Newcastle Klúbburinn á Íslandi

Fréttir í september 2007

30.Sept

Owen frá í nokkra daga ?

Michael Owen fór í uppskurð um helgina í Þýskalandi og er talið að hann verði ekki lengi frá. Hann verður aðeins nokkra daga að jafna sig eftir uppskurðinn og gæti jafnvel spilað gegn Everton næstu helgi. Sennilega er raunhæfara markmið að verði orðinn klár í leikinn gegn Tottenham. Steve McClaren vonast eftir því að Owen geti spilað landsleikina sem eru framundan hjá Englandi í október enda allt annað að sjá sóknarleikinn hjá þeim þegar Owen er inná.

(FB)

30.Sept

Big Sam "Við frömdum varnar sjálfsmorð"

Stjórinn var ekki par sáttur við varnarmenn sína í gær gegn Man City og sagði að þeir höfðu framið nett sjálfsmorð í tveimur af mörkunum sem Newcastle fékk á sig. "Útivallarformið er ekki sem best hjá okkur þessa stundina. Við byrjuðum á því að vinna Bolton, gerðum svo jafntefli við Boro í leik sem við áttum að vinna en höfum tapað þremur leikjum í röð á útivelli gegn Derby, Arsenal og Man City. Það er nokkuð ljóst að við verðum að bæta okkur" sagði Big Sam. Hann sagði einnig að það hafi verið mjög erfið ákvörðun að velja á milli þeirra félaga Given og Harper. En eftir frábæra frammistöðu hjá Given gegn Arsenal þá gat hann ekki annað en að gefa honum tækifærið.

(FB)

29.Sept

Man City - Newcastle 3-1

(Petrov 38, Mpenza 47, Elano 87) - (Martins 29)

Tap gegn lærisveinum Sven Göran Eriksson

Big Sam gerði þrjár breytingar á byrjunarliðinu frá því í leiknum gegn Arsenal í vikunni. Viduka, Butt og Geremi komu inn fyrir þá Faye, Enrique og Ameobi. Shay Given hélt sæti sínu í byrjunarliðinu og spilaði sinn fyrsta úrvalsdeildarleik á þessu tímabili.

Fyrri hálfleikur var fjörugur og Newcastle komst yfir á 29 mínútu með flottu marki frá Martins sem fékk frábæra sendingu frá Geremi og afgreiddi Martins það einstaklega vel. Stuttu seinna munaði litlu að Newcastle kæmist í 0-2 þegar markmaður City var næstum búinn að gera sjálfsmark en hann náði að bjarga á síðustu stundu. Given bjargaði í þrígang með frábærri markvörslu í fyrri hálfleik en sofandaháttur í vörn Newcastle gaf heimamönnum jöfnunarmarkið á 38 mínútu. Staðan 1-1 í hálfleik og það var eins og okkar menn væru enn í pásu því City skoraði strax í byrjun seinni hálfleiks þegar Petrov hreinlega stakk Taylor af og átti góða sendingu á Mpenza sem var einn og óvaldaður á markteig og skallaði framhjá Given í markinu. Newcastle vaknaði aðeins eftir það en áttu ekki mörg færi til að jafna. Það var svo Elano sem skoraði frábært mark úr aukaspyrnu og átti Given ekki möguleika að verja. 3-1 tap staðreynd og er ljóst að Eriksson er að gera góða hluti með þetta lið. Það er líka ljóst að það vantar illilega skapandi miðjumann hjá okkar mönnum með þá Smith, Butt og Geremi sem eru allir frekar varnarsinnaðir. Næsti leikur er gegn Everton að viku liðinni og vonandi að menn komi einbeittir til leiks þá.

Liðið gegn Man City: Given, Beye, Taylor(Faye 84), Rozehnal, N´Zogbia, Milner, Butt, Smith, Geremi(Enrique 76), Viduka(Emre 87), Martins.

Varamenn. Harper, Emre, Faye, Pattison, Enrique.

Skot á mark: MC 16 - NUFC 12

Áhorfendur 40.606

Maður leiksins: Shay Given (Varði frábærlega í nokkur skipti og gaman að sjá hann aftur á milli stanganna.)

(FB)

27.Sept

Stuttar fréttir

# Shola Ameobi óttast að verða seldur í janúar en hann hefur ekki staðið sig í þeim leikjum sem hann hefur fengið tækifæri. Ameobi meiddist í leiknum gegn Arsenal og var tekinn af velli. Big Sam er sagður vilja hlusta á tilboð í Ameobi í janúar.

# Joey Barton hefur sett stefnuna á leikinn gegn Everton þann 7 okt og ætlar hann að vera orðinn leikfær þá en líklega er leikurinn gegn Tottenham þann 22 okt raunsægilegt markmið. Barton er gífurlega svekktur að missa af leiknum gegn Man City um helgina

# Big Sam hefur sagt Martins að gleyma leiknum gegn Arsenal en Martins fékk góð færi til að skora en nýtti það ekki.

# David Rozehnal segir að Arsenal séu skuggalega góðir. "Þeir breyttu liðinu gjörsamlega en voru samt betri en við, ungu strákarnir hjá þeim eru frábærir" sagði Rozehnal.

# Charles N´Zogbia er í þriðja sæti á lista yfir þá leikmenn sem þykja standa sig best í úrvalsdeildinni. Steve Harper er einnig á listanum og er hann í þriðja sæti yfir þá markmenn sem þykja standa sig best. Skoða má listann hér

(FB)

25.Sept

Arsenal - Newcastle 2-0

(Bentner 83, Denilson 89)

Newcastle úr leik í Carling bikarnum

Arsenal vann sanngjarnan sigur í kvöld gegn Newcastle í þriðju umferð Carling bikarsins á Emirates Stadium. Það voru aðeins tveir leikmenn í byrjunarliði Arsenal sem vann Derby 5-0 um helgina (Senderos og Eduardo).

Unglingarnir í Arsenal stjórnuðu leiknum í kvöld en þeir skoruðu mörk sín undir lok leiksins. Obafemi Martins fékk gott færi til að jafna stuttu eftir að Bentner hafði komið Arsenal yfir en Senderos bjargaði á marklínu. Denilson skoraði svo glæsilegt mark á 89 mínútu og sigur Arsenal var í höfn. Lið Newcastle í kvöld:

Given, Beye, Taylor, Rozehnal, Jose Enrique, Milner(Butt 70), Smith, Faye, N'Zogbia, Ameobi(Emre 60) , Martins.

Varamenn: Forster, Edgar, Geremi.

Skot á mark: Arsenal 18 - Nufc 5

Áhorfendur : 60,004

Enginn maður leiksins þar sem ég sá ekki leikinn.

(FB)

25.Sept

Byrjunarliðið gegn Arsenal

Liðið sem Big Sam stillir upp gegn Arsenal í kvöld er svona: Given, Beye, Taylor, Rozehnal, Jose Enrique, Milner, Smith, Faye, N'Zogbia, Ameobi, Martins.

Varamenn: Forster, Emre, Geremi, Butt, Edgar.

Þar sem leikurinn er ekki sýndur hvorki hér á landi né í Englandi er hægt að fylgjast með textalýsingu hér

(FB)

25.Sept

Arsenal - Newcastle (Carling Bikar)

Emirates Stadium

Þriðjudagur kl 18:45

Arsenal tekur á móti Newcastle í þriðju umferð deildarbikarsins í kvöld á Emirates Stadium. Arsene Wenger stillir upp ungu liði í kvöld líkt og hann hefur gert í þessari keppni undanfarin ár. Þeir hafa hins vegar staðið sig mjög vel og fóru t.d í úrslit keppninnar á síðasta tímabili. Þetta verður því erfitt verkefni hjá leikmönnum Newcastle sem verður án Michael Owen, Claudio Cacapa, Joey Barton, Damien Duff, Peter Ramage, Stephen Carr og Celestine Babayaro sem eru allir frá vegna meiðsla. Mark Viduka er í leikmannahópnum en óttast var að hann yrði ekki með. Shay Given verður sennilega í byrjunarliðinu í kvöld en hann spilaði leikinn gegn Barnsley í annari umferð keppninnar. Liðið í kvöld:

Harper, Given, N'Zogbia, Rozehnal, Taylor, Enrique, Faye, Emre, Edgar, Beye, Milner, Geremi, Butt, Smith, Pattison, Viduka, Martins, Ameobi.

(FB)

23.Sept

Newcastle - West Ham 3-1

(Viduka 2, 41, N'Zogbia 76) - (Ashton 32)

Á beinu brautina á ný

Newcastle mætti West ham í dag á St James Park í fjörugum leik þar sem West Ham var heldur sterkari aðilinn í fyrri hálfleik en engu að síður var staðan 2-1 fyrir Newcastle í hálfleik. Strax á 2 mínútu var Viduka búinn að skora sitt fyrsta mark á St James Park eftir frábæra sendingu frá N´Zogbia sem átti stórleik í dag. West Ham var meira ógnandi upp við markið og uppskáru mark á 32 mínútu þegar Dean Ashton skoraði eftir að vörn Newcastle náði ekki að hreinsa frá markinu. Fjórum mínútum fyrir lok fyrri hálfleiks stakk N´Zogbia fyrrum félaga sinn í Newcastle Lee Bowyer af og átti aðra góða sendingu á Viduka sem skoraði má segja með báðum fótunum (sjá mynd).

Staðan 2-1 í hálfleik og sem var sennilega ósanngjörn staða miðað við gang leiksins. Vörn heimamanna virkaði ósannfærandi og átti t.d West Ham nokkur ágætis færi en Harper var vel á verði í markinu og varði hann mjög vel frá Mark Noble um miðjan hálfleikinn.

Í seinni hálfleik komu leikmenn Newcastle mun ákveðnari til leiks og en fengu enginn opinn færi. Varnarleikurinn var mun betri að sjá einnig. Michael Owen þurfti að fara af velli eftir um fimm mínútna leik og kom Martins inná í hans stað. Á 73 mínútu skipti Big Sam Jose Enrique inná í stað Viduka, Enrique fór í vinstri bakvörð, N´Zogbia á miðjuna og Smith í framlínuna með Martins. Þessi breyting virkaði mjög vel og var N´Zogbia búinn að skora þriðja mark Newcastle þremur mínútum seinna en hann potaði boltanum inn af stuttu færi eftir sendingu frá Martins. Undir lok leiksins fékk svo Martins sannkallað dauðafæri þegar hann komst inní sendingu frá varnarmanni West Ham og náði að leika á Robert Green markmann en skaut svo í hliðarnetið. Þrjú stig í hús handa Newcastle og eru þeir nú komnir í fimmta sæti deildarinnar. Þrátt fyrir tapið gegn Derby á mánudaginn var er þetta betri byrjun á tímabilinu en undanfarin ár. Af Owen er það að frétta að hann fann til í náranum og varð að fara af velli vegna þess og verður pottþétt ekki með gegn Arsenal á þriðjudaginn í deildarbikarnum. Cacapa fann eitthvað aðeins til í náranum einnig og var honum skipt útaf líka.

Liðið í dag: Harper, Beye, Cacapa (Taylor 78), Rozehnal, N'Zogbia, Smith, Geremi, Butt, Milner, Owen (Martins 51), Viduka (Jose Enrique 73).
Varamenn: Given, Faye.

Skot á mark: Nufc 12 - WH 13

Gult spjald: Geremi

Áhorfendur: 50,104

Maður leiksins: Charles N´Zogbia (átti tvær stoðsendingar og skoraði eitt. Frábær leikur hjá frakkanum unga í dag)

(FB)

21.Sept

Newcastle - West Ham

St James Park

Sunnudaginn 23 sept kl 12:30

Útibú Newcastle í London kemur í heimsókn á sunnudaginn kemur en fimm fyrrverandi leikmenn Newcastle spila með West Ham. Scott Parker, Nolberto Solano, Lee Bowyer, Kireon Dyer og Craig Bellamy eru allir fyrrum leikmenn Newcastle. Dyer verður ekki með vegna meiðsla. Parker er nýbyrjaður að spila eftir meiðsli og verður í hópnum. Bellamy er einnig í hópnum en hann meiddist um síðustu helgi og var óttast að hann yrði ekki með. Solano hefur ekki enn spilað leik með West Ham en Bowyer hefur spilað vel með West Ham í byrjun tímabils og skoraði gott mark um síðustu helgi gegn Boro. West Ham hefur byrjað tímabilið vel og eru með fullt hús stiga á útivelli og haf ekki fengið á sig mark á útivelli, þess má einnig geta að Newcastle er taplaust á heimavelli og hefur ekki fengið á sig mark á heimavelli. Af okkar mönnum er það að frétta að Barton, Emre og Enrique eru allir byrjaðir að æfa en verða ekki með á sunnudaginn. Owen og Viduka eru heilir og verða þeir með. Þá verður fróðlegt að sjá hvort Harper verði í byrjunarliðinu en hann hefur byrjað alla úrvalsdeildarleiki hingað til. Newcastle á þrjá leiki á sex dögum í næstu viku, West Ham á sunnudag, Arsenal á þriðjudag í deildarbikarnum og Man City á laugardag í næstu viku sem er hádegisleikur. Big Sam hefur sagt að hann þurfi á öllum sínum leikmönnum að halda í svona leikjatörn. Hann hefur einnig blásið á þær sögusagnir um að Owen þurfi á skurðaðgerð að halda vegna kviðslits.

Hópurinn sem mætir West Ham er svona:

Harper, Given, N'Zogbia, Rozehnal, Taylor, Cacapa, Faye, Edgar, Beye, Milner, Geremi, Butt, Smith, Pattison, Viduka, Martins, Ameobi, Owen.

Frá stofnun úrvalsdeidarinnar hafa leikir Newcastle og West ham á St James Park farið svona:

2006/07: Jafnt 2-2 Milner, Solano
2005/06: Jafnt 0-0
2002/03: Sigur 4-0 LuaLua 2, Shearer, Solano
2001/02: Sigur 3-1 Shearer, LuaLua, Robert
2000/01: Sigur2-1 Cort, Solano
1999/00: Jafnt 2-2 Dabizas, Speed
1998/99: Tap 0-3
1997/98: Tap 0-1
1996/97: Jafnt 1-1 Beardsley
1995/96: Sigur3-0 Albert, Asprilla, Ferdinand
1994/95: Sigur 2-0 Clark, Kitson
1993/94: Sigur2-0 Cole 2

(FB)

21.Sept

Geremi vítaskytta liðsins

Big Sam er búinn að útnefna fyrirliða Newcastle Geremi sem vítskyttu lisðins. "Ég mun taka víti ef við fáum víti" sagði Geremi á heimasíðu Newcastle í dag. Newcastle hefur ekki enn fengið víti á þessu tímabili.

(FB)

19.Sept

Tíu ár frá sigrinum fræga gegn Barcelona

Ég rakst á skemmtilega grein á nufc.com í vikunni sem minnti mig á gamla og góða daga. Ég ákvað að henda henni hérna inn bara til fróðleiks. Það er gaman að sjá hvar þessir menn sem spiluðu þennan leik eru staddir í dag og við hvað þeir starfa. Á mánudaginn síðasta voru einmitt 10 ár frá því að Newcastle vann Barcelona í meistaradeildinni á St James Park 3-2 þar sem Tino Asprilla átti sannkallaðan stórleik og skoraði þrennu. Nokkrir af þeim leikmönnum sem spiluðu þann leik hafa verið í fréttum undanfarið, Warren Barton og Robert Lee voru handteknir á dögunum fyrir að stela limmósíu og Keith Gillespie stóð í handalögmálum í flugvél Icelandair eftir leik Norður Íra gegn Íslendingum um daginn. Kólumbíumaðurinn Tino Asprilla toppar þó þessa kalla því hann starfar nú sem nektarmódel fyrir tímaritið Solo Para Hombres (aðeins fyrir karlmenn) í sínu heimalandi og þar sést hann á adamsklæðum með reipi um líkamann (sjá mynd). Hér er svo listi yfir þá leikmenn sem spiluðu leikinn umrædda og hvar þeir eru staddir í lífinu.

Shay Given

Leikmaður, Newcastle Utd

Warren Barton

Fjölmiðlar,
Ferðaskrifstofa,
Þjálfun í skóla
Old boys fótbolti

John Beresford

Fjölmiðlar,
Mátun fyrir verslanir,
Old boys fótbolti

David Batty

Býr í Yorkshire
Old boys fótbolti

Robert Lee

Fjölmiðlar
Old boys fótbolti

John Barnes

Fjölmiðlar
Old boys fótbolti

Tino Asprilla

Nektarmódel !

Jon Dahl Tomasson

Leikmaður, Villarreal

Keith Gillespie

Leikmaður, Sheffield Utd

Steve Watson

Leikmaður, Sheffield Wed

Philippe Albert

Býr í Belgíu,
Old boys fótbolti

Temuri Ketsbaia
(varamaður)

Þjálfari, Anorthosis Famagusta

Darren Peacock
(varamaður)

Býr í Portúgal

Pavel Srnicek
(kom ekki inná)

Býr í Tékklandi

Steve Howey
(kom ekki inná)

Unglingaþjálfari,
Middlesbrough

Ian Rush
(kom ekki inná)

Unglingaþjálfari , Wales
Fjölmiðlar,
Old boys fótbolti

Brian Pinas

(kom ekki inná

Leikmaður, Dordrecht

Aaron Hughes

(kom ekki inná

(FB)

18.Sept

Owen ætti að vera klár í leikinn gegn West Ham

Big Sam segir að Owen ætti að vera orðinn klár í leikinn gegn West Ham næstu helgi. Owen fann fyrir eymslum í nára í hálfleik í gær og var tekinn af velli eftir um 10 mínútna leik í seinni hálfleik. "Við tókum hann útaf vegna þess að við vildum ekki taka neina áhættu með hann, hann hefur spilað tvo landsleiki undanfarna daga og með Martins á bekknum þá var það besta sem við gátum gert. Ég er sannfærður um að Owen verður klár um helgina" sagði Big Sam að lokum.

(FB)

17.Sept

Derby - Newcastle 1-0

(Miller 39)

Brotlending á Pride Park

Newcastle tapaði sínum fyrsta leik á tímabilinu á Pride Park í kvöld gegn nýliðum Derby. Sigur Derby var nokkuð sanngjarn og voru leikmenn Newcastle frekar slakir í kvöld. David Rozehnal fékk gott tækifæri eftir um 17 mínútna leik þegar Owen gaf góða sendingu á hann rétt fyrir utan markteig en Rozehnal skaut rétt framhjá. Newcastle átti hornspyrnu á 38 mínútu og varnarmaður Derby, Leacock braut augljóslega á Rozehnal og var Leacock með báðar hendur utanum Rozehnal þannig að hann komst ekkert áleiðis í teignum en dómari leiksins sá ekki ástæðu til að dæma neitt. Sjónvarpsmenn voru einmitt að endursýna atvikið þegar Miller skoraði eina mark leiksins. Miller átti þrumuskot vel fyrir utan teig og átti Harper ekki möguleika að verja. Í seinni hálfleik var Newcastle meira með boltann en skapaði sér ekki nein opin færi. Svipað atvik átti sér stað í seinni hálfleik með þá Rozehnal og Leacock en dómarinn var ekkert á þeim buxunum að dæma víti á svona atvik. Leikmenn Derby voru nær því að bæta við öðru marki en Newcastle að jafna og fékk td Howard sóknarmaður upplagt tækifæri til að skora annað mark Derby en hann skallaði framhjá af stuttu færi. Fyrsta tap Newcastle staðreynd og nú er ekkert annað en að gyrða sig í brók og mæta grimmir í næsta leik sem verður næstkomandi sunnudag gegn Eggerti Magnússyni og félögum í West Ham. Það sýndi sig að það er ekkert öruggt í enska boltanum í kvöld því að Derby hafði tapað fjórum leikjum í röð og í síðasta leik töpuðu þeir 6-0 gegn Liverpool. Steve Harper hélt stöðu sinni í byrjunarliðinu og Martins þurfti að sætta sig við varamannabekkin enn einu sinni. Lið Newcastle í kvöld: Harper, Taylor (Beye 75), Cacapa, Rozehnal, N'Zogbia, Smith, Geremi (Faye 60), Butt, Milner, Owen (Martins 55), Ameobi.

Varamenn: Given, Pattison.

Skot á mark: Derby 10 Nufc 8

Gul spjöld: Smith, Butt, N´Zogbia.

Áhorfendur: 33,016

Maður leiksins: David Rozehnal (Sá eini sem eitthvað gat í kvöld og hefði með réttu átt að fá tvær vítaspyrnur)

(FB)

15.Sept

Derby - Newcastle

Pride Park

Mánudaginn 17 sept kl 19:00

Newcastle mætir nýliðum Derby sem eru með neðstir með eitt stig eftir fimm leiki. Big Sam ætlar að athuga með formið hjá Owen á mánudag vegna þessa að hann spilaði báða landsleikina með Englendingum. Viduka er tæpur vegna meiðsla sem hann hlaut í leiknum gegn Wigan. Emre verður mjög líklega ekki með en hann meiddist í leik með Tyrkjum á miðvikudag. Enrique á einnig við smávægileg meiðsli að stríða en ætti að vera tilbúinn í leikinn. Big Sam gaf í skyn að Faye og Beye myndu hugsanlega spila sinn fyrsta leik með Newcastle. Þá verður fróðlegt að sjá hvor mun standa á milli stanganna Given eða Harper en Harper hefur spilað alla deildarleiki hingað til en Given spilaði leikinn gegn Barnlsey í Carling bikarnum og spilaði báða leiki Írlands í síðustu viku. Hópurinn er svona:

Harper, Given, Enrique, N'Zogbia, Rozehnal, Taylor, Cacapa, Faye, Edgar, Beye, Milner, Geremi, Butt, Smith, Pattison, Viduka, Martins, Ameobi, Owen.

(FB)

14.Sept

Slúðrið í dag

# Big Sam er óánægður með að Taylor hafi fari með samningamál hans í fjölmiðla en vonast að málið leysist fljótlega.

# Newcastle ætlar að bjóða Nicky Butt nýjan samning.

# Big Sam ætlar ekki að taka neina sénsa með Owen og fylgist náið með honum næstu daga.

# Owen efaðist aldrei um sjálfan sig að hann gæti náð sínu fyrra formi eftir langvarandi meiðsli. “Ég fór til besta skurðlæknis í heimi (Dr Richard Steadman) og ég fékk bestu endurhæfingu sem völ er á”.

# Big Sam er ósáttur við að Emre skyldi koma meiddur til baka eftir landsleikjatörnina. “Ég veit ekki hversu mikið hann er meiddur en þetta eru vonbrigði” Sagði Big Sam.

# Big Sam hrósar Steve McClaren fyrir úrslitum Englands í síðustu tveimur leikjum og einnig fyrir valið á Heskey og Barry sem áttu góða leiki með landsliðinu.

(FB)

14.Sept

Big Sam "Nýju leikmennirnir tilbúnir"

"Þeir Faye og Beye eru báðir tilbúnir í slaginn og eru allt eins líklegir að spila sinn fyrsta leik með Newcastle gegn Derby á mánudag. Þeir eru báðir búnir að vera æfa á fullu í vikunni. Jose Enrique og Mark Viduka eru tæpir vegna smávægilegra meiðsla og það kemur í ljós á mánudag hvort þeir verða með".

(FB)

13.Sept

Emre ekki með gegn Derby

Það ætlar að ganga erfiðlega fyrir Emre að spila fyrsta deildarleikinn með Newcastlle á þessu tímabili. Eftir að hafa átt í erfiðum meiðslum í sumar þá var hann allur að koma til og hann spilaði sinn fyrsta leik á þessu tímabili í Carling bikarnum fyrir um tveimur vikum og þurfti að fara af velli vegna smávægilegra meiðsla sem hann jafnaði sig fljótlega á. Hann var svo valinn í landsliðshóp Tyrkja sem spilaði tvo leiki undanfarna daga. Hann fór svo útaf í leiknum í gær þegar Tyrkir unnu Ungverja 3-0. Emre hringdi strax í stjórann sinn og tilkynnti honum að hann hefði meiðst. Big Sam telur að hann komi ekki til með að spila leikinn gegn Derby á næstkomandi mánudag.

(FB)

13.Sept

Owen funheitur þessa dagana

Michael Owen skoraði tvö glæsileg mörk í 3-0 sigri Englendinga á Rússum í gær og er óhætt að segja að hann sé kominn í toppform. Hann lagði svo upp þriðja markið sem Rio Ferdinand skoraði. Owen hefur nú gert fimm mörk í síðustu fjórum leikjum sem hann hefur byrjað. Af öðrum leikmönnum er það að frétta að David Rozehnal og Shay Given mættust með landsliðum sínum í gær í Tékklandi þar sem heimamenn unnu Íra 1-0 og gerðu vonir Íra um að komast í lokakeppni evrópumótsins að engu. Rozehnal og Given spiluðu báðir allan leikinn. Emre kom inná í hálfleik þegar Tyrkir unnu Ungverja 3-0. Charles N´Zogbia spilaði 53 mínútur með u 21 landsliði Frakka í 2-0 sigri gegn Möltu. Steven Taylor og James Milner spiluðu báðir með u 21 liði Englendinga gegn Búlgaríu á þriðjudag í 2-0 sigri og átti Milner stóran þátt í báðum mörkum Englendinga. Taylor var fyrirliði liðsins og Milner bætti landsleikjametið með því að spila sinn 31 leik sinn fyrir u 21 landsliðið .

(FB)

12.Sept

Jey Barton á batavegi

Barton sem hélt uppá 25 ára afmæli sitt í síðustu viku hefur ekki enn sparkað í bolta síðan hann ristarbrotnaði í æfingaleik gegn Carlisle í júlí. Hann vonast eftir að geta byrjað að skokka í næstu viku og í viðtali á heimasíðu Newcastle sagði Barton "Ég er að gera léttar æfingar í lyftingarsalnum,

endurhæfingin gengur vel og allt er á áætlun. Meiðslin hafa verið erfið vegna þess að ég er að koma í nýtt lið og vill spila eins mikið og ég get til að sýna áhangendum að það hafi verið að fjárfesta í leikmanni sem þeir vilja.

(FB)

12.Sept

ATH Hópferð á leik Newcastle - Liverpool 24 nóv

Klúbburinn stefnir er að því að fara eina hópferð fyrir áramót og svo aðra eftir áramót. Klúbburinn getur fengið 15 miða á leik og reynt verður að fá miða á leik Newcastle gegn Liverpool þann 24 nóvember. Það gæti reynst erfitt að fá miða á umræddan leik en við ætlum að kanna málið. Áhugasamir hafa samband við formann klúbbsins e-mail newcastleis@newcastleis.com (fyrstir koma fyrstir fá)

(FB)

12.Sept

Andy Carrol með mark í sínum fyrsta landsleik

Carroll sem er í láni hjá Preston var valinn í enska u 19 landsliðið á dögunum og spilaði sinn fyrsta leiki í gær. Leikið var gegn Hvít Rússum á Meadow Lane heimavelli Notts County og sigraði England 4-0, Carroll skoraði annað mark Englendinga á 15 mínútu. Næsti leikur liðsins er gegn Íslendingum þann 12 október næstkomandi á Keepmoat Stadium hemavelli Doncaster Rovers og verður gaman að sjá hvernig Carroll stendur sig gegn okkur Íslendingum.

(FB)

11.Sept

Ný "Wallpaper"

Búið er að setja upp mikið af nýjum myndum á wallpaper tengilinn. Það þarf bara að smella á viðkomandi mynd og til að fá hana í réttri stærð þá er tengill til hægri "download photo" sem smella þarf á og svo smella á "open" og svo hægri smella á "set as desktop backround" . Er þetta gert til að spara pláss á vefsíðunni en svona myndir taka mikið pláss. Búið er að gera myndasíðu og er ætlunin að setja þar inn fullt af myndum sem tengjast klúbbnum eða liðinu.

(FB)

11.Sept

Geremi hefur fengið gælunafnið "Mandela"

Steve Harper fer fögrum orðum um fyrirliðan Geremi. "Ég kalla hann Mandela vegna þess að hann talar eins og Nelson Mandela. Það eru allir farnir að líta upp til hans, hann talar nokkur tungumál og með svo marga leikmenn frá mörgum þjóðum þá er það mjög gott. Hann talar frönsku, spænsku og ensku, hann er róleg týpa en ákveðinn þannig að hann er flott val sem fyrirliði. Hann er einn af strákunum, hann er búinn að spila með liðum eins og Chelsea og Real Madrid. Það er gott að hafa hann í búningsklefanum og menn bera mikla virðingu fyrir honum" sagði Harper. Geremi var skipaður fyrirliði í byrjun tímabilsins eftir að hafa verið fyrirliði í nokkra æfingarleiki og er Newcastle taplaust eftir fimm leiki.

(FB)

11.Sept

8499 heimsóknir í ágúst

Aldrei hafa fleiri heimsótt heimasíðuna okkar frá því að hún var sett á laggirnar en í ágúst en þá voru 8499 sem kíktu inn á síðuna eða um 274 á dag að meðaltali. Flestar heimsóknir voru 455 einn daginn sem þykir mjög gott.

Fyrra metið var í maí á þessu ári en þá voru 6746 sem kíktu inn á síðuna. Alls hefur heimasíðan fengið 86747 heimsóknir frá stofnun hennar í maí 2006 eða 173 heimsóknir á dag að meðaltali. Árið 2006 voru 133 heimsóknir á dag að meðaltali en það sem af er á þessu ári er meðaltalið 212, þannig að talan fer ört hækkandi.

(FB)

10.Sept

Meiðslalistinn

Þeir sem eru meiddir hjá Newcastle eru:

Mark Viduka, tognaður í læri væntanlegur til baka 17 sept. Celestine Babayaro, nárameisðsli væntanlegur til baka 17 sept. Joey Barton,ristarbrotinn, væntanlegur til baka 23 sept.Steve Carr, væntanlegur til baka 7 okt. Damien Duff, ökklameisðli væntanlegur til baka 3 nóv. Peter Ramage, slitin liðbönd væntanlegur til baka april 2008.

(FB)

10.Sept

Big Sam "Framtíð Emre er ekki til umræðu þessa stundina"

Um helgina hefur mikið verið ritað um framtíð Emre hjá Newcastle og hefur hann verið orðaður við fyrrverandi félagið sitt Galatasary. Hann spilaði 90 mínútur með Tyrkjum á laugardag og er óðum að komast í form eftir langvarandi meiðsli. Þegar Big Sam var spurður út í Emre svaraði hann "Það er ekki möguleiki að hann sé á förum vegna þess að leikmannaglugginn er lokaður þannig að hann fer hvergi." En það er nokkuð ljóst að Emre þarf að hafa fyrir því að komast í byrjunarliðið eftir ágæta byrjun Newcastle á tímabilinu.

(FB)

10.Sept

Ramage frá allt tímabilið

Ramage sleit liðbönd í leiknum gegn Boro í síðasta mánuði. Hann verður allavega frá í sex mánuði og hann telur mjög ólíklegt að hann spili aftur á þessu tímabili. "Ég vissi að eitthvað mikið var að þegar hnéð gaf eftir þegar ég lenti ,þetta var mjög sársaukafullt en það var ekki fyrr en ég fór í skoðun hvað hafði komið fyrir. Ég mun missa af nánast öllu tímabilinu ef ekki öllu og ég er búinn að undirbúa mig fyrir það." sagði Ramage.

(FB)

9.Sept

Landsliðs yfirferð

Michael Owen spilaði allan leikinn með Englendingum á Wembley í gær gegn Ísrael í 3-0 sigri. Owen skoraði annað mark Englendinga og var það sérlega glæsilegt. Shay Given spilaði allan leikinn með Írum gegn Slóvakíu í 2-2 jafntefli. David Rozehnal spilaði allan leikin með Tékkum gegn Möltu í 3-0 sigri Tékka. Þeir Given og Rozehnal mætast svo á miðvikudag þegar Írar og Tékkar mætast í Prag. Emre spilaði allan leikinn með Tyrkjum í 2-2 jafntefli gegn Möltu. Abdoulaye Feye var í leikmannahóp Senegala sem sigraði Burkina Faso 5-1. Á föstudaginn spiluðu Milner og Taylor allan leikinn með U 21 landsliði Englendinga í 3-0 sigri gegn Serbíu. N´Zogbia spilaði sinn fyrsta landsleik með U 21 landsliði Frakka í 1-0 sigri gegn Wales. Það er mjög jákvætt fyrir Newcastle að þeir Given, Emre og Owen skyldu spila heilan leik með landsliðum sínum sem sýnir að þeir eru allir að komast í gott leikform. Af samningamálum hjá Steve Taylor er það að frétta að Newcastle ætlar að bjóða honum betri samning en þeir buðu honum fyrir helgi. Ég ætla bara rétt að vona að samningar náist hjá þeim því ég get ekki hugsað mér að að sjá hann í öðru liði en Newcastle.

(FB)

7.Sept

Taylor hafnar nýjum samningi

Samkvæmt fréttum hjá bæði BBC og Sky Sports hefur Steven Taylor neitað nýjum 5 ára samningi. Taylor er búinn að tryggja sig í byrjunarliði Newcastle en hann er fæddur og uppalinn í Newcastle. Alf Taylor faðir hans segir að hann vilji hvergi annarsstaðar spila en samningstilboð Newcastle hafi verið vonbrigði. Stuðningsmenn eru búnir að sjá menn eins og Luque og Boumsong koma til félagsins og þiggja mjög há laun og halda að Taylor sé einnig með svipuð laun og þeir, en svo er ekki. Hann er heimamaður og vill spila fyrir heimaliðið sitt. Samningur hans rennur út í júní 2009.

(FB)

6.Sept

Beye og Feye komnir með númer

Senegalarnir Beye og Feye eru komnir með númer hjá Newcastle en þeir voru keyptir til Newcastle á síðustu stundu félagsskiptagluggans þann 31 ágúst síðastliðinn. Habib Beye valdi númer 21 og Abdoulaye Faye valdi númer 25, það sama og hann var með hjá Bolton. Skoða má leikmannalistann hér.

(FB)

4.Sept

N´Zogbia gerir fimm ára samning

Undir lok síðasta tímabils leit út fyrir að N´Zogbia væri á leið frá Newcastle en aðstæður hafa breyst hjá honum og hann hefur gert nýjan fimm ára samning við Newcastle eða til ársins 2012. "Ég er mjög ánægður að hafa gert nýjan samning og ég sé að framtíð mín er hjá Newcastle því þetta er frábær klúbbur. Ég játa að undir lok síðasta tímabils var ég ekki sáttur hérna og hugsaði mér til hreyfings. En allt hefur breyst við komu nýja stjórans. Mér hefur alltaf liðið vel hér í borginni, stuðningsmennirnir frábærir og ég vill vera hér áfram." Sagði N´Zogbia á heimasíður Newcastle í dag.

(FB)

4.Sept

Charles N´Zogbia í U 21 landslið Frakka

N´Zogbia hefur byrjað tímabilið mjög vel með Newcastle, hann hefur gert tvö glæsileg mörk og var í gær valinn í 21 árs landslið Frakka sem mætir Wales á föstudag og Möltu á miðvikudag í næstu viku. Newcastle er með 12 leikmenn sem spila með landsliðum sínum nú í vikunni. Michael Owen og Alan Smith eru í landsliðshóp Englendinga sem mætir Ísrael og Rússlandi. Emre (Tyrkland) David Rozehnal (Tékkland) Shay Given (Írland) Abdoulaye Faye(Senegal) Obafemi Martins (Nígería og Geremi (Kamerún) eru einnig að spila með sínum landsliðum. James Milner og Steven Taylor eru með 21 árs landsliði Englendinga og er Taylor fyrirliði. Milner kemur til með að setja landsleikjamet en hann og Scott Carson hafa báðir spilað 29 leiki með 21 árs landsliðinu. Loks er Andy Carroll sem er í láni hjá Preston með 19 ára landsliði Englendinga.

(FB)

2.Sept

Mike Ashley

gjafmildur á barnum

Eftir sigurleikinn gegn Barnsley í síðustu viku skrapp Ashley ásamt stjórnarformanninum Chris Mort á Blue Bambu til að fagna sigrinum en þegar hann ætlaði að labba inn var honum meinaður aðgangur vegna þess að hann var í Newcastle treyjunni sinni. Chris Mort útskýrði fyrir bareigandanum hverjir þeir væru og eigandinn breytti reglunum á staðnum og leyfir hann nú eigendum fótboltaklúbba sem eru í treyju síns liðs inn á barinn. Þeir félagar sátu í VIP herberginu, eyddu góðri stund með stuðningsmönnum og Ashley splæsti svo drykk á alla sem voru inni á barnum eða um 300 manns og tipsaði svo starfsmenn staðarins um 60 þúsund krónur. Reikningurinn hjá Ashley var um 320 þúsund krónur.

Alvöru maður hann Mike Ashley. Hann fær stórt hrós frá mér.

(FB)

2.Sept

Habib Beye kynntur fyrir leik

Senegalinn Habib Beye var kynntur stuðningsmönnum Newcastle fyrir leikinn gegn Wigan í gær. Beye er 29 ára gamall og getur spilað sem hægri bakvörður og einnig sem miðherji. "Það er mér sönn ánægja að koma hingað og mig hlakkar mikið til að vinna með Sam Allardyce. Ég veit mikið um Newcastle, þeir eru frábært félag ekki bara í Englandi heldur líka í Evrópu. Mig langaði alltaf að spila í úrvalsdeildinni vegna þess að hún er ein sú besta í heimi og ég tel mig passa vel í hana." sagði Beye.

(FB)

1.Sept

Newcastle - Wigan 1-0

Owen 87

Loksins mark á St James Park

Það var Michael Owen sem braut

ísinn á 87 mínútu á St James Park í dag eftir að Newcastle hafði sótt látlaust allan leikinn. Newcastle hafði ekki skorað úrvalsdeildarmark á heimavelli síðan Nolberto Solano skoraði sigurmarkið í 2-1 sigri gegn Liverpool þann 10 febrúar. Newcastle byrjaði leikinn vel í dag og Owen fékk gott færi snemma leiks en Kirkland varði vel frá honum. Owen kom svo boltanum í markið en það mark var dæmt af vegna rangstöðu. Í endursýningu sést að það var greinilega rangur dómur. Newcastle átti að fá vítaspyrnu stuttu seinna þegar fyrrum liðsmaður okkar Titus Bramble handlék boltann innan teigs en Steve Bennettt var sá eini á vellinum sem sá það ekki. Steve Taylor átti svo hörkuskalla í slánna undir lok fyrri hálfleiks og staðan því 0-0 í hálfleik. Í byrjun seinni hálfleiks fékk Kevin Kilbane sitt annað gula spjald og þar með rautt. Wigan því einum leikmanni færri það sem eftir lifði leiks. Newcastle átti gjörsamlega leikinn enda reyndu leikmenn Wigan að halda fengnum hlut og eins og góður maður sagði um daginn þá slógu Wigan menn upp útihátíð fyrir framan vítateig sinn í seinni hálfleik. Newcastle fékk nokkur góð færi til að skora, þeir Ameobi,og Butt fengu bestu færin. En það var ekki fyrr en á 87 mínútu að Owen skoraði með skalla inní markteig eftir frábæra sendingu frá Martins af hægri kantinum. Það var miklum tíma bætt við leikinn og var það vegna þess að Heskey var í því að setja olnbogann í andlitið á leikmönnum Newcastle og fengu þeir Butt, Taylor og Harper allir að finna fyrir honum. Heskey fékk að líta gula spjaldið í byrjun seinni hálfleiks fyrir mótmæli en slapp svo við gróf brot og var í raun ótrúlegt að hann skyldi hanga inná allan leikinn. Fyrsti heimasigur Newcastle á tímabilinu staðreynd og virkaði liðið mjög sterkt og hefði átt að vinna töluvert stærri sigur, en 1-0 var það og þrjú stig er bara gott mál.

Michael Owen byrjaði inná ásamt Viduka í framlínunni og þurfti því Martins að verma bekkinn að þessu sinni en hann kom inná á 66 mínútu fyrir Smith og það var fagnað gífurlega á St James Park þegar Martins kom inná. Ameobi kom inná fyrir Viduka sem meiddist strax í byrjun seinni hálfleiks. Lið Newcastle í dag:

Harper, Taylor, Cacapa, Rozehnal, N´Zogbia, Milner, Geremi, Butt, Smith (Martins 66), Viduka (Ameobi 46), Owen.

Varamenn: Given, Edgar, Pattison.

Skot á mark: NUFC 20 – Wigan 7

Gul spöld: Smith, N´Zogbia

Áhorfendur: 50.461

Maður leiksins: Michael Owen

(FB)

1.Sept

Newcastle mætir Arsenal

Big Sam fer með Newcastle á Emerates Stadium í þriðju umferð Carling bikarkeppninnar. Liðin mættust síðast í deildarbikarnum árið 1996 og þá vann Arsenal í átta liða úrslitum. Arsenal spilaði til úrslita á síðasta tímabili en töpuðu gegn Chelsea. Reikna má með að Arsnene Wenger stilli upp ungu liði í kepnninni líkt og hann hefur gert síðustu ár. Annars er drátturinn svona:

Blackburn v Birmingham
Reading v Liverpool
Manchester United v Coventry
Tottenham v Middlesbrough
Hull v Chelsea
Blackpool v Southend
West Ham v Plymouth
Arsenal v Newcastle
Luton v Charlton
Manchester City v Norwich
Sheffield United v Morecambe
Sheffield Wednesday v Everton
Fulham v Bolton
Burnley v Portsmouth
Aston Villa v Nottingham Forest or Leicester
West Brom v Cardiff

(FB)