Newcastle Klúbburinn á Íslandi

Fréttir í okt 2009

31.Okt

Smith "Við verðum að fara beint upp"

Alan Smith sem er hefur byrjað tímabilið mjög vel segir að liðið verði að fara upp á þessu tímabili. "Það er mjög mikilvægt að fara beint upp. Þið sjáið hvað kom fyrir hjá mínu gamla félagi Leeds og hvað getur gerst ef liðið er í neðri deild í nokkur tímabil. Vonandi eru þeir á leið upp núna. Sheffield Utd eru svipaðir, stór klúbbur fyrir utan úrvalsdeildina. Sheffield Wed, Norwich og Nottngham Forest eru í svipaðri stöðu. Það er því mjög mikilvægt að upp eins fljótt og hægt er. Ef við náum því ekki er alltaf hætta á að leikmenn sjái framtíð sína annarstaðar. Ef við förum ekki upp núna þá hefur okkur mistekist" sagði Smith.

(FB)

30.Okt

Ýmsar fréttir

# Richard Money er hættur sem yfirmaður ungmennamála hjá Newcastle og hefur verið ráðinn stjóri hjá Luton Town sem leikur í utandeildinni. "Ég gat ekki neitað þessu tilboði, þetta er mikil áskorun fyrir mig. Ég þakka Newcastle allan þann stuðning sem ég hef fengið og fer héðan með söknuði" sagði Money í dag.

# Chris Hughton er vongóður um að Steven Taylor verði orðinn klár fyrir leikinn á mánudagskvöld gegn Sheffield Utd en hann hefur verið frá undanfarnar vikur. Fabricio Coloccini og Danny Simpson eru búnir að jafna sig á sínum meiðslum og verða klárir í slaginn. Alan Smith tók út leikbann gegn Doncaster og verður að öllum líkindum í byrjunarliðinu. Zurab Khizanishvili tekur út leikbann, þann fyrsta af þremur.

# Sol Campell er orðaður við Newcastle en hann er á frálsum samningi. Hann á eftir að ganga frá sínum málum við Notts County eftir aðeins einn leik með þeim. "Það hafa nokkur lið verið í sambandi við mig og Newcastle er eitt af þeim. Newcastle er stór klúbbur og ég hef áhuga á að fara þangað" sagði Campell.

# Chris Hughton hrósar ungu strákunum Tamas Kadar, Nile Ranger og Ryan Donaldson fyrir sitt framlag til liðsins í vetur. "Við sögðum þeim að þeir ættu skilið að vera partur af aðalliðinu og þeir eiga það svo sannarlega skilið"

(FB)

30. Okt

Stuðningsmenn klúbbsins hafa tekið all hressilega við sér að undanförnu, og hafa greitt félagsgjaldið til klúbbsins. Þeir sem greitt hafa, hafa fengið sent bréf ásamt smá glaðningi frá klúbbnum. Hafi, eða verði einhver misbrestur á þessu eru félagar vinsamlega beðnir um að senda okkur línu, því alltaf geta orðið einhver mistök. Félagsskírteinin verða svo send út síðar, þar sem kostnaður við gerð fárra er þó nokkur og við biðum því aðeins á meðan greiðslur frá félögum fjölgaði. (Fyrstu skírteinin fara í prentun í næstu viku ). Bestu Newcastle kveðju; GRL

29.Okt

Versta ákvörðun Mike Ashley ?

Enn einu sinni nær eigandinn Mike Ashley að reyta stuðningsmenn Newcastle til reiði og þessi ákvörun hans að selja nafnið á St James´ Park er ein sú allra versta ákvörðun sem hann hefur tekið. Það ríkir mikil reiði í Newcastle borg vegna þessa enda hefur St James´ Park verið heimavöllur liðsins frá árinu 1892. Freddy Shepherd fyrrum stjórnarformaður Newcastle er alls ekki hrifinn af þessu uppátæki Ashley. "Ég man þegar við fengum tækifæri á að endurnefna völlinn þegar ég var stjórnarformaður, okkur var boðið 3 milljónir punda á ári fyrir samninginn. Það hefði getað verið tíu sinnum meira, ég hefði samt ekki haft áhuga á að breyta nafninu á St James´ Park. Suma hluti er ekki hægt að kaupa. Þetta var ein auðveldasta ákvörðun sem við tókum" St James´ Park er einn af frægustu völlum í heimi, þú getur verið hvar sem er á hnettinum og það vita allir að St James´ Park er heimavöllur Newcastle United. Aðdáendur eru reiðir og hryllir við þessa tilhugsun, Þeir hafa mátt þola ýmislegt undanfarna mánuði og þetta er einn eitt áfallið fyrir þá" sagði Shepherd.

Malcolm McDonald fyrrum leikmaður Newcastle er heldur ekki hrifin: "Það hefur ýmsilegt flogið í gegnum hugan á mér í dag hvaða nafn gæti komið á völlinn og mér hryllir við þeirri tilhugsun".

Það kæmi mér ekki á óvart ef það yrðu fjölmenn mótmæli á næstunni í Newcastle útaf þessari stórfurðulegu ákvörðun Mike Ashley.

Ég er eins og aðrir stuðningsmenn Newcastle alveg geysilega svekktur að enginn skyldi kaupa liðið af Ashley og get ekki skilið af hverju enginn vildi kaupa þennan stóra klúbb á gjafaverði.

(FB)

28.Okt

Chris Hughton ráðinn stjóri Newcastle

Þetta var tilkynnt á heimasíðu Newcastle í gærkvöldi og er Hughton ráðinn til lok tímabilsins 2010/11. Þá var einnig tilkynnt að félagið væri ekki lengur til sölu. Ekki hefur gengið að seja félagið undanfarna mánuði en Barry Moat hefur verið líklegastur að kaupa liðið. Hann hefur hins vegar ekki náð að gera nógu gott tilboð til að Ashley myndi selja klúbbinn.

Mike Ashley tilkynnti að hann væri með fullan hug á að koma Newcastle upp í úrvalsdeildina og myndi setja 20 milljónir punda inn í félagið í þessari viku.

Derek Llambias stjórnarformaður Newcastle sagði þetta: "Við erum mjög ánægðir að Chris hefur samþykkt að taka að sér stjórastöðuna. Hann hefur staðið sig mjög vel þetta tímabil og óskum honum góðs gengis. Hann fær fullan stuðning frá okkur.

Chris Hughton: "Það er stór stund í mínu lífi að vera ráðinn knattspyrnustjóri hjá þessu stórkostlega félagi. Ég þakka Mike og Derek fyrir þeirra stuðning og ég mun leggja allt mitt í sölurnar til þess að koma því aftur upp í úrvalsdeildina í fyrstu tilraun. Að hafa fullan stuðning frá leikmönnum hefur hjálpað mér mikið. Ég vill líka þakka Colin Calderwood, Paul Barron og restinni af þjálfarateyminu sem hafa ekki gert neitt annað en að styðja mig þetta tímabil"

Þá var einnig sagt á heimasíðu Newcastle að þeir muni reyna auka auglýsingatekjur. Á það við að semja við styrktaraðliann á ný en sá samningur rennur út í lok þessa tímabils, þá er einnig hugmynd um eð endurnefna völlinn St James´ Park í höfuðuð á einhverjum styrktaraðila.

(FB)

26.Okt

Félagsgjaldið

Eins og ég hef skrifað um hérna áður að þá gengur vægast sagt mjög illa að fá inn félagsgjöldin þetta árið og er umræða á spjallinu um þetta mál. Ég má til með að birta hér góða grein eftir einn spjallverja og ég held að menn eigi að taka þennan stuðningsmann til fyrirmyndar.

Hér fyrir neðan má sjá grein hans:

"Menn röfla yfir stjórninni. Hvað getur stjórn gert þegar meðlimir greiða ekki einu sinni félagsgjaldið. 11 manns hafa greitt gjaldið í ár. Eiga stjórnarmeðlimir að greiða úr eigin vasa það sem gera á fyrir meðlimi. Hvernig væri að hugsa aðeins lengra áður en menn heimta "fría" hluti.
Ég er rosalega sáttur með heimasíðuna og væri alveg til í að sjá einhverjar sporslur frá klúbbnum fyrir félagsgjaldið.. en kommon félagar.... þið hljótið að sjá að sporslur koma ekki ef félagsgjaldið er ekki greitt. ......
Klúbburinn deyr bara... er það virkilega sem þið viljið ?
Mér finnst æðislegt að hafa okkar eigin heimasíðu.... viljið þið að hún hætti ? Hún er í dag unnin af frábærum vefstjóra sem hingað til hefur unnið þetta í eigin frítíma. Núna er verið að óska eftir nýjum vefstjóra. Menn vinna ekki endalaust svona mikla vinnu á endurgjalds. Endurgjald getur ekki komið til nema ef menn greiði félagsgjöldin sem í ár eru ekki nema 1.500 kr."

Stoltur meðlimur sem er BÚINN að greiða félagsgjaldið.

TooN félagar .... koma svo.. hættum tuði og styðjum klúbbinn...

TooN-ari

(FB)

26.Okt

Hvað skoraði Alan Shearer mörk mörk fyrir A landslið Englands ?

Alan Shearer hóf sinn landsliðferil árið 1990 þegar hann var valinn í U21 landslið Englands undir stjórn Dave Sexton. Shearer skoraði 13 mörk í 11 leikjum með U21 landsliðinu og er það met sem stendur enn. Graeme Taylor landsliðsþjálfari Engalnds valdi hann svo í A landsliðið í febrúar 1992 í leik gegn Frökkum og skoraði Shearer annað markið. Hann skoraði 30 mörk í þeim 63 landsleikjum sem hann lék með Englandi frá 1992 til 2000.

Lokaniðurstaða:

30 mörk 19% (Rétt svar)

35 ------ 48%

28 ------ 12%

40 ------ 21%

(FB)

24.Okt

Kevin Nolan með sigurmark á lokamínútum leiksins

Newcastle marði 2-1 sigur gegn Doncaster á St James´ Park í dag og skoraði Kevin Nolan sigurmarkið í uppbótartíma með góðu skoti fyrir utan teig. Gestirnir komust yfir á 18 mínútu eftir mistök í vörn Newcastle. Það má segja að heimamenn hafi sótt látlaust eftir það. En það var ekki fyrr en á 67 mínútu sem Andy Carroll náði að jafna leikinn en hann hafði stuttu áður klúðrað algjöru dauðafæri. Aðeins 8 mínútum síðar fékk Doncaster vítaspyrnu eftir að Ryan Taylor handlék boltann inni í teig. Fyrirliði Doncaster Martin Woods tók spyrnuna og skaut framhjá til allrar lukku fyrir okkar menn. Fimm mínútum fyrir leikslok var svo Khizanishvili rekinn af velli á óskiljanlegan hátt eftir að Tamas Kadar og Billy Sharp tókust á. Í kjölfarið tók Hughton Jonas Gutierrez af velli og setti hinn unga Ben Tozer inná og voru þvi tveir 19 ára strákar í miðvarðarstöðunum restina af leiknum. Sigurmarkið kom svo eins og áður sagði þegar um tvær mínútur vorum komnar fram yfir leiktímann og var mikill fögnuður á meðal þeirra 44.000 þúsund áhorfenda á SJP. Newcastle skellti sér á topp deildarinnar á nýjan leik við þennan sigur og vonandi að þeir haldi því sem allra lengst.

Reiknað var með að Coloccini yrði leikfær eftir nárameiðsli en hann komst ekki í gegnum læknisskoðun og spilaði því ekki í dag. Danny Simpson var einnig meiddur og kom það í hlut Ungverjans Tamas Kadar að spila í miðverðinum ásamt Zurab Khizanishvili.

Lið Newcastle í dag:

Harper, R Taylor, Kadar, Khiza, Enrique, Guthrie, Butt, Nolan, Jonas (Tozer 87), Carroll, Harewood (Ranger 60)

Ónotaðir varamenn: Krul, Geremi, Lovenkrands, Ngo Baheng, Donaldson.

Gul Spjöld: Butt, Nolan, Harewood.

Rautt spjald: Khizanishvili

Áhorfendur: 43,949 (Ótrúlegt að sjá áhorfendafjöldan á SJP og má með sanni segja að þetta séu tryggustu stuðningsmenn á Englandi)

Maður leiksins: Kevin Nolan

Tölfræði leiksins

NUFC

DR

Skot (á mark)

18(10)

6(3)

Brot

13

17

Horn

8

3

Rangstöður

6

7

Með bolta

57%

43%

Gul spjöld

3

4

Rauð spjöld

1

0

Varin Skot

3

4

(FB)

23.Okt

Nú reynir á stuðningsmenn Newcastle hér á landi

Newcastle klúbburinn róir nú lífróðri þessa dagana og þegar þetta er ritað þá hafa aðeins 11 félgasmenn greitt gjaldið fyrir þetta ár. Það dugir engan veginn til að halda úti heimasíðunni hvað þá að gera eitthvað annað og ef stuðningsmenn hér á landi taka ekki við sér þá mun t.d þessi síða leggjast af og ég neita að trúa að stuðningsmenn Newcastle hér á landi vilji það. Félagsgjaldið var lækkað úr 2500 kr í 1500 kr til að reyna fá fleiri til að borga en það hefur ekki gengið upp. Auðvitað mega menn borga meira en 1500 kr til að styrkja klúbbinn. Nú hvet ég stuðningsmenn Newcastle á Íslandi að standa saman og styrkja klúbbinn svo ekki fari illa.

TOON kveðjur

Friðrik Bergmannsson.

(FB)

23.Okt

Leikur sem verður að vinna

Newcastle spilar gegn Doncaster Rovers á morgun og eftir slakt gengi undanfarið þar sem Newcastle hefur aðeins fengið 2 stig af 12 mögulegum þá verður þessi leikur að vinnast og helst sannfærandi. Sóknarmenn Newcastle hafa ekki verið að standa sig í vetur og er miðjumaðurinn Kevin Nolan markahæsti maður liðsins með 7 mörk. Næstur á eftir honum kemur Shola Ameobi með 5 mörk en hann hefur verið frá vegna meiðsla síðan í lok ágúst. Fabricio Coloccini snýr til baka í vörnina en hann hefur verið meiddur undanfarnar vikur. Steven Taylor er enn meiddur og hefur hann sett stefnuna á að vera klár í leikinn gegn Sheff Utd 2 nóvember næstkomandi. Alan Smith er í leikbanni á morgun og er þá möguleiki að Nicky Butt fái tækifæri í byrjunarliðinu.

Ég verð illa svekktur ef Newcastle vinnur ekki þetta Doncaster lið á St James´ Park og komi sér aftur á sigurbraut.

(FB)

23.Okt

Haris Vuckic frá keppni næstu þrjá mánuði

Slóveninn ungi Haris Vuckic verður frá keppni næstu þrjá mánuði vegna meiðsla á hné og ökkla. Hann meiddist í leik með U19 ára landsliði Slóvena fyrr í þessum mánuði. Hann hefur nú þegar farið í uppskurð og staðfest hefur verið á heimasíðu Newcastle að hann verði frá næstu 12 vikur. Vuckic kom til Newcastle í janúar síðastliðnum og spilaði í fyrsta sinn í byrjunarliði Newcastle í bikarleik gegn Peterborough um miðjan september.

(FB)

21.Okt

Newcastle klúbburinn óskar eftir nýjum vefstjóra

Nú eru liðin um þrjú ár síðan ég byrjaði að skrifa hér á heimasíðu klúbbsins og hef ég nú ákveðið að taka mér frí frá skrifum i óákveðin tíma og óskar því klúbburinn eftir nýjum vefstjóra fyrir klúbbinn. Þeir sem hafa áhuga er bent á að hafa samband við formann klúbbsins. Auðvitað er skilyrði að menn séu með ódrepandi áhuga á Newcastle, góðir pennar og með góða ensku og íslenskukunnáttu.

(FB)

20.Okt

Scunthorpe Utd - Newcastle 2-1

Í alvöru talað ! Scunthorpe Utd ?

(FB)

19.Okt

Chris Houghton boðin stjórastaðan hjá Newcastle

Hughton staðfesti þetta í viðtali við BBC í dag. Hann hefur verið í tímabundnu starfi frá því að Alan Shearer hætti eftir síðasta tímabil. "Viðræður hafa átt sér stað og vonandi halda þær viðræður áfram. Það er spennandi tilhugsun að fara úr tímabundnu starfi í fullt starf. Við höfum byrjað tímabilið mjög vel og það gefur manni sjálfstraust og bjartsýni" sagði Hughton í dag.

Þessar fréttir þykir ýta undir þær sögur að Mike Ashley muni enn einu sinni taka Newcastle af sölu og þangað til réttur kaupandi finnst.

(FB)

18.Okt

Frá hvaða liði var Robert Lee keyptur til Newcastle 1992 ?

Robert Lee hóf sinn feril hjá Charlton Athletic og var keyptur til Newcastle í byrjun tímabilsins 1992/93 fyrir 700 þúsund pund. Það var Kevin Keegan sem keypti hann til Newcastle en þá var liðið í fyrstu deildinni. Lee spilaði

368 leiki og skoraði 56 mörk fyrir Newcastle á þeim 10 árum sem hann var hjá Newcastle en hann var seldur til Derby árið 2002. Lee var frábær miðjumaður þann tíma sem hann var með Newcastle og spilaði hann 21 landsleik fyrir landslið Englands.

Það var nokkuð jafnt á því hvað menn giskuðu á í og voru margir á því að Lee hafi verið keyptur frá Leicester en það er auðvitað ekki rétt.

Lokastaða:

Derby 19%

Oldham 22%

Leicester 29%

Oldham 29% (Rétt svar)

(FB)

17.Okt

Slakt á City Ground

Newcastle tapaði sínum öðrum leik á tímabilinu þegar þeir heimsóttu Nottingham Forest á City Ground í dag. Leikurinn endaði 1-0 og kom eina mark leiksins undir lok fyrri hálfleiks og var það alls ekki ósanngjarnt miðað við gang leiksins, en sinni hálfleikur var algjör eign Newcastle en þrátt fyrir yfirburði í seinni hálfleik sköpuðu þeir sér ekki mörg færi og náðu ekki að skora. Kevin Nolan náði reyndar að koma boltanum í markið þegar um 15 voru eftir af leiknum en markið var dæmt af vegna rangstæðu.

Sóknarleikur Newcastle var frekar slakur í dag og áttu þeir Carroll og Harewood ekki sinn besta dag. Hvorki Coloccini né S Taylor voru með í dag vegna meiðsa og voru því Simpson og Khizanishvili í miðvarðarstöðunum í dag. Jonas byrjaði á bekknum þar sem hann kom til Newcastle seinni part föstudags eftir langt ferðalag frá Argentínu.

WBA hirti toppsætið af Newcastle í dag á markamun en næsti leikur Newcastle er strax á þriðjudaginn gegn Scunthorpe Utd.

Lið Newcastle í dag: Harper, R Taylor, Khiza, Simpson, Enrique, Smith, Nolan, Guthrie, Lovenkrands (Jonas 61), Carroll, Harewood (Ranger 83).

Ónotaðir varamenn: Krul, Kadar, Geremi, Donaldson, Butt.

Gul spjöld: Smith, Khiza, R Taylor.

Áhorfendur: 29,155.

Maður leiksins: Jose Enrique

Tölfræði leiksins

Forest

NUFC

Skot (á mark)

13(7)

18(7)

Brot

12

5

Horn

3

7

Rangstöður

0

1

Með bolta

42%

58%

Gul spjöld

1

3

Rauð spjöld

0

0

Varin Skot

4

4

(FB)

15.Okt

Stuttar fréttir

# Marlon Harewood hefur hrist af sér smávægileg meiðsli og verður klár í slaginn gegn fyrrum liði sínu Nottingham Forest á laugardaginn.

# Fabricio Coloccini og Steven Taylor eiga báðir við meiðsli að stríða og kemur ekki í ljós fyrr en á laugardag hvort þeir verða með gegn Forest eða ekki. Coloccini hefur ekki spilað tvo síðustu leiki og er ekki enn byrjaður að æfa.

Það gæti þítt að Tamas Kadar og Zurab Khizanishvili muni spila í miðvarðarstöðunum gegn Forest.

Jose Enrique er hinsvegar klár eftir að hafa misst af síðasta leik vegna meiðsla aftan í læri.

# Chris Hughton er ánægður með Jonas Gutierrez í leik Argentínu gegn Uruguay í gær. Hann átti stóran þátt í að tryggja Argentínumönnum sæti í úrslitakeppni HM í Suður Afríku á næsta ári þegar þeir unnu 0-1 á heimavelli Uruguay. "Ég er mjög ánægður fyrir hönd Jonas og þetta er mikil lyftistöng fyrir hann. Hann komst í gegnum leikinn ómeiddur og átti stóran þátt í sigurmarkinu. Leikurinn var mjög hraður og hann er eflaust þreyttur, en hann er hátt uppi eftir sigurin og ég er ánægður fyrir hans hönd" sagði Hughton.

# Táningurinn Aaron Spear var í fyrsta sinn í byrjunarliði varaliðs Newcastle nú í vikunni í 4-2 tapleik gegn Rotherham.

Hann skoraði sitt fyrsta mark fyrir varaliðið í þessum leik, hann er talinn mjög efnilegur en hann er aðeins 16 ára. Spear kom frá Plymouth sumarið 2008.

(FB)

10.Okt

Hvað var Newcastle United fyrst kallað ?

Saga Newcastle hefst árið 1881 þegar Stanley Cricket Club ákveður að stofna knattspyrnudeild. Nafninu var svo breytt í Newcastle East End í Október 1882, á þessum tíma var einnig stofnað lið sem hét Newcastle West End og voru þessi lið miklir erkifjendur enda bæði frá Newcastle. East End varð svo fyrsta atvinnumanna liðið frá Newcastle árið 1889. Liðin tvö voru svo sameinuð þann 9 desember árið 1892 og tóku upp nafnið Newcastle United. West End hafð átt í miklum fjárhagserfiðleikum og tók East End við rekstri West End. St James´ Park hafði verið heimavöllur West End og var ákveðið að hann yrði heimavöllur Newcastle United.

Önnur nöfn sem komu til greina voru Newcastle City og Newcastle Rangers. Þannig að það má segja að upphaflega nafnið á Newcastle United hafi verið Stanley og er það sagt á heimasíðu Newcastle. Í spurningunni hér á heimasíðunni svöruðu allflestir að Newcastle East End hafi verið upphaflega nafnið á Newcaslte United og verðum við að gefa þeim rétt fyrir það svar.

Svörin voru svona

Newcastle West End 21%

Black And Whites 16%

Newcastle East End 63%

(FB)

10.Okt

Andy Carroll með tvö mörk fyrir U21

U21 landslið Englands spilaði gegn U21 landsliði Makedóníu í undankeppni evrópumótsins gær á Rioch Stadium heimavelli Coventry City. Andy Carroll var í byrjunarliðinu og skoraði hann tvö mörk í 6-3 sigri Englands. Þetta var hans annar leikur með U21 landsliðinu og í fyrsta sinn í byrjunarliðinu. Þetta voru einnig fyrstu mörkin hans fyrir U21 landsliðið. Hin mörkin í leiknum í gær skoruðu Kirean Gibbs (Arsenal), Micha Richards (Man City) og Zavon Hines (West Ham) 2 mörk.

(FB)

6.Okt

Hughton ánægður með byrjun tímabilsins

Chris Hughton segir að liðið sé akkúrat á þeim stað sem hann vonaðist eftir á þessum tímapunkti. Þrátt fyrir að hafa gert jafntefli í síðustu tveim heimaleikjum er Newcastle með þriggja stiga forystu í deildinni. Hughton hefur verið valinn stjóri mánaðarins í tvígang, bæði fyrir ágúst og september. "Við skiptum tímabilinu niður í parta varðandi stig og stöðu og erum með markmið hvar við viljum vera í hvert sinn. Núna erum við búnir með tvo parta af tímabilinu og við erum með þriggja stiga forystu sem er frábært. En við gætum hafa verið með sjö stiga forystu. Það sem hefur glatt mig mest er viðhorf leikmanna sem hefur verið frábært. Jú þessir tveir síðustu heimaleikir eru vonbrigði, en Þeir eru búnir og við verðum að horfa fram á veginn. Það eru fimm leikir fram að næsta hléi og markmiðið er að vera enn á toppnum þegar þeir leikir eru búnir" sagði Hughton á heimasíðu Newcastle í dag.

(FB)

6.Okt

Hvern leysti Sir Bobby af hólmi þegar hann tók við Newcastle 1999 ?

Þessi spurning er búin að vera í gangi hér á heimasíðunni og er fróðlegt að sjá niðurstöðurnar. Það kemur mér nokkuð á óvart hvað fáir eru með þetta á hreinu. Það voru þrjú svör í boði Kenny Dalglish, Ruud Gullit og Graeme Souness. Aðeins 60% voru með rétt svar sem er Ruud Gullit. Hann var við stjórnvölin tímabilið 1998/1999 og aðeins fimm leiki af tímabilinu 1999/2000. Hann var látin taka pokan sinn enda var hann geysilega óvinsæll á St James´ Park sérstaklega fyrir að taka Alan Shearer úr liðinu og setja hann á bekkinn. Hann lét líka Robert Lee ekki einu sinni fá númer fyrir tímabilið 1999/2000.

Sir Bobby tók við liðinu og stýrði því næstu fimm tímabil. Fyrsti leikur Newcastle undir stjórn Sir Bobby var gegn Sheffield Wed og sigruðu okkar menn 8-0 þar sem Alan Shearer skoraði fimm mörk, Aaron Hughes, Kireon Dyer og Gary Speed skoruðu hin mörkin.

Hér er svo niðurstaðan:

Kenny Dalglish 13%

Ruud Gullit 60% (Rétt svar)

Greame Souness 28%

(FB)

3.Okt

Vonbrigði á St James´ Park

Newcastle tók á móti Bristol City á St James´ Park í dag og fékk annað tækifæri í þessari viku að ná fimm stiga forystu í deildinni þar sem Preston og WBA gerðu jafntefli fyrr í dag. En leikmenn Newcastle náðu ekki að brjóta niður varnarmúr gestanna og 0-0 jafntefli niðurstaðan. Þessi úrslit verða að teljast vera vonbrigði en þrátt fyrir það heldur Newcastle þriggja stiga forystu á topp deildarinnar. Það er óhætt að segja að Newcaslte hafi gjörsamlega átt leikinn í dag og skutu t.d þrisvar í tréverkið hjá Bristol City. Harewood skaut í stöngina á 8 mínútu, S Taylor og Nolan áttu svo skot í slánna í seinni hálfleik. Leikmenn City björguðu svo tvisvar á marklínunni, svo má geta þess einnig að markvörður City Adrian Basso átti stórleik og varði oft mjög vel. Brasso fékk að vita fimm mínútum fyrir leikinn að hann ætti að spila þar sem aðalmarkvöður liðsins meiddist í upphitun.

Leikmenn Newcastle vildu svo fá vítaspyrnu á 74 mínútu þegar brotið var greinilega á Marlon Harewood en dómari leiksins var ekki á sama máli og lét leikinn halda áfram. Nú verður gert tveggja vikna hlé á deildinni og verður því Newcastle á toppnum áfram.

Jose Enrique var ekki með í dag vegna smávægilegra meiðsla og kom Ryan Taylor inn í hans stað í vinstri bakvörðinn. Jonas Gutierrez, Marlon Harewood og Peter LOvenkrands byrjuðu allir inná á kostnað Nicky Butt, Andy Carroll og Nile Ranger.

Chris Hughton eftir leikinn: "Þetta var greinilegt víti, sumt er vafasamt en þetta var eins augljóst eins og það getur verið, það voru mikil vonbrigði fyrir okkur að fá ekki vítaspyrnu"

Lið Newcastle í dag: Harper, Simpson, S Taylor, Khiza, R Taylor, Nolan, Guthrie (Ranger 85), Jonas (Carroll 65), Smith, Lovenkrands, Harewood.

Ónotaðir varamenn: Krul, Kadar, Butt, Geremi, Donaldson.

Gult spjald: Khiza

Áhorfendur: 43,326

Maður leiksins: Steven Taylor

(FB)

Tölfræði leiksins

NUFC

BC

Skot (á mark)

18(6)

7(4)

Brot

11

14

Horn

6

3

Rangstöður

1

2

Með bolta

52%

48%

Gul spjöld

1

2

Rauð spjöld

0

0

Varin Skot

4

10

3.Okt

Chris Hughton stjóri septembermánaðar

Þetta er í annað sinn á tímabilinu sem Hughton er kosinn stjóri mánaðarins sem verður að tlejst nokkuð gott þar sem hann er aðeins tímabundinn stjóri liðsins.

Kevin Nolan var tilnefndur sem leikmaður mánaðarins en Leon Best sóknarmaður Coventry City var valinn að þessu sinni.

(FB)

2.Okt

Hvern leysti Sir Bobby Robson af hólmi þegar hann tók við 1999 ?

Þessa spurningu setti ég inn og er fróðlegt að sjá hvort stuðningsmenn Newcastle hafa þetta á hreinu.

(FB)

2.Okt

Stuttar fréttir

# Sérstakur gerðardómur ensku úrvalsdeildarinnar dæmdi í dag Kevin Keegan 2 milljónir punda í skaðabætur vegna brotthvarf hans frá Newcastle fyrir rúmlega ári síðan. Málinu er því loksins lokið og vonandi fer eitthvað að gerast varðandi söluna á liðinu.

# Newcastle mætir Bristol City á morgun kl 14:00 og eru Fabricio Coloccini, Joey Barton og Shola Ameobi allir frá vegna meiðsla. Ryan Taylor var með á æfingu í dag og er smá möguleiki á að hann verði með.

# Marlon Harewood gæti verið í byrjunarliðinu í fyrsta sinn frá því hann kom til Newcastle á láni frá Aston Villa. Hann skoraði sitt fyrsta mark fyrir Newcastle í leiknum gegn QPR á miðvikudaginn.

# Jonas Gutierrez verður sennilega í byrjunarliðinu en hann kom inná í hálfleik gegn QPR. Hann er einn besti leikmaður Newcastle og þurfa þeir svo sannarlega á honum að halda í vetur. Hann á svo langt ferðalag fyrir höndum, alla leið til Buenos Aires að spila með Argentínska landsliðinu gegn Perú og Uruguay. "Vonandi gerði ég nóg til að byrja inná í næsta leik. Mér leið vel og naut þess að spila eftir að hafa verið frá vegna meiðsla. Ég vill spila stórt hlutverk í leiknum gegn Bristol City vegna þess að ég tel það mjög mikilvægt að ná þremur stigum fyrir landsleikjahléið" sagði Jonas í dag.

# Líklegt byrjunarlið gegn Bristol City:

Harper, Simpson, S Taylor, Khiza, Enrique, Guthrie, Smith, Nolan, Jonas, Harewood, Carroll.

# Bæði Chris Hughton og Kevin Nolan hafa verið tilnefndir sem "stjóri mánaðrins" og leikmaður mánaðarins" í september. Aðrir sem eru tilnefndir sem stjóri septembermánaðar eru: Jim Magilton (QPR), Ian Holloway (Blackpool) og Roberto Di Matteo (WBA). Og aðrir sem eru tilnefndir sem leikmenn septembermánaðar eru: Leon Best (Coventry), Matt Fryatt (Leicester) og Grant McCann (Scunthorpe Utd).

(FB)

2.Okt

Joey Barton frá keppni næstu tvo mánuði

Barton hefur misst af síðustu þremur leikjum vegna meiðsla á fæti og eftir skoðun kom í ljós að hann þarf á uppskurði að halda. Hann mun því vera frá keppni næstu tvo mánuði líkt og Shola Ameobi. Chris Hughton um meiðsli Barton: "Þetta hefur angrað hann í nokkurn tíma, við héldum að þetta væri ekki stórt vandamál en svo er ekki. Það lítur út fyrir að hann verði frá í nokkra mánuði og hann gæti verið frá til áramóta. Það er mikið áfall að missa hann. Hann hefur átt við meiðslavandræði síðan hann kom til okkar og þetta er erfitt fyrir hann".

(FB)