Newcastle Klúbburinn á Íslandi

Fréttir í okt 2008

31.Okt

Newcastle - Aston Villa

James Milner mætir á St James´ Park í fyrsta sinn eftir að hann var seldur til Villa í ágúst síðastliðnum. Leikurinn er á mánudagskvöld kl 20:00 og eru þeir félagar Michael Owen og Nicky Butt í leikmannahópi Newcastle. Owen hefur misst af síðustu þrem leikjum vegna nárameiðsla en er nýbyrjaður að æfa á ný. Butt missti hinvegar af síðasta leik vegna ökklameiðsla en er orðinn klár á ný.

Engin ný meiðsli hafa komið upp hjá Newcastle.

Shay Given mun spila sinn 450 leik fyrir Newcastle gegn Villa og ef Owen kemur við sögu í leiknum verður það leikur númer 50 hjá honum í Newcastle treyju.

Leikur liðanna á St James´ Park á síðasta tímabili endaði 0-0. En frægasti leikur milli þessara liða fór fram þann 2 apríl 2005, en þá sigraði Villa 0-3. Newcastle endaði leikinn með aðeins átta leikmenn inná vellinum en þeir Lee Bowyer og Kireon Dyer voru reknir útaf eftir að hafa slegist við hvorn annan eins og menn muna væntanlega eftir. Áður hafði Steven Taylor fengið rauða spjaldið fyrir að verja með hendi á marklínunni. En að leiknum á mánudag þá vona ég að Kinnear stilli upp sama byrunarliði og var gegn WBA. Ég trúi því ekki að hann fari að troða Nicky Butt þarna inn á miðjuna, Barton og Guthrie stóðu sig bara vel og voru mun meira ógnandi fram völlinn. Allavega er ég á því að það eigi ekki að breyta sigurliði.

Leikmannahópur Newcastle:

Given, Beye, Enrique, Taylor, Coloccini, Butt, Barton, Guthrie, Duff, Gutierrez, Ameobi, Owen, Martins, Harper, Bassong, Cacapa, Edgar, Geremi, Xisco.

Dómari leiksins verður Steve Bennett.

(FB)

29.Okt

„Ég er rétt að byrja“ segir Joey Barton.

Vítaspyrnukóngurinn Joey Barton hefur þakkað Newcastle aðdáendum stuðninginn í 2-1 sigrinum á móti WBA. Hann segir að þetta sé bara upphafið af stærra markmiði , en það er að endurgjalda Newcastle hollustuna sem honum hefur verið sýnd. Eins og flestir vita skoraði Joey úr vítaspyrnu á móti WBA í gær og er það annað markið sem hann hefur skorað fyrir Newcastle. Fyrsta markið var í fyrra á móti Fulham og var það líka úr vítaspyrnu. Joey hafði þetta að segja við fréttamann nufcTV.

„Ég hef tekið vítaspyrnur áður og er óhræddur við að taka þær, ég er fullur sjálfstraust þegar ég stend á vítapunktinum“.

„Oba (Martins) sagðist vilja taka spyrnuna en ég sagði “Oba, ég skora“ og ég var aldrei í vafa um það“.

„Markmaðurinn var eitthvað að fíflast og það gerði mér mun auðveldara að skora“.

Joey viðurkennir að hann hafi orðið snortinn við að heyra nafn sitt óma á St. James Park eftir að Newcastle náði snemma forustu í leiknum.

„Það er frábært að fá stuðning.

Þegar ég var hjá Man City var ég vel liðinn meðal stuðningsmanna og spilaði í samræmi við það“.

Ég átti erfitt fyrst þegar ég kom hingað og er fyrstur til að viðurkenna það.

En fyrir mér er þetta byrjunin og ég á langt í land með að sanna mig sem verðugan leikmann hjá félaginu.

Þetta var ágæt byrjun hjá mér en ég vil vera mikilvægur hlekkur í góðu liði og við verðum að byggja framhaldið á þessum sigri“ sagði Joey Barton að lokum.

(ÞVV)

29.Okt

Þorsteinn Guðmundsson

Hinn stórfurðulegi íþróttafréttamaður Stöðvar 2 Þorsteinn Guðmundsson kemur manni sífellt á óvart með athugasemdum sínum. Í umfjöllun sinni í hádegisfréttum eftir leik Newcastle og Man City þann 21 okt sagði hann "líklega réttur dómur" um atvikið þegar Habib Beye fékk að líta rauða spjaldið. Eins og allir vita sem eitthvað vit hafa á fótbolta var þetta augljóslega rangur dómur og staðfesti enska knattspyrnusambandið það nokkrum dögum seinna og drógu rauða spjaldið til baka. Þorsteinn kom svo með annað furðu komment í hádegisfréttum í dag í umfjöllun sinni um leikinn í gær þegar hann sagði "afar umdeildur dómur" þegar brotið var á Ameobi og vítaspyrna dæmd. Enskir þulir á leiknum í gær voru ekki í vafa um vítaspyrnudóminn og var þetta sýnt frá nokkrum sjónarhornum sem sýndi að um brot var að ræða. Hvergi í fréttum um leikinn er talað um umdeildan dóm nema hjá Þorsteini.

Ég útnefni því hér með Þorstein Guðmundsson furðufugl dagsins

(FB)

29.Okt

Newcastle - WBA 2-1

(Barton 10 vsp, Martins 42) - (Miller 65)

LOKSINS SIGUR

Jæja loksins kom sigur hjá okkar mönnum og var hann kærkominn enda liðnir rúmir tveir mánuðir frá síðasta sigri liðsins. Það varð sem betur fer ekkert úr því að ég þurfti að fara í verkfall :-) Liðið er nú komið úr fallsæti og fór upp um fimm sæti við sigurinn í kvöld.

Newcastle byrjaði nokkuð vel og strax á 10 mínútu nældi Ameobi í vítaspyrnu eftir að hann fékk góða sendingu frá Joey Barton sem var í byrjunarliðinu í fyrsta sinn í vetur. Barton tók svo vítaspyrnuna og skoraði af miklu öryggi. Miðjan hjá Newcastle virkaði mun betur með þá Barton og Jonas sem áttu báðir fínan leik en þurfa greinilega báðir meiri leikæfingu til að komast í toppleikform. Shay Given þurfti einu sinni að taka á stóra sínum í fyrri hálfleik þegar hann varði frá Morrison. Það var svo undir lok fyrri hálfleiks að afmælisbarnið Obafemi Martins (24 ára) skoraði annað mark Newcastle þegar Habib Beye átti góðan sprett upp hægri kantinn og sendi boltann beint á kollinn á Martins sem átti ekki í erfiðleikum að skora framhjá Scott Carson í marki WBA.Gestirnir mættu nokkuð ákveðnir til leiks í seinni hálfleik og sóttu oft hart að marki Newcastle. Á 65 mínútu náðu þeir svo að minnka muninn þegar Miller slapp í gegnum vörn Newcastle og skoraði framhjá Given í markinu. Leikmenn Newcastle náðu að halda fengnum hlut það sem eftir lifði leiks og tyggðu sér kærkomin þrjú stig. Joe Kinnear eftir leik: Ég er mjög ánægður. Ég held að við séum á uppleið og þetta var flott kvöld fyrir alla hérna. Ég veit að þetta er gömul klisja en enginn vill vera í þrem neðstu sætunum. Ef við getum náð öðrum sigri í röð þá væri það frábært og staða liðsins væri allt önnur og það myndi gefa leikmönnum miklu meira sjálfstraust".

Lið Newcastle:

Given, Beye, Taylor, Coloccini, Jose Enrique, Duff, Guthrie, Barton, Gutierrez (Geremi 70), Martins (Xisco 77), Ameobi (Carroll 90).
Varamenn: Harper, Bassong, N'Zogbia, Edgar.

Skot á mark: Nufc 10 (5) - WBA 14 (4)

Hornspyrnur: Nufc 7 - WBA 8

Áhorfendur: 45,801

Maður leiksins: Damien Duff (Var virkilega líflegur á kantinum þó sérstaklega í seinni hálfleik en mætti gefa boltann oftar)

(FB)

28.Okt

Kinnear: "Þetta er leikur sem verður að vinnast"

Joe Kinnear hefur sett stefnuna á sex stig í næstu tveim leikjum gegn WBA og Aston Villa. "Ef við vinnum þá förum við upp um fimm sæti. Villa gengur vel en þeir eru ekki ósigrandi. Hlutirnir geta verið fljótir að snúast við. Án þess að taka neitt sem sjálfsagðan hlut, þá eigum við Wigan og Fulham í kjölfarið sem eru mjög mikilvægir. Þeir eru eins og bikarúrslitaleikir fyrir okkur. Það eru engir auðveldir leikir í úrvalsdeildinni og fólk segir að Newcastle gangi illa. En ég hef sagt leikmönnum að gleyma þessu. Þegar við erum með okkar 11 bestu inná þá getum við unnið hvaða lið sem er" sagði Kinnear á heimasíðu Newcastle í dag.

(FB)

27.Okt

Newcastle - WBA

Joey Barton er líklegur til að byrja gegn WBA annað kvöld þegar WBA kemur í heimsókn á St James´ Park.

Jonas Gutirrez er einnig líklegur til að byrja inná en bestu fréttirnar eru að Nicky Butt verður ekki með vegna ökklameiðsla og þá má segja að eitt illkynja æxli af nokkrum verði ekki með. Aðrir sem eru meiddir eru: Owen, Viduka, Gonzalez, Smith. Það eru enn sex til sjö vikur í að Viduka verði klár en Owen verður sennilega á bekknum gegn Aston Villa næstkomandi mánudag. Það mega líða mörg ár þangað til Smith verður tilbúinn mín vegna, hans er ekki saknað. Lítið hefur sést til Nacho Gonzalez þannig að ég get ekkert dæmt til um hann. Obafemi Martins á 24 ára afmæli á morgun og vonandi verður hann í stuði til að gleðja okkur stuðningsmennina, enda löngu kominn tími á það.

Leikmannahópur Newcastle:

Given, Harper, Beye, Edgar, Enrique, N'Zogbia, Taylor, Coloccini, Cacapa, Bassong, Tozer, Guthrie, Geremi, Duff, Barton, Jonas, Doninger, Xisco, Ameobi, Martins, Carroll, Donaldson, Ranger, Danquah.

Dómari leiksins verður Mike Dean.

(FB)

25.Okt

Ný könnun

Eftir að hafa horft á liðið sitt tapa einn einum leiknum í vetur þá setti ég inn könnun um hvaða leikmann menn vildu losna við frá Newcastle.

Siðast var spurt hvort menn héldu að Joe Kinnear myndi gera góða hluti með Newcastle og var útkoman svona:

Ég vill fá Keegan til baka sem fyrst 52%

Já, hann er á réttri leið með liðið 31%

Nei, alls ekki 17%

(FB)

25.Okt

Sunderland - Newcastle 2-1

(Cisse 20, Richardson 75) - (Ameobi 30)

Sá fyrsti í 28 ár

Sigur Sunderland gegn Newcastle var sá fyrsti í 28 ár á þeirra heimavelli. Því miður verður það að viðurkennast að sigur þeirra var sanngjarn. Leikmenn Sunderland virkuðu mun líflegri í dag. Cisse kom heimamönnum yfir á 20 mínútu með skoti af stuttu færi. Ameobi jafnaði 10 mínútum siðar með góðu skallamarki eftir sendingu frá Geremi. Í seinni hálfleik var Sunderland mun sterkari aðilinn og á 75 mínútu braut Nicky Butt mjög klaufalega af sér rétt fyrir utan vítateiginn og Richardson skoraði úr aukaspyrnunni, óverjandi fyrir Given í markinu. Newcastle náði ekki að jafna aftur líkt og þeir hafa gert í tveimur leikjum þar á undan og fyrsti tapleikur Joe Kinnear staðreynd. Stuðningsmenn Sunderland fögnuðu mikið í leikslok enda hafa margir þeirra ekki einu sinni upplifað það að vinna erkifjendurna í Newcastle og vonandi líða sem flest ár þangað til það gerist aftur.

Þó svo að Ameobi hafi skorað í tveimur síðustu leikjum þá get ég ekki annað en gagnrýnt hann. Hann er síbrjótandi af sér og fyrsta snerting hans á boltann er stundum alveg skelfileg. Það má segja svipað um Nicky Butt, hvað þarf marga stjóra hjá Newcastle til að sjá að hann er ekki í þeim klassa sem Newcastle þarf á að halda. Ef við vinnum ekki WBA á þriðjudaginn þá fer ég í verkfall, það er orðið virkilega pirrandi að geta ekki skrifað um sigurleik hjá sínu lið (gerðist síðast 26 ágúst).

Lið Newcastle í dag:

Given, Beye, Coloccini, Taylor, Bassong (Enrique 84), Geremi (Jonas 73), Butt (Barton 85), Duff, Guthrie, Ameobi, Martins.

Varamenn: Harper, Cacapa, N´Zogbia, Xisco.

Gul Spjöld: Butt, Guthrie.

Skot á mark: Sun 14(3) - Nufc 10 (5)

Hornspyrnur: Sun 2 - Nufc 4

Áhorfendur: 47;936

Maður leiksins: Shay Given

(Virkilega pirraður FB)

24.Okt

Sunderland - Newcastle

(ATH leikurinn hefst kl 11:45)

Þá er komið að stærsta leik tímabilsins hingað til hjá þessum grannaliðum. Sunderland hefur gengið aðeins betur það sem af er þessu tímabili og er í 12 sæti með 9 stig. Newcastle situr hinsvegar í næst neðsta sæti deildarinnar með 6 stig. Michael Owen verður ekki með þar sem hann hefur ekki jafnað sig á nárameiðslum. En Jonas Gutirrezz og Joey Barton verða sennilega á bekknum þannig að leikmannahópurinn er smám saman að styrkjast. Að vísu er Nicky Butt eitthvað tæpur en hann verður að öllum líkindum með. Nacho Gonzalez, Alan Smith og Mark Viduka eru enn frá og verður eitthvað í að þeir verði tilbúnir. Newcastle hefur gengið nokkuð vel á heimavelli Sunderland í gegnum tíðina og hefur ekki tapað þar síðan 1980, en þá vann Sunderland 1-0 þann 5 apríl í gömlu 2 deildinni. Það er alltaf geysileg stemming á leikjum þessara liða og eflaust verður engin breyting á því á morgun

(Hér má sjá einn stuðningsmann Newcastle vel skreyttan fyrir leik liðanna á St James´ Park á síðasta tímabili)

Joe Kinnear: " Ég hef tekið þátt í mörgum nágrannaslögum en þeir segja mér að þessi slái þeim öllum við, svo að ég hlakka mikið til. Þetta skiptir borgarbúa í Newcastle miklu máli og þá sér í lagi stuðningsmönnum. Ég geri mér fulla grein fyrir mikilvægi leiksins og við munum leggja okkur alla fram"

Leikur liðanna á Stadium of light endaði með 1-1 jafntefli og var það James Milner sem gerði mark Newcastle.

Leikmannahópur Newcastle: Given, Harper, Beye, Edgar, Enrique, N'Zogbia, Taylor, Coloccini, Cacapa, Bassong, Tozer, Butt, Guthrie, Geremi, Duff, Barton, Jonas, Doninger, Xisco, Ameobi, Carroll, Donaldson, Ranger, Danquah.

Dómari leiksins verður Mike Riley.

(FB)

24.Okt

Styttist í grannaslaginn

Newcastle mætir erkifjendum sínum í Sunderland á heimavelli þeirra Stadium of Shit (Eins og Newcastle stuðningsmenn kalla völlinn) Ég fór á minn fyrsta leik með Newcastle á síðasta tímabili með félaga mínum honum Dodda og var það einmitt leikur gegn Sunderland en á St James´ Park. Sá leikur endaði 2-0 fyrir okkar mönnum og var það Michael Owen sem gerði bæði mörkin. Stemmingin á leiknum var svakaleg og mjög mikil læti í stuðningsmönnum Newcastle. Stutt fyrir leik mætti óperusöngvarinn Greame Danby og söng Newcastle lagið Blaydon Races (sjá hér). Það var alveg magnað að vera á vellinum og heyra 52 þúsund manns taka undir með Danby og leikurinn sem fylgdi í kjölfarið skemmdi ekki stemminguna. 2-0 sigur gegn Sunderland er ekki leiðinlegt fyrir þessa frábæru stuðnigsmenn og voru þeir ekkert að drífa sig heim eftir að leiknum lauk. Þeir biðu eftir að Sunderland stuðningsmenn komu af vellinum og þá var byrjað að bauna á þá á fullu og endaði það á lestarstöðinni þar sem allt varð vitlaust á milli stuðningsmanna liðanna. Þessir leikir skipta öllu máli fyrir stuðningsmenn þessara liða og er alveg ljóst að það verður mikil barátta bæði milli leikmanna og stuðningsmanna á morgun. Vonandi að við náum loks að landa sigri í deildinni en Newcastle hefur ekki unnið leik síðan þeir unnu Bolton þann 23 ágúst.

TOON TOON BLACK & WHITE ARMY

(FB)

23.Okt

Habib Beye í skýjunum

Eins og fram hefur komið var rauða spjaldið á Beye dregið til baka af enska knattspyrnusambandinu í dag og er Habib Beye í skýjunum með þá ákvörðun. "Ég er ánægður vegna þess að þá get ég spilað gegn Sunderland, því sem fótboltamaður er alltaf geysilega gaman að spila gegn erkifjendunum. Ég er mjög ánægður að spjaldið var dregið til baka því mér fannst þetta vera rangur dómur hjá Rob Styles. En hann er mannlegur og getur gert mistök. Ég náði í boltann á undan Robinho og ég trúði ekki mínum augum að hann hafi dæmt víti og rautt spjald á mig. Þú veist það sem varnarmaður þegar þú nærð boltanum. Þegar ég fór í þessa tæklingu var ég 100% viss um að ná boltanum" sagði Beye á heimasíðu Newcastle í dag.

(FB)

21.Okt

Barton spilaði í 80 mínútur með varaliðinu

Varalið Newcastle og Middlesbrough mættust í kvöld á heimavelli þeirra síðarnefndu. Okkar menn unnu leikinn 1-4 og bar það helst til tíðinda að Joey Barton spilaði í 80 mínútur og verður því væntanlega í leikmannahópi Newcastle um næstu helgi.

Mörk liðisins gerðu Marwood, Carroll, Ranger og eitt sjálfsmark frá Boro.

Varaliðið var þannig skipað í kvöld:

Tim Krul, David Edgar, Tamas Kadar (Darren Lough, 64m), Ben Tozer, Callum Morris, Jonny Godsmark, Joey Barton (Brad Inman, 80m), Mark Doninger, James Marwood, Nile Ranger, Andy Carroll (Shane Ferguson, 74m)
Varamenn: Michael McCrudden, Greg McDermott.

(FB)

21.Okt

Joey Barton spilar með varaliðinu í kvöld

Barton hefur nú lokið sex leikja banni sínu og mun spila með varaliðinu gegn varaliði Middlesbrough í kvöld.Leikurinn í dag mun því gefa Barton tækifæri til að sýna að hann sé í góðu formi fyrir leik helgarinnar gegn Sunderland. Annars mun varaliðið vera svona skipað: Tim Krul, David Edgar, Tamas Kadar, Ben Tozer, Callum Morris, Jonny Godsmark, Joey Barton, Mark Doninger, James Marwood, Nile Ranger, Andy Carroll.
Varamenn: Darren Lough, Shane Ferguson, Michael McCrudden, Brad Inman, Sami Ameobi, Greg McDermott.

(FB)

21.Okt

Rauða spjaldið á Beye endurskoðað

Enska knattspyrnusambandið hefur ákveðið að endurskoða rauða spjaldið sem Rob Styles gaf Beye í gær gegn Man City. Dómurinn þótti afar umdeildur og endursýningar í sjónvarpi sýna að Beye hefur mikið til síns máls. Aganefnd mun koma saman á fimmtudag og úrskurða hvort rauða spjaldið verður dregið til baka eða ekki. Habib Beye um spjaldið: "Fyrir mér var þetta byrjunin á tímabilinu og ég er mjög ósáttur við ákvörðun dómarans. Þetta var fyrsti leikurinn minn í langan tíma og að vera rekinn útaf svona snemma er mjög svekkjandi. Ég veit hversu mikilvægur Sunderland leikurinn er fyrir stuðningsmenn okkar, en ekki bara fyrir þá heldum mig líka. Ég myndi fá tækifæri að spila gegn einum af bestu vinum mínum Djibril Cisse. Þannig að ég krossleg fingurna og vona að spjaldið verði dregið til baka"

(FB)

20.Okt

Newcastle - Man City 2-2

( Ameobi 44, Dunne sjm 63) -

(Robinho vsp 14, Ireland 86)

(Beye rekinn útaf á 13 mínútu)

Flott barátta skilaði stigi

Hann byrjaði ekki glæsilega leikurinn í kvöld fyrir okkar menn. Habib Beye fékk að líta rauða spjaldið strax á 13 mínútu fyrir brot á Robinho og vítaspyrna dæmd. Klárlega rangur dómur enda var þetta einfaldlega flott tækling hjá Beye sem náði í boltann á undan Robinho en Rob Styles dómari var ekki á sama máli og rak Beye útaf. Robinho skoraði af öryggi úr vítaspyrnunni og staðan 0-1 fyrir City. Oft hefur maður séð Newcastle liðið brotna niður við slíkt mótlæti og fá á sig nokkur mörk í kjölfarið, en eftir brottrekstur Beye var alveg geysileg barátta og vinnusemi í liðinu sem á endanum skilaði stigi.

Ameobi jafnaði leikinn af stuttu færi undir lok fyrri hálfleiks þegar hann fékk boltann óvænt til sín af varnarmanni City og staðan því 1-1 í hálfleik.

Sama barátta var einnig í seinni hálfleik og náðu varnarmenn Newcastle að halda þeim Robinho og Jo algjörlega niðri. Á 63 mínútu voru lukkudísirnar með Newcastle í þetta sinn þegar Geremi tók hornspyrnu og Richard Dunne skoraði glæsilegt sjálfsmark. Það leit allt út fyrir að Newcastle myndi ná í stigin þrjú en á 86 mínútu skoraði Steven Ireland eftir flotta sendingu frá Robinho. Stuttu áður en Ireland skoraði hafði Shay Given varið skot frá honum með glæsilegum hætti.

Lokastaðan 2-2 og verður það að teljast nokkuð gott miðað við það að vera einum færri í 80 mínútur. Menn mega segja hvað sem þeir vilja um Joe Kinnear en það er greinilegt að hann hefur náð til leikmanna og verður gaman að sjá til þeirra með fullskipað lið og með þá Owen og Jonas innanborðs.

Lið Newcastle í kvöld:

Given, Beye, Colo, Taylor, Bassong, Guthrie, Duff, Butt, Geremi, Martins (N´Zogbia 72), Ameobi (Carroll 79)

Varamenn: Harper, Cacapa, Enrique, Xisco, Edgar.

Rautt spjald: Beye

Skot á mark: Nufc 6 (2) - MC 20 (8)

Hornspyrnur: Nufc 5 - MC 10

Áhorfendur: 45,908

Maður leiksins: Steven Taylor (átti mjög góðan leik eins og reyndar allir í vörninni)

(FB)

20.Okt

Martins byrjar inná í kvöld

Oba Martins er tilbúinn í leikinn í kvöld og byrjar inná að sögn Joe Kinnear.

"Oba er langt á undan áætlun og hann byrjar inná í kvöld. Hann hefur æft stíft síðustu daga og vonandi mun hann kveikja í sóknarleik liðsins í kvöld" sagði Kinear að lokum. Hann sagði ennfremur að Habib Beye mun einnig spila í kvöld.

(FB)

20.Okt

Jonas ekki með í kvöld

Joe Kinnear segir að Jonas Gutirrez verði ekki með í kvöld gegn Man City. Jonas brákaði viðbein með landsliði sínu í síðasta mánuði og Kinnear vill ekki taka neina áhættu með hann en segir að hann veði pottþétt með gegn Sunderland um næstu helgi.

(FB)

18.Okt

Newcastle - Man City

Newcastle mætir hinum nýríku Man City á mánudagskvöld í síðasta leik umferðarinnar í úrvalsdeildinni. Joe Kinnear hefur fengið þá Habib Beye og Jonas Gutierrez til baka eftir meiðsli en Michael Owen verður ekki með.

Enn er óvíst með Obafemi Martins en hann er nýbyrjaður að æfa aftur eftir hnémeiðsli.

Joey Barton tekur út sinn síðasta leik af sex leikja banni sínu og verður því klár í grannaslaginn um næstu helgi gegn Sunderland.

Man City hefur unnið tvo síðustu leiki á St James´ Park. Leikur liðanna á St James´ Park endaði 0-2 og voru það Elano og Gelson sem skoruðu mörkin.

Newcastle hefur tapað síðustu tveim heimaleikjum í deildinni (gegn Hull og Blackburn) og er þetta versta byrjun Newcastle í úrvalsdeildinni í níu ár.

Leikmannahópur Newcastle:

Given, Harper, Beye, Edgar, Enrique, N'Zogbia, Taylor, Coloccini, Cacapa, Bassong, Tozer, Butt, Guthrie, Geremi, Duff, Jonas, Doninger, Xisco, Ameobi, Donaldson, Ranger, Danquah.

Dómari leiksins verður Rob Styles.

(FB)

16.Okt

Ameobi fær nýja von

Það leit út fyrir að Shola Ameobi hafði leikið sinn síðasta leik fyrir Newcastle þegar hann var lánaður til Stoke á síðasta tímabili. Kevin Keegan virtist ekki hafa mikla trú á honum og var hann ekki í framtíðarplönum hans. En með komu Joe Kinnear hefur Ameobi fengið nýja von hjá Newcastle. "Það hefur verið eins og ferskur blær að fá Joe. Síðustu vikur höfum við kynnst honum betur. Hann er fyndinn náungi og hann veit hvað hann vill. Hann væntir þess besta frá okkur öllum, sem hann á að gera. Og vonandi eftir endurkomuna gegn Everton þá getum við byrjað að klifra upp töfluna.

(FB)

16.Okt

Martins byrjaður að æfa

Nígeríumaðurinn snjalli Obafemi Martins verður ekki eins lengi frá eins og í fyrstu var talið og er smá möguleiki að hann verði með gegn Man City á mánudagskvöld. Hann meiddist á hné í leik gegn Tottenham og var talað um að hann yrði frá í sex vikur. þá kom það í ljós fyrir stuttu að Mark Viduka þarf ekki á aðgerð að halda vegna meiðsla á hásin en ekki er enn komið í ljós hvenær hann má byrja að æfa.

(FB)

16.Okt

Owen frá í 10 daga

Fyrirliðin Michael Owen verður frá keppni næstu 10 daga vegna nárameiðsla sem hann hlaut á æfingu nú í vikunni. Í fyrstu var óttast að hann yrði frá í einn mánuð en eftir skoðun í dag kom í ljós að meiðsli hans eru ekki eins alvarleg eins og menn héldu í fyrstu. Hann missir því af leiknum gegn Man City á mánudag en á smá möguleika að ná leiknum gegn erkifjendunum í Sunderland aðra helgi.

(FB)

9.Okt

Stuttar fréttir

# Mark Viduka gæti verið frá í allt að sex mánuði. Viduka er í heimalandi sínu Ástralíu til að fá úr því skorið hvort hann þarf á aðgerð að halda vegna meiðsla á hásin sem hafa verið að hrjá hann.

# Tony Jimenez varaforseti Newcastle hefur hætt störfum hjá Newcastle en hann hóf störf í janúar síðastliðnum.

# Gerry Francis fyrrum stjóri QPR, Tottenham og Bristol Rovers íhugar hvort hann eigi að taka tilboði Joe Kinnear um að gerast þjálfari hjá Newcastle

(FB)

8.Okt

Newcastle á toppnum

Eins og svo oft áður er Newcastle á toppnum hvað varðar meiðslafjölda leikmanna hjá úrvalsdeildarliðunum.

Eins og staðan er í dag þá er Newcastle með 8 leikmenn frá vegna meiðsla, Chelsea er í öðru sæti með 6 leikmenn og svo eru erkifjendurnir í Sunderland í þriðja sæti með 5 leikmenn meidda.

Þeir leikmenn sem eru meiddir hjá

Newcastle eru: (væntanlegur til baka)

Nacho Gonzalez 20 okt

Oba Martins 9 nóv

Habib Beye 20 okt

Alan Smith í desember

Jonas Gutierrez 20 okt

Andy Carroll 20 okt

Wesley Ngo Baheng jan 09

Mark Viduka óákveðið

Eins og sjá má þá er stutt í að nokkrir af þessum mönnum verði tilbúnir og mun það styrkja liðið heilmikið. Þeir Habib Beye og Jonas Gutierrez ættu að vera tilbúnir í næsta leik sem er gegn Man City mánudaginn 20 okt.

(FB)

8.Okt

Ný könnun

Það er komin ný könnun og nú er spurt hvort menn hafi einhverja trú á að Joe Kinnear muni gera góða hluti með Newcastle. Niðurstaða úr síðustu könnun er svona:

Hversu oft kíkir þú á heimasíður Newcastle klúbbsins ?

Einu sinni á dag eða oftar 76%

2 - 4 sinnum á viku 18%

Nokkrum sinnum á mánuði 7%

(FB)

5.Okt

Everton - Newcastle 2-2

(Arteta 17vsp, Fellaini 35) - (Taylor 45, Duff 47)

Flott endurkoma hjá Newcastle

Eftir fimm tapleiki í röð þá náði Newcastle jafntefli á Goodison Park í dag eftir að hafa lent 2-0 undir. Arteta kom heimamönnum yfir með marki úr vítaspyrnu eftir að Nicky Butt hafði brotið klaufalega á Leighton Baines innan teigs. Fellaini kom svo Everton í 2-0 á 35 mínútu og útlitið ekki gott hjá Newcastle. En Steven Taylor náði að minnka munin á síðustu mínútu fyrri hálfleiks með flottu skallamarki. Geremi átti þá góða sendingu inn á teig Everton og Taylor skallaði boltann í slánna og inn. Staðan því 2-1 hálfleik.

Seinni hálfleikur var mjög góður hjá okkar mönnum og strax í byrjun náði Newcastle að jafna leikinn. Steven Taylor átti flott hlaup upp að endamörkum og sendi boltann fyrir markið beint fyrir lappir Damien Duff og hann átti ekki í erfiðleikum að skora af stuttu færi framhjá Tim Howard í markinu. Charles N´Zogbia fékk svo gullið tækifæri til að tryggja Newcastle öll stigin eftir góðan undirbúning Shola Ameobi (já ótrúlegt en satt) en Leighton Baines bjargaði á línu.

Það var allt annað að sjá til leikmanna Newcastle í þessum leik þó sérstaklega í seinni hálfleik miðað við síðustu leiki liðsins. Joe Kinnear var upp í stúku en missti af báðum mörkum Newcastle. Hann var á leið til búningsherbergisins þegar Taylor skoraði fyrra markið og var á leið upp í stúku þegar Duff skoraði seinna markið. Hann hefði kannski átt að vera á hlaupum allan leikinn ;)

Lið Newcastle:

Given, Taylor, Coloccini, Cacapa, Jose Enrique (Bassong 39), Geremi (Ameobi 75), Butt, Guthrie, N'Zogbia, Owen, Duff.
Varamenn,Harper, Xisco, Edgar, Doninger, Donaldson.

Gul spjöld: N´Zogbia, Butt, Geremi.

Skot á mark: Eve 13(5) - Nufc 11(9)

Hornspyrnur: Eve 3 - Nufc 5

Áhorfendur: 33,805

Maður leiksins: Steven Taylor (Skoraði mark og lagði upp annað. Flottur leikur hjá Taylor.

(FB)

3.Okt

Everton - Newcastle

Joe Kinnear stýrir Newcastle í sínum fyrsta leik á sunnudaginn gegn Everton kl 15:00. Hann verður þó ekki á hliðarlínunni þar sem hann tekur út leikbann sem hann hlaut þegar hann var stjóri N.Forest árið 2004. Danny Guthrie er í leikmanahópnum eftir að hafa tekið út þriggja leikja bann. Jose Enrique og Habib Beye eru í hópnum eftir að hafa jafnað sig á meiðslum. Beye er ekki alveg 100% en Kinnear hefur sagt að það séu helmingslíkur á að hann spili.

Jonas Gutierrez er ekki orðinn klár ennþá en verður tilbúinn í leikinn gegn Man City þann 20 okt.

# Newcastle hefur ekki unnið á Goodison Park síðan 27 okt árið 2001 þegar Craig Bellamy, Nolberto Solano og Clarence Acuna skoruðu mörk okkar manna í 1-3 sigri.

# Síðasti útisigur Newcastle í úrvalsdeildinni var 1-4 sigur gegn Tottenham þann 30 mars á síðasta tímabili.

# Tapi Newcastle leiknum á sunnudag verður það versta byrjun Newcastle í úrvalsdeildinni síðan 1999, en þá náði Newcastle aðeins einu stgi úr fyrstu sjö leikjunum.

Leikmannahópur Newcastle:Given, Harper, Beye, Edgar, Enrique, N'Zogbia, Taylor, Coloccini, Cacapa, Bassong, Tozer, Butt, Guthrie, Geremi, Duff, Donninger, Owen, Xisco, Ameobi, Donaldson, Ranger, Danquah.

Dómari leiksins verður Howard Webb

(FB)

1.Okt

50% líkur að Beye verði með gegn Everton

Habib Beye meiddist í leik gegn Arsenal í lok ágúst og hefur ekki spilað síðan þá. Hann er byrjaður að æfa aftur og Joe Kinnear segir helmingslíkur á að hann verði með gegn Everton næsta sunnudag. Beye ásamt Andy Carroll og Kazenga Lua Lua hafa æft undir handleiðslu Dave Henderson lækni hjá Newcastle þessa viku.

Við skulum vona að Beye nái sér sem fyrst svo við þurfum ekki að sjá Stephen Carr í bakverðinum ;)

(FB)

1.Okt

Carr aftur til Newcastle ?

Newcastle hefur staðfest að þeir séu að skoða þann möguleika að fá Stephen Carr aftur til Newcastle. Samningur Carr rann út í sumar og hefur hann ekki enn fundið sér annað félag. Joe Kinnear: "Við erum að skoða hans stöðu, en það veltur á því hvernig formi hann er í. Við erum í vandræðum með bæði vinstri og hægri bakvarðarstöðuna. Við höfum verið að nota miðverði í bakvarðarstöðurnar og það er ekki gott. Carr er reyndur bakvörður og er á lausu, við sjáum til hvað gerist"

(FB)