Newcastle Klúbburinn á Íslandi

Fréttir í júní 2008

23.Júní

Nýr varabúningur

Newcastle hefur kynnt nýjan varabúning fyrir næsta tímabil og má sjá mynd af Michael Owen í honum hér til vinstri.

Hann er nokkuð ólíkur varabúningnum frá síðasta tímabili sem var ljós blár.

(FB)

23.Júní

Shay Given kveður niður orðróm um Arsenal

Given segir að hann sé mjög ánægður með lífið í Newcastle og vilji klára ferilinn þar. Hann hefur verið orðaður við Arsenal undanfarið sem eru að reyna að krækja sér í topp klassa markmann. Given sem hefur spilað 437 leiki fyrir Newcastle kom til Newcastle 1997 átti við nárameiðsli að stríða síðasta tímabil en hefur sett stefnuna á að mæta í topp formi næsta tímabil. Það er stutt í að hann slái leikjamet Jimmy Lawrence en hann spilaði 496 fyrir Newcastle á árunum 1904-1921. Lawrence var einnig markmaður.

Frank Hudspeth fyrrum fyrirliði er svo í öðru sæti með 472 leiki að baki. Þessi vinstri bakvörður spilaði á árunum 1910-1929 og er einn af fáum sem hafa fengið að lyfta bikar á loft fyrir Newcastle.

(FB)

23.Júní

Aaron Lennon spenntur fyrir Newcastle

Lennon er sagður hafa áhuga á að koma til Newcastle ef Tottenham ætlar að selja hann. Lennon er fæddur í Leeds og myndi þá búa nær fjölskyldu sinni. Keegan er sagður vera spenntur fyrir Lennon sem er 21 árs eða ári yngri en N´Zogbia, Milner, Enrique og Taylor.

(FB)

23.Júní

Ameobi á förum frá Newcastle ?

Tony Mowbray stjóri WBA er sagður vilja fá Ameobi til sín fyrir komandi tímabil. WBA tryggði sér sæti í úrvalsdeildinni á síðasta tímabili og Ameobi vill frekar spila í úrvalsdeildinni en í Championship deildinni. Norwich og Ipswich hofðu bæði áhuga á honum en hann mun að öllum líkindum fara til WBA. Verðið á Ameobi (26 ára) er sagt vera 2,5 milljónir punda. Hann hefur verið frekar aftarlega í goggunarröðinni hjá Newcastle og var t.d lánaður til Stoke á síðasta tímabili.

(FB)

16.Júní

Fyrsti leikur gegn Englandsmeisturum Man Utd

Búið er að raða niður leikjunum fyrir næsta tímabil og fá Kevin Keegan og félagar það erfiða verkefni að mæta meisturum Man Utd á Old Trafford þann 16 ágúst næstkomandi. Fyrsti heimaleikurinn verður svo gegn Bolton laugardaginn 23 ágúst. Þriðji leikurinn er svo gegn Arsenal á Emirates Stadium þann 30 ágúst. Alla leiki Newcastle má sérhér.

Enn á eftir að raða niður sjónvarpsleikjum þannig að einhverjar breytingar gætu orðið.

Fyrstu tvær umferðirnar eru svona:

Laugardagurinn, 16 ágúst
Arsenal v West Brom
Aston Villa v Man City
Bolton v Stoke
Chelsea v Portsmouth
Everton v Blackburn
Hull v Fulham
Man Utd v Newcastle
Middlesbrough v Tottenham
Sunderland v Liverpool
West Ham v Wigan

Laugardagurinn 23 ágúst
Blackburn v Hull
Fulham v Arsenal
Liverpool v Middlesbrough
Man City v West Ham
Newcastle v Bolton
Portsmouth v Man Utd
Stoke v Aston Villa
Tottenham v Sunderland
West Brom v Everton
Wigan v Chelsea

(FB)

10.Júní

David Rozehnal til Lazio

Tékkinn David Rozehnal hefur gengið til liðs við ítalska liðið Lazio en hann hefur einmitt verið hjá þeim í láni frá því í janúar. Rozehnal kom til Newcastle síðasta sumar og kostaði 2,9 milljónir punda. Newcastle fékk svipað verð fyrir hann þannig að ekki var tap á þessum kaupum annað en að hann þótti ekki standa undir væntingum. Rozehnal spilaði 25 leiki fyrir Newcastle og skoraði ekkert mark.

(FB)

7.Júní

Newcastle í æfingaferði til Mallorca

Kevin Keegan mun fara með lið sitt til Mallorca í byrjun águst og taka þátt í æfingamóti ásamt Real Mallorca, Hertha Berlin og Hannover 96. Leikirnir munu fara fra 1 - 3 ágúst.

(FB)

3.Júní

Stuttar fréttir

# Sam Allardyce fyrrum stjóri Newcastle er orðaður við stjórastarfið hjá Blackburn, en reiknað er með að Mark Hughes takið við Man City.

# Ítölsku liðin Genoa og Siena hafa sýnt áhuga á David Rozehnal leikmanni Newcastle sem var í láni hjá Lazio frá janúar.

# West Ham og Newcastle eru að skoða Alvaro Negredo, sóknarmann Almeria

# Keiron Westwood ungur markmaður hjá Carlisle er undir smásjánni hjá Wigan og Newcastle.

# James Milner býst við miklum breytingum á leikmannahópi Newcastle fyrir næsta tímabil. “Við erum með lítinn leikmannahóp eins og hefur oft komið fram áður, þannig að ég er viss um að það verður bætt við hópinn og það verða leikmenn seldir einnig” sagði Milner.

# Peter Crouch og John Arne Riise leikmenn Liverpool eru orðaðir við Newcastle. Keegan hefur sagt að honum vanti sárlega annan vinstri bakvörð. Crouch hefur ekki átt fast sæti í byrjunarliði Liverpool og vill fá að spila meira.

# Argentínumaðurinn snjalli Pablo Aimar hjá Real Zaragoza hefur verið settur á sölulista og hefur Newcastle sýnt áhuga á kappanum. Hann er sagður kosta um 6,5 milljónir punda.

# Man City og Newcastle eru sögð hafa áhuga á Fabio Coloccini varnarmanni Deportivo La Coruna sem er metinn á um 10 milljónir punda.

# Richard Dunne er enn orðaður við Newcastle, en reiknað var með að hann færi til Tottenham.

# Bafetimbi Gomis sóknarmaður St Etienne sem hefur verið orðaður við Newcastle undanfarið skrifaði undir nýjan fjögurra ára samning við franska liðið.

# 19 ára Tyrki Nuri Sahin er undir smásjánni hjá Newcastle. Sahrin er á samning hjá Dortmund en var í láni hjá Feyenoord síðasta tímabil, hann spilaði 28 leiki og skoraði 8 mörk með hollenska liðinu. Hann á 11 landsleiki að baki með aðalliði Tyrkja.

(FB)