Newcastle Klúbburinn á Íslandi

Fréttir í Mars 2007

31.Mars

Newcastle - Man City 0-1

(Mpenza 80)

380 mínútur án marks

Enn einn leikurinn án marks hjá Newcastle, enn ein vonbrigðin. Þetta tímabil er að verða martröð fyrir Newcastle. Newcastle áttu öllu meira í leiknum en eins og svo oft áður náðu þeir ekki að nýta sér þau færi sem gáfust. Parker skoraði reyndar löglegt mark í fyrri hálfleik en var ranglega dæmt af vegna rangstöðu. Man City átti skot í slá um miðjan fyrri hálfleik og var það eina færi þeirra í fyrri hálfleik. Mpenza skoraði eina mark leiksins á 80 mínútu og eftir það pressaði Newcastle nokkuð og Taylor átti t.d skalla í slá Man City og stuttu seinna átti Butt gott skot sem fór í varnarmann Man City. Það verður að segjast eins og er að leikskipulagið hjá Roeder var frekar furðulegt í þessum leik. Að nota Dyer frammi með Martins er bara ekki að virka. Milner og Sibierski hefðu mátt koma miklu fyrr inná. Nú eru bara 7 stig í fallsæti og þeir draumar um að ná evrópusæti virðast vera fjara út og nú verða leikmenn að einbeita sér að halda sér í deildinni.

Liðið: Given, Carr, Moore(Onyewu 73), Babayaro, Solano(Milner 76), Butt, Parker, Duff, Martins, Dyer(Sibierski 76),

Varamenn: Emre, Harper

Gult spjald: Moore

Maður leiksins: Steven Taylor

Áhorfendur: 52.000

(Rikki)

30.Mars

Newcastle liðsfréttir

Þeir Nicky Butt, Peter Ramage, Celestine Babayaro og Stephen Carr snúa allir til baka eftir meiðsli. Glenn Roeder hefur ekki haft svo stóran hóp úr að velja í allan vetur. Þeir leikmenn sem spiluðu landsleiki í vikunni komu allir heilir til baka. Hópurinn sem Roeder hefur úr að velja er eftirfarandi: Given, Harper, Solano, Carr, Babayaro, Edgar, Taylor, Bramble, Onyewu, Moore, Ramage, Huntington, Butt, Parker, Milner, Duff, Emre, N'Zogbia, Pattison, Troisi, Martins, Dyer, Sibierski, Luque, Carroll, LuaLua.

Newcastle hefur ekki skorað í 290 mínútur í deildinni eða síðan Nolberto Solano skoraði úr vítaspyrnu gegn Liverpool í 2-1 sigri þann 10 febrúar. Leikur liðanna í fyrra á St James Park lauk með 1-0 sigri okkar manna með marki frá engum öðrum en Michael Owen. Fyrri leikur liðanna á þessu tímabili endaði 0-0.

ATH að Leikurinn hefst kl 14.00

(Rikki)

30.Mars

Draumadúett Stjórans

Glenn Roeder getur varla beðið eftir að geta spilað Michael Owen frammi með Obafemi Martins. Roeder neitar því að þeir séu of líkir leikmenn. "Þeir eru kannski ekki hæstu leikmenn í heimi en Owen hefur skorað mörg með skalla og Martins hefur alveg gríðarlegan stökkkraft. Michael Owen hefur verið að æfa á fullu undanfarið og mun taka fullan þátt í æfingum með félögum sínum eftir helgi og hefur verið talað um að Owen stefni á að verða orðin leikfær þegar Newcastle mætir Chelsea þann 22 apríl.

(Rikki)

30.Mars

Onyewu ekki velkomin ..

Sagt er frá því í dag að varnarmaðurinn Oguchi Onyewu, sem verið hefur hjá Newcastle að láni frá Standard Liege síðustu tvo mánuði, sé ekki velkominn til baka. Roeder hefur sagt að Oguchi hafi ekki sýnt það af sér sem hann hafi vonast og því muni hann ekki bjóða honum frekari samning við Newcastle klúbbinn. Valið hjá Roeder hefur staðið á milli Bramble og Oguchi að undanförnu, en eftir leikinn við Alkmaar er Bramble ofar á listanum.

(GRL)

26.Mars

Freddy Shephard varar Englendinga við

Shephard segir í viðtali hjá Sky Sports að Newcastle mun ekki flýta endurkomu Michaels Owen til að hjálpa Englendingum í baráttunni um að komast í úrslitakeppni Evrópukeppninnar 2008. Englendingar hafa skorað eitt mark í síðustu fimm leikjum og voru harðlega gagnrýndir fyrir frammistöðu sína gegn Ísrael um helgina. "Owen mun koma til baka þegar það er best fyrir hann og Newcastle en ekki England" segir Shephard.

Glenn Roeder hefur ekki gefið út dagsetningu á endurkomu Owens en hann er mjög ánægður með bata hans. "Owen er búinn að taka miklum framförum á æfingum og við erum mjög ánægðir með hann" sagði Roeder.

(Rikki)

26.Mars

Glenn Roeder horfir fram á veginn

Roeder viðurkennir að Newcastle hefur keypt ranga leikmenn undanfarin ár en hann er bjartsýnn á að breyta því. Newcastle hefur ekki unnið stórann titil síðan 1969 og munu ekki vinna neinn titil á þessu tímabili og er í 11 sæti í deildinni.

Roeder játar að það sé breytinga sé þörf á St James Park og hann er með nokkra leikmenn í sigtinu sem hann ætlar sér að krækja í fyrir næsta tímabil. " Ég er á því að það sé kominn tími á að við komumm úr dvala og tökum stórt skref fram á við á næstu tveimur árum. Til að leysa vandamál þá verður maður að viðurkenna að það sé vandamál og vandamálið er að við erum ekki með nógu sterkan hóp til að berjast um eitt af fjórum efstu sætunum. Roeder er vongóður um að Freddy Shephard standi við bakið á honum í kaupum á nýjum leikmönnum í sumar. Ef ég fæ rétta leikmenn þá munið þið sjá það á vellinum næsta tímabil.

(Rikki)

25.Mars

Shay Given meiddur ?

Í leik Írlands og Wales um helgina meiddist markvörður Newcastle Shay Given lítillega á hné og fer hann í skoðun á mánudag. Steve Staunton landsliðsþjálfari Íra vonast eftir að Given verði með í leiknum gegn Slóvakíu næsta miðvikudag.

(Rikki)

23.Mars

Nýr Newcastle búningur

Nýja búningasettið fyrir tímabilið 2007-2009 var kynnt í dag á heimasíðu Newcastle og á myndinni má sjá Michael Owen í nýja settinu. Ég verð nú að segja að mér líst bara ansi vel á nýja búninginn.

(Rikki)

23.Mars

Peter Ramage mættur á æfingu

Varnarmaðurinn Peter Ramage er mættur til æfinga eftir tveggja mánaða fjarveru. Ramage meiddist í leiknum gegn West ham þann 20 jan síðastliðinn, og vonast hann til að verða í hópnum gegn Man City næstu helgi.

(Rikki)

22.Mars

Stuttar fréttir og smá slúður

# Portsmouth og Celtic eru sögð hafa áhuga á að fá Titus Bramble til sín í sumar.

# Sagt er að þeir Babayaro, Moore, Bramble og Emre verði látnir fara frá St James Park í sumar.

# Newcastle hefur frestað samningarviðræðum við nokkra leikmenn félagsins eftir slaka frammistöðu liðsins undanfarið. Þetta eru þeir Sibierski, Bramble, Solano og Milner.

# Glenn Roeder er sagður vilja reyna krækja í Peter Crouch framherja Liverpool í sumar.

# Paul Huntington mun gera nýjan 2 ára samning við Newcastle á næstu dögum en núverandi samningur hans rennur út í sumar.

# Stephen Carr vonast eftir að verða með í leiknum gegn Man City þann 31 mars.

# Shola Ameobi vonast eftir að spila áður en keppnistímabilið klárast en hann er að janfa sig eftir uppskurð á mjöðm og var talið að hann myndi ekkert spila fyrr en á næsta tímabili.

# Emre hefur verið orðaður við bæði Hertha Berlin og Bayern Munchen undanfarið.

(Rikki)

20.Mars

U 18 ára liðið úr leik í bikarnum

Ungmennalið Newcastle féll úr leik í bikarkepninni í gær þegar liðið tapaði seinni leiknum gegn Liverpool 3-1 á Anfield og samanlagt

7-3. Lið Newcastle byrjaðii leiknn vel og var yfir í hálfleik 0-1 með marki frá Cavener. Í byrjun seinni hálfleiks jafnaði Liverpool leikinn og stuttu seinna var einn leikmaður Liverpool rekinn af velli fyrir að sparka í Andy Carroll leikmann Newcastle. Þrátt fyrir að vera einum færri bætti Liverpool við forystuna. Kazenga Lua Lua fékk svo að líta rauða spjaldið á 64 mínútu fyrir mótmæli. Liverpool bætti svo við þriðja markinu undir lok leiksins og þar við sat. Lið Newcastle var þannig skipað í gær : Cook, Cowan, Critchlow, Morris, Taylor (Francis 79), Cavener, Doninger, Godsmark (Marwood 87), LuaLua, Carroll, Donaldson (Grieve 87). Varamenn (ekki notaðir): Debbage, Bertram.

(Rikki)

20.Mars

Emre hreinsaður af ásökunum um kynþáttafordóma

Tyrkneski miðjumaðurinn Emre var í gær hreinsaður af öllum ákærum um kynþáttafordóma af enska knattspyrnusambandinu. Þetta er mikill léttir fyriri Emre sem hefur haldið fram sakleysi sínu allan tímann. " Ég er mjög ánægður með málalok og ég fordæmi kynþáttafordóma. Nú vill ég halda áfram með ferilinn minn og ég er mjög þakklátur klúbbnum fyrir allan þann stuðning sem hann hefur sýnt mér" sagði Emre í gær eftir fundinum lauk.

(Rikki)

18.Mars

Charlton - Newcastle 2-0

Zhi Zheng 53

Thomas vsp 88

Vonbrigði á The Valley

Lið Newcastle náði ekki að rétta úr kútnum eftir tapið í Hollandi á fimmtudag og tapaði gegn Charlton í dag með sömu markatölu 2-0. Fyrri hálfleikur var frekar slakur og lítið um færi á báða bóga en Newcastle átti þó öllu meira í leiknum. Seinni hálfleikur byrjaði vel og fékk Martins sannkallað dauðafæri en skaut framhjá. Charlton komst yfir á 53 mínútu þegar Darren Bent átti skot í slánna úr aukaspyrnu rétt fyrir utan teig og boltinn hrökk beint til Zhi Zheng sem skallaði í markið. Lið Charlton var líklegra til að bæta við forystuna en Newcastle að jafna og áttu þeir nokkur góð færi en Given varði allt sem á markið kom. Newcastle átti klárlega að fá vítaspyrnu þegar Dyer komst upp að endamörkum Charlton og gaf sendingu fyrir en varnarmaður Charlton El Karkouri handlék boltann en Dermot Gallagher hálfblindur dómari leiksins sá ekki ástæðu til að dæma vítaspyrnu. Seinna mark Charlton kom svo ú vítaspyrnu sem var réttilega dæmd á Solano og var þar Jerome Thomas að verki á 88 mínútu. Glenn Roeder gerði töluverðar breytingar frá leiknum gegn AZ á fimmtudag. Þeir Craig Moore og Gooch komu inn í vörnina og Damien Duff spilaði sem vinstri bakvörður. Emre og Milner byrjuðu inná en þeir voru báðir á bekknum á fimmtudag. Scott Parker var sá eini sem sýndi einhverja baráttu en náði ekki að smita samherja sína að frátöldum Shay Given sem stendur alltaf fyrir sínu. Framherjar liðsins þeir Martins og Sibierski áttu frekar slakan dag. það er nokkuð ljóst að það vantar sjálfstraust í liðið en nú fá leikmenn frí frá deildarkeppninni næstu tvær vikurnar vegna landsleikja.

Maður leiksins : Scott Parker

Liðið var þannig skipað : Given, Solano, Moore, Gooch, Duff, Dyer(N´Zogbia 76), Parker, Emre, Milner, Martins, Sibierski.

Varamenn: Harper, Bramble, Huntington, Carroll.

Gul spjöld: Parker, Solano.

Skot á mark: Cha 4 - New 6

Skot framhjá Cha 6 - New 6

Hornspyrnur: Cha 5 - New 5

(Rikki)

17.Mars

Newcastle Liðsfréttir

Nicky Butt tekur út leikbann gegn Charlton eftir að hafa fengið fimm gul spjöld í vetur. Stephen Carr verður ekki með en hann meiddist á læri í vikunni. Gooch spilar líklega þar sem vörn Newcastle gegn AZ var ekki að standa sig. Þá er einnig líklegt að Craig Moore spili gegn Charlton en hann hefur verið frá síðustu fjóra mánuði. Newcastle hefur ekki skorað í síðustu tveimur leikjum í úrvalsdeildinni og hafa aðeins unnið einn af síðustu fjórum leikjum í deildinni. Liðið hefur tapað fimm af síðustu sex útileikjum þar af síðustu tveimur. Af þeim þremur sigrum á útivelli í vetur hafa tveir af þeim verið í London gegn West Ham og Tottenham. það eru fjögur ár síðan Newcastle vann á heimavelli Charlton en það var árið 2003, þá skoruðu Alan Shearer og Nobby Solano í 0-2 sigri. Fyrri leikur liðanna í vetur endaði 0-0 á St James Park. Scott Parker fyrirliði Newcastle mætir á heimaslóðir því hann hóf atvinnuferillinn með Charlton og spilaði 145 leiki fyrir þá og skoraði 10 mörk.

Hópurinn sem Roeder hefur úr að velja er eftirfarandi: Given, Harper, Solano, Edgar, Taylor, Bramble, Onyewu, Moore, Huntington, Parker, Milner, Duff, Emre, N'Zogbia, Pattison, Troisi, Martins, Dyer, Sibierski, Luque, Carroll, LuaLua.

(Rikki)

15.Mars

AZ Alkmaar - Newcastle 2-0

Arveladze 14
Koevermans 56

UEFA draumurinn úti

Newcastle datt út úr UEFA keppninni í kvöld með 2-0 tapi gegn AZ Alkmaar í Hollandi og samanlagt 4-4 en AZ kemst áfram á fleiri mörkum skoruðum á útivelli. Það var eins og leikmenn Newcastle hefðu ekki mikinn áhuga á að komast lengra í keppninni því AZ var miklu betri aðilinn allan leikinn og hefði getað auðveldlega bætt við fleiri mörkum. Vörn Newcastle hefði hæglega átt að koma í veg fyrir fyrra mark AZ. Í seinna markinu gleymdi Titus Bramble sér augnablik (eins og svo oft áður) og Koevermans skallaði í markið eftir hornspyrnu. Stuttu fyrir seinna mark AZ átti Dyer gott færi á að jafna 1-1 en skaut framhjá, Dyer hefði átt að gefa boltann fyrir markið frekar þar sem Martins stóð einn og óvaldaður fyrir framan tómt markið. AZ átti svo tvö góð færi til að bæta við forystuna, annað þar sem Given varði frábærlega og boltinn hrökk í slánna og svo bjargaði Huntington á línunni. En Scott Parker skoraði að mínu mati fullkomlega löglegt mark á lokamínútunum en dómari leiksins dæmdi brot á Dyer sem var frekar harður dómur. Í heildina var sigur AZ fullkomlega sanngjarn og var seinna mark AZ á St James Park það sem gerði útslagið. Glenn Roeder hefði mátt gera breytingu á liðinu fyrr í leiknum þar sem ekkert var að gerast hjá Newcastle. Ég hefði t.d vilja sjá Milner koma inná á hægri vænginn. Nú er bara að reyna ná sem flestum stigum í deildinni og hífa sig aðeins upp töfluna og bíða eftir næsta tímabili og vonandi verður meiðsladraugurinn ekki á St James Park þá. Stephen Carr meiddist á (kemur á óvart) og fór ekki með til Hollands. Craig Moore var á bekknum i kvöld en kom ekki inná, hann spilaði síðast 18 nóvember gegn Arsenal.

Lið Newcastle í kvöld : Given, Solano, Bramble, Taylor, Huntington,(N´Zogbia 86) Dyer, Butt, Parker, Duff,(Emre 59) Sibierski, Martins.

Varamenn: Harper, Luque, Milner, Moore, Carroll.

Áhorfendur 16.401

(Rikki)

14.mars

AZ Alkmaar - Newcastle liðsfréttir

Glenn Roeder hefur sennilega aldrei haft eins marga leikmenn úr að velja í vetur. Þeir leikmenn sem ekki verða með eru Moore, Babayaro, Ramage Owen og Ameobi. Svo er Gooch ólöglegur í Uefa keppninni. Þeir Emre og Carr komust heilir frá síðasta leik og verða með í seinni leik liðanna. Hópurinn er eftirfarandi : Given, Harper, Srnicek, Carr, Solano, Edgar, Taylor, Bramble, Huntington, Butt, Parker, Milner, Duff, Emre, Pattison, Troisi, Martins, Dyer, Sibierski, Luque, Carroll, LuaLua.

Leikurinn verður ekki sýndur á Sýn sem er frekar skrýtið þar sem þeir sýndu fyrri leik liðanna á St James Park og hélt ég að þeir myndu nú sýna seinni leikinn líka en svo er ekki. Menn verða þá að fjölmenna á Players og styðja okkar menn í baráttunni. Leikurinn byrjar klukkan 19.35 fimmtudag.

(Rikki)

13.mars

Markahæstu menn (í öllum keppnum)

Obafemi Martins 16

Antoine Sibierski 8

Kieron Dyer

6

Shola Ameobi 5

James Milner 4

Scott Parker 4

Nolberto Solano 4

Steven Taylor
3

Albert Luque
2

Nicky Butt 1

Damien Duff 1

Paul Huntington 1

Titus Bramble 1

David Edgar 1

Emre 1

(Rikki)

13.mars

Sjúkralistinn styttist

Í fyrsta skipti í vetur er Newcastle ekki á topp meiðsladeildarinnar í vetur en nú eru einungis 6 leikmenn Newcastle á sjúkralistanum en það eru þeir

Tim Krul, Peter Ramage, Craig Moore, (væntanlegir til baka 18 mars) Celestine Babayaro (til baka 31 mars) og svo Ameobi og Owen sem eru báðir byrjaðir að æfa en óvist hvenær þeir byrja að spila. Í vetur hafa verið 9 - 13 leikmenn Newcastle á sjúkralistanum en hann styttist nú óðum. Það eru lið Arsenal og Tottenham sem tróna nú á toppnum með 7 leikmenn.

(Rikki)

11.mars

U 18 ára liðið tapar í bikarnum.

Það verður erfiður róður fyrir ungmennalið Newcastle í seinni leik liðanna á heimavelli Liverpool eftir slæmt tap á St James Park 2-4 í undanúrslitum bikarkeppninnar. Liverpool var komið í 0-3 eftir 63 mínútur. En á 66 mínútu minnkaði Carroll muninn. Liðin bættu svo við sitthvoru markinu og endaði leikurinn 2-4 fyrir gestina.

Lið Newcastle : Cook, Cowan, Bertram, Francis, Morris, Cavener, Doninger, Godsmark, LuaLua, Carroll. Donaldson.

Varamenn: Critchlow, Debbage, Marwood, Reay, Taylor

Áhorfendur á St James Park : 5006

Seinni leikurinn fer fram þann 19 mars næstkomandi.

(Rikki)

8.mars

Newcastle - AZ Alkmaar 4-2

Grétar Rafn (sjm) 8, Arvaladze 31,

Dyer 22, Koevermans 73

Martins 23,37.

Newcastle spilaði fyrri leik sinn í 16 liða úrslitum UEFA keppninnar í kvöld og sigraði hollenska liðið AZ Alkmaar 4-2. Það var Grétar Rafn Steinsson sem kom Newcastle á bragðið með sjálfsmarki á 8 mínútu eftir frábæran undirbúning frá Damien Duff og Kireon Dyer. Dyer skoraði svo annað mark Newcastle á 22 mínútu er hann slapp í gegnum vörn AZ eftir frábæra sendingu frá Sibierski. Þá var röðin komin að Martins en hann skoraði þriðja mark Newcastle einni mínútu seinna með góðu hægri fótar skoti á vítateigslínunni eftir að hann hafði farið illa með vörn AZ. Shota Arvaladze minkaði muninn á 31 mínútu með flottu skallamarki. Fjórða mark Newcastle kom á 37 mínútu en þá átti Solano gott hlaup upp hægri kantinn og gaf svo fína sendingu á Martins sem setti boltann í hornið hjá Waterman í marki AZ. Leikmenn Newcastle virtust vera saddir eftir fyrri hálfleikinn því það var ekki sami bragur á leik þeirra í seinni hálfleik. AZ fékk vítaspyrnu á silfurfati frá dómara leiksins þegar Taylor átti að hafa handleikið boltann. Dembele tók spyrnuna og Given varði en Kovermans fylgdi vel á eftir og skoraði annað mark AZ sem er ansi mikilvægt fyrir þá í seinni leik liðanna. Martins fékk dauðafæri undir lok leiksins til að tryggja sigur Newcastle og sitt þriðja mark í leiknum en Waterman sá við honum og þar við sat.

Lið Newcastle í kvöld: Given, Carr, Bramble, Taylor, Solano, Dyer, Duff (Emre 77), Parker, Butt, Martins, Sibierski (Milner 65).

Aðrir varamenn: Harper, Luque, N´Zogbia, Huntington, Carroll.

Áhorfendur á St James Park voru 28.452

(Rikki)

8.mars

Newcastle - AZ Alkmaar liðsfréttir

Þeir Emre og Stephen Carr eru komnir til baka eftir meðsli og verða í hópnum í kvöld. Þá hefur Damien Duff jafnað sig af flensu og verður einnig í leikmannahóp Newcastle. Craig Moore er kominn aftur til æfinga en verður ekki með. Gooch ver ekki löglegur í UEFA keppninni. Hópurinn sem Roeder hefur úr að velja er eftirfarandi: Given, Harper, Carr, Solano, Edgar, Taylor, Bramble, Huntington, Butt, Parker, Milner, Duff, Emre, Pattison, Troisi, Martins, Dyer, Sibierski, Luque, Carroll, LuaLua. Ég minni svo alla á að leikurinn er sýndur beint á Sýn kl 19.30.

(Rikki)

6.mars

Í partý með Shearer !

Ambassador klúbbsins okkar hitti sjálft goðið...

Lesið meira hér til hægri

"Ambassadorinn bloggar "

3.mars

Jafntefli 0-0

Newcastle og Middelsb. skyldu jöfn 0-0 í bragðdaufum leik í dag.

Newcastle átti þó meira í leiknum og átti t.d Milner skot í slá og Parker átti glæsilegan skalla sem markvörður Boro varði glæsilega. Annars var leikurinn rólegur og yfirvegaður, rétt eins og bæði lið væru sátt við eitt stig. Newcastle átti 5 skot á markið á móti 1 hjá Boro. Roeder gerði eina skiptingu í leiknum þegar hann skipti inn Sibierski fyrir Millner. Maður leiksins var kosinn Charles N´Zogbia. Á Skyes fréttastofunni er Bramble með hæstu einkunn fyrir leikinn en hann fær þar 8 og Parker, Taylor og Butt fá þar 7 í einkunn. Áhorfendur á St. James Park voru rúmlega 53.000

3.mars

Newcastle Liðsfréttir

Þeir Carr, Emre og Moore eru allir komnir aftur til æfinga en verða ekki í hópnum gegn Middlesbro.

Dyer verður með eftir að hafa misst af leiknum gegn Wigan vegna flensu. Hópurinn sem Roeder hefur úr að velja er eftirfarandi: Given, Harper, Solano, Edgar, Taylor, Bramble, Onyewu, Huntington, Butt, Parker, Milner, Duff, Pattison, Troisi, Martins, Dyer, Sibierski, Luque, Carroll, LuaLua.

Fyrri leikur liðanna í vetur á Riverside endaði með sigri heimamanna 1-0 og skoraði Yakubu sigurmarkið undir lok leiksins. Leikur liðanna í fyrra á St James Park endaði 2-2 þar skoruðu Solano og Lee Clarke mörk Newcastle. Clarke jafnaði leikinn með síðustu spyrnu leiksins eftir að Middlesbro hafði yfir 1-2.

(Rikki)

2.mars

Ameobi mættur á æfingu

Shola Ameobi mætti á æfingasvæði Newcastle í dag og tók léttar boltaæfingar og hlaup en Ameobi fór í aðgerð á mjöðm í nóvember. Ameobi brosti breitt í dag enda farinn að hlakka mikið til að sparka í bolta eftir langavarandi meiðsli.

Óvíst er þó enn hvort hann spili eitthvað á þessu tímabili.

(Rikki)

1.mars

Newcastle fær aðeins milljón vegna meiðsla Owen
Alþjóða knattspyrnusambandið FIFA hefur boðið enska úrvalsdeildarliðinu Newcastle eina milljón punda í skaðabætur vegna meiðsla sem Michael Owen varð fyrir í leik Englendinga og Svía á HM síðastliðið sumar. Newcastle fer fram á 7 milljónir punda. Owen meiddist illa á hné í leiknum tæpri mínútu eftir að hann kom af varamannabekknum. Sepp Blatter forseti FIFA segir að þrír aðilar eigi að skipta kostnaðinum af meiðslum leikmannsins, FIFA, enska knattspyrnusambandið og tryggingafélags Newcastle. Newcastle keypti Michael Owen frá Real Madrid á 17 milljónir punda. Hann hefur ekkert leikið með liðinu á þessari leiktíð vegna meiðslanna.
(frétt af gras.is)

1.mars

Leikur Newcastle gegn AZ Alkmaar beint á Sýn

Grétar Rafn Steinsson og félagar í AZ Alkmaar mæta Newcastle í 16 liða úrslitum UEFA þann 8.mars á St James Park og mun leikurinn verða í beinni útsendingu á Sýn.

(Rikki)