex vikur hefur hefur það verið "það mun eittvað gerast í lok þessara viku eða næstu viku" en það gerist ekkert. Við erum allir í sömu stöðu - það veit enginn neitt.

Ég held að við getum alveg tekið undir með Butt að þetta er að verða ansi þreytandi og vonandi fer þetta nú að leystast sem allra fyrst.

(FB)

11.Júlí

Nile Ranger með sitt fyrsta mark fyrir Newcastle

Newcastle sigraði Shamrock Rovers 0-3 í fyrsta æfingaleik sínum á Írlandi í dag. Staðan var 0-0 í hálfleik en í þeim síðari skoraði Newcastle þrjú mörk og voru þar að verki Steven Taylor, Shola Ameobi og Nile Ranger sem skoruðu mörkin. Ranger skoraði þar með sitt fyrsta mark fyrir aðallið Newcastle.

NEWCASTLE UNITED: Harper (Krul, 46); Beye (R Taylor, 46), Morris (S Taylor, 46), Coloccini (Tozer, 46), Kadar (Enrique, 46); Ngo Baheng (Donaldson, 46), Butt(Guthrie, 46), Barton (Smith, 46), Duff (Danquah, 46); Nolan (Ameobi, 46), Ranger (LuaLua, 46). Ónotaður varamaður: Soderberg.

Mörk: S Taylor 50, Ameobi 87, Ranger 89

Næsti leikur liðsins er gegn Darlington þann 18 júlí.

(FB)

4.Júlí

Í tilefni þess að ég á afmæli í dag þá ætla ég að setja inn fréttir. Ég hef verið frekar slakur undanfarna daga enda kannski ekki neitt merkilegt að gerast. Klúbburinn enn til sölu og virðist þetta ganga ansi hægt. Í morgun var greint frá því að fjölmiðlakóngur frá Malasíu Ananda Krishnan að nafni hefði áhuga á að kaupa klúbbinn fyrir um 80 milljónir punda. Vonandi fer þetta að leysast sem fyrst svo það sé hægt að huga að leikmannamálum og svo ég tali nú ekki um að ráða stjóra til liðsins. Alan Shearer er sagður hafa mikinn áhuga á að taka við stjórn liðsins og vona ég að sú verði raunin.

Nú er aðeins vika í fyrsta æfingaleik liðsins gegn Írska liðinu Shamrock Rovers og eru leikmenn mættir til æfinga fyrir nokkru síðan. Í kjölfarið koma leikir gegn

Darlington (Ú) 18 júl

Huddersfield (Ú) 21 júl

FC Utrecht (Ú) 26 júl

Leeds (H) 29 júl

Dundee Utd (Ú) 2 ág

Chris Hughton ásamt Colin Calderwood hafa stjórnað æfingum og hefur Hughton sagt að hann sé ánægður með leikmennina. Eins og flestallir vita þá fór Owen til Man Utd á frjálsri sölu og David Edgar er farinn til Burnley einnig á frjálsri sölu. Annað merkilegt hefur nú ekki gerst í sumar. Það hefur auðitað mikið slúður verið um leikmenn Newcastle og hafa margir leikmenn verið orðaðir í burtu frá liðinu. Martins, Coloccini, Jonas, Barton, Enrique, Nolan, Duff , Bassong, Xisco, Smith, S Taylor, Carroll hafa allir verið orðaðir við önnur lið. Svo eru nokkrir leikmenn sem eru samningslausir og má reikna með að þeir fari frá Newcastle.

Vonandi fer þetta nú að leystast fljótlega og við getum farið að horfa fram á veginn.

(FB)