Newcastle Klúbburinn á Íslandi

Fréttir í nóvember 2007

30.Nóv

Blackburn - Newcastle

Eawood Park

Laugardaginn 1 des kl 15.00

Það verður ákveðið í fyrramálið hvort þeir Abdoulaye Faye og Steven Taylor verði leikfærir gegn Blackburn en þeir hafa báðir átt við smávægileg meiðsli að stríða. Claudio Cacapa verður líklega ekki með, hann hefur átt við hnémeiðsli að stríða og er mjög tæpur. Damien Duff er byrjaður að æfa á fullu en það eru enn nokkrar vikur í að hann sé tilbúinn. Newcastle hefur gegnið nokkuð vel á Eawood Park undanfarin ár og unnu t.d í fyrra 1-3 með mörkum frá Martins (2 mörk) og Taylor. Árið þar áður vann Newcastle 0-3 með mörkum frá Shearer, Owen og N´Zogbia. Sam Allardyce hefur aldrei tapað á Eawood Park þau sex skipti sem hann fór með Bolton þangað. Eftir heldur óskemmtilegan leik um síðustu helgi verður fróðlegt að sjá hvernig Big Sam stillir upp byrjunarliðinu gegn Blackburn. Er ekki kominn tími á að prufa miðjuna svona: Milner,Barton,Emre,N´Zogbia ? Gefa Smith og Butt smá pásu. Viduka og Martins frammi, Given í markinu að sjálfsögðu. Vörnin svona: Beye,Taylor,Rozehnal,Enrique. Bekkurinn: Harper,Butt,Smith,Ameobi, Geremi. En þetta er bara mín skoðun, ég ræð engu um þetta, ég er bara lítil öryggisvörður í Leifstöð en mátti bara til með að misnota aðstöðu mína og setja inn mína skoðun hérna. Annars er hópurinn svona: Given, Harper, Beye, Enrique, Carr, Rozehnal, Faye, Taylor, Edgar, Butt, Milner, Geremi, Emre, N'Zogbia, Barton, Smith, Viduka, Martins, Ameobi.

Gengi Newcastle á Eawood Park frá tímabilinu 1993/94

2006/07: 3-1 Martins 2, Taylor
2005/06: 3-0 Shearer, Owen, N'Zogbia
2004/05: 2-2 Dyer, Robert
2003/04: 1-1 Bellamy
2002/03: 2-5 Shearer 2
2001/02: 2-2 Shearer 2
1999/00: 2-1 Shearer 2 (FAC)
1998/99: 1-0 Saha (FAC)
1998/99: 0-0
1997/98: 0-1
1996/97: 0-1
1995/96: 1-2 Batty
1994/95: 0-1
1994/95: 2-1 Hottiger, Clark (FAC)
1993/94: 0-1

(FB)

30.Nóv

Big Sam "Leikmenn verða að hafa trú á sjálfum sér"

Eftir vægast sagt slæm úrslit í undanförnum leikjum þá segir Big Sam að leikmenn verða að hafa trú á sjálfum sér og sínum hæfileikum. "Tapið gegn Liverpool var mjög sárt og við settumst niður og ræddum málin ítarlega. Leikmennirnir verða að slaka á og muna hversu vel þeir geta spilað. Það er mikil pressa á leikmönnum en þeir verða að vera einbeittir. Við verðum að standa saman og berjast eins og lið og ég er sannfærður miðað við gæðin á leikmönnunum sem við höfum að þá munum við snúa við blaðinu okkur í hag fyrr en seinna" sagði stjórinn.

(FB)

26.Nóv

Taylor valinn bestur

Steven Taylor var valinn besti ungi leikmaðurinn í norður Englandi af íþróttafréttamönnum á svæðinu. Taylor fékk verðlaunin afhent í veislu sem samtök íþróttafréttamanna hélt fyrir skömmu. Það var stjóri hans sem afhenti honum verðlaunin, Chris Mort var einnig á staðnum og fylgdist með. Taylor sem hefur verið fyrirliði enska u 21 árs landsliðs Englendinga sagði að það væri mikill heiður að fá þessa viðurkenningu, en fótbolti er liðsíþrótt og hann þakkaði liðsfélögum sínum sérstaklega. "Það er ekki til betri tilfinning en að klæðast svarthvítu treyjunni og spila fyrir framan 52 þúsund "Geordies" á SJP. Þetta er í raun draumur sem rættist hjá mér og þetta er ólýsanleg tilfinning" sagði Taylor. Big Sam sagði að hann væri frábær strákur með mikla framtíð í boltanum og vonar að hann eigi langan og farsælan feril framundan hjá Newcastle.

(FB)

26.Nóv

Chris Mort "Sam hefur fullan stuðning frá okkur"

Crhis Mort stjórnarformaður Newcastle segir í viðtali á heimasíðu Newcastle að Big Sam hafi fullan stuðning frá stjórn og eiganda liðsins og þeir séu sannfærðir að gengi liðsins eigi eftir snúast til hins betra. "Ég skil vel gremju stuðningsmanna okkar og þeir eiga rétt á að láta sína skoðun í ljós. Þessi leikur um helgina var vægast sagt dapur og úrslitin eftir því.

Sam er mjög reyndur þjálfari og ég er viss um að hann mun vinna hart að því að koma liðinu á réttan kjöl.

Það eru greinilega allir leikir í úrvalsdeildinni erfiðir, þetta er stærsta og erfiðasta deild í heimi og næstu tveir leikir munu verða sérstaklega erfiðir. Við verðum að þjappa okkur saman og fara í leikinn gegn Blackburn og gera okkar besta" sagði Mort að lokum.

(FB)

24.Nóv

Newcastle - Liverpool 0-3

(Gerrard 28, Kuyt 46,

Babel 66)

Jarðaför á SJP

Það er óhætt að segja að Newcastle hafi spilað sinn lélegast leik í vetur gegn Liverpool. Hafi einhver haldið að leikurinn gegn Portsmouth verið botninn í vetur þá var það toppað í dag. Leikmenn Newcastle voru eins og 3 deildarlið í samanburði við Liverpool í dag og sigur þeirra hefði átt að vera miklu stærri, en þeir fengu fjölmörg færi til að bæta við mörkum, Torres þá sérstaklega sem klúðraði mörgum færum í dag. Fyrsta markið kom úr aukaspyrnu eftir klaufalegt brot hjá Emre á Torres. Gerrard þrumaði boltanum í markið úr aukaspyrnunni og Given átti ekki möguleika. Undir lok fyrri hálfleiks komst Torres einn í gegn en Given kom út úr teignum og bjargaði meistaralega, menn vildu meina að hann hefði stoppað boltann með hendinni en í endursýningu sést að hann stoppar boltann með öxlinni. Seinni hálfleikur byrjaði ekki glæsilega fyrir Newcastle þegar Kuyt var búinn að skora annað mark Liverpool eftir eina mínútu. Markið kom eftir hornspyrnu og Kuyt fékk boltann óvænt í sig og af honum hrökk boltinn í markið. Sam Allardyce gerði tvær breytingar á liðinu með stuttu millibili og létu áhorfendur á SJP í sér heyra þegar hverjir voru teknir útaf og bauluðu óspart. Emre og N´Zogbia voru teknir útaf og inn komu þeir Barton og Milner. Babel skoraði þriðja mark Liverpool á 66 mínútu og setti síðasta naglann í kistu heimamanna. Shay Given bjargaði Newcastle frá stærra tapi með frábærri markvörslu í nokkur skipti. Það var mikið baulað á heimamenn þegar leiknum lauk og menn eru farnir að spyrja hvort sætið sé farið að hitna undir Big Sam eftir slæm úrslit í undanförnum leikjum. Martins og Viduka fengu ekki úr miklu að moða í dag enda voru langar sendingar fram völlin það eina sem sást í dag sem báru engan árangur gegn sterkri vörn Liðverpool.

Lið Newcastle í dag: Given, Geremi, Beye, Rozehnal, Enrique (Carr 78), Butt, Smith, Emre (Barton 51), N´Zogbia (Milner 59), Viduka, Martins.

Ónotaðir varamenn: Harper, Edgar.

Gul Spjöld: Smith, Butt, Beye.

Skot á mark: Nufc 6(2) - Lfc 17 (11) tölurnar í sviga eru skot sem hitta á markið.

Áhorfendur 52,307.

Maður leiksins: Shay Given (Segir allt sem segja þarf þegar markmaðurinn er besti maður liðsins í 0-3 tapi.)

(FB)

23.Nóv

Newcastle - Liverpool

St James´ Park

Laugardaginn 24 nóv kl 12:45

Steven Taylor er tæpur eftir að hafa meiðst með u 21 árs landsliðinu í vikunni. Faye og Cacapa eru einnig meiddir en það er smá möguleiki að Cacapa verði með. Owen verður frá í a.m.k mánuð. Damien Duff og Stephen Carr eru byrjaðir að æfa en verða ekki með. Nicky Butt verður með eftir að hafa tekið út leikbann gegn Sunderland. Ameobi er kominn á fullt skrið og verður sennilega á bekknum þar sem að Martins og Viduka verða sennilega í framlínu Newcastle. David Edgar verður kallaður í hópinn vegna mikilla meiðsla hjá varnarmönnum Newcastle. David Rozehnal er eini miðvörðurinn sem er 100% leikfær. Það gæti farið svo að Habib Baye verði færður í miðvörðinn með Rozehnal og Geremi spili þá í hægri bakverði. Shay Given er orðinn leikfær en hann spilaði með Írum um síðustu helgi, þannig að Big Sam þarf að velja á milli hans og Harper í markinu. Hópurinn er svona: Given, Harper, Geremi, Rozehnal, Enrique, Beye, Edgar, Taylor ?, Cacapa ?, Milner, Butt, Smith, Barton, N´Zogbia, Emre, Martins, Viduka, Ameobi.

Leikir gegn Liverpool á SJP síðan 1993/94

2006/07: 2-1 Martins, Solano (vsp)
2005/06: 1-3 Ameobi
2004/05: 1-0 Robert
2003/04: 1-1 Shearer (vsp)
2002/03: 1-0 Robert
2001/02: 0-2
2000/01: 2-1 Solano, Dyer
1999/00: 2-2 Shearer, Ferguson
1998/99: 1-4 Guivarc'h
1997/98: 0-2 (LC)
1997/98: 1-2 Watson
1996/97: 1-1 Shearer
1995/96: 2-1 Ferdinand, Watson
1994/95: 1-1 Lee
1993/94: 3-0 Cole 3

(FB)

22.Nóv

Sam Allardyce "Ég tek ekki við Englandi"

Hinn 53 ára stjóri Newcastle hefur verið nefndur sem arftaki Steve McClaren sem landsliðsþjálfari Englands. En Allardyce þvertók fyrir það í dag að hann væri að taka við af McClaren. "Ég er með samning við Newcastle og ég ætla mér að standa við hann. Ég er ekki í sömu stöðu og ég var hjá Bolton þar sem stjórnarformaðurinn hélt öllu opnu fyrir mig til að sækjast eftir landsliðsþjálfarastarfinu. Þannig eru málin ekki núna hjá mér og þannig að menn geta útilokað að ég taki við landsliðinu".

(FB)

22.Nóv

Stuttar fréttir

Damien Duff er byrjaður að æfa eftir tæplega sjö mánaða fjarveru. Hann spilaði síðast gegn Portsmouth í apríl síðastliðnum sem virtist ekki alvarleg meiðsli þá. En hann hefur þurft að fara í tvær aðgerðir síðan þá og er núna fyrst að byrja sparka í bolta.

Michael Owen sem meiddist á læri síðasta föstudag var sendur til Þýskalands til að hitta sérfræðing til að meta hversu alvarleg meiðsli hans eru.

Newcastle getur fengið allt að 100 þúsund pund á viku í skaðabætur vegna meiðsla Owen.

Hollendingurinn ungi Tim Krul sem er í láni hjá Falkirk hefur óskað eftir því að framlengja lánssamning sinn við skoska félagið en hann átti að koma til baka í janúar.

Sam Allardyce er ekki sáttur við að Steven Taylor skyldi spila landsleikinn síðasta þriðjudag en hann átti við bakmeiðsli að stríða fyrir leikinn en byrjaði inná engu að síður og var tekinn af velli í hálfleik. Fyrir vikið er óvíst að Taylor verði með gegn Liverpool á laugardag.

(FB)

22.Nóv

Alan Shearer næsti landsliðsþjálfari Englands ?

Eftir að Steve McClaren var rekinn hefur nafn Alan Shearer verið nefnt þrátt fyrir að hann hafi aldrei stjórnað liði áður. Englendingar nefna í því samhengi að Slven Bilic, Marco Van Basten og Jurgen Klinsmann hafa allir náð góðum árangri þrátt fyrir að hafa byrjað stjóraferil sinn sem landsliðsþjálfari. En eins og við íslendingar vitum að þá er þetta ekki algilt, það vita allir hvað Eyjólfur Sverrisson gerði með Íslenska landsliðið. Aðrir sem hafa verið nefndir sem eftirmaður Steve McClaren eru Jose Maurinho, Fabio Capello, Martin O'Neill, Arsene Wenger, Guus Hiddink, Luiz Felipe Scolari , Harry Redknapp og Sam Allardyce stjóri Newcastle.

(FB)

22.Nóv

Landslið yfirferð

Englendingar verða ekki með næsta sumar í lokakeppni Evrópumótsins sem fer fram í Austurríki og Sviss eftir að hafa tapað síðasta leiknum gegn Króatíu 2-3 á Wembley. Þannig að Michael Owen og Alan Smith horfa á lokakeppnina í sjónvarpinu eins og við Íslendingar. Emre og félagar hans í Tyrklandi tryggðu sér sæti í lokakeppninni í gær með 1-0 sigri á Bosníu og spilaði Emre allan leikinn. David Rozehnal spilaði sinn 40 leik með Tékklandi í gær þegar þeir unnu Kýpur 2-0. Shay Given spilaði um síðustu helgi með Írum gegn Wales og verður hann í leikmannahópnum gegn Liverpool um helgina. James Milner og Steven Taylor spiluðu báðir á þriðjudaginn síðasta gegn Portúgal í 1-1 jafntefli, Taylor meiddist á baki í þeim leik og fór hann af velli í hálfleik. Það er því óvíst hvort hann verði með um helgina gegn Liverpool.

(FB)

18.Nóv

Sam Allardyce "Mikil vonbrigði að missa Owen"

"Frá okkar dyrum séð þá eru þetta ömurlegar fréttir, okkar sjúkraþjálfarar höfðu samband við sjúkrateymið hjá Englandi og það lítur út fyrir að Owen verði frá í fjórar til sex vikur. Það er engin ástæða fyrir hann að vera enn með landsliðshópnum og við viljum fá hann sem fyrst á Tyneside til að hefja endurhæfingu.

Þessi meiðsi hjá Owen komu í leik sem við teljum að hafi alls ekki verið mikilvægur og við missum lykilmann í okkar liði. Það eru margir leikir framundan í desember og það lítur út fyrir að Owen missi af megninu af þeim leikjum" sagði Sam að lokum.

Alan Shearer tók í sama streng og gagnrýndi Steve McCalren harðelga fyrir að spila þennan leik gegn Austurríki þar sem England á mikilvægan leik á miðvikudag gegn Króatíu. "Ég get bara ekki séð ástæðuna fyrir að spila þennan leik. Hvað fékk McClaren úr þessum leik sem hann vissi ekki fyrir ? Það var reiknað með að England myndi vinna leikinn og þeir gerðu það, en hvað kostaði það ? Ég hefði aldrei spilað þennan leik"

sagði Shearer.

(FB)

17.Nóv

James Milner átti góðan leik með u21 árs landsliðinu

Þeir félagar James Milner og Steven Taylor spiluðu báðir með u21árs landsliði Englendinga í gær gegn Búlgaríu í undankeppni Evrópumótsins. England sigraði 2-0 og átti Milner góðan leik þar sem hann lagði upp fyrra markið sem

Gabriel Agbonlahor leikmaður Aston Villa skoraði og svo skoraði hann seinna markið úr vítaspyrnu sem Theo Walcott krækti í. Eitthvað var Walcott ósáttur við að Milner ætlaði að taka vítið og urðu einhver orðaskipti á milli þeirra á vellinum. Stuart Pearce landsliðsþjálfari sagði að Milner væri vítaskytta liðsins og Walcott vissi það alveg. Walcott sagði svo eftir leikinn að hann hafi bara verið fullur adrenalíns og hefði viljað taka vítið sjálfur en vissi alveg að Milner myndi skora úr vítinu og að þeir væru alveg sáttir.

(FB)

17.Nóv

Owen frá í mánuð ?

Michael Owen meiddist á læri í æfingaleik Englendinga og Austurríkismanna í gær og er talið að hann verði frá keppni í allt að einn mánuð.

Þetta er mikið áfall fyrir England og einnig Newcastle. England hafði þegar misst Wayne Rooney í meiðsli og eru þeir ekki á flæðiskeri staddir með sóknarmenn. England á mikilvægan leik framundan á miðvikudag gegn Króatíu en fari svo að Ísraelar nái stigi gegn Rússum í dag verða Englendingar að vinna Króatíu til að komast áfram í lokakeppni Evrópumótsins. Alan Smith spilaði síðustu 20 mínúturnar í leiknum í gær.

(FB)

16.Nóv

Ungur Búlgari undir smásjánni hjá Newcastle

Valeri Domovchiyski 21 árs gamall framherji er talinn vera einn efnilegasti leikmaður Búlgara í dag. Hann byrjaði atvinnumannaferilinn sinn aðeins 17 ára með heimaliði sínu Marista Plovdiv en var keyptur til Lewski Sofia einu ári seinna. Hann gerði 18 mörk í 26 leikjum með Lewski Sofia á síðasta tímabili og er búinn að skora 7 mörk í 11 leikjum á þessu tímabili. Útsendarar Newcastle ætla að fylgjast með honum þegar U21 landslið Búlgara mætir Englendingum í kvöld og Írum í næstu viku. En þetta eru sögusagnir þannig að það má ekki taka þetta of alvarlega.

(FB)

16.Nóv

Leikmenn Newcastle á faraldsfæti

Það verða 12 leikmenn frá Newcastle sem verða með landsliðum sínum um helgina.

Shay Given er orðinn leikfær og félagar hans í Írska landsliðinu mæta nágrönnum sínum í Wales. Stephen Carr tilkynnti á dögunum að hann væri hættur að spila með landsliðinu og verður því ekki með. Afríkubúarnir Habib Beye og Obafemi Martins spila vináttuleiki með landsliðum sínum Senegal og Nígeríu. Abdulaye Faye meiddist í síðasta leik með Newcastle og verður hann frá í þennan mánuð. Geremi verður með Kamerúnum í Þýskalandi í æfingabúðum.

Michael Owen og Alan Smith spila æfingaleik með Englendingum gegn Austurríki í kvöld og fylgjast svo spenntir með leik Ísraela og Rússa á morgun. Ef Rússar vinna þann leik eru Englendingar úr leik í Evrópukeppninni. Hér er svo listi yfir landsleiki hjá leikmönnum Newcastle sem þeir eiga framundan:

James Milner & Steven Taylor
Fös 16 Nóv: England U21 v Búlgaría U21 ECQ (MK Dons)
Þri 20 Nóv Portúgal U21 v England U21 ECQ (Agueda)

Michael Owen & Alan Smith
Fös 16 Nóv: Austurríki v England FR (Vienna)
Mið 21 Nóv: England v Króatía ECQ (Wembley)

Charles N'Zogbia
Fös 16 Nóv: Frakkland U21 v Armenia U21 FR
Mið 21 Nóv: Wales U21 v Frakkland U21 ECQ

Habib Beye
Lau 17 Nóv: Senegal v Malí FR (Paris)
Mið 21 Nóv: Senegal v Marakkó FR (Paris)

David Rozehnal
Lau 17 Nóv: Tékkland v Slóvakía ECQ
Mið 21 Nóv: Kýpur v Tékkland ECQ
Obafemi Martins
Lau 17 Nóv: Ástralía v Nígeria FR (Fulham)
Þri 20 Nóv: Sviss v Nígeria FR (Zurich)
James Troisi
Lau 17 Nóv: Ástralía U23 v Írak OQT (Gosford)
Mið 21 Nóv: Norður Kórea v Ástralía U23 OQT

Emre
Lau 17 Nóv: Noregur v Tyrkland ECQ
Mið 21 Nóv: Tyrkland v Bosnia-Herz ECQ

Shay Given
Lau 17 Nóv: Wales v Írland ECQ

Geremi
Kamerún verður í æfingabúðum í Þýskalandi.

(FB)

16.Nóv

Matty Pattison lánaður til Norwich

Glenn Roeder fyrrum stjóri Newcastle hefur fengið Suður Afríkubúann Matty Pattison lánaðan til janúar. Pattison sem er 21árs hefur spilað 15 leiki með aðalliði Newcastle, hann spilaði sinn fyrsta leik gegn Everton í febrúar árið 2006.

(FB)

13.Nóv

Sam Allardyce "Erfiðir leikir framundan"

Newcastle spilar við sex af sjö efstu liðunum í næstu tíu leikjum og stjórinn er ósáttur við stigafjöldann það sem af er vetri. "Mér finnst við hafa geta gert betur vegna þess við höfum ekki verið að spila við topp liðin en þegar maður horfir á leikina sem eru framundan næstu tvo mánuði þá er ljóst að þetta verður erfitt hjá okkur. En menn verða að horfa á það að það urðu miklar leikmannabreytingar hjá okkur fyrir þetta tímabil, við fengum níu leikmenn inn og seldum ellefu" sagði Sam.

Næstu þrír leikir eru gegn Liverpool heima, Blackburn úti og Arsenal heima.

(FB)

13.Nóv

Barton sleppur við refsingu frá FA

Enska knattspyrnusambandið

ætlar ekki að kæra Joey Barton fyrir brot sitt á Dickison Etuhu leikmanni Sunderland. Það er ljóst að dómararnir sáu ekki brotið alveg nægilega vel. Það sem þeir sáu var návígi leikmannanna. Frekari aðgerðir verður ekki að vænta frá sambandinu.

(FB)

13.Nóv

Stuttar fréttir

Glenn Roeder stjóri Norwich ætlar að reyna fá Matty Pattison frá Newcastle í janúar en hann virðist ekki vera í framtíðarplani Sam Allardyce.

Roeder hefur einnig áhuga á að fá Ameobi lánaðan en Allardyce er ekki á því að láta hann frá sér allavega ekki á láni.

Þar sem fjórir leikmenn verða frá í heilan mánuð vegna Afríkukeppninnar er ekki líklegt að Allardyce láti einhverja leikmenn frá sér í janúar.

Edmilson er enn einu sinni orðaður við Newcastle, hann verður samningslaus næsta sumar og ætlar ekki að endurnýja samning sinn við Barcelona. Edmilson (31árs) spilar í vörn og sem afturliggjandi miðjumaður.

Sam Allardyce er ánægður með hinn unga markmann Fraser Forster en hann hefur verið á bekknum í síðustu leikjum vegna meiðsla Shay Given. "Við þurfum ekki að kalla Tim Krul til baka úr láni vegna þess að Forster hefur tekið miklum framförum og hann á eftir að veita Harper og Given verðuga keppni um markvarðarstöðuna" sagði Big Sam.

Paul Barron markmannsþjálfari hjá Middlesbrough er undir smásjánni hjá Sam Allardyce.

(FB)

10.Nóv

Sunderland - Newcastle 1-1

(Higginbotham 52) - (Milner 65)

Milner bjargvættur Newcastle í dag

Það er óhætt að segja að leikurinn í dag sé ekki sá fallegasti sem maður hefur horft á í vetur. Þetta var sannkallaður grannaslagur, mikil barátta, tæklingar og ekkert gefið eftir hjá báðum liðum. Sunderland var heldur sterkari aðilinn í leiknum og var Michael Chopra fyrrum leikmaður Newcastle ansi sprækur í dag. Það gerðist ekki mikið markvert í fyrri hálfleik fyrir utan tvö góð færi sem heimamenn áttu en vörn Newcastle náði að bjarga. Higginbotham kom heimamönnum yfir á 52 mínútu með góðu skallamarki og var það fyllilega sanngjarnt enda þeir búnir að vera betri aðilinn. Newcastle vaknaði aðeins til lífsins eftir þetta mark og pressuðu stíft. Það bar svo árangur á 65 mínútu þegar James Milner var með boltann rétt fyrir utan vítateigshornið vinstra meginn, hann ætlaði að senda boltann fyrir markið á Owen en boltinn fór framhjá Owen og einnig framhjá Gordon í markinu hjá Sunderland í stöngina og inn. Heppnismark hjá Milner en gott mark engu að síður. Chopra átti skalla í slánna hjá Newcastle 9 mínútum fyrir leikslok og er óhætt að segja að Newcastle hafi verið heppið að sleppa með eitt stig frá Stadium of light. Big Sam ákvað að láta Viduka byrja með Owen í framlínunni og Rozehnal byrjaði inná í stað Cacapa sem var ekki með í dag vegna meiðsla. Alan Smith tók stöðu Nicky Butt á miðjunni sem tók út leikbann í dag. N´Zogbia var settur í vinstri bakvörðinn í stað Enrique og Emre fór á kantinn í stað N´Zogbia.

Lið Newcastle í dag:

Harper, Taylor, Faye (Beye 61), Rozehnal, N'Zogbia, Milner, Smith, Barton, Emre (Geremi 88), Owen (Martins 83), Viduka.
Ónotaðir varamenn: Forster, Jose Enrique.

Gul Spjöld: Faye, Taylor.

Skot á mark: Sun 19(8)- Nufc 9(5) (á rammann)

Áhorfendur: 47,701

Maður leiksins: James Milner (sprækur í dag og fær prik fyrir markið í dag.)

(FB)

9.Nóv

Sunderland - Newcastle

Stadium of light

Laugardaginn 10 nóv kl 12:45

Nicky Butt tekur út leikbann og verður því ekki með. Shay Given á við nárameiðsli að stríða og verður Steve Harper á milli stanganna. Claudio Cacapa er tæpur vegna hnémeiðsla en það verður ekkert ákveðið með hann fyrr en seinna í dag. Mark Viduka verður með en það er óákvðið hvort hann byrji inná eða ekki. Hópurinn er svona: Harper, Forster, Beye, Enrique, Rozehnal, Taylor, Cacapa, Faye, Milner, Geremi, Emre, N'Zogbia, Barton, Smith, Pattison, Owen, Viduka, Martins, Ameobi.

Leikir gegn Sunderland á þeirra heimavelli undanfarin ár:

2005/06 4-1 Chopra, Shearer(vsp), N'Zogbia, Luque
2002/03 1-0 Solano
2001/02 1-0 Dabizas
2000/01 1-1 A.O'Brien
1999/00 2-2 Domi, Helder
1996/97 2-1 Beardsley, Ferdinand
1992/93 2-1 Sjm, L.O'Brien

(FB)

7.Nóv

Styttist í grannaslaginn

Það styttist óðum í grannaslaginn gegn Sunderland og það er nokkuð ljóst að bæði lið mæta grimm til leiks en þau töpuðu bæði um síðustu helgi. Mark Viduka er orðinn leikfær og verður með á laugardag. Hann hefur ekki spilað síðan í lok september þegar Newcastle mætti Man City. Shola Ameobi spilaði með varaliðinu í gær og skoraði mark Newcastle í 1-1 jafntefli þannig að hann er að verða tilbúinn í slaginn. Nicky Butt er í banni og verður ekki með. Butt er mjög svekktur að missa af leiknum því hann hefur ekki enn spilað gegn Sunderland frá því hann kom til Newcastle.

Andy Cole fyrrum leikmaður Newcastle gæti spilað sinn fyrsta leik með Sunderland á laugardaginn en hann hefur verið að koma til baka eftir meiðsli. Annar fyrrum leikmaður Newcastle Michael Chopra mætir fyrrum félögum sínum en hann hefur átt gott tímabil með Sunderland og verður fróðlegt að sjá hvernig stuðnigsmenn Newcastle taka á móti honum.

(FB)

7.Nóv

Í slúðrinu

Tal Ben Haim er orðaður við Newcastle en hann hefur ekki verið í neinu uppáhaldi hjá Avram Grant eftir að hann tók við Chelsea.

Ivica Dragutinovic og Christian Poulsen leikmenn Sevilla ætla sér að vera áfram hjá spænska liðinu en þeir hafa verið orðaðir við Newcastle undanfarið.

Chris Mort segir að Sam Allardyce þurfi ekki að hafa áhyggjur af starfi sínu en eftir tapið gegn Portsmouth komu nokkrar fréttir að sæti hans væri að hitna.

Ungur markmaður að nafni Sam Filler er á reynslu hjá Newcastle. Filler sem kemur frá Bradford er að æfa með varaliði Newcastle. Eftir að Shay Given meiddist þá hefur Fraser Forster markmaður varaliðsins verið á bekknum hjá aðalliðinu.

(FB)

6.Nóv

Hvað fór úrskeiðis ?

Sam Allardyce lét alla leikmenn horfa á leikinn gegn Portsmouth og það var ekki skemmtilegt að sögn Steve Harper. "Hvað fór úrskeiðis ? Ég vildi að ég vissi það. En við horfðum á upptöku af leiknum og ræddum um hann. Þetta var ekki skemmtilegt, en við þurftum að gera þetta. Við áttum góðar umræður um hvað fór úrskeiðis. Okkur fannst við þurfa rannsaka hvað gerðist þessar fyrstu 11 mínútur. Staðan 0-3 eftir 11 mínútur og það var eins og sprengja hefði sprungið. Þetta var einn af þessum dögum þar sem allt sem gekk á afturfótunum. Við erum að vinna í þessum málum og við megum ekki misstíga okkur gegn Sunderland á laugardaginn. En nú verðum við að einbeita okkur að leiknum gegn Sunderland, það er hann sem skiptir máli núna." sagði Harper.

(FB)

3.Nóv

Newcastle - Portsmouth 1-4

(Campell sjm 16) - (Pamarot 8, Benjani 9, Utaka 11, Kranjcar 71)

Leikurinn búinn á fjórum mínútum

Leikurinn í dag minnti mann á þegar Souness og Roeder voru við stjórnvölinn. Vörnin alveg skelfileg í nokkrar mínútur og eins götótt og góður svissneskur ostur. Newcastle byrjaði reyndar leikinn ágætlega og þurfti David James að hafa sig allan við eftir að Alan Smith átti skot að marki sem breytti um stefnu af varnarmanni. Svo kom stundarbrjálæði í vörn Newcastle. Þrjú mörk á fjórum mínútum og leikurinn búinn. Fyrsta markið alveg stórkostlegt hjá Pamarot, þrumuskot af löngu færi og Harper sem stóð í markinu vegna nárameiðsla hjá Given átti ekki möguleika.

Næstu tvö mörk skrifast á Cacapa algjörlega þar sem hann lét Benjani og Utaka fara illa með sig og var honum skipt útaf stuttu seinna fyrir Rozehnal. Newcastle minnkaði muninn á 16 mínútu þegar Sol Campell setti boltann í eigið mark. Það munaði litlu að Steven Taylor kæmi heimamönnum inní leikinn aftur þegar hann átti gott skot af stuttu færi en David James sá við honum. Portmouth hefði átt að fá vítaspyrnu þegar Rozehnal handlék boltann í teignum en dómarinn dæmdi ekki neitt. Seinni hálfleikur var ekki góður að hálfu Newcastle þó svo að Martins og Emre hafi komið inná fyrir þá Milner og Enrique. Newcastle var aldrei líklegt til að minnka muninn og var leikur liðsins frekar slakur. Portsmouth kláraði leikinn á 71 mínútu og kórónaði sú aukaspyrna leikinn fyrir heimamenn. Kranjcar tók aukaspyrnu út á kanti og sendi boltann í áttina að marki Newcastle, það virtist ekki mikil hætta á ferðum en boltinn fór framhjá tveimur varnarmönnum Newcastle og Harper í markinu og staðan orðin 1-4. Kanu átti svo skot í slánna og Newcastle heppið að fá ekki á sig fimmta markið.

Fyrsti tapleikur Newcastle á heimavelli í vetur staðreynd og fyrsti sigur Portsmouth á SJP síðan 1949. Big Sam var vægast sagt ekki sáttur við leik sinna manna. "'Ég er gjörsamlega eyðilagður eftir frammistöðu okkar í dag. Leikmenn verða að vera skipulagðir, skilja hvernig þeir eiga að spila og vera agaðir inni á vellinum. Þetta snýst ekki bara um vörnina, þetta snýst líka um að verja vörnina fyrir sóknarleik andstæðingana. Við vorum með nóg af reynslumiklum mönnum inná í dag en þeir nýttu ekki þá reynslu í dag. Við gjörsamlega gáfum þeim þennan leik" sagði stjórinn.

Steven Taylor ekki öfundsverður að koma inn í liðið í þessum leik en hann hafði ekki verið í liðinu frá tapleiknum gegn Man City en það var svosem ekki við hann að sakast í dag nema kannski í fjórða markinu.

Lið Newcastle í dag: Harper, Taylor, Faye, Cacapa (Rozehnal 18), Jose Enrique (Martins 57), N'Zogbia, Butt, Barton, Milner (Emre 69), Smith, Owen.
Ónotaðir varamenn: Forster, Geremi.

Gul spjöld: Smith og Butt. Butt kominn með fimm gul og verður í banni gegn Sunderland.

Skot á mark: Nufc 14 - Por 10

Áhorfendur: 51,490

Maður leiksins: Charles N´Zogbia (Erfitt að val í dag vegna þess hvað allir voru slakir en Zog fær atkvæði mitt fyrir að vera mest ógnandi í dag)

(FB)

3.Nóv

Shay Given frá í 2-3 vikur

Nármeiðsli sem hrjáðu Given í upphafi tímabils tóku sig upp stuttu fyrir leikinn gegn Portsmouth og verður hann frá keppni í 2-3 vikur. En meiðslin eru ekki eins alvarleg eins og menn héldu í fyrstu.

(FB)

2.Nóv

Lee Clark ráðinn til Norwich

Eins og áður kom fram hér í dag að þá fékk Norwich leyfi til að tala við Lee Clark og seinna í dag var það staðfest að hann hefur verið ráðinn aðstoðarstjóri hjá Glenn Roeder.

(FB)

2.Nóv

Newcastle - Portsmouth

St James´ Park

Laugardaginn 3 nóv kl 15:00

Abdoulaye Faye er leikfær eftir að veikindi sem hrjáðu hann eftir leikinn gegn Reading. Mark Viduka verður ekki með vegna kálfameiðsla sem hafa verið að hrjá kappann. Newcastle hefur spilað fimm leiki á heimavelli í deildinni og eru taplausir á St James´ Park. Portsmouth hefur unnið síðustu þrjá útileiki í deildinni og hafa ekki fengið á sig mark á útivelli í 301 mínútu. En tap þeirra gegn Blackburn í deildarbikarnum í vikunni á heimavelli var fyrsti tapleikur þeirra í sjö leikjum. Það verður fróðlegt að sjá hvað Big Sam gerir varðandi byrjunarliðið á morgun. Verða Owen og Martins saman í framlínu Newcastle ? Eða verður Smith eða Ameobi með Owen eða Martins frammi ? Ætlar Sam að breyta vörninni ? Verður Steven Taylor ekki í hópnum í fjórða leiknum í röð ? Joey Barton spila sennilega sinn fyrsta leik í byrjunarliðinu á St James´ Park. Hópurinn er svona : Given, Harper, Beye, Enrique, Rozehnal, Taylor, Cacapa, Faye, Milner, Geremi, Butt, Emre, N'Zogbia, Barton, Smith, Pattison, Martins, Owen, Ameobi.

Leikir liðanna á St James´ Park frá 1993

2006/07 1-0 Sibierski
2006/07 3-0 Rossi, Solano 2 (Carling bikar)
2005/06 2-0 N'Zogbia, Shearer
2004/05 1-1 Bowyer
2003/04 3-0 Speed, Shearer, Ameobi
1992/93 3-1 Quinn 2, Kelly

(FB)

2.Nóv

Lee Clark til Norwich ?

Newcastle hefur gefið Norwich leyfi til að tala við Lee Clark um að ganga til liðs við þjálfarateymi Norwich.Glenn Roeder en hann tók einmitt við Norwich í vikunni.

Lee Clark spilaði fyrst með Newcastle á tímabilinu 1990/91. Hann fór frá Newcastle árið 1997 og spilaði með Sunderland og Fulham en snéri til baka á St James´Park tímabilið 2005/06 þegar Graeme Souness var við stjórn. Hann gekk í þjálfarateymi Newcastle þegar Glenn Roeder tók við af Souness og hefur frá því séð um varalið Newcastle.

(FB)

2.Nóv

Big Sam vill halda Butt á St James

Samningur Nicky Butt rennur út næsta sumar og samningaviðræður eru í gangi við hann. Butt hefur spilað í öllum leikjum Newcastle í vetur. "Hann verið einn af okkar bestu mönnum hingað til og hefur sýnt stöðugleika í vetur. Ég vill hafa hann allavega í eitt ár í viðbót ef ekki tvö. Hann er bara 32 ára þannig að hann er ekki orðinn gamall maður ennþá en það er undir honum komið hvort hann vill spila áfram. Það er mikill kraftur í honum og hann vinnur mikið af boltum og kemur sóknarleiknum af stað.

(FB)

2.Nóv

Owen "Ég finn til með stuðningsmönnum"

Michael Owen segir á heimasíðu Newcastle að það pirri hann að það sé alltaf verið að segja í fjölmiðlum að hann sé á förum frá félaginu. "Ég finn til með stuðningsmönnum meira en mér sjálfum vegna þess að ég er farinn að venjast þessu. Ég veit ekki hvaðan þetta kemur en þetta hefur verið viðloðandi síðan ég kom til Newcastle. Það líður ekki sá mánuður að ég sé að fara frá Newcastle. En ég er hérna ennþá og mér líður mjög vel hérna. Ég bíð spenntur eftir leiknum gegn Portsmouth og restinni af tímabilinu með Newcastle. Ég gerði 4 ára samning og það hafa ekki verið umræður um nýjan samning enda á ég tvö ár eftir af samningnum. Ég geri mitt besta í hvert sinn sem ég spila, en það er sama hvað ég segi og geri það verða alltaf sögusagnir og það er leiðinlegt fyrir stuðningsmenn okkar" sagði Owen.

(FB)

1.Nóv

Stuttar fréttir

# Big Sam segir að leikurinn gegn Portsmouth verði erfiðasti heimaleikurinn hingað til þar sem þeir hafa verið sterkir á útivelli.

# Mark Viduka verður ekki með gegn Portsmouth vegn meiðsla sem hafa verið að angra hann undanfarið. Hann hefur sett stefnuna á leikinn gegn erkifjendunum í Sunderland þann 10 nóv.

# Sókn er besta vörnin á St James´ Park, en Newcastle hefur skorað 9 mörk í síðustu þremur heimaleikjum. En það er kominn tími á að halda markinu hreinu.

# Alan Shearer hefur hvatt stuðningsmenn til að vera þolinmóðir eftir tapið gegn Reading um síðustu helgi. "Þetta tekur tíma. Við erum með nýjan stjórnarformann, nýjan stjóra og nýja leikmenn. Þetta gerist ekki á einni nóttu, eins mikið og við myndum vilja það" sagði kóngurinn.

# Geremi segir að væntingarnar hjá Newcastle séu meiri en hjá Chelsea. " Það er vegna þess að aðdáendur eru í kringum klúbbinn alltaf ekki bara á leikdegi. Þeir eru byrjaðir að syngja nöfnin okkar löngu áður en leikurinn byrjar. Það er einstakt og gefur okkur mikla uppörvun en því miður höfum við ekki unnið marga leiki fyrir þá og okkur" sagði fyrirliðinn.

# Martins segir að Afríkubúarnir séu ánægðir hjá Newcastle. Hann ásamt Faye, Geremi og Beye munu vera frá í sex vikur í byrjun næsta árs vegna Afríkukeppninnar. "Ég er að skora mörk og ég er ánægður hérna. Ég held að ég sé búinn að hjálpa hinum að aðlagast hérna og þeir eru brosandi sem hlýtur að þíða að þeir séu sáttir hérna.

# Joey Barton spilar sennilega sinn fyrsta leik í byrjunarliðinu á St James´ Park á laugardaginn og vonast til að skora sitt fyrsta mark fyrir Newcastle.

(FB)