24.Nóv

Hughton "Nolan er funheitur"

Chris Hughton stjóri Newcastle er mjög sáttur við framlag Kevin Nolan í vetur en hann hefur verið sjóðandi heitur og skorað níu mörk, átta í deildinni og eitt í bikarnum. "Við vissum alltaf að hann gæti skorað mörk þegar við keyptum hann síðasta vetur. Við erum bara að sjá hversu góður hann er fyrir framan markið og hann er funheitur þessa dagana. Þetta var frábær afgreiðsla, yfirvegað og flott. Hann er frábær atvinnumaður og hann nýtur sín mjög vel. Hann hefur góð áhrif á alla og er í topp formi" sagði Hughton. Mark Nolan má sjá hér

Leikurinn í gær var ekki alveg án meiðsla hjá Newcastle því Ryan Taylor átti að byrja inná í gær en 15 mínútum fyrir leik meiddist hann á kálfa og er nú tæpur fyrir leikinn gegn Swansea á laugardag. Marlon Harewood kom inn í hans stað í gær. Danny Simpson þurfti að fara af velli á 65 mínútu ef hann meiddist lítillega á læri en vonast er til að það sé ekki til að hafa áhyggjur af. Andy Carroll þurfti líka að fara af velli í gær en hann var hálf slappur fyrir leikinn en harkaði af sér.

(FB)

23.Nóv

Nolan skaut Newcastle á toppinn á ný

Newcastle sigraði Preston á Deepdale 0-1 í kvöld og skoraði Kevin Nolan eina mark leiksins á 74 mínútu. Þetta var hans níunda mark í vetur og er hann langmarkahæstur hjá Newcastle. Það verður seint sagt að þetta hafi verið skemmtilegur leikur á að horfa en það eru stigin þrjú sem skipta öllu máli. Newcastle skaust þar með á topp deildarinnar á ný og er nú tveimur stigum fyrir ofan WBA.

Lið Newcastle í kvöld: Harper, Simpson (Kadar 65), S Taylor, Coloccini, Enrique, Smith, Jonas, Guthrie (Lovenkrands 90), R Taylor, Harewood, Carroll (Ranger 62).

Ónotaðir varamenn: Krul, Pancrate, Geremi, Donaldson.

Gult spjald: Smith

Áhorfendur: 16,924

Maður leiksins: Kevin Nolan

Tölfræði leiksins	Pre	NUFC
Skot (á mark)	16(8)	14(3)
Brot	13	7
Horn	6	5
Rangstöður	1	3
Með bolta	49%	51%
Gul spjöld	0	1
Rauð spjöld	0	0
Varin Skot	5	9

22.Nóv

Newcastle heimsækir Preston mánudagskvöld á Deepdale

Newcastle getur endurheimt toppsætið í Championship deildinni með sigri á Deepdale annað kvöld, en WBA skaust upp fyrir Newcastle í gær með sannfærandi sigri á Bristol City 4-1. Það munar aðeins einu stigi á liðunum en WBA er með betri markatölu þannig að jafntefli dugar ekki til að ná toppsætinu.

Jonas Gutierrez er leikfær eftir smávægileg meiðsli sem hann hlaut í síðasta leik. Enn er óvíst hvort Fabrice Pancrate verður með en hann á enn eftir að fá leikheimild. Shola Ameobi er byrjaður að æfa en verður ekki til fyrr en um næstu helgi gegn Swansea. Zurab Khizanihvili tekur út leikbann og er þetta síðasti leikurinn af þremur.

Líklegt byrjunalið: Harper, Simpson, S Taylor, Coloccini, Enrique, Smith, Jonas, Guthrie, R Taylor, Harewood, Carroll.

Leikurinn hefst kl 19:45 og verður í beinni á Sky Sports þannig að það ætti að vera nokkuð auðvelt að ná honum á netinu. Síður eins og atdhe.net, livevss.net, myp2p.eu og ustream.tv eru þær bestu sem vitað er um.

(FB)

22.Nóv

Newcastle semur við Fabien Pancrate

Newcastle hefur gengið frá samningi við Frakkann Fabrice Pancrate út þetta tímabil, en hann hefur verið til reynslu  undanfarnar tvær vikur og kemur á frjálsri sölu.

Samningur hans verður svo endurskoðaður eftir að tímabilinu líkur. Pancrate hefur fengið treyju nr 21 en óvíst er hvort hann geti verið með gegn Preston á mánudagskvöld þar sem ekki hefur fengist staðfesting á skráningu hans. Pancrate er 29 ára gamall og var síðast á mála hjá Paris SG og spilaði 91 leik með þeim og skoraði 10 mörk. Hann spilar sem vængmaður en getur einnig verið á miðjunni.

(FB)

20.Nóv

Fraser Forster framlengir lánið hjá Norwich út tímabilið

Hinn 21 árs gamli markmaður Fraser Forster hefur verið á láni hjá Norwich frá því í byrjun tímabilsins og hefur hann nú framlengt lánsamninginn við Norwich út tímabilið. 

Forster hefur hann staðið sig mjög vel með Norwich og haldið hreinu í 8 af þeim 12 leikjum sem hann hefur spilað fyrir Norwich sem leikur í 1 deildinni. (Deild nr 3). Liðið er í 5 sæti deildarinnar og verður í baráttu um að komast upp um deild í vetur.

(FB)

18.Nóv

Fabrice Pantcrate til reynslu hjá Newcastle 

Franski miðjumaðurinn Fabrice Pancrate (29 ára) hefur verið til reynslu hjá Newcastle undanfarna daga og spilaði hann með varaliðinu í gær í 3-2 sigri gegn Hartlepool þar sem Peter Lovenkrands skoraði eitt mark og Phil Airey skoraði hin tvö. Chris Hughton var ánægður með frammistöðu hans og er talið líklegt að honum verði boðinn samningur. Pancrate er á frjálsri sölu og myndi því ekki kosta neitt. "Hann stóð sig vel, við vildum sjá hann í leik svo við gáfum honum þetta tækifæri. Hann verður áfram hjá okkur næstu daga og við munum skoða hann enn betur. Við höfum góða menn á hægri kantinum með þá Jonas, Ryan taylor og Danny Guthrie, en hann gefur okkur eitthvað nýtt með sínum hraða. Hann helsti kostur er að hann hefur góða reynslu, hann getur einnig spilað nokkrar stöður á vellinum, góður með boltann og vinnusamur og ég hef haft gaman af því að fylgast með honum" sagði Hughton. 

(FB)

18.Nóv

Jonas Gutierrez setur hátt markmið

Newcastle er eins og menn vita í topp sæti deildarinnar og vill Jonas Gutierrez að liðið verði kominr með þægilega forystu um áramótin. "Við getum tekið skrefið áfram eftir þrjá sigra undanfarið. Um jól og áramót vill ég að við séum komnir með þægilega forystu á topp deildarinnar. Við erum nógu góðir til að verða ekki í basli með að komast upp á síðustu vikunum í vor. Við eigum að vera vinna flest alla leiki. Ef við gerum það þá verðum við í sterkri stöðu eftir tvo mánuði. Þó svo að það gerist þá vitum við að það er mikil vinna framundan en við verðum með mikið sjálfstraust" sagði Argentínumaðurinn snjalli.

(FB)

16.Nóv

Stuttar fréttir

# Tamas Kadar slapp ómeiddur úr bílslysi í heimalandi sínu Ungverjalandi. Hann var á heimleið með foreldrum sínum eftir leik Ungverja og Ítala þegar hjörð af Villigöltum hljóp fyrir bíl þeirra með þeim afleiðingum að bíllinn var talinn ónýtur. Þau sluppu hinsvegar öll ómeidd. Kadar spilaði allann leikinn með U21 landsliði Ungverja í 2-1 sigri gegn Ítalíu í undankeppni evrópumótsins.

# Arsenal, Athletico Madrid, Real Madrid og Barcelona eru öll sögð vera fylgjast með Tim Krul markmanni Newcastle og U21 landsliði Hollendinga. Hann hefur haldið hreinu í síðustu fjórum landsleikjum og er farinn að vekja mikinn áhuga stóru liðanna. Samningur hans við Newcastle rennur út næsta sumar.

#  Danny Simpson segist vilja vera áfram hjá Newcastle og vonast til að Hughton kaupi hann í janúarglugganum. "Skiljanlega er ég að njóta fótboltans hérna og ef ég stend mig nógu vel til að þeir geri tilboð mun ég örugglega skoða það. Ég vill bara spila sem flesta leiki og svo sjáum við til hvað gerist í janúar" sagði Simpson.

# Það er sagður vera mikill áhugi frá stuðningsmönnum að kaupa Newcastle og segir talsmaður NUST að herferðin hafi farið val af stað.

(FB)

10.Nóv

Stuðningsmenn Newcastle vilja kaupa félagið

Newcastle United Supporters Trust hefur formlega byrjað söfnun til að reyna kaupa liðið af Mike Ashley.

"Yes We Can" er herferðin kölluð og vonast er til að fá stuðning frá aðdáendum, fyrirtækjum og fjármálastofnunum til að kaupa félagið. "Hugmyndin er að stuðningsmenn fjárfesti í félaginu" sagði Mark Jensen talsmaður stuðningsmanna. "Barcelona er með þannig kerfi að stuðningsmenn eiga félagið, og við teljum að það sé raunhæfur kostur. Það er alveg ljóst að við höfum engan sem kemur og endar þessa vitleysu sem er i gangi hjá félaginu, svo við verðum að skoða okkar möguleika sjálfir. Félagið er frábær fjárfesting ef það er vel rekið.  Við ætlum okkur að draga að okkur fjárfesta sem vilja fá aftur heiðarleika og heilindi. Við höfum átt viðræður við alvöru menn hér í borginni og víðar, þeir hafa sett það í okkar hönd að leiða lestina" sagði Jensen.

Ashley tók félagið af sölu fyrir stuttu eftir að nokkrir kaupendur drógu tilboð sitt til baka. Stuðningsmenn eru vægast sagt mjög ósáttir við núverandi stjórn félagsins og má segja að ákvörðun Mike Ashley að endurnefna St James´ Park hafi fyllt mælinn hjá stuðningsmönnum.

Þeir stuðningsmenn hér á landi sem vilja taka þátt í þessu er bent á heimasíðu Newcastle United Supporters Trust. 

(FB)

10.Nóv

Ed Harrison hættur með síðuna

Ed Harrison hefur rekið þessa flottu síðu síðan 23 apríl 2007 og er þetta ein besta stuðningsmannasíða  Newcastle sem er þarna úti. Ég kíki nánast daglega á hana er oft gaman að lesa bloggið hans. Á þessum 30 mánuðum hefur síðan fengið tæpar 23 milljónir heimsóknir sem er ansi gott. Hann mun hætta síðar í vikunni með síðuna og segir hann vera sáttur að skilja við síðuna með Newcastle á topp deildarinnar.

Ég mun allavega sakna síðunnar og vona að hann muni snúa til baka síðar.

(FB)